الشكر لله
انا كمان هقوم دلوقتى وابدا اذكر وادخل بليل اقول خلصت اية

ماشاء الله عليكى ياهالة فكرتك جميلة وتسلم ايدك عالتوبيك الجميل ده وعلى فكرة انا اكبر منكم بسنة لكن حصلى ظروف فى الامتحانات ومعايا السنة دى احياء ومستوى رفيع لانى علمى علوم وانا تحت امركم فى اى حاجة تحتاجونى فيها او اى استفسار لانى فاكرة حاجات كتير فى المناهج بالذات الانجلش والنحو والبلاغة .
اسفة على الاطالة وربنا يوفقكم جميعا ويوفقنى انا كمان وادخل الكلية اللى بحبها وبتمناها من ربنا .

تمام اوووي ، أنا ذاكرت امبارح شوية تاريخ مش كتير اوي عشان تعبان شوية
و النهارده هذاكر أحياء بإذن الله .

ربنا يخليكى والله انا طبعا الحمد لله وعارفة قدرات نفسى كويس انى الحمد لله متفوقة بس طبعا الحظ مش مساعدنى وبحل كويس وكل حاجة وفى الامتحانات كمان بس مش بجيب مجموع فا الحمد لله كل كل حال وربنا عالم بكل انسان فا خطرت فى بالى الفكرة دى لانى السنة دى مخنوقة خالص ومش بذاكر اوى مع انى مثلا لو قعدت ساعة بخلص حاجات كتير دى ميزة فيا بس مش بستغلها فا قولت اجرب نشجع بعص والحمد لله ناس كتير شاركت والموضوع شكلة نفع
ويارب تدخلى الكلية الى حضرتك عايزها يارب ويوفقنا كلنا السنادى

طيب كويس خالص لو كل يوم ذاكرت حاجة اكيد هتشجع انك تذاكر على طول
وربنا يوفقنا

ربنا ينورلك طريقك يا هالة ويحققلك اللى انت بتتمنيه ويسعدك ويجازيك على كل طيب بتعمليه انتى بجد تسحقين كل خير على تعاونك واهتمامك بنا وتقديمك للموضوعات التى بتساعدنا اننا نتخطى الصعاب ونكمل طريقنا للاخر .....................

اولا انا طالبة زيكم وطبعا اكيد عارفة كل واحد حاسس باية ونفسة فى اية انا حتى عندى فى المدرسة بحب اوى اساعد البنات بس هما بيقدمولى العكس تماما واتمنا انى اكون فعلا ساعدت حد ولو بجزء بسيط وربنا يوفقنا ويحقق كل احلمنا كلنا يارب

الحمد لله ، ذاكرت Unit13 و خلصته
بس تعبت و ملحقتش اذاكر أحياء كتير ..
لكن لما حالتي تتحسن المعدل هيزيد بإذن الله

لكل علمي علوم انهاردة باقي في الشهر 6 ايام
راي ناخد في الكيميا في اليوم الاول اول 3 ابواب وبعد كده كل باب ليه يوم والعضوية تتقسم على ال6 ايام يعني في اليوم الاول الهيدروكربونات اللي هيا البداية والالكانات والالكينات والاكاينات والتاني البنزين والتالت الكحولات والرابع الفينولات والخامس الاحماض والسادس الاسترات

اخباركم شباب
امتحنت فلسفه انبارح ومجبتش مجموع حلو بس بجد حسيت اني بعمل حاجه حلوه جدا
انا خايف جدا من العربي لو حد عنده خطه للعربي ممكن يساعدني

لا اصل اول 3 ابواب سهلين اوي ومرتبطين ببعض

الحقيقة والله مامخلص الكيميا بقالي الاحماض والاسترات وانا كمان زي حالة حضرتك كده كل باب مش مذاكره اوي بس احنا نعتبرها مراجعة علشان الوقت كاننا بنذاكر الباب واول مرة واللي عنده مراجعة على كل باب ياريت يحلها كلها بعد مايذاكر بضمييييييييييييييييييييييييييير لان مفيش وقت الواحد يضحك على نفسه فيه تاني

موضوع جميل جداا يا هالة ربنا يباركلك ومش هقول حاجه تانية ربنا هو اللى هيكافئك من عنده
وانا معاكم ان شاء الله وانا زى ماانتى عارفة سنه3 علمى احياء السنادى
ان شااء الله ابدأ بالاحياء

انا معاكى احياء لو عاوزة نراجعها مع بعض مفيش مشكلة :022yb4:

شكرا علي مساعدتك وان شاء الله احاول اظبطه بالطريقه دي بس هراجع الاول علي النحو و البلاغة عشان انتهي منه8 في الاول كده بجد شكرا كمان مره و ع فكرة انا 3 ث

كويس جدا انا هقولك بقى نحو تالتة بيتذاكر ازاى طبعا زى ماانت عارف ان النحو مفتووح جدا فى تالتة ومهما تذاكر فيه هتحس انك مش قادر تلمه انا كنت بحل قطع كتيييييييييييييييييييييييييير جدا والقاعدة اللى مش فاكراها اجيبها من الكتاب اذاكرها وطبعا لما اجى اطبق عليها تانى تكون ثبتت خلاص وبالتكرار فى الحل هتلاقيك لميت النحو كله بالنسبة للبلاغة هما خمس اسئلة بالظبط لو حفظتهم هتجيب ال 3 درجات بتوع البلاغة ولو عاوزنى احطهملك مفيش مشكلة بس الاول هدور عالورق ويارب الاقيه . اتمنى تكون استفدت تانى واى استفسار او مساعدة انا تحت امركم جمييييعا.:022yb4::rolleyes:

بجد والله انا استفدت منك كتير
جزاكى الله كل خير

شكرا ليكي واسئلة البلاغة المستر عطهيا لنا هو بس مشكلتي في النحو دا بس عايز المه قبل ما ابدأ مذاكرة وان شاء الله هبدأ من بكرة اما بالنسبه
للقراءه فدي مطمن عليها حبه عشان كنت ذكرتها قبل كده
و ياسلام بقي ع قصة الايام مش هقولك عليها قصة سقعانة جدا بجد يعني وفي رأيك اذاكر الادب دلوقتي ولا اية وبالنسبه للنصوص طريقة مذكرتها ازاي و مذاكرة مظاهر الجمال وشكر كمان مره

جزانا واياكى ياهالة . ربنا يوفقك للخير .

اولا الادب لازم تبدأ فيه علشان مليان وبالذات بتاع تالتة فلما هتخلصه هتحس انك اطمنت اما النصوص خليها اخر حاجة خالص ومظاهر الجمال بالنسبة لمذاكرتها هى مبتتحفظش وبتعتمد طبعا على فهمك للنص والبلاغة وانك تبقى مركز مع المدرس وهو بيشرحها 100% علشان تقدر تطلع مظاهر الجمال لوحدك يعنى مثلا لو انت فاهم شرح الاستعارات والكنايات عامة هتقدر تطبقها على اى نص يعنى الخلاصة مظاهر الجمال = فهم معانى النص + فهم البلاغة
ثانيا القصة متقلقش منها حاول تخلص اول جزء مذاكرة يعنى مثلا خد فصل كل يوم مع درس الادب اللى هتذاكره
والجزئين التانيين خليهم مع النصوص للاخر ومش لازم تتقنهم اوى زى الجزء الاول بصراحة انا كنت داخلة الامتحان بالجزء الاول لان المستر قالنا لازم بيجى من اول جزء وزى ماانت عارف بيجى سؤالين فى القصة وانت بتختار واحنا فعلا جالنا سؤال من الجزء الاول حليته وخلاص وسبت التانى بس كنت مكملة الجزئين التانيين قراءة
نسيت اقولكم ان الادب ذاكروه من مذكرة لان اسئلته بتيجى بسيطة وواضحة فلو ذاكرتوه من الكتاب هيضيع وقت وكمان مش هتتقنوه كويس فانتوا توفروا الوقت ده لمادة تانية .
بالتوفيق واى استفسار تانى انا تحت امركم .:022yb4::)

انا جهاااااااااد بس ولد وعايش في السعودية

انا كمان عايشة في السعودية و الفكرة دي حلو اوي

اكيد انت ثانوية مصرية منازل صح

اه صح ربنا معانا كلنا يارب

طيب استنو بقا لما افكر في جدول هيعجبكو كلكو

بجد متشكر ع نصايحك الغالية ديوان شاء الله ربنا يقدرني واعمل بيها واجيب مجموع حلو السنة دي متشكر كمان مره

ان شاء الله تجيب مجموع حلو ولاشكر على واجب كلنا هنا اخوات واى حاجة تانية او مساعدة فى اى مادة انا خدتها انا تحت امركو . بالتوفيق.:022yb4::)

جدول الكيميا
الاربعاء مراجعة اول 5 ابواب مع الهيدروكربونات
الخميس الباب السادس الكحولات والفينولات
الجمعة السابع الاحماض العضوية
السبت الثامن الاسترات
وبكده يكون خلص شهر 3 واحنا خلصنا الكيما عايز اسمع رايكو علشان اقول بقيت المواد ونبدأ بجد

جهاد حلو اووووووى شكرا ليكى

انا تانيه ثانوى علمى المواد
كميا \ عربى \ رياضة \ انجليزى \ فرنش

اية محدش بيدخل الموضوع يعنى المهم
انا غبت شوية عن المنتدى والحمد لله خلصت الفلسفة وعلم النفس والتاريخ باقى خمس ابواب