|
اقتباس:
م هو موقف كوميدى جدا جدا وزى العسل وربنا المهم كل يومين كده واحد صاحبى يقولى فاكر ي خالد لما مدرس الكيميا عمل كذا وكذا ونقعد نضحك بهستيريا شديده ياااااااااااا الأيام دى كانت جامده جدا إن شاء الله قريب يوم 3 منوره |
اقتباس:
م هو موقف كوميدى جدا جدا وزى العسل وربنا المهم كل يومين كده واحد صاحبى يقولى فاكر ي خالد لما مدرس الكيميا عمل كذا وكذا ونقعد نضحك بهستيريا شديده ياااااااااااا الأيام دى كانت جامده جدا إن شاء الله قريب يوم 3 منوره |
لا برصاحة جامدة موووووت يا خالد اما حتة كاسفة فاضحك نفسك علطول بس والله اكيد ايام متتنسيش
انا بقا ميزتى ان المدرسين شهر شهرين يفتكرونى ايه ملاك قاعد معاهم او يعنى قد اكون ضعيفة يجى موقف مثلا بنت حبت تتستخف دمها او لد مش تمام او حاجة تلاقى العرق الصعيدى طلع وبهدلت كرمتها والاستاةذ لما يعرفه قولو ايه دى مريم مستحيييييييل تكون هى الى عملت كدة فكرنى بسكوته بقا بس على مينههههه |
اقتباس:
ههههههههههههههه كلنا كده ي مريم والله ف الأول ملايكه بس بعد شويه بنطلع المواهب ههههههههه منوره التوبيك |
اقتباس:
|
اقتباس:
منور باهله يا خالد |
ها
فى انتظار اليوم الثالث.... |
اقتباس:
|
اقتباس:
هههههههههههههه إعمل عبيط إعمل عبيط |
يا جماعه الناس إللى حقول أسمائها دلوقتى
دى من أحسن أحسن م شوفت هنا ف المنتدى الرائع ده خالد مصطفى : سعيد إنى إتعرفت عليك .. أحبك ف الله إسحاق نيوتن : حبيبى بجد ويارب ف أحسن حال أحمد هولز : إنسان لذيذ جدا ومرح وطبعا منساش عصير البرتقال إللى إتدتهولى د/ محمد طه : طبعا إنسان رائع وأرائك ممتازه وكثير م إستفدت منها إيزل كومنج : ردودك كلها جميله وموضوعاتك رائعه هاله 55 : مثال للأحترام وخفه دم البنت المصريه سها صقر : قمه ف الذوق والأدب والموضوعات بتاعتك جميله جدا ساره ماكس : موضوعاتك ممتازه وردودك كلها قمه ف الجمال ويسبقككم بالطبع الأستاذ / أيمن نور الشخصيه المحترمه العظيمه .. جزاك الله كل خير وغيرهم مما يعجز القلب نسيانه |
اقتباس:
إن شاء الله بحاول أفتكر يوم حلو عشان فيه شويه أيام حنكد عليكم فيها فبفكر ف الحلو الأول وبعدين نقلب حزاينى ههههههههههه |
أوه أوه أوه
إيه الجمال ده ي معلم عامل موضوع كمان أيوه ي سيدى م إنت الأحد وإحنا السبت أهى أهى أهى ليا تعليق واحد هو " مصر جنه الحسن " بقى " مصر جنه خضراء " وللا دى إفتكاسه منك يعنى ههههههههههههه |
آمين ي رب العالمين
بس ع فكره هو لو عايز يجيب إمتحانات سواد وم حدش يقدر يفتح بقه حيعمل كده لما يجيب أسئله من الدليل ... وم أدراك م الدليل ( الرياضه 2 وشويه فيزيا ) ركزوا وشدوا وربنا معاكم ي رب |
اقتباس:
ماشى مفيش مثلا ايام رحلات تانية ولا احراجات تانية ولا حاجة من القبيل دا |
خالد فين اليوم الجديد مستنيينك متتاخرش بقى
|
اقتباس:
|
اقتباس:
|
فين جزء النهارده؟؟؟؟؟؟؟؟؟؟؟
|
خالد راح يجيب حاجة من القسم اللى جنبنا
|
جزءإنهارده حنزله طبعا أنا مرحتش ف حته بس عامل عبيط شويه ههههههههههه |
اقتباس:
|
اليوم الثالث
كنا فى أولى ثانوى ، وطبعا عارفين إن أولى ثانوى دى هرج ومرج وعدم مذاكره ولا حتى كنا بنحدر حصص المدرسه ، المهم كان عندنا حصه جغرافيا وكانت المدرسه نفيخه شويه ومحدش بيطيق يحضرها 5 دقائق على بعض ، فقولنا خلاااااص نكبر من حصه الجغرافيا وننزل نلعب ماتش قدم فى الملعب بتاع المدرسه وهى لما تدخل الفصل ومش تلاقى حد حتطلع وتكبر مننا ، المهم قسمنا الفرق وأخوكم ما شاء الله لا يفقه شيئا فى كره القدم أعول عويل فى صحابى ، فكنت لما أحب أخطف الكوره من واحد صاحبى أديله شنكل أنطوره من الملعب ، وصحابى كانوا بيحبوا ينزلونى معاهم فى الفريق عشان كده ، كان أى حد يكون معاه الكوره وشايفنى جاى عليه يسيب الكوره ويطلع يجرى من الملعب ، المهم واحد من الفريق التانى إتغاظ منى م أنا عمال أشنكل فيهم وطبعا لا فيه فاول ولا بلنتى ولا حاجه ، المهم راح دخل عليا بكل قوته وإدانى حتت شنكل أنا إتخبط من هنا وفرشتلهم على الملعب من هنا وصحابى مستغربين " خالد يتشنكل ، خالد معقوله دى !!!!!! " المهم أنا فكرتها شنكله وحتعدى وحقوم أكمل لعب لقيت ركبتى بتوجعنى جدا جدا فقولنا خلاص مش حنكمل لعب ونروح نصلى الظهر المهم أنا إللى بصلى بيهم على طول ولسه بركع مش قادر أقوم ولا قادر أسجد حتى ، شكل الموضوع كبير بقى المهم روحت البيت ورحت لدكتور بليل قالى " ده رباط صليبى " طبعا الموضوع كبير أوى كده بقى وبدأت أروح لكذا دكتور منهم من قال " عمليه فورا " وناس تانيه تقول " لا كدمه وتعدى " وفعلا والله كان عنده حق ولا طلع رباط ولا حاجه ومن ساعتها وحرمت ألعب كوره تانى وإعتزلت الملاعب ولغايه دلوقتى أقعد أفتكر اليوم ده وأقول لنفسى " ده ذنب صحابى إللى كنت بوقعهم " وإلى اللقاء فى يوم قادم ، إنتظرونا ..... ( 3 ) |
اقتباس:
|
ههههههههههههههه
من حفر حفرة لاخيه وقع فيها هههههههههه معلش ياخالد وقعة تفوت ولا حد يموت هههههههههه |
اقتباس:
هههههههههههههه قلبتوا عليا المواجع بس مش مشكله أنا ببقى سعيد جدا وأنا بكتب الايام دى بس بجد كانت ذكريات جامده جدا منوره التوبيك |
اقتباس:
http://www.thanwya.com/vb/life/icons/new_.gifhttp://www.thanwya.com/vb/life/icons/new_.gifhttp://www.thanwya.com/vb/life/icons/new_.gifhttp://www.thanwya.com/vb/life/icons/new_.gifhttp://www.thanwya.com/vb/life/icons/new_.gifhttp://www.thanwya.com/vb/life/icons/new_.gifhttp://www.thanwya.com/vb/life/icons/new_.gifhttp://www.thanwya.com/vb/life/icons/new_.gifhttp://www.thanwya.com/vb/life/icons/new_.gifhttp://www.thanwya.com/vb/life/icons/new_.gif |
اقتباس:
منتظرين اليوم الرابع بقا |
اقتباس:
لا بكره بقى متبقيش طماعه كده هههههههههههه منوره التوبيك |
اقتباس:
هههههههههههههههههههههه ربنا بيخلص منك ذنب اصحابك |
اقتباس:
ههههههههههههه إنتى شمتانه فيا ولا إيه ههههههه يلا ذنب ناس بتخلصه ناس ع رأيك منوره التوبيك |
اقتباس:
هههههههههههههههههههههههه اللهم لا شماته |
اليوم الرابع
كان آخر يوم فى الإمتحانات وكان يوم إمتحان المستوى ، المهم أنا كنت واخد مستوى عربى نمت صحيت فى يوم قلت أحول رياضه _ كنت مفكر نفسى إقليدس _ المهم طبعا داخل الإمتحان مرعوب من الرياضه عشان الرياضه السنادى جت إلى حد كبير مش لطيفه فقلت " أكيد طبعا حيكملوا علينا بالمستوى " توكلت على الله ودخلت اللجنه وأنا ركبى بتخبط فى بعض وأعصابى بايظه خالص ، المهم بدأوا يوزعوا ورق الإمتحانات العربى والجغرافيا والانجلش والفلسفه وأنا قاعد مستنى الفرج من عند الله ، الله الساعه جت 9:15 ولسه ورقه الرياضه مجتش ، قمت للمراقب " يا مستر أنا بمتحن مستوى رياضه وورقتى لسه مجتش " قالى " ثوانى أروح لمراقب الدور وأجيلك " راح شويه وجه وقالى " إمتحان الرياضه متطبعش " أنا سمعت الكلام ده وزهلت منه على الآخر متطبعش أمال أنا جاى أعمل إيه إنهارده ، المهم شويه وجابلى الورقه بتاعه الأسئله وكمان ورقه إجابه ده كان الساعه 9:30 ، المهم سميت الله وبدأت أحل فى الإمتحان بعد متوترت على الآخر حليت طبعا إللى أعرفه وأسيب إللى مش عارفه للآخر ، لقيت الساعه 11:30 وسايب نص الإمتحان ، المهم دخلت على إللى سايبه فى الأسئله وخبطت فيه أى حاجه المهم مش أسيب سؤال فاضى وطبعا اللجنه كانت هايسه على الآخر وبتوع العربى عايشين الحياه ميه ميه وأنا قاعد أكل فى نفسى عشان أخلص المهم خلصت على الوقت بالظبط وسلمت الورقه وأنا مش عارف " طب إللى حليته ده صح ولا غلط ؟؟؟" المهم طلعت من اللجنه مبسوط لإنى خلصت من كابوس كبير جدا فى حياتى وحمدت ربنا على كل حال بس كان يوم صعب عليا جدا وإلى اللقاء فى يوم قادم ، إنتظرونا .... ( 4 ) |
يعنى احنا ياخالد مش طايقين رياضة 2 وانت كمان رايح تاخد مستوى رياضة
هههههههههههه طب السؤال المحرج بقا جبت كام فيه؟؟؟ |
اقتباس:
هههههههههههههههه جبت 4 ببركه دعا الوالدين وصلاه الفجر |
اقتباس:
لا كتير ياخالد دا امتحانات الرياضة كانت فظيعة امال المستوى ايه بقا |
اقتباس:
أهااااااااااااا ليه كتير عليا 4 ؟؟؟؟؟؟؟ مقولتلك ده ببركه دعا الوالدين بقى |
اقتباس:
بس قصدى كتير على امتحان رياضة ههههههههههه دا انا الرياضة دى ضيعتنى السنة دى خالص |
اقتباس:
جايز لو كنت خدت ماده تانيه غير الرياضه مكنش ربنا وفقنى فيها ربنا بيسبب الأسباب |
بس كان موقف صعب جدا لما أكون قاعد ف لجنه ومراقب يقولى ورقه الامتحان متطبعتش هههههههههه ليه يعنى الكهربا قطعت زى دلوقت كده |
اقتباس:
هههههههههههه انا بقا لو مكانك كنت هقول يلا اهي جات من عندهم وهخرج امشي وخلاص واروق دماغي في انتظار الجديد |
اقتباس:
ليه يعنى التكبير ده هههههههه أسيب الإمتحان وأعمل إيه لما أطلع لأمى من أول م يبدأ الامتحان ي فرحتها بيه لو عملت كده ههههههههههه |
مش قولتلك يا خالد اسطووووووووورة
بجد سرد رائع بس احلى حاجة انها اجزواء منفصلة اه ارحم شوية من الرعب الى كنت بتعملهونا دة وعلى اخر كلمة وتنهى بنترونا ياباااااااااااى بس مستنين باقى الاجزاء دام ابداعك |
اقتباس:
ههههههههههههههه لان وقتها كنت هقول لنفسي في الامتحانات الاساسيه ذاكرت ودخلت لقيت حاجات عجيبه قدامي امال هعمل ايه بقا في ماده مذاكرتش فيها غير 3 دروس بس من 14 كداكدا ورقتي فاضيه يبقي اوفر وقتي احسن |
اقتباس:
ههههههههههههه مهو ده إللى مضايقنى إنها مفيهاش تشويق ولا إنتظار بس ملحوقه ف موضوعات تانيه منوره |
اقتباس:
أهااااااااااااا العربي ده مشكله 14 درس كتير برده توفرى وقتك ؟؟؟؟ أكيد قصدك للعب عشان المستوى كان آخر يوم إلا إذا كنتى واخده لإقتصاد وإحصاء |
اقتباس:
لا طبعا اقتصاد مين ؟؟؟:excl:ع الاجازه تبدا واتذوق طعم الحرية يااااااااااه |
أوعدكم من اليوم السادس وباقى الأيام بحلقات محزنه للغايه أنا عن نفسى بكيت فيها كتير جدا إنتظرونا |
اقتباس:
|
فى الانتظار....
|
اليوم الخامس
كنا مستنيين نتيجه سنه 3 ثانوى ، طبعا أنا صاحى من الساعه 8 الصبح مستنى يطلع الأوائل عشان أعرف النتيجه حتظهر إمتى ، وطبعا ماسك فى إيدى الآله الحاسبه وكل شويه أحسب درجاتى تطلع رقم مختلف عن إللى قبله ، المهم طبعا عمال أشغل نفسى بحاجات غريبه شويه أتصل بصحابى لدرجه إن واحد رد عليا وقال " نام يا غلس النتيجه الساعه 7 بليل وإنت بتصحينى 9 الصبح ، نام نامت عليك حيطه " المهم عمال أضيع فى الوقت شويه أدخل أصحى أخويا الكبير ، شويه أروح أزاول ماما لما إتخنقت منى ، المهم جبنا الكهربائى عندنا فى البيت عشان كان عندنا شويه حاجات عايزين نصلحها ، جبناه من الساعه 2 الظهر وإنشغلت معاه ورحت جبتله حاجته إللى عايزها وأعمل شاى وقهوه مش كرم منى طبعا بس بحاول أجرى الوقت شويه ، المهم كنت قاعد مع بابا وماما ف الأوضه والكهربائى شغال ف أوضه تانيه ولقيت أخويا داخل عليا بيقولى بكل مكر " خالد ، تعالى كده معايا بيقولوا النتيجه ظهرت بس شكلها بتاعه سنه 2 " المهم رحت معاه من غير م بابا وماما يخدوا بالهم منى ولسه بحط رقم الجلوس جت الحاجه " بتعمل إيه يا ولا فى الخباسه " المهم حطيت رقم الجلوس وإذا ب enter ولقيت النتيجه ظهرت فعلا المهم ببص لقيتها 401.5 طبعا مصدقتش إن دى درجتى وبصيت تانى ع الاسم ورقم الجلوس وإتأكدت إنهم بياناتى ياااااااااه كانت الفرحه مش سايعانى ساعتها 401.5 دى درجه كبيره أوى وعمرها م طلعت معايا فى الآله وبدأت أنزل بالماوس على باقى الدرجات فإذا بصدمه إن المجموع ده من غير مستوى كمان " لا مش معقول دى درجاتك يا ولا ، بص على البيانات كويس " جمله ماما قالتها خلتنى أشك فى نفسى المهم قعدت أحسب الدرجات من غير مستوى لقيتها 401.5 فعلا وحسبت المستوى لقيتها 405.5 تقريبا قلبى كان حيقف ساعتها من الفرحه وسجدت لله شكرا ولقيت زغروووووووووطه من الحاجه خرمت ودانى ساعتها وطبعا البوس بقى والأحضان والفرحه وفجأه لقيت الحاجه بتقول " ياااااااااااااااااه ده الكهربائى عندنا " طلعنا لقيناه شغال فى حاله ، بس الصراحه كان يوم جميل جدا رغم صعوبته فى بيوت آخرى لكن صداه فى بيتنا كان بالفرحه وإلى اللقاء فى يوم قادم ، إنتظرونا .... ( 5 ) بعتذر لأى حد قرا الكلام ده وتضايق أو إفتكر اليوم ده وزعل الحياه لا تتوقف على نتيجه ثانويه عامه |
| جميع الأوقات بتوقيت GMT +2. الساعة الآن 01:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.