|
السلام عليكم مبروك يا دكتورة ثانيا انا داخلة اولى ثانوى و عايزة اعرف اذاكر ازاى خايفة من كل المواد خصوصا الكيمياء و الانجلش و الترجمة و كده و كمان لما عرفت انو فى رسومات فى الاحياء اترعبت اكتر ممكن تفيدينى فى اولى اذاكرهم ازاى ؟؟!!
|
اقتباس:
و3 علي ما هتيجي الله اعلم بنفسيتكم بابتديها ع الهادي يعني كيمياء واحياء اولي حاجه وبتوع الشهاده حاجه تانيه كل المطلوب منك ذاكري عادي اهم حاجه تاكدي وتتاسسي نحو وترجمه احفظي كلمات من دلوقتي وربنا يوفقك |
شكرااا ..جزاك الله خيراا على النصائح
انا بصراحة مشكلتي من السنة الي فاتت لما برجع من الدروس ببقى تعبانة و بنام و اصحى متأخر يادوب 3-4 ساعات و بنام تاني بتتغلبي على المشكلة دي ازاي ؟ و المستوى الرفيع عربي و لا انجليزي؟انا سمعت ان الانجليزي من40 بيتعلم و بعدين يتقسم على 4 ده صحيح؟ و شكرااا |
اقتباس:
ربنا يكرمك بجد ع النصايح المفيدة دي يا دكتورة انا من خلالها عرفت اذاكر ازاي المواد اللي كنت خايفه منها اما عن المشاكل التانية انا عندي مثلا الفيزياء هتبقى الساعه 7 وعلى ما نخلص هتبقى الساعه 9 انا عارفه ان ده وقت غبي بس معنديش وقت فاضي غيرة :mad: انا سؤال هو الصح اني اذاكر بالليل يعني من بعد 1 كده ولا اصلي الفجر وبعدين اقعد اذاكر؟؟ كمان احيانا بيبقى غصب عني اني مقدرش اذاكر فيزياء واحياء كل يوم فممكن اهملهم في يوم كنت تعبانه فيه مثلا انا في الموقف ده المفروض اعمل ايه؟؟ كمان ياريت والله تتكلمي يا دكتورة عن تنظيم الوقت لاني بجد عندي مشكله فيه من سنه 2:bosyht9: معلش يا دكتورة ع الرخامه دي والاسئله الكتيرة دي :rolleyes: بس انا عايزة استفيد منك بعد اذنك :friendsxs3: |
اقتباس:
المشكله دي بتبقي عند كل الناس بس انتي ظبطي وقتك يعني مثلا انا عملت حاجه غريبه السنه اللي فاتت كنت باخد عادي كل يوم درس ماده وبالتالي لما برجع كنت بنام ساعتين واصحي اذاكر لحد 3الفجر او 2 او 1 حسب المقدرة وحالتك في اليوم وكنت بنام 6 ساعات واصحي اذاكر تاني المهم ان نومك برده اهو 8 ساعات بصي يا بنتي المذاكرة بالكيف مش الكم يعني شوفي الوقت المناسب ليكي وذاكري فيه من الاخر يومك صلاه واكل ودروس ومذاكرة فقط ومتازميهاش اوي لو يوم عدي من غير كم كبير المهم ان مافيش يوم يعدي من غير ماتذكري فيه انا كنت انجليزي وكان لذيذ خالص بصي العربي مستوي رخم في المذاكرة وسهل في تقفيله الانليزي حلو جدا بس امتحاناته رخمه |
اقتباس:
بصي موضوع اذاكر من الساعه كام ده زي ما قلت في المشاركه اللي فاتت لما جسمك مستعد يعني روحتي الدرس ورجعتي اكلتي ونمتي ساعتين او النوم اللي انتي متعوده عليه وصحيتي ذاكري سواء واحده او الفجر الوقت اللي جسمك مستعد فيه عادي جدا انك متذكريش فيزياء واحياء يوميا بصي سبق وقولت لحد (مش فاكرة مين زهايمر بقي:rolleyes:) ان اما 3 مواد في اليوم ومتاكده ان محدش هيقدر يعمله خالص طب بتقوليه ليه رخامه؟؟؟؟؟؟ لا عشان ناس كانت بتعمله بس بقليل صفحه ولا حاجه لكن انا كان يومي كالاتي اقرا الماده اللي خدتها في درس النهارده بفهم مبياخدش الكلام ده ساعه واطحن الماده اللي عليا بكرة وده الواقع اللي جه وقت اني اكلمكم فيه اكبر مشكله هتواجهكوا في 3 هي انكم بتحطوا حاجات اكبر من الطاقه البشريه عشان كده استغربت ان محدش قال انا مش هقدر علي 3 مواد فقلت هستني لحد اما حد ياخد باله من الطاقه بتاعته انا ليسه متكلمتش عن تكنيك المذاكرة الصح متخافوش مش هختبركم تاني الكلام هيكون صريح وموجه وهنقول نصايح حلوة كده اتطلب مني حاجتين 1/تنظيم الوقت و2/النسيان صح كده ولا انا نسيت حاجه تحبوا اتكلم بقي في النصايح ولا حد هيرشح ماده من الباقيين؟؟؟؟؟؟؟؟ |
محدش يقول معلشي ويعتذر احنا هنا اخوات وكلنا بنساعد بعض وانا عملت الموضوع ده لمساعدتكم لقدرتي ع السرد يعني ناس كتير بتسالوها بيقلبوا الموضوع في كلمتين انا جربت الحكايه دي ما انا برده كنت بسال عشان كده حبيت اشرح باستفاضه لوجه الله وهو الموضوع اتثبت صدقه جاريه هاتستفادوا بيها في أي وقت وكمان الاجيال الجايه
|
اقتباس:
متهيألى احنا كدا خلصنا كل المواد ادخلى ع النصايح بقى |
اقتباس:
جزاك الله خيرا |
الف مبروووووووووووووك يا دكتوره
نصايح جميله جدااا جدااا ربنا يجازيكي خير انا كمااان عايزه ادخل طب ورايحه تالته ربنا معانا انا بدأت احياء بقالي حصتين بس مش عارفه مش حباها بس يمكن عشان لسه في الاول ربنا يستر وبالنسبه للمواد اللي فاضله ممكن تكلمينا عن علم النفس:) |
يا ريت حضرتك تكلمينا عن علم النفس |
اقتباس:
طيب والله كويس انا كنت قلقانه اني معرفش استوعب ف الوقت ده بجد ربنا يطمنك :friendsxs3: هو في ناس طلبت علم نفس وانا متابعه معاكِ باذن الله :d |
اقتباس:
جزاكِ الله خيرا كثيراااااا ع المجهود ده وربنا يجعله في موازيين حسناتك يااااااااااارب |
اقتصاد واحصاء عارف انك مخدتيهومش اسالي حد من زمايلك المهم بقى تقفليلنا المواد ديه بجد وخشي عالنصايح لانى مبدخلش برضه ايام الدراسه كتير
|
نتكلم دلوقتي عن علم النفس وهجيبلوكم في القريب الاقتصاد والاحصاء بالتفصيل وكده هيبقي فاضل الرياضيات محدش قالها والفرنساوي او الالماني
علم النفس ده بقي حاجه تانيه خالص هو ماده كده صغنونه حجما بس محتاجه حفظ بالنص فمن الاول هنتفق ع مبدا ان النفس والاجتماع هتتعبك في المذاكرة 20% زياده عن الاقتصاد والاحصاء بس امتحانها مضمون اكتر لان الاحصاء رياضه ممكن امتحانها يجي صعب علي الناس لكن النفس والاجتماع الامتحان دايما تافه اسئله المدرسين اصعب نذاكرة ازاي طيب؟؟؟؟؟؟ وهل هي ماده حلوة؟؟؟؟؟ هي ماده رائعه لو مدرسها جميل وبيحببكوا فيها يعني دي اسهل ماده ف 3 ونفس الوقت مذاكرتها مابتخودش وقت بس حذاري الاهمال ليه؟؟؟؟؟ واحده صاحبتي قفلت فيزياء واحياء ونقصت 8 درجات علم نفس واجتماع ها من الاول كده بلاش اهمال يعني تذاكرها بمعني احفظها بالنص المنهج صغير وبكتر المراجعه هيثبت في دماغك بدرجه كبيرة جدا ثانيا بقي عاوز تجيب الفول مارك اكتب كل ما تعرفه عن السؤال لان بيعمل احيانا حركات اقربها العام بتاعنا جالنا وقال اكتب الاثار الايجابيه لحاجه كده في السؤال الاجباري وكانت المفاجاه ان كان في درجه للاثار السلبيه ما انه مطلبهاش شوفتوا بقي انا مش بس بقولكوا تكتبوا كل حاجه عن المطلوب دا انتوا تكتبوا مافوق المطلوب كل اللي كان تحت العنوان ده من الاخر بلاش بخل الامتحان 3 ساعات لو حليت المطلوب بس في ساعه ما المانع حتي انك تخلص كتابه في ساعتين اخر واحد في اللجنه وتكون كاتب بالتفصيل اللي يخلي المصحح يديك الدرجه عن طيب خاطر وتاني حذاري انك تستهون بيها ناس كتير اهملوها ونقصوا فيها انا مش بخوفكم بس حرام ماده سهله ومضمونه انه مش هيلف عليك في الاسئله اضيعها انا باستهتار في الامتحان نيجي بقي انا حفظت الدرس بما يرضي الله وحليت كل اسئله الملزمه اللي المستر كاتبها بصراحه المستر بتاعي كان بيحط ع الوحده يجي 114 سؤال مش كل المدرسين بيحطوا اسئله كتير والكتب الخارجيه ملهاش لزمه خاااااااااااااااااااااااالص في علم النفس لازم تحل اسئله كتير من الملزمه غالبا وكمان المستر يمتحنك كل حصه علي اللي فات يعني لازم تشتغل كويس بس دي ماده سهله واصلا مش هتتعبكوا عشان تركيزكم هيبقي ع الفيزياء والاحياء غالبا ومش في نفس الوقت هتظلموا العربي والانجليزي فهي ماده حلوة لكده ها هنكمل المادتين الباقيين ولا هندخل ع النصايح والاسلوب الصح للمذاكرة وحاجات انتوا بتعملوها سلبيه جدا؟؟؟؟؟؟؟؟ انا في الانتظار |
المستوي الرفيع هتكلم عنه دلوقتي انهي افضل لطالب علمي عشان يقفله؟؟؟؟؟
العربي طب والانجليزي اخباره ايه؟؟؟؟ بصوا بقي انا عموما كنت انجليزي عاوزة اقولكم اني ذاكرته مرة وراجعته 3 مرات وحضرت الحصص اللي المستر شرحه فيها وفي الاخر جاب سؤالين في الجرامير مش واضحين بالمرة يعني انا 9.5 انجليزي ومحدش قفله في ادارتنا اللي جاب 10 السنه دي عمل حادي بادي وربنا وفقه يعني الانجليزي انت ونظام الامتحان يعني انت وبختك العربي بقي احسن ليه؟؟؟؟ انت بس هتتعب في مذاكرته سنه هتحفظ كام درس قراءه وهيجيبلك نحو فاعل ومفعول كلام فاضي أي حد في كي جي يحله بس برده المهم انك تذاكره كويس ومش تستهتر انا الحمدلله من غير المستوي ادخل طب مستريحه بس واحده اعرفها جابت 401.5 و10 في المستوي خدت منهم 5 درجات يبقي 406.5 لحقت طب بالمستوي ايه بقي رايكم؟؟؟؟؟ يعني ربنا خلي المستوي خير ليها بالمناسبه بقي البنت دي كانت جايبه 99% في 2 ونقصت جامد في 3 يعني اللي مش هيذاكر صح هيتعب انا كده وضحتلكم الاتنين واي سؤال عنهم انا هنا لما ادخل هرد |
يا شيخه ده انت نصحتينى عالخاص باقتصاد واحصاء مش عايزه تتكلمى عليهم نص كلمه طبعا ندخل عالاقتصاد والاحصاء على فكره سهله ان شاء الله لان امتحان 2008 الوزاره قرات انها اعترفت انو امتحااااااااان خااااااااارج المواصفات وباذن الله مش هيتكرر وربنا يسهل بعد ما استخرت ربنا لقيت كده احسن عموما ادينا شويه اقتصاد واحصا
|
طيب ي دگتورة لازم آخد درس ف علم النفس والفلسفة وآخد مراچعة فيه آخر السنة
أصلهم مواد حفظ وهضيع وقت ع الفاضي ؟!! وف اليوم أذاگر گم مادة ؟! وإن شاء الله أقدر أجييب 99٪ تالته أدبي ولا صعبة آووي ؟ * |
اقتباس:
هتكلم عن الاقتصاد والاحصاء لما اسال حد عنهم ولا انا هالف عن حاجه لم ادرسها؟؟؟؟؟ |
اقتباس:
علم النفس في الاول مكنتش هاخد فيه درس وجربت شهر لقيت ان الفيزياء والاحياء والباقي هيهضموا حقه ولما دخلت بقولك لقيت المدرس بيدي اسئله كتير وبيتابعنا وبيمتحنا علي طول وبيفهمنا الاسئله بتيجي ازاي انا شايفه انك لو تاخد دلرس افضل بس لو هتعرف متظلمهاش ماشي بس الافضل متجازفش ب100 درجه لانهم مواد سهله وفي نفس الوقت ليها طريقه معينه للدراسه والتحصيل المدرس بيتابع ويدلك ع الاسئله وبيمتحنك كتير بص حكايه اذاكر كام ماده دي الافضل فيها مادتين (وده الواقع بضمير) و3 لو هتذاكر جزء قليل افضل مادتين ذاكر فيهم اما عربي وماده 50 او انجليزي وماده 50 وده طبعا عشان تحل في المواد دي كتير انا كنت علمي بس البنت اللي كانت ادبي اللي نقلت كلمها ف 3 مشاركه جابت 98.5 % يعني مش صعبه المهم انك تذاكر صح وبضمير عشان تدخل الكليه اللي نفسك فيها باذن الله |
طب حضرتك يا دكتورة ترشحى كتاب اييه فى علم النفس؟؟ وكمان المستوى الرفيع فى العربى؟؟ |
تسلمي يا دكتورة بجد موضوعك رااااااااااااااائع :):)
انا رايحه تانيه ثانوي نقل هيا بس برضو بجهز لتالته يعني :blush: كان نفسي في حد اساله لاني كنت محتارة في حاجات كتير :slap1qk6: انا قريت كل كلمه انتا كتبتيها وبجد استفدت جدا :022yb4: عندي كام سؤال كده :blush: احفظ ازاي كلمات الانجليزي ؟:( حكايه اننا نعمل قاموس لينا دي حلوة ولا لا هوه متقسم بالحروف وكل كلمه جديده بنحطها في مكانها بس اما نيجي مثلا عاوزين نراجهع الكلمات نراجعها ازاااااي ؟ :028ja7: ايه احلي كتاب في العربي الامتحان ولا الاضواء ولا اييييييه :bosyht9: كتاب الامتحان بتاع الكيمياء في اولي مكنش حلو اوي هوه في تانيه حلو ولا ايه :028ja7: اذاكر قصه الانجليزي ازاااااااااي ؟ :( بجد بجد المفروض اذاكر كام ساعه في اليوم ؟ :rolleyes: انا مشكلتي اني بنام كتير يعني ممكن انام 10 واصحي علي معاد المدرسه بالظبط :oبناااااااااام كتير حتي في ايام الاجازة :mad: نفسي نفسي بجد اقوم بدري كده اذاكر بعد الفجر علي طول او انام 7 ساعات في اليوم مثلا انا بنام بغباء :mad: منتظرة منك الرد وكمان باقي كلامك ونصايحك بجد شكرا ليكي جداااااااااااااااااااااا :078111rg3::078111rg3::078111rg3::078111rg3::07811 1rg3::078111rg3::078111rg3: |
اقتباس:
وعموما في علم النفس احسن كتاب هو كشكول الاول هو احسن حاجه موجوده اسئله كتير ومتجاوبه كلها وكمان في الاخر الامتحان مبيخرجش عن التوقعات المرئيه في كل المواد بامانه انا كنت مستوي انجلش لكن في العربي زمايلي جابو المثالي هو اصلا المثالي للعربي رائع فاكيد في مستواه برده رائع |
اقتباس:
انك تعملي قاموس وماله بس خلاص كل الكتب الخارجيه عامله قاموس لاهم الكلمات في الاخر ده شوفناه في 3 و2 ثانوي وكذلك المدرسين بيدوا كلمات متخصصه في الاقتصاد والزراعه وكده فاحسن من انك تقعدي تكتبي استغلي وقتك في حفظهم انا من اولي بذاكر العربي من المثالي ده الاساس وبحل من الامتحان بس الاضواء بيزود حاجات ملهاش لزمه وبيشيل من الاساسي هو المثالي في العربي مش معروف بس اسلوبه كان بيريحني جدا وان جيتي برده للحق الاضواء متناول النحو كويس فاما مثالي وامتحان او اضواء وامتحان بالنسبه لمراجعه الكلمات اللي حفظتيهم بالورقه والقلم أي حاجه بيهم بتثبت باذن الله كتاب الامتحان بيجي منه الامتحان بالنص في أي ماده علميه اقصد الافكار اللي بتيجي بس في كيمياء 2 رائع جدا مفيش احسن منه قصه الانجليزي مذاكرتها سهله بتقري الاول الشابتر من القصه الاساسيه وبعد اما تفهميه تحفظي اسئلته ولما تيجي تراجعيها بتقريه تاني من القصه الاساسيه بصي المذاكرة مش بالكم لكن الكيف حاولي تخلي حد يصحيكي شويه شويه هتتعودي علي الصحيان بس في العموم حاولي تذاكري كل اما تبقي صاحية مترطبتيش بمعاد مذاكرة محدد مش لازم الفجر يعني كل اما تبقي صاحية ذاكري عموما هو الطبيعي للنوم من 6الي 8 ساعات وغالبا سننا ده 8 ساعات والناس الكبيرة العواجيز حبه 6 ساعات عموما هتلاقي ضميرك بيصحيكي لكن طبيعي جسمك بيبقي مخلص تعبان فبتنامي اكتر في الاجازة عادي أي حاجه تعوزيها انا موجودة بس الدراسه قربت والتقديم والورق للجامعه هحاول اقولكم باقي الكلام قبل اما انشغل :) |
طيب اما ادخل انا معاكم بقى
يارب مكونش ضيف تقيل أسال بقى ايه احسن كتاب ف العربى 3 ثانوى و ازاى اجيب درجه حلوه ف العربى و لا نجليزى ف 3 ثانوى و ياريت تتكلمى شويه عن الاقتصاد و الاحصاء و ايه اخبار العربى و الانجليزى ف 3 عشان انا نقصت ف 2 كتير و هما الموقعنى و مش عاوز اقع ف 3 ياريت شويه نصايخ لالنسبه لهم |
اقتباس:
بجد بجد انتِ يا دكتورة مقصرتيش في الشرح والتفسير ربنا يكرمك ويجزيكي خير ع المعروف ده ياريت بقى تدخلي في النصايح والاسلوب الصح للمذاكرة لان الدروس ع وشك انها تبدأ وانا متبعاكي باذن الله :) |
تتوقعوا التنسيق السنه الجايه ايه يا دكتوره
|
اقتباس:
:078111rg3::078111rg3::078111rg3::078111rg3:تسلمي يا دكتورة هوه بالنسبه للدروس المواد هتباه كتير وعلشان االوقت وكده يعني لو اخدت في كل ماده درس يبقي حلو علشان اقدر اذاكر بس في مواد مثلا زي الفيزياء والكيمياء عندنا فيه مدرس شرحه حلو اوي بس مش بيهتم بالامتحانات والاسئله فبنضطر ناخد عند 2:slap1qk6: ده ايه نظامه باه انتي كنتي بتاخدي في مواد ايه :) |
اقتباس:
جه طلب مننا نصايح غير تقليديه هههههههههههههه طبعا عكيت ولله الحمد تعبير بس ما علينا احسن كتاب عربي ماسمعتهاش ولا شوفتهاش كل كتاب له ميزة انا كنت بذاكر من المثالي والامتحان وغيري كان بيذاكر الاضواء والامتحان بص أي كان اللي هتذاكر منه حتي ولو الملزمه درجتك بتيجي من المراجعه بتجيب كتاب المعلم مراجعه وامتحانات متجاوب كلمه كلمه نموذجيا ده مممممممممتاااااااااااااااااااز جدا بامانه الاقتصاد والاحصاء في اقرب وقت باذن الله العربي في 3 اتقل من عربي 2 بكتير الانجليزي في 3 اسهل من انجليزي 2 بس عشان متنقصش فيهم ذاكرهم ومتخليش ماده تظلمهم بس لان هتركزوا علي ال50 درجه وتسيبوا العربي والانجليزي غصب عنكم انا في النصايح هظبطلكم الحته دي وباذن الله مش هتقع هاكتب النصايح قريبا جدا |
بقيت الردود وهنزل برده النصايح بعد التهجد باذن الله ان لم يفصل النت او يقطع النور
|
الله يكرمك بجد على الموضوع الروعة ده
كنت حابة استفسر بخصوص اختيار المدرسين عندنا مدرس مشهور و شاطر جدا في الانجليزي و بيعمل امتحانات و بيسأل كل حصة و كده المشكلة انه بيجبر الطلاب انهم يذاكروا الانجليزي يوميا و بيسمع كل حصة و لو حد غلط ممكن يضرب و يشتم و هو بيهتم بمادته و بس ..و بيقول الانجليزي اصعب مادة و وقت المراجعة بيضغط جامد على الطلبة يعني في اخر شهرين بيحل كتابين او 3 . بس الميزة ان شرحه ممتاز تنصحيني اروح عنده و لا لأ؟ لأني خايفة معملش موازنة بين المواد و تيجي مادة على حساب التانية و شكرااااا |
اقتباس:
بص التنسيق هيبقي عالي برده عن مجاميعكم ولا تنسي ان السنه دي اللي جاب 99% مدخلش طب ملحقهاش انتوا ذاكروا وملكوشدعوة بحاجه ادعوا ربنا كتير واللي مكتوبلك هتشوفه |
اقتباس:
|
اقتباس:
|
انا عارفه اني بسال كتير بس معلش :blush:
هوه المفروض نبدأ مراجعه امته يعني في 3 ان شاء الله نراجع كام شهر ونبدأ دروس اصلا من امته وناخد اجازة نصف السنه ولا لا :) |
ما شاء الله
جزاك الله كل خير والله بعد قرائتي لل6 صفحات قررت أعمل زي السنة اللي فاتت قفلت الكيميا والفرنساوي والرياضة ونقصت نص إنجليزي ( ظلم حول مصحح ) و 2 عربي وإن شاء الله السنة دي يااا رب ناوي بردو أحاول أقفل أحياء فيزيا علم نفس واركز عليهم جدا والعربي والإنجليزي زي ما تيجي تيجي :p بس مش هاهملهم بردو يعني السنة اللي فاتت حليت ييجي 70 كتاب إنجليزي ~~ والحمد لله .. محدش يحسدني ابوس ايديكم مش ناقص بس انا بقى عندي سؤال ~.~ أنا كل همي على المستوى الرفيييييييييييع ... أنا عايز أقفل المستوى الرفيع إن شاااااء الله مليش دعوة دا هوا دا أملي لأني جايب 98.8% وعايز أدخل ... طب المستوى الرفيع هو خيط الأمل هو الأمل كللللللللله اه صح بس حضرتك مستوى رفيع إنجليزي ~.~ اخ طب خلاص كاني مقلتش حاجة وشكرا على النصايح الجبارة |
اقتباس:
|
اقتباس:
|
النصايح الذهبيه لطلبه الثانوية الجزء الاول
بسم الله الرحمن الرحيم نبدا بقي الكلام المهم باذن الله........ كل اللي فات كان تعريف بالمواد نفسها ماده ماده وكتبها وبس لكن اذاكر ازاي عشان اجيب مجموع ده اللي هيحصل دلوقتي باذن الله 1/اعرف نفسك: بمعني انك تبدا عارف انك في ثانوي وبدور علي مجموع عشان تدخل الكليه اللي نفسك فيها طب اعمل ايه يعني؟؟؟؟؟ اعرف انا مستوايا ايه واعترف بيه انا مستوايا متوسط يبقي اذاكر كتير جدا او انا بطئ يبقي هذاكر وقت اكبر اعترف بنفسك وشوف انسب حل ليك عشان تتاقلم 2/ركز في الدرس بعض الطلبه بيهزروا في الدروس وده بياثر ع تركيزهم ملكش دعوة بيهم خليك في حالك اطلب الهدوء والتركيز وافهم كل كلمه المدرس بيقولها وناقشه لو مفهمتش حاجه 3/استغل مدرسك اساله كتير اعمل واجب كبير واديهوله يصححه او يبص عليه حط نجمه جمب كل سؤال تشك فيه عشان لو المستر من النوع اللي مبيصححش يبقي انت عارف هتساله في ايه 4/نبدا بقي المذاكرة شوف انسب وقت اللي هو انت خلاص رجعت من الدرس ونمت ساعتين وقمت فايق هتذاكر خلاص انسب طريقه هي انك تذاكر ماده من مواد الخمسين درجه جزء منها ولو صغير وتذاكر عربي او انجليزي معاها يوم كده ويوم كده وفي نفس الوقت ال10 كلمات انجلش يوميا وكل يوم معندكش في دروس غالبا في 3 فضوا اكبر قدر ايام غالبا بيبقوا يومين مبتاخدش فيهم دروس خالص بتحفظ جزء كمان مستوي 5/ متتقيدش بحاجه معينه نفترض فجاه عندي بعد اسبوع امتحان انجليزي في كله خلاص هظبط انا الاسبوع ده طريقه مناسبه لهذا الظرف بس عموما اللي هيمشي نظام سهل ويمشي عليه هيكون مراجع علطول 6/طب والله مش عارف اذاكر في اليوم الا ماده وماله حلو برده من الاخر شوف نظام يناسبك اسهل حاجه واكرر اسهل حاجه يعني لو ماده يبقي يوم العربي عربي محطش بداله فيزياء 7/ من الاخر حط نظام يناسبك ويناسب طريقه مذاكرتك هتقسم ماشي ماده ماده ماشي المهم النظام اللي يجيب نتيجه وزي ما قولت الاحسن او اللي كنت بعمله يوم فيزياء وعربي و10 كلمات(العربي نصوص ) يوم احياء وانجليزي و10 كلمات اليوم التالت علم نفس (درس صغير ميجيش صفحه) وفيزياء وعربي (فرع سهل)من اللي بيحتاج قرايه بفهم قصه مثلا الرابع مثلا احياء واجتماع وانجليزي (جزء برده صغير) الخامس فيزياء وعلم نفس (جزء محترم منه) وعربي (فرع برده سهل نحو مثلا) السادس بيبقي اجازة عندي: احياء و اجتماع جزء كبير وانجليزي جزء كبير ماهو اجازة بقي السابع برده اجازة : فيزياء وعربي وعلم نفس 8/شوف بالنسبالك ماده ايه تمشي مع ايه انا احياء كانت ماشيه مع انجليزي ويوم العربي مع فيزياء لو نظري فيزياء يبقي حاجه فهم عربي والعكس ولو مسائل فيزياء يبقي حفظ عربي 9/لا تتكابر علي موادك انت لو ذاكرت صفحه من علم النفس احسن من ماتسبها وتتراكم عليك وكمان عشان تعرف تحل اكبر قدر 10/اليوم اللي مش قادر تحفظ فيه او الماده افهمها وعبر انت بجد ده احسن من الحفظ اصلا كده ده كان طريقه المذاكرة بتاعتي ويوم مكنتش اقدر انفذ بضمير قولتلكم كنت بقضيها قرايه فقط عشان مضيعش اليوم ولقيت ان القرايه بفهم احسن من الحفظ ليسه في اجزاء كتير ..................حد متابع؟؟؟؟؟؟ |
الجزء التاني من النصايح
بسم الله الرحمن الرحيم 1/ نكمل باذن الله *التليفزيون ده غلط فادح : بلاشه عشان منتشتتش او نتعلق بحاجه ونتابعها عايز تفرج عن نفسك نام احسن حتي تقوم فايق اقف في البلكونه اتفرج ع الناس في الطراوة أي حاجه الا التليفزيون */بلاش تضيع وقتك بارادتك التليفونات يا بنات مسلسل فاطمه:d حبك لماما والعيله نقعد نرغي كتير المساعده تكنسي وتمسحي في الدراسه عشان متذاكريش انت المسئول عن وقتك خلي بالك المحاسبه علي مجموعك انت وانت اللي هتروح اللجنه */ قسم وقتك صح قدر المستطاع طبعا كده عندك كذا مرة احياء في الجدول وكذا مرة فيزياء وهكذا احفظ مرة وحل مرة وراجع مرة كده يعني مش كله حفظ */ حاول تختبر نفسك كتير عشان تعرف مستواك اه انا نقصت هنا يبقي اراجع كويس قيم نفسك يعني */ النصيحه دي اهم واحده واولهم علاقتك بربك ودي بامانه اهم حاجه صلي في اوقاتها اقري قران دبر كل صلاة ولو صفحه هتحس بقوه رهيبه */من اهم النصايح برده بلاش عالم الاوهام وسبايدر مان انا ايه اقدر اذاكر النهارده ال100 صفحه دول لو قلت كده والله ما هتقدر تعدي صفحه انت خلاص عرفت انسب طريق مذاكرة ليك ابدا ذاكر اه خلصت نص الدرس هنا اخد بقي الماده اللي بعدها خلصت خلاص صفحتين طب اكمل باقي الجدول لازم تنوع كده */ بلاش الصراحه اوي داري نفسك عشان في ناس بتحسد واحذر اللي بيخوفوك انا مذاكرتش انا هسقط دول مجموعهم هيعدي ال100% */ لو تعبان وعدي يوم من غير مذاكرة عادي كمل بلاش الاحباط */ حاول متخافش زي ما قولت في الاول خالص تغلب ع الماده بدل ماتغلبك هي فيزياء حبها حاول تفهمها مفهمتش غير المدرس لان المنهج سهل العيب مش منك حاول تفهم حل كتير عافر وكافح مرة واتنين والف عشان توصل */ خلي عندك اراده حديديه انا مفهمتش المرة دي الحته دي اعرف انك كل اما هتحاول معاها اكتر هتثبت اكتر */خلي عندك نظام اختبار اخر اليوم في أي ماده مثلا هتكتب اسم ال3 او حسب بقي المواد اللي ذاكرتها في ورقه واللي هتختارها تخلي ماما مثلا تسالك في الجزء اللي ذاكرته سؤال مفاجأ وشوف مستوي تحصيلك كفايه عليكم كده النهارده منتظرة تعليقاتكم وطلباتكم لو في حاجه بقي النسيان أي مشكله بتعيشوها دراسيا او مسببلكم خوف قلوها ده الجزء المهم تلقي الاستفسارات للحوار بقيه.......................:av4056bb7jp3: |
اقتباس:
ربنا يستر والله هو إذا كان على الثقة أنا الحمد لله جايلي إحباط زايد مش ثقة زايدة :stickjo4: ربنا يستر |
اقتباس:
انا مذاكرتش انا هسقط انا مذاكرتش انا هسقط انا مذاكرتش انا هسقط انا مذاكرتش انا هسقط بس كدا انا عرفت السر خلاص انا مذاكرتش انا هسقط انا مذاكرتش انا هسقط |
أنا للأسف مشكلتي أنا لا أجلس على التلفزيون غير تقريبا 10 دقايق كل يوم أو كل يومين
أما المشكلة كلها في اللابتوب متوسط الجلوس اليومي 9 أو 10 ساعات بلا مبالغة ..~ |
اقتباس:
|
اقتباس:
بص الاحباط والياس عدوا النجاح |
اقتباس:
|
ها يا جماعه ارائكم وتعليقاتكم وطلباتكم انا في الخدمه باذن الله
|
اقتباس:
بقول هذاكر عدد معين من الصفح في ساعتين مثلا اجي بعد الساعتين الاقيني مخلصتش وببقى نفسي اولع في الكتاب واروح انتحر :angry2: و تسلمي بجد يا دكتورة ع النصايح دي |
موضوعك ممتااااااااز ماشاء الله
وهيفيد طلبة كتيييييير ربنا يجزيكى خير ع المساااعدة ويوفقك ف دراستك انا كنت بفكر اعمل موضوع بردو زى ده بس بصراحة انتى قولتى كل حااااجة اى حد ممكن يحتاجها كل سنة وانتى طيبة تقبلى مرورى |
بارك الله فيك يا دكتوره ورفع من قدرك بالتوفيق في الجامعه ان شاء الله وربنا يزيدك
|
| جميع الأوقات بتوقيت GMT +2. الساعة الآن 08:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.