|
|
اقتباس:
جزاكم الله خيرا |
اقتباس:
ودولة تحتاج لعَمْرة كاملة وشعب يحتاج لمسحراتى |
دى بقت واقعة طين
نصف رواد المنتديات من المتأخونيين ياقطريين ياحمساوين ياسوريين يا إيرانيين بيسبونا فى بيوتنا جوه بلدنا واحنا صابرين لا وبيخونونا ويكفرونا وفى بلدنا بيكممونا ومن بلدنا بيطردونا دى أخرتها يامصريين ؟!!!!!! صحيح كانت (طظ فى مصر ) لها مدلولات كتيرة لكننا كالعادة ( طنش تعيش تاكل قراقيش وارمى ورا ظهرك يا أبو الريش واللى يروح فى الريش بقشيش لحد ما خنقتنا الخفافيش وصبحنا كل أملنا دلوقتى ---- نعيش !!!!!!!!!!!! ) (لا أمن وأمان ولا اطمئنان وفوق دا كله كمان اللى زهقان ولازعلان ولاطهقان ولا جعان ولا قرفان يشرب شاى بالياسمين هيلاقى نفسه مزقطط وبيهلل ويكبر --- عاش الإخوان !!) (بيع ياغلبان للإخوان دول ناس سكرة هيبدلولك الوطن الواحد بأوطان وأوطان) بيع يامصرى بشوية أنابيب تسترزق منهم بشوية تموين توزعهم أو رغفين عيش تكسب منهم أو أو أو وربنا يكتر عطاياتهم وخليها فى سرك وإياك تسأل نفسك هو اللى انت بتعمله ده لوجه مين ؟؟؟!!! خلى ضميرك وقلبك وعقلك مغيب أرحم لك من وخز الضمير والتفكير والتدبير عيش الغيبوبه وإلا هتضيع السبوبه:stickjo4: |
فشله بكل المقاييس الدولية والمحلية
هذا قدرنا فصبرا جميلا نبغوا فى الأمور الإجتماعية والاقتصادية الخاصة وفشلوا فى السياسية العامة هذا قدرنا فصبرا جميلا فى أنصارهم من هم أشر الدواب ربما تحت مسمى الولاء والانتماء والسمع والطاعة للجماعة والتى تتغلب ولائهم وانتمائهم لأى شىء غيره هذا قدرنا فصبرا جميلا أن ترى فيهم من يتجاهل رد فعل والده أو والدته أو أحد من أهله حين تعودوا من الأسواق صرخا وفزعا من الأسعار وتجده يتولى أمر نشر مشروعات وهمية كنوع من الخداع والتضليل هذا قدرنا فصبرا جميلا أن يكون الكذب والتضليل بديل للشفافية هذا قدرنا فصبرا جميلا ألا يثقوا فى شعب يساندهم حين الشدة كما فعلوها طوال تاريخهم مع من سبقوهم هذا قدرنا فصبرا جميلا أن يكون الشعب ريشة فى هوى يستخدمها الفاشل لإيهام نفسه أن الشعب يدعمه ولايسمع سوى أصوات أبواقه هذا قدرنا فصبرا جميلا أن تجد المهللين والمداحين باعوا ضمائرهم بأتفه المصالح الخاصة وطموحات عهود ولى زمانها ولايفقهون حاضر الدنيا الأن - هذا قدرنا فصبرا جميلا أن يغفل من لايملك سوى ذراعه وحنجرته فى وجه نووى الهيمنة ويأخذه غرور الغيبوبة فى مجتمع دولى يناصر القاتل على القتيل بلا استحياء فى فلسطين ويتجاهل أمر الواحد الأحد (وأعدوا لهم ما استطعتم ------------) هذا قدرنا فصبرا جميلا ومع كل ماسبق ليس فى صالح أى مصرى الإنقلاب على الرئيس مرسى لأن البديل مررررررررررررر ندعو الله أن يرفعه عنا ولا يجعله من قدرنا رحمة بشعوبنا وأمتنا ويلهمنا الصبر الجميلا فأن تسأل نفسك وغيرك ( مصر رايحة على فين ؟) أفضل من أن تسأل نفسك وغيرك فى شتات ( مصر راحت فين ؟) يا الله - هذا حالنا وأنت ولينا فالطف يالطيف بحالنا وتولى بعدلك ورحمتك أمرنا ونجنا من شرور وأطماع نفوسنا -- إنك نعم المولى ونعم النصير |
مع انك كل تسب الاخوان ولكن الى الآن لم اجد منهم رد على كلامك
وده اللى محيرنى انك تنتفض عندما يرد عليك احد رد موضعى وتقول انه اخوانى وان جاء الرد على مزاجك او كا تريد فاسمع منك واري كل عبارات الثناء والشكر لا تجعل كرهك للاخوان ينسيك معانتك ايام الحزب الوطنى ولا انت من اللى بيقولوا احنا اتعلمنا فى عصر مبارك يبقى لازم نرده الدين فيكفينا مانحن فيه من مرض وفقر ياستاذ رضا طلابك فى امس الحاجة لك |
للاسف لم اجدك تعرف من الاخوان الا القليل فكيف تحكم عليهم هذه الاحكام ولم تعاشرهم
فانت لم تسجن باطلا مثلهم فياريت تتعامل معهم اولا والله شهيد على كل العباد وياريت تقول لنا باعتبارك معلم دراسات ماهو السبيل والخروج مما نحن فيه فحكم الاخوان لن يسقطه الا الشعب الفاهم وليس الشعب الكاره لكل ماهو اخوانى |
للأسف صرت مهللا وكبرا لكل ماهو ضد الاخوان فقط
ولم نري واحد من هؤلاء يقول يامصر انا جئتك بانيا ولايهمنى من يحكمك فشعارنا الهدم والحرق على رؤوس الجميع |
اخى الفاضل
لم اجد أحد يرد على كبسولاتك قلت الجار اولى بالشفعة وقلت الاختلاف فى الرأي لايفسد للود قضية |
يا أخى إرحم نفسك شوية
احنا هنضحك على بعض إنت من إمتى كنت إخوانى ولا بتحب حتى سيرتهم ؟؟؟؟! فجأة بقيت متأخون وبتدافع عنهم وكاره كل اللى بينتقدهم ويفضفض حتى عن حاله !!!!!!! ياترى ليه ؟؟؟؟؟؟؟؟؟؟ |
أهم كبسولات تقدم ثلاث مرات كل 8ساعات
لكل اللى شرب شاى بالياسمين ونسى هو مين وكان قبلها فين بيع يامصرى و عيش الغيبوبه وإلا هتضيع السبوبه:stickjo4: |
اقتباس:
إنت مصدق نفسك وانت شايف بعنيك اللى كلها ولعة زمان بياكلها ولعتين فى زمن الإخوان وبعدين إيه حكاية طلابك فى أمس الحاجة لك دى ؟ تهديد دا ولا إيه ؟ ولا دى دعوه للأخونة الإجبارية ؟ طب احنا مش جيران ماتقوللى الكارنيه بيطلع منين ؟؟؟؟؟؟؟؟؟؟؟ وياترى ختم الإخوان بيبقى على الكارنيه ولا على القفا قصدى على الصوره يتبع الرد على باقى السيل المنهمر من مشاركات مدير إدارتنا المنتظر ويجعله عامر |
اقتباس:
وإليك قصيده من قصائد المدح فى مبارك (فاكر ) إيه يامصريين ؟؟؟ مالكم كدا على بعضكم متشطرين ولبعضكم متربصين حقى وحقك ع الرأس والعين ورأى ورأيك محترمين لاتكفير ولاتخوين دا احنا ياولداه بقينا زى ال--- أنفنا لفوق فوق فوق مغرورين ويا أسفااااه بعورتنا للعالم مكشوفين إهدوا ربنا يهديكم لاساده ولاعبيد ولانخب ومعدمين فالسيد وحده رب العالمين وكل عباده بفضله وعدله مكرمين ولا إيه ياموحدين ؟؟؟ يتبع |
نسيت أقدم اقتراح للإخوان
بدلا من أن يلجأوا لمدرسى الدراسات والتاريخ قد ولى زمانه ومات وخرائط الجغرافيا اتغيرت ملامحها يلجأوا لمدرسى الكيميا والطبيعة قبل مانسمع إن بن الهيثم مخترع البخار وتوماس أديسون بطل العالم فى الجمباز |
اقتباس:
على أساس أن كل اللى بيعارض الإخوان كل واحد عنده مصنع للمولتوف فى بير السلم ولا إيه ؟!!!!!! تصدق بالله الكل يعمل وصابر على مابالاه إلا الإخوان والمتأخونين هما اللى للكل متربصين وإن قال موظف أوعامل من غلبه أااااااااااه بدل مايسمعوا شكوته ويصبروه على بلوته يطلقوا عليه لجانهم المأجورين يكفروه ويخونوه ويلعنوه وينعتوه بعدو الوطن والدين فأى أساس لدولة عدل ستقام هكذا هل يموت الشعب فقرا وجوعا وجهلا حرصا على عرش السلاطين والسؤال هى مصر دى بتاعة مين ؟؟؟؟ واللى معاه عقد ملكية يطلعه للمصريين ولا هو الغلبان هيفضل غلبان أجيال ورا أجيال - والفهلوى صوته يعلى ويملا الشوارع والميادين بس المرادى باسم الدين يرضى ربنا كل دا يا أهل الدين ؟؟؟؟؟؟ يتبع |
اقتباس:
فهناك فصيل من المؤيدين يتهم الدنيا كلها بطمعها فى العرش والثورة المضادة وماهم سوى هما معا أجادوا السباحة ضد التيار منذ زمن ولازالوا فليحفظ الله مصرنا من عبث وطمع الطامحين |
إيه يا إخوان ؟
نضفتوا الميدان ونظمتوا اللجان ووضعتوا الامتحان وراقبتوا كمان وفى الأخر تسقطوا !!!!!!!!!!!!! دا كلام ؟؟؟؟؟؟؟!!!!!!!!!!!!!! |
إلهى تنشك فى بطنك ياللى تستغل كل الفوضى ديَّه
وتستخدم فهلوتك وشطارتك وتربع تانى ع الصينية تاكل لحمة وفته وكباب وكفته والحلو رزبلبن ومهلبية وأخوك مش لاقى حتى تمن طبق فول أو قرصين طعمية أمال فين الزهد فى الدنيا ولاهو بس مفروض ع الرعية؟! |
مدرب كرة مصرى أراد أن يعاقب أحد اللاعبين عقاب خفيف
فأمره بأن يلف حوالين قطر ثلاث مرات:d |
الاتحاد السعودى يحذر الإتحاد القطرى بأنه فى بطولة العالم لكرة القدم 2020
بأن الكرة لو عدت لأرض السعودية مش هياخدوها تانى فقرر الإتحاد القطرى تركيب شبكات هوائية حول عزبة قطر حتى لايزعج الجيران :d |
ضاقت قطر برفاهية سكانها فقرروا فتح البلدين على بعض
ياترى البلد التانية مين ؟ اعتدى الإخوان بالأمس على طاقم الجزيرة أثناء نقل الأحداث أه لو كان فعلها أى فصيل غيرهم كان ياويله ياسواد ليله من أكاذيبهم ومكايدهم لكن صدق المثل ( حبيبك يبلع لك الزلط ) والجزيرة بلعتها بالهنا والشفا فعلا إعلام حر خالص الحافظ تنشر انجازات مرسى مع إن لايعلمها إلا الإخوان هى الحافظ حفظت دورها ومش ممكن هتدارى بعد كدا ! إعلام محايد خالص |
تتابع (الأون تى فى ) تلاقيه ضد التيار الإسلامى المصرى على طول الخط
تتنتظر شوية تلاقيها تناصر الجيش الحر فى سوريا وأعوانه عجيبه ماهو الفول من الطعمية والطعمية من الفول ولا دا اتفاق سرى لعدم الغلق ؟؟؟؟؟؟؟؟؟!! مصالح ويجعله عامر |
قبيلة عز
عز الأول خرب بيوتنا ونضف جيوبنا علشان طنين حديد وعز التانى لاجل عيونه هيهدوا القضاء ويبنوه من جديد وعز التالت زعلان علشان فى الفوضى مفيش فيلم أكيد وعز الرابع أنا وأنت والغلابة وكفاية علينا لقب بلطجى أو شهيد إنت ونصيبك ياصحبى -- حدد مكانك واعلن عنوانك لوبالبريد تبع الإخوان تبقى شهيد وبن شهيد ضد الإخوان تبقى بلطجى وعربيد!!!!!!!!!!!! هو مفيش صالح إلا ولاد عمى صالح ؟؟؟! ومفيش طاهر إلا أتباع الحاج طاهر ؟؟؟! ربنا يسترها على الغلابة |
تستمع لحوار الرئيس تهدأ نفسك وتطمئن وتجد فيه ولو القليل من الواقع الذى نعيشه
تستمع لأنصاره تستاء النفس ويحاط بك اليأس وتعود كما كنت كنت أظن أن المنبع واحد ولكن واضح أن المنابع بعدد كوادر الجماعة |
| جميع الأوقات بتوقيت GMT +2. الساعة الآن 04:11 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.