|
السلام عليكم ورحمة الله وبركاته انا بقي متهيألي ان اللي بحلمهم مش رؤي لكن هقولها لحضرتك انا بحلم ان حد بشيل اسناني وكل سنه بتخرج بالمكان اللي فيه اللثه وبتقطع فيها مع العلم ان مفيش طعم او لون دم بيظهر ولكن انا مكنتش بتوجع انا كنت مفزوع مش اكتر او كنت بتوجع وبستلذ من الألم ده فهي عندك اللي يفيدني فكرة موضوع رائعه بصراحه جزاك الله كل خير :) |
اهلا اهلا وانا اول مادخلت الموضوع شوفت نور من بعيد كده وقولت خير اللهم اجعلة خير
ده حلم والا رؤيا والا علم وفى الاخر طلع علم نورت الموضوع يا استاذ احمد اقتباس:
ندخل بقا فى الموضوع ايه حكاية اسنانك دى ؟؟ هو حضرتك بتاكل حلويات كتير والا ايه ؟؟؟ طيب افتح فمك كده لما اشوف ؟؟ ممممممممممممم الاسنان الى اتخلعت دى كان لازم تتخلع لانها مسوسة ههههههههههههههه طبعا انا باهزر معاك واتمنى ان تتقبل هزارى تفسير حلمك والله اعلم هو (سن) هي في المنام دالة على منتهى الأجل والسن الذي كتب له وجميع الأسنان تدل على الأولاد وربما دلت الأسنان على المال والدواب والأملاك والذخائر والموت والحياة والفرقة والاجتماع وتدل الأسنان على الودائع والأسرار والأسنان أهل بيت الإنسان فالعليا هم الرجال من جهة أبيه والسفلى هن النساء من جهة أمه فأدناها وهذا تفسير الاسنان بشكل عام ولكن ان قلع احدهم اسنانك او ناجزك دل على احتياجك للرهن او للبيع وتجديد ما يقلع من الاسنان يدل على المعارضات والربح بعد الخسارة هذا تفسير حلمك واتمنى ان تكون وجدت عندى ضالتك احمد الله على اعجابك بالموضوع وشكرا لزيارتك الكريمة |
استاذ مجدى عندك 2 رسالة على الخاص
|
اقتباس:
ههههههه ربنا يكرمك يارب اقتباس:
هههههههههه مقبول ٌ هزارك استاذ بورسعيدي علي راسي (سن) هي في المنام دالة على منتهى الأجل والسن الذي كتب له وجميع الأسنان تدل على الأولاد وربما دلت الأسنان على المال والدواب والأملاك والذخائر والموت والحياة والفرقة والاجتماع وتدل الأسنان على الودائع والأسرار والأسنان أهل بيت الإنسان فالعليا هم الرجال من جهة أبيه والسفلى هن النساء من جهة أمه فأدناها وهذا تفسير الاسنان بشكل عام ولكن ان قلع احدهم اسنانك او ناجزك دل على احتياجك للرهن او للبيع وتجديد ما يقلع من الاسنان يدل على المعارضات والربح بعد الخسارة هذا تفسير حلمك واتمنى ان تكون وجدت عندى ضالتك احمد الله على اعجابك بالموضوع وشكرا لزيارتك الكريمة ههههههههه يارب تكون هواجس شياطين بقي لان اللثه كلها كانت بتتخلع يعني مفيش مجال للتجديد ياباشا ربك يسترها شكرا ليك يا استاذنا :) |
السلام عليكم:
انا عاوزة اقول لحضرتك على الحلم بس مش ينفع كده لو ينفع حضرتك تفتح الخاص لانه ضرورى جدا جدا |
ياريت تقومى بوضع الحلم هنا
اهلا وسهلا بحضرتك |
موضوع جميل
بس للاسف انا احلامى كلها بنساها بمجرد ما اصحى من النوم |
اقتباس:
تنسى ايه ياسيدى انت قبل ماتنام تحط ورقة وقلم تحت المخدة واول ماتشوف الحلم اكتبة فى الورقة وكمل نومك علشان ماتنساش تانى :D على العموم شكرا لاعجابك بالموضوع |
واحد صحبى حلم انه كان واقف
مع اصحابة مستنيين المحاضرة وبعدين هو راح يجيب حاجة وسابهم ولما رجع لاقهم مش موجودين قعد يدور عليهم المهم واحد منهم حدف علية حاجة عاملة زي البرجل شكتة شكة بسيطة فانتبه لمكانهم وشاورلة فعرف مكانهم وبعدين راح لهم وقعد معاهم والمحاضرة اتلغت مع العلم (انه رسب واصدقاؤه كله نجحوا وهو عامل تظلم ) |
فكرة حلوة اوى
انا حلمت انى جبت فى اخر السنة درجة وفعلا جبتها حقيقى شكرا ليك يا استاذ بور سعيد |
طاب مستر /بورسعيدى انا من خامسة ابتدائى وانا مش ناسية ده لو حد طلع فى المناح او الحلم زى تعبان مثلا وقالى حاجة بس قالى متقوليش لحد احكيه ولا لأ لانى محتارة فيه انتظر رد حضرتك |
شكرا واليك حلمى
حلمت اننى على بغلة خلف رسول الله صلى الله عليه وسلم وسارت بنا حتى اقتربنا من كومة من الرمل وواقف بجوارها رجل له جناحان فعلمت ان الرجل هو جبريل عليه السلام وان الكومة هى جبل عرفات فارتميت عليها وقلت جبل عرفات واذا بى أجد نفسى فى مسجد صغير ليس له الا 4أعمدة وسلالم وسقف فصليت على هذه السلالم وافنى بالرد |
اقتباس:
صاحبك كان منتظر مع اصحابة وفجأة اختفوا من امامه لانهم نجحوا وهو رسب ولما واحد صاحبة حدفة يعنى راح يعمل تظلم وطالما هو شافهم تانى يبقا ان شاء الله التظلم يتقبل ويحصل اصحابة بس لما ده يحصل تيجى تقول ماشى؟؟ اقتباس:
ههههههههههههههه اهلا وسهلا بيك فى اى وقت طبعا اقتباس:
سيدنا يوسف حكى حلمةلابوه كمان سيدنا يوسف كان من اعظم مفسرين الاحلام يعنى باختصار حكاية الحلم مش حرام شكرا لكم وفى انتظار مشاركاتكم |
الحلم: انا مش فاكرة اوله بالظبط بس كل اللى فاكراه انا كنت فى مكان غريب كنت سمعة صوت ناس بتصرخ بس الصرخة جامدة يمكن لحد دلوقت عمرى ما سمعت حد عملها فى العالم كله (ده كان فى جانب) الاصوات دى كانت ورايا بس انا مشفتش اشخاص وكان قدامى هدوووء رهيب ومكان جمييييل جدا معرفش اوصفه بس كانى شفت ملايكة فيه هما مش ملايكة كوصف !! هما كاسم (سماهم على وجوههم) فجاة من غير ما الاحظ (ثعبان) طلع وكان شكله غريب اوى ثعبان كانه قوى (مش معنى القوة المفهومة يعنى رهييييب) ولونه معرفش احدده ووقف قدامى انا خفت منه بس قلتله انا فين ؟؟ مردش عليا المكان اللى كنت واقفة فيه كانى كنت واقفة على شعرة بس انا مكنتش حاسة بكده وقالى عارفة مين دول عرفنى مين الشخصيات دى دول اللى بيعملوا الخير وعلى الصراط والنحية التانية <علشا اختصر> (المعذبين) وقالى ان وظيفته التعذيب ولما جيت ابص عليهم رفض بشدة وقالى متبصيش وراكى بس انا بصيت لان كان فى واحد ورايا طلب انى اساعده كانت رجله سايحة (جلد ذائب) ومختفية من شدة الحرق انا فاكرة المنظر لغايت دلوقت شفت منطقة فيها الوان غريبة ابيض بس انا شفته وداخل فيها اللون الاحمر والازرق بس اللونين دول فى اخر القاع والقاع مش كان باين يعنى اخر منطقة عينى وصلتلها وكان المكان واااااااااسع جدا لاقيت الثعبان بيقولى اللى انتى شفتيه ده محدش يعرفه خالص وميتقلش لحد اللى انا قلته وكان قالى كمان ان هيجى عليا يوم هكون متقية وهكون شخصية (انا مش فاكرة تحديدا الكلمة اللى قالها بس معناها ان يكون فيا الصفات الحلوة ) يس هتمرى بحاجات كتيير وحذرنى مرة تانية من انى اقول لحد انا مش فاكرة باقى الكلام اللى قالهولى بس كان كلام كبير (كبير لسنى... انا كان عندى 10-11 سنة) هو ده الحلم انا حكيته لان فى حاجات حصلت منه انا بقيت منتظمة فى الصلاة بغض النظر عن الشخصية لانى مقدرش احكم على نفسى بس فى عقبات كتيير مريت بيها ياترى ده معناه ايه وهل تحذيره ليا اكتر من مرة المفروض انى مكنتش احكى ؟؟؟؟؟ |
ألف مليون شكر لحضرتك
السلام عليكم ورحمة الله وبركاته ماشاء الله علي موضوعك ربنا يكرمك وحكاية الاحلام دي شغلاني اوي اليومين دول لاني بحلم كتير يعني الحلم اللي فاكراه مثلا حلمت ان رموشي طويلة اوي وكنت مستغربة منها في الحلم بس ده كان نتيجة حاجة انا حطيتها عليها تقريبا بس عموما احلامي اوقات كتير بتتفسر ارجو تقبل مروري والرد علي استفساري |
اقتباس:
تقريبا انتى شوفتى جزء من يوم الحساب وانا اخاف ان اخفق فى تفسير هذا الحلم ولكن اجابتى عن سؤالك بكونك تحكى الحلم والا لاء طبعا تحكى الحلم عادى ولا يوجد ما يحرم او يمنع هذا الشيئ والله اعلم |
دائما ما تبدع استاذي
جزاك الله كل خير على الافكار الرائعة واختي حلمتلي حلم وهو شافت ان فيه تعبان متوسط بس مخيف جدا في حديقة في بيتنا مع العلم ان المكان دا في الحقيقة مش حديقة دا مكان لتربية الطيور المهم اخواتي كلهم خافوا وجروا وانا اللي اقربت منه ومسكته موته من غير دم وبعدين فضلت اهديهم مع العلم ايضا ان اختي احلامها دايما بتتحقق |
اقتباس:
واستفسارك موجود اكيد ان شاء الله رؤية الرموش الطويلة عامة تعنى : الصلاح فى الدين وياريت تقرب من دينك حبة كمان شكرا لزيارتك الكريمة |
اقتباس:
نورت الموضوع (الثعبان) في المنام ربما دل على العداوة من الأهل والأزواج والأولاد وربما كان جاراً حسوداً وقتل الثعبان يدل على موت عدو والله اعلم شكرا لك |
بالنسبة للحلم طاب مفيش اى تفسير ليه ؟؟؟؟ اصله ما اتنساش من زمان رغم انى حلمت مليون حلم والمشكلة انه فى حاجات بتتحقق ولا زالت لو فى اى استفسار ولو بسيط يارييت حضرتك تقولهولى |
قال الرسول صلى الله عليه وسلم حديث فيما معناه ان من يرى رؤية سيئة فهى من الشيطان يوسوس له فى منامه والرؤية الصالحة بشرى خير
|
السلام عليكم ورحمه الله وبركاته
من فتره انا كنت حطلع رحله للقاهره بس اتجلت وعدت سنه ورا سنه ولسه مش طلعتها يمكن عدي 3 سنين ومفيش حاجه قربيه حصلت علي الموضوع ده هو اصلا مش في بالي خالص الحلم بقي اني حلمت ان بابا بيقولي انت مش حتروحي الرحله قولتله بس انت قولتلي اني حروح راح مشي ومش رد عليا وبعدين قولتله تاني انت وعدني اني حروح بصلي ومش رد بس تقربيا كان حيوافق بس مش رد عليا النهارده كنت بقابل واحده صحبتي وهي بتتفرج علي صوري وسالتني انت مش حتروح رحله تاني للقاهره |
حلمت اني معي تأشيرتين للسفر الى المملكة السعودية واني اتيت بهما لامي وابي حفظهما الله
واني بلدنا كلها كانت مستغربة جدا وزمايلي كلهم مش مصدقين واني كنت واقفة في صيدلية وهما معي ولكني لم ادخل صيدلة اساسا واثناء وقوفي اتى خالي يريد اخذهما مني وانا اصر على عدم التفريط فيهما الى ان انتزعهما بالقوة ونهض بالهروب وتتبعته الا ان وصلنا لمكان مزدحم بعض الشئ بالرجال فأمسكت به واخذت بمهاجمته الى أن أصبح شكله عجيبا اصبح اقل طولا ودميما لدرجة كبيرة جدا مع العلم بأنه ليس كذلك في الحقيقة الحلم د ا منذ تقريبا سنة ونصف ولكنه في بالي دائما ولم انسى أي شئ منه وشكرا لك استاذي |
اقتباس:
الحلم (الرؤيا) هو الذي قال عنه الرسول (صلى الله عليه وسلم) (لم يبق من النبوات إلا المبشرات قالوا: وما هي المبشرات يا رسول الله قال: الرؤيا الصادقة يراها الشخص فتصبح كفلق الصبح اما الرؤيا السيئة :وهي من الشيطان ليُحزنَ بها المؤمن، ولهذا فقد أمرنا رسول الله بعده آداب عن رؤيتها منه البصق عن اليسار (ثلاثاً) الاستعاذة بالله من شرها وشر الشيطان (ثلاثاً) يتحول عن جنبه الذي كان ينام عليه اقتباس:
شكرا لمشاركتك اقتباس:
يعنى الاحداث غريبة وبالشكل ده اظن ان دى اسمها اضغاث احلام وهي الأحلام المختلطة التي تتداخل فيها الأحداث، ولا تتسق مع أصول التعبير .. ومن أسبابها امتلاء البطن بالشراب والطعام إلى حد التخمة شكرا لك ومنتظر زيارتكم الكريمة |
السلام عليكم ورحمه الله وبركاته
الحلم ده واحده صحبتي اللي حلمته وانا كنت فيه والحلم عن لسانها ((((((((((((((( حلمت اني ماشيه انا واسماء وفجاه مامتها نادت عليها وقالت لها تشتري عيش (( بلدي )) فاسماء قالت لها هو انت متعشتيش مامتها قالت لها لاء فذهبت انا وهي الي فرن عيش فينو وجدنا عنده عيش بلدي فحمدنا ربنا بس طلع مش حلو خالص واسود فمشينا واحنا مشينا لاقينا خالتي جالسه علي كرسي وامامها طربيزه وبتكتب حاجات وجمبها رفوف عليها عيش ابيض وجميل جدا وظازه فاسماء اخذت منها 50 رغيف فقالت لها خالتي بس ده كتير فقالت لا انت عندك كتير .)))))))))))))))) ده عن لسانها ولي سؤال تاني معلش انا كنت مصليه استخاره علي حاجه ده ممكن يكون ليه علاقه بالموضوع وشكرا لحضرتك استاذ مجدي |
موضوع فكرته جميلة
بس أنا مش فاكرة أخر حلم حلمته لما هحلم هقولك |
شكرااا للموضوع الجميل ده بس انا اعرف ان اللى يفسر حلم حتى لو التفسير غلط بيتحققق فياريت لو حلم وتفسيره وحش حضرتك متقولش تفسيره وياريت حضرتك تقول الفرق بين الرؤيا والحلم وكمان معلشى ازاي الواحد يفرق ان الحلم ده من عقله الباطن او رساله من ربنا واسفه على اطاله وشكرااااا
|
معلش يا بورسعيدي
احلامي زادت وعلي رأي محمد منير - لو بطلنا نحلم نموت - :d انا حلمت حلمين يمكن ليهم تفسير نفسي اكتر ما هما رؤي شوفت حلم مش لاقي فيه غير لون واحد وهو ابيض وشوفت حلم تاني مش لاقي غير لونين اسود واحمر والغريب ان دي الالوان اللي بصمم بيها تصمماتي فمش عارف هل الموضوع له علاقه بالفوتوشوب :d ولا له ايه بالظبط في جعبتك |
انا حلمت انى ماشية فى طريق فيه ميه والميه دى مش مية شتا تقريبا كانوا بيغسلوا حاجة فى الشوارع وانا ماشية والمية وصلت تدريجيا وانا ماشية لفوق ركبتى والموبايل اتبل مية وقفل وبطل يشتغل بس.
|
انا احلى حلم حلمتة انى مت شهيد وكنت بتكلم في الحلم مع الناس وتليت الاية القرانية
(ولا تحسبن الذين قتلوا في سبيل الله امواتا بل احياء عند ربهم يرزقون) بس في حاجة غربية انى بحلم اكتر عشروميت حلم في نومة واحد ة |
السلام عليكم ورحمة الله وبركاته
موضوع رائع كما تعودنا من حضرتك على طول انا عضوة معاكوا فى المنتدى بس الخجل بقى المهم انا حلمت بانى كنت على الماسنجر ففى ايميل غريب دخل عليا فقولتله مين معايا؟ قالى انا احمد قولتله احمد مين:o؟ قالى انا معاكوا فى المنتدى بالاسم المستعار كذا بس انا مش فاكرة اسمه المستعار خاااالص قولتله وعاوز ايه؟:rolleyes: (مع العلم انى مليش علاقة بحد من الولاد خالص اللى فى المنتدى ولا غير المنتدى وخصوصا اللى اسمهم احمد لاحد يفهم غلط :mad::mad:) قالى عاوز اسال عن فتوى ايه حكم الاحتفال بعيد الطفولة:confused: رديت على فتواه وجاوبتله وهو اقتنع وخلاص قولتله جبت ايميلى منين قالى من حد وخلاص قولتله طيب انا جاوبت على السؤال خلاص امشى كان جايب معاه هدايا فسابهم ومشى فقولتله ايه الوقة دى ؟ قالى شوفيها فبعد مامشى لاقيت الهدايا فيها مخداد صغيرة وفيها جوابين فتحت واحد لاقيت مكتوب كلام غرامى وياحبيبتى وانتى مش حسة ومش عارفة ايه الكلام ده كله :(:( ولاقيت صفحة كاملة من الجواب مليانة عنب كبير شوية فعمالة احاول اقرا اللى جوه العنب لاقيت شوية صفات كدة وفى عنب عمالة احاول اقرا فيه مش عارفة وبعد قرات نهاية الجواب مع السلامة وبردوا كلام حب وكدة وبس استغربت اوى مين ده وانا معرفوش اصلا بس فروحت صحيت نبانا بتاؤيله ؟:) وجزاكم الله خيرا وعلى وعد بحلم اخر |
والله انا شخصيا مش بحلم كتير
بس اخر مرة حلمت حلم مفهوم حلمت انى دخلت صيدله المنصورة والحمد لله دخلتها |
اقتباس:
|
السلام عليكم استاذ مجدي
انا نمت يوم 24 رمضان العصر كده و صحيت علي الفطار المهم حلمت حلم الفاكرة منه ان انا كنت قاعد علي الكمبيوتر و جاتلي رسالة علي موقع الفيس بوك و مكتوبلي فيها أن الليلة ديه ال هي ليلة 25 ليلة القدر بس الغريب ان انا لما صحيت و حكيت لامي و انا جاي احكيلها و هقولها لقيت نفسي بقلها انا شفت حلم و جاتلي رسالة أن ليلة القدر ليلة 27 مع أني شفتها في الحلم ليلة 25 و اعت افتكر لحد ما اتلخبط انا شفتها ليلة 27 و لا ليلة 25 و لحد دلوقتي متلخبط انا شفتها ايه بالظبط |
طيب انا بحلم دايما بناس ولمة حوالي لكن مش قادر احدد وجوه الاشخاص دي
في ضجضج ودوشة لغاية لما اقوم اروح البيت |
حلو موضوع الرؤا دا
بصراحه انا لما بحلم بحلم بمواقف بتحصلى على النت مش عارف كل مابحلم بشوف حاجات بتحصلى على النت حتى لما بصلى صلاه استخاره لشئ ما بشوف مواقفى فى النت يلا ربنا يهدينى من النت |
موضوع جميل جدا وفكرة اجمل والحقيقة انا بحلم كل يوم ولما اقوم من النوم انسى كل اللى حلمته بس فى صديق لى بحلم دائما بانه كل ما يروح مكان يلاقى تعابين:confused: |
| جميع الأوقات بتوقيت GMT +2. الساعة الآن 07:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.