بوابة الثانوية العامة المصرية - عندما يتغير عليك اعز الناس ؟؟هتعمل ايه

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - عندما يتغير عليك اعز الناس ؟؟هتعمل ايه (https://www.thanwya.com/vb/showthread.php?t=60535)

اقتباس:

المشاركة الأصلية كتبت بواسطة بنت الرحمة (المشاركة 640154)

اكيدحسالها بس مرة واحدة ولو فيش فاية خلاص اللى يبعنى ابيعه

ميرسي يا جميله على ردك

اقتباس:

المشاركة الأصلية كتبت بواسطة ahmed2845 (المشاركة 640367)

اللى بينفضلى بنفضلواا على طول :cool:

ميرسي يا احمد على ردك

اقتباس:

المشاركة الأصلية كتبت بواسطة عاشق القلم (المشاركة 640430)

لا هي حصلت معايا

بس انا اللي كنت عاملها

لاني عرفت عن الكائن ده حجات تقتل مشاعري اتجاهه

شكرا ليكي يا زهرة

ميرسي يا عاشق على ردك

اقتباس:

المشاركة الأصلية كتبت بواسطة سيد 2000 (المشاركة 640636)

:mad: :( :lol: :ph34r: :angry::blink::wub::huh::mad:

ايه الرد اللى عاوز شفرة دة
مش فاهمة حاجة بس ميرسي على مرورك

اقتباس:

المشاركة الأصلية كتبت بواسطة ملك اليمين (المشاركة 640944)

سيب حبيبك على هواه لغاية مايجى ديله على قفاه

يابنتى الى يبيعك بعيه

بلاش وجع دماغ بقى

يايكون مخلص ومحترم ولو غير كدة
يبقى خدى بنصحتى

ميرسي يا نسمة على مرورك واحنا اتناقشنا فى الموضوع عالايميل وفهمتك وجهة نظرى
يلا يا قمرى مستنيه جديدك وردودك

اقتباس:

المشاركة الأصلية كتبت بواسطة dr.Sarsoor (المشاركة 640951)

كلكم اللى يطنشك طنشه
نفسى ابقى كده والله
نفسى ابقى باردة جدااااااااا عشان ما احسش باى حاجة
احسن الحاجات دى اكتر حاجة بتضايقنى

ميرسي يا دكتور على مرورك وللاسف كلنا بنحاول نباة باردين عشان ما نحسش باى حاجة

اقتباس:

المشاركة الأصلية كتبت بواسطة ahmed2845 (المشاركة 641019)

يا جماعة الموضوع مش محتاج تفكير ووجع دماغ يعنى اللى نفضلك وسابك ومش عايز يعرفك تانى وانت سآلته عن السبب و مردش
خلاص كده يبقى انت مالكش زنب وريحت ضميرك
يبقى خلاص تنفضله بقى وتريح نفسك
انا شايف ان الانسان اللى يفضل متعلق بانسان باعه و سابه ويحاول يكلمه بعد ما نفضله من غير اسباب ده شخص معندهوش كرامه
انا آسف فى اللفظ بس هو ده رأى ومحدش يزعل منى

ميرسي على دخولك مرة تانيه ومحدش هيزعل منك ولا حاجة فى اللفظ بس انت جبت المفيد انه نفضله من غير اسباب يباة لازم يعمل كدة

اقتباس:

المشاركة الأصلية كتبت بواسطة شهدالجنة (المشاركة 641044)

انا عن نفسى لااستطيع فعل شىء بل سوف ابدء بالصمت لانه خير من اى شىء فالصمت
يغنى الانسان عن ارتكاب اى شىء بحزر منه

ميرسي يا فندم على ردك فعلا الصمت دا احسن حاجة بس صعب اوى

اقتباس:

المشاركة الأصلية كتبت بواسطة SaD Does NOT Cry (المشاركة 641110)

اولا الموضوع جميل اوى
وكمان بيحثنا على حاجات
صعب اوى علينا ندركه بسهوله من وجهه نظرى
1- والله ردى فعلى لازم يكون بعد تفكير طويل لانه كان وما زال اغلى الناس الى قلبى
وصعب انسى اللى حصل بيننا بسهوله

2- معرفه السبب ده شئ طبيعى لنقف سويا على الخطأ اللى حصل
لانه مش هيتغير من نحيتى الا اذا كان فى حاجه حصلت منى اتجاهه

3- صعب اوى اوى اوى انساه ده حبيبى او اغلى الناس الى
وطب ليه افكر انساه او مهتمش .... افكر ايه اللى يرجعه ليا من تانى
واحاول اسعده بقدر المستطاع لانه اغلى الناس الى قلبى

4- احن ليه بس ده شئ صغير اوى
والله لو الحب اللى بينا او العشرة دى غصب عنى وعنه متهنش بسرعه
وانا كمان مش هديله الفرصه فى البعاد

5- هعمل اى حاجه مهما كانت المهم عندى يحس انى غلط وبايدينا احنا الاتنين
نصلح اللى حصل

6- شكلى همر بيها والله اعلم

موضوع اكثر من رائع
تسلم ايديك

ميرسي لحضرتك على ردك والاجمل هوة مرورك
وبالنسبه لكلام حضرتك هوة واضح جدا وحضرتك جاوبت على كل الاسئله فعلا بس معتقدش رد حضرتك دة يخليك تمر بيها لانك فعلا باين من كلامك انك متمسك بالشخص دة لاخر لحظة

اقتباس:

المشاركة الأصلية كتبت بواسطة SmSm Basha (المشاركة 641716)

موضوع جميل .... انا بالفعل مريت بتجربة زي دي ....
كان في صديق ليا بحبه جدا و كنت بحاول دايما اتقربلوا لحد ما اصبحنا اصدقاء كان بيكلمني مرة او اتنين في اليوم و انا كنت بكلموا كتيير برضوا لحد لما حصل منه موقف ضايقني فبعدت عنه شوية فلقيته هوا كمان بعد فسالته انت بعدت لييه قاللي انت اللي بعدت المهم قولتله انا خلاص مش زعلان و مش متضايق و مش عارف ايه و مع ذلك من اليوم دا و العلاقة مرجعتش زي ما كانت ...... و في يوم ادركت ان صديقي دا عمره ما حبيني و لا كان عايزني ابقى صديق له حتى تليفوناته دي كانت لمصالح و امور شخصية .... و و الله من يومها كل لما افتكر الموضوع دا باحس اني مجروح و اني حبيت واحد مش يستحق حبي لييه و لا خدماتي لييه اللي هيا كانت هدفه من صداقتنا و المشكلة دي ممكن تقولوا غيرت معنى الصداقة جوايا و بعدت بعدها عن اصحاب لييا كتيير بسبب المشكلة دي...... على العموم شكرا على الموضوع و اسف على الاطالة ......تقبلوا مروري و تحياتي

ميرسي على ردك والاجمل هوة مرورك بس انا عاوزة اققولك على حاجة ان مش معنى انك عرفت شخص على حقيقتة وطلع مش كويس معاك يباة تحكم على الناس كلها كدة او على مفهوم كبير زى الصداقة وكويس انك عرفتة على حقيقتة

اقتباس:

المشاركة الأصلية كتبت بواسطة زهرة البنفسج (المشاركة 643943)

انا اللي شكرا ليكي لانك طرحتي موضوع مهم ..... و انا مش حكمت على الناس غلط لا تقدري تقولي بقيت بتعامل معاهم بحذر شديييد ..... و الف شكر ليكي مرة تانيه