|
لازم بطاقة الترشيح .. واي اثبات شخصية ..
عشان في اول يوم دايما السكيوريتي بتوع الجامعة بيغتتوا جامد .. عشان الجامعة بتبقي زحمة في اليوم دا جامد فمنعا لنظام الغتاته دا .. حاول تجيب اي اثبات وتخلص نفسك |
كويس كده انا طبعت بطاقه ترشيح جديدة
على الله يبقالهم حجة تانيه وكمان مطلعه البطاقه الشخصيه من زمان وهخودها ان شاء الله معايا بس اللى مطلعوش بطاقه شخصيه لسه يجيبوا معاهم ايه شهادة الميلاد مثلا ؟؟!! |
هههههههههههه .. اتريقي اتريقي !!
انا مالي .. مسيركوا تمروا باول يوم وتشوفوا بنفسكوا |
مش بتريق والله
هما زميلى مطلعوش بطاقه يدخلوا ببطاقه الترشيح وايه معاها ولا بطاقه الترشيح كفايه ؟؟!! |
هاااااااااااااااااااااااااي wanda
|
ازيك يا ميدو عامل ايه هو انت فى تجارة القاهرة معانا ؟؟!!
|
wanda لازم تصوري البطاقه وشهلدة الميلاد عند التقديم
|
لسوء الحظ لا يا wanda لان انا تجاره الزقازيق بس احنا لازم نكون اصدقاء ولا ايه رايك
|
فينك يا واندا وايه رايك
|
المفروض هي مركز هام جدا في المجتمع لانها تشكل هيكل العمل في جميع المجالات وهو الجزء الاداري المحاسبي الذي يمكن بفشله تفشل مؤسسة او تنجح بعمل هذا النظام
لكن المشكلة ان هذا المركز في مصر يخلو تماما من اي نوع من انواع النظام لكن اتمنى ان تكوني انتي من قائدي شعلة التغيير داخل هذا النظام |
اوك يا ميدو واحنا صحاب واخوات طبعااا
انا مصورتش حاجة محدش قالى اهئ اعمل ايه دلوقتى |
يا سبحان الله ..
عشان تعرفي بس اني مابقولكيش كلام في الهوا !! مش هاتعرفي قيمة كلامي دا . الا اما تخشي اول يوم وتشوفي الناس اللي زيك متسوحين .. ساعتها هاتحمدي ربنا وتفتكريني !!! |
هفتكرك بالخير ديما بس والله انا معرفش حكايه التصوير ديه
طب البطاقه وطلعنا غيرها وشهادة الميلاد مهمة ولا ايه ؟؟!! |
لا مهمة ولا حاجة
هاتعملي ايه بيها اصلا ؟ نفضي .. هيا بطاقة الترشيح وبطاقتك وارزعيها في وش بتاع الامن لو عاند معاكي شوطي فيه .. ولا يهمك .. عشان ساعات بيستظرفوا شوية |
اشوط؟؟!! انت شويه تقولى قومى اتجرئى وزعقى لو حد رغى وراكى
وشويه تقولى اشوط ؟؟!!!!!لاء ان شاء الله خير تفائل خير |
لا والله عادي .. هما فعلا بيخنقوا ساعات
بس عادي قضيها الناس لبعضيها !! انا مرة قبل كدا منعوني اخش .. قال ايه عشان احمد نظيف جوا !! |
احمد نظيف بلا نيله افتكر حاجة عدل وان شاء الله
هتعلم التشرط واشوط وازعق ولا يهمك :D |
يا واندا
تعليقا ع حكاية البطاقة الشخصية اللى اصحابك مش معاهم دى انا لسة مطلعة البطاقة من قريب لانى مكملة 16 مبقاليش كتير بس وبتطلع فى وقت بسيط جدااااااااا دا انا وصلتنى لحد البيت :d خليهم يمشوا فى الاجراءات يعنى مش هيخسروا شىء :) مسيرهم هيطلعوها فى يوم من الايام يعنى مش هيمشوا بدون اثبات شخصية كدة!!!!! |
هههههههههه مهموا عايزين يطلعوها لما يدخلوا الجامعه
علشان يتكتب عليها كليه مش عارفه ايه ؟؟!! هما حرين انا قولتلهم وهما حرين |
اقتباس:
ما انا مكتوبة طالبة انا لسة مستلمااها مبقاليش شهر ومتأ:دة ان اصحابك دول اكبر منى فى السن وبفروق توصل لسنة كمان!!!:) بس هتلاقى اللى هيدخل جامعة ويقول لك لما اتخرج عشان يتكتب عليها موظف فى مش عارف فين خليهم بقى بدماغهم دى هما هيمشوا معلقين البطاقة ولا حاجة كل مصر تشوفها ؟؟ هما حرين فعلا :) |
على رأيك والله ما فرقت يعنى ايه يتكتب كليه تجارة بلا نيله
طالبه احسن علشن الواحد يحس انه لسه صغير هههههه |
نعععععععععععم .. تتتعمل في يوم ؟!!
حرام عليكي بجد يا هبة !! وربنا حرام !! .. دانا طلع عيني عشان اعملها .. والله العظيم تلاته عملتها في اسبوع عمرك شوفتي حد عمل بطاقته في اسبوع ؟!! .. حرااااااااااااام !! اما حكاية بقي انها تطلع عشان يتكتب فيها تجارة .. فدي فعلا ليها مميزات مميزات في ان مثلا مثلا مثلا يعني .. لو لاقدر الله اتسحب منك الكارنيه ولا حاجة تعرفي تخشي الجامعة بالبطاقة الشخصية دي .. لإنها هايبقي مكتوب عليها فعلا تجارة القاهرة فيه حاجة تانية برده .. وهيا حكاية التدريب اثناء فترات الاجازة .. دا طبعا بالنسبة لكليتنا الجميلة تجارة !! .. وهى انك اما بتروحي حتة كويسه موبينيل .. بنك مصر .. سوسيته جنرال .. اي حاجة من دول .. عشان تعملي لنفسك الـ Id كارد بتاعتك هناك .. واللي انتي اساسا ماينفعيش تمشي من غيرها هناك بيحتاجوا البطاقة .. ويكون مكتوب عليها تجارة القاهرة او اسم كليتك على الاقل الو مش مكتوب بقي .. بتحتاجي انك تروحي الكلية وتاخدي شهادة اثبات قيد وتقعدي بقي تلفي مابين شئون الطلبة للخزنة ومن الخزنة لشئون الطلبة وتروحي لشباك البريد عشان تجيبي طوابع .. ولسه على بال ماتتعمل على الكمبيوتر .. يعني بتاخد وقت شوية دا غير انها بـ 10 جنيه .. والله براحتكوا بقي .. بس هي فعلا ليها ميزة انه يبقي مكتوب عليها اسم كليتك بس عشان تعمليها من كليتك .. بتدفعي 5 جنيه في الخزنة عشان تتختم من الكلية والموظفين يمضوهالك يعني كدا كدا بتدفعي .. مافيش حاجة في البلد دي تمشي ببلاش ابدا !! |
انا عملتها من زمان بابا واحدة زميلى ضابط بدرجة عقيد
عمالهالى وجاتلى لحد البيت هقول لاء لو هحتاج البتاع ده هعملها اكيد مش هحتاجة يعنى مش فاهمة ايه لزمته |
اقتباس:
اه بتطلع فى اسبوع واتنين ومش بتزيد بس اقصد الفترة مش مستاهلة !! |
هاى ياجماعه انا هنا من فترة بس اول مرة ادخل القسم ده انا كمان تجارة واستفادت من كلامكم جدااااااااا
كنت عايزة اقولكم كل سنه وانتم طيبين ورمضان كريم يارب وياريت تقبلونى صاحبتكم |
اقتباس:
|
اقتباس:
ههههههههه سيادتك انا عشان اعملها عملتها في اسبوع بحاله .. كنت كل يوم اروح السجل المدني عشان اعلمها ويتطلعلي حاجة تخليني اجي اليوم اللي بعده وبعد مالحمدلله اتصورت .. قالولي تعالي بعد اسبوعين .. روحت بعد اسبوعين قالولي لسه ماطلعتش !! حاجة بيئة والله !! .. بلد اعوذ بالله عليها .. |
اقتباس:
واكيد يعني صاحبتنا طالما انتي داخلة الموضوع ماهو الموضوع طبيعي معمول لتجارة القاهرة .. فاكيد لازم تكون عضوة فيه الا اذا بقي كنتي مش تجارة القاهرة ... |
ِكلها تجارة المنصورة ورمضان كريم وانتى طبعا منورنا
واكيد اصحاب |
ايه اخبارك يا واندااااا
|
يا بخت اللي في تجاره القاهره والله بجد
|
ممكن اتعرف علي اي حد في تجاره القاهره
|
انا فعلا تجارة المنصورة وميرسيى ليكم كتير بس ايه النظام مش هتقبلنىvampire يا صاحبتكم ولا ايه
ان عض عالموم انا بشكرك انت بالذات شكر خاص لانى استفدت منك بمعلومات رائعه عن كليتنا المصون وبالمرة يعنى انت سنه كام وعملت ايه فى اول سنه يامان |
اقتباس:
انا رحت مرة واحدة بس ادتهم كل الورق المطلوب واتصورت وجت لى بعد اسبوعين بالضبط ع البيت ====== شكلك اتبهدلت بسبب البطاقة ، ربنا يعينك ======= |
اقتباس:
دا ايه دا هههههههههه بصراحه انا زى فايبر روحت اربع ايام ورا بعض وكل واحد يبعتنى مشوار هنا وهنا و كل يوم الاقى فيه حاجه وروحت عشان اجيبها بعد اسبوعين قالو تعالا بعد اسبوع ما علينا بس جبتها الحمد لله |
ايه ده انا عملتها بعد اسبوع واحد بس استلمتها
وكان القسم فاضى خالص اصلى روحت فى وقت كان المكان بتاع البطاقه مهوى وطبعا مش حظ بابا زميلتى قالى تعليلى فى اليوم ده وبعد اسبوع بالضبط جاتلى على البيت قسم الجيزة على فكرة اللى على البحر |
اقتباس:
والعفو ياستي على كلامك دا .. بس دا شئ عادي كل واحد في المنتدي دا بيحاول دي خبراته للي بعد منه عشان الفايدة تعم .. وانا ماعملتش حاجة يعني .. انا مجرد بنبه بس مش اكتر .. لكن انتوا مسيركوا هاتمروا بكدا اما عن انا في سنة كام .. انا طالع تانية السنة اللي فاتت تقدري تقولي جيد .. بس ماتفكرنيش عشان انا مش ناقص خنقة كفاية اللي انا فيه والنبي .. وعلى فكرة انا اعرف ناس برده داخله معاكي تجارة المنصورة .. بس انجليش مش عربي على العموم .. مرحبا بيكي في تجارة .. ويارب تكون سنة حلوة عليكي وع الجميع وكل سنة وانتي طيبة .. |
اقتباس:
انا هاقولك يا ستي تفصيليا ايه اللي حصل .. اليوم الاول .. روحت عشان اجيب الاستمارة اليوم التاني .. روحت بالاستمارة معايا وهيا مملية .. وانا داخل اكتشفت انهم عايزين شهادة الميلاد معاها خرجت .. ووقفت في طابور ساعة الا ربع عشان اطلعها .. طلعتها فعلا .. وبكدا يكون اليوم طار اليوم الثالث .. روحت بالاستمارة وشهادة الميلاد .. ودخلتلهم .. ايه يا جدعان مش هانخلص بقي ولا ايه ؟ لا ازااااي ؟!! .. فين ختم النسر .. مافيش .. روح اعتمدها من كليتك .. بكدا يوم طار اليوم الرابع .. روحت الصبح بدري .. اعتمدتها ودفعت 5 جنيه علي الحكاية دي .. وروحت للسجل المدني تاني ها يا جماعة .. ميه ميه كدا ومتظبطة .. لا ازااااي ؟!! .. فين الضامن ؟! .. لازم يكونلك ضامن .. ماهو يا جدعان الكلية اهي معتمداها لا ماينفعش .. لازم الضامن باباك او مامتك او عم خالة اللي جابو ابوك !! كدا يوم طار اليوم الخامس .. جيبت بابا .. ها يا جماعة خلاص كدا ؟ .. لا ازاي ؟! .. الاعتماد بتاع الكلية معمول بتاريخ يومين فاتوا .. ممكن تكون سيادتك اترفت من الكلية خلال اليومين دول بس عشان خاطر الراجل الطيب اللي معاك هانعديهالك !! طب مش هانتصور بقي ولا ايه ؟ .. لا سيادتك تيجي بكره الصبح بدري عشان تتصور عشان الماكنه قفلت كدا يوم طار اليوم السادس .. ها يا جدعان .. عايزين نتصور بقي .. لا معلش اصل الماكنه باظت .. تعالي بكره !! اه يا ولاد الناس المحترمة .. يوم طار .. اليوم السابع .. روحت يا ولاد الناس الكويسة لو ماتصورتش وربنا هاولعلكوا فيها !! اتصورت اخيرا .. وخدت الوصل .. وتعالالنا يا عم الحاج بعد اسبوعين اروح بعد اسبوعين .. يقولولي لسه ماطلعتش .. اه يا ولاد اللذينة !! معا العلم ان انا كنت عاملها اساسا مضطر .. فن ساعتها كانت الشريحة بتاعة الموبايل عندي اتحرقت فعشان اطلع شريحة عليها .. لازم البطاقة تكون معاها .. عشان كدا كنت عايز اطلعها باي طريقة وانتي تقوليلي شكلك اتبهدلت ؟!! .. انا طلع عين .. ولا بلاش خلينا كويسين احسن .. فعلا .. بلد طوابير بصحيح !! |
كنت اشتريت واحدة جديد
ليه كل ده بس قسم الجيزة بيخلص بسرعه فى يوم واحد وبعد اسبوع تستلمها انت شكلك عملتها فى العباسيه |
السلام عليكم
|
وعليكم السلام هو انت معانا فى تجارة القاهرة واسمك ايه وفى سنه كام ؟
|
كملت يلا كل يوم يجيلكو واحد
ماشيه معاكو ايه ميه ميه اوعدنا يارب شكلى هاحول تجاره ههههههههههه |
على ايه ديه كله كام يوم وندخل الجامعه
ومش هتلقى حد يعرف حد هتحسدنا على ايه يعنى عاتى يا عم |
السلام عليكم ازيكم يا شباب على فكرة انتو مجموعة حلوة اوى وانا معاكم فى تجارة القاهرة واحتمال ابقى تجارة انجلش ادعولى
|
ربنا معاك ...
|
اقتباس:
انا عملتها في السجل المدني بتاع بولاق عشان كان جنب الجامعة فبخلص بسرعة لكن وحياتك عندي .. انا بيتهيألي لو كنت عملتها في السجل المدني بتاع الهرم كنت خلصت .. المفروض يغيره يافطة السجل المدني .. ويخلوها .. السجق المدنى !! |
اقتباس:
ناس حقودية صحيح !! :mad: |
انت هتقولى على بولاق هو انت مخرجتش على المستشفى عدل
ولا خرجت سليم هههههههههه لا يا عم قسم الجيزة ارحم بكتير على الاقل تحس ان انتا كده فى مكان هدى مفيهوش حد غير انت والموظف اللى بيعملك البطاقه واللى بيصورك والباقى بقى كل واحد فى حاله هو فيه طابور فيه حوالى 10 عقبال ميروحوا يصوروا ويجبوا ويكملوا ورقهم ويكتبوا اللى يككتبوه هيعرفوا يسلم ورقهم ويخلصوا بسرعه انا قعدت هناك مجرد 1 ومشيت |
ماهو انا بقي نفسي اعرف 1 دي ترمز لإيه ؟
ساعة ؟ .. ولا يوم ؟ ... ولا اسبوع ؟؟؟ انا معايا ترمز لإسبوع .. بليز اوعي تقولي يوم عشان ماتجيليش علة فوق العلة اللي انا فيها !! بعدين انا اما عملتها في بولاق كانت عشان هيا قريبة من الجامعة على طول يدوبك خطوتين وببقي هناك .. كنت ممكن اعملها في الهرم وكان هايبقي اسرع .. بس كنت هاتبهدل عشان كانت بعيده عليا شوية بس ماعلينا .. اهي اتعملت وخلاص .. |
تجاره كليه جميله فعلا وخصوصا لو تجاره انجلش
بس عيبها انك لو مش هتذاكر بضمير حط فى دماغك عباره" خدعوك فقالوا ان تجاره 4 سنين" وخصوصا لو فى المنصوره حضراتكم |
| جميع الأوقات بتوقيت GMT +2. الساعة الآن 01:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.