|
ايوه يا يونا انا كمان :d
ممكن :) |
يا جماعه احنا هنبدا باذن الله يوم الحد
و ده الجدول و انا سالت واحد صاحب اخويا فى علوم قالى الجدول مش بيتغير الدكاتره هما الى بتغيروا بس و ده رابط الجدول http://web.helwan.edu.eg/science/fil...ge=319&lang=ar |
طيب انا كنت نازلة بكره
الغى كده؟؟؟ |
والمفروض نبقي موجودين فى الكلية الساعة كام بالظبط ؟؟
امممم انا يا جماعة قلبت ومشيت فى النت وكلمت بنات كتير واستقريت ع فيزيا حيوية باذن الله الله المستعان فى رعاية الله يا علماء حلوان :) |
ايون الغى بقه يا رحمه
شوفتى بقى وفرت عليكى المشوار ان شاء الله الحد الساعه 9 و اول محاضره كده الغى عشان تقريبا مفيش معمل اول اسبوع |
شكراااااااااااا اسلام والله احسن حاجة
طيب هو احنا مفيش عميد هيكلمنا مش كفاية علوم مجمعوناش ولا مرة قبل الدراسة ولا عميد كلمنا ولا حد عبرنا انا اعرف القاهرة جابوهم ع يومين ما علينا عموما 9 دى معقولة يعنى المفروض نكون فى الجامعة 8 مثلا |
ايوه نبقى هناك على 8 و لا حاجه حتى الواحد يعرف ايه النظام و كده
لكن على حكايه العميد دى مش عارف و الله بس معتقدش خلاص ادراسه الحد بس ممكن كده كل معييد او دكتور يقعد يتكلم شويه كده فى بدايه كل محاضره |
يعنى المفروض اول يوم كده يكلمنا ...
خير خير يا ريت والله لانى بجد نفسي اسأل اى حد عن ازاى اخد نوبل من اولها كده :mellow: ربنا يقدم اللى فيه الخير عموما |
يلا بقا يا حلوين
روحوا اول يوم وتعالوا اخكولوا على كل حاجة من بابا الكلية عامل ازاي للدكاترة و الكتب وشوفوا الجدول لحسن انا مش مقتنعة بالجدول ده اصله مينفعش كل يوم من 9 ل5 يعني نصحى من 7 ل7 اية ده ويلا بالتوفيق يا بنات و شباب العلوم اه صحيح ممكن بس لو مفهاش رخماه تسئلولي على اللي اتاخر في تقديم بطاقة الترشيح لبعد العيد ضروري والنبي يا جماعة متنسوش |
اقتباس:
وانتى والله ،، حبيتك ياشيخه :) |
ازيكم يا حلوانية عاااملين ايه مبروك للى دخلوا الكلية انا على فكرة فى علوم حلوان واللى عايز يسأل على اى حاجة يسأل انا قديم فى
الكلية دى وكنت علوم فيزيائية واللى عايز اى حاجة يسال وانا اجاوبه و على فكرة المواعيد فى رمضان اول محاضرة 8.30 مش 9 المفروض يعنى |
و هنخلص كده على امتى كده
|
اقتباس:
وابقي حوليلنا السنة الجاية علشان تبقي فى الموضوع رسمى :d متكسفنيش بقى :wub: |
ان شاء الله على 2.30 بس ده لو اليوم كله دراسة
|
اقتباس:
طويب انا مش شغال معايا اللينك ده بيفتح يقول انه علوم حلوان بعدين ولا حاجة الصفحة بيضااااااااا بيضاااااااااااااا مفيش غير حبة ازرق:d مينفعش حد ينزل الجدول هنا او يقولى اجيبه ازاى؟؟ كمان ...اول يوم باذن الله عرفت انه يوم الحد هتبقى اول محاضرة الساعة كام؟ وهنمشى الساعة كام؟ .............. حاجة كمان معلشى معلشى:d انا كنت كاتبة بيولوجى وعاوزة احول فيزيا ينفع فى اول يوم احول؟ ولا ايه النظام؟؟ محدش ينفضلى:mellow: كل سنة وانتوا طيبيين |
etnen w nos :o
tyb da kda to7fa awe zenab el link baaz 3ndy ana kman :mellow: isa yb2a sahl t7awely ya 2mar wenty tayeba :) |
اقتباس:
ريما حبيبتى بلاش تحرجينى قدام الاجانب مبحبش اترجم فرانكوا لو تاخدى الجنسية العربية يبقى ريحتينى وريحتى نفسك:d |
2.30 ده فى رمضان بس على فكرة انما بعد رمضان هيمشى على الايام العادية
|
اقتباس:
بصى انتى كدة كدة اول يوم هتروحى الكلية هتلاقى الجدول متعلق جمب شئون الطلبة بمواعيد رمضان متستعجليش وهيبقى ده الصح كمان عشان لو فى حاجة اتغيرت واول يوم اول محاضرة بتبقى الساعة 8.30 واخر محاضرة بتخلص الساعة 2.30 ده لو اخدتو محاضرات اول يوم اصلا وانا ميتهياليش انكم هتاخدو اول يوم ولو عايزة تحولى لشعبة تانبة تقدرى تحولى حتى لو بعد اسبوع من الدراسة بس احسن تحولى فى اول يوم بس كدة واللى عايز حاجة تانية يسأل انا موجود وربنا يستر |
اه بليز يا كيتا
ينفع لو مروحتش اودي بطاقة الترشيح بتعتي الكلية غير بعد العيد بليييز يعني وفيها مشكلة لو مروحتش لحد بعد العيد وجزاك الله كل خير |
توديها ازاى يعنى هوانتى مش قدمتى الملف بتاعك فى شئون الطلبة فى كل حاجة هما مش بياخدو جواب الترشيح تقريبا
وبالنسبة لحوار بعد العيد منصحكيش بيه عشان تعرفى الدنيا ماشية ازاى وتشوفى المعامل وتسجلى اسمك فى المعمل واول معمل بيبقى من اهم المعامل لان بيشرحوو فيه الحياه تمشى ازاى بس ممكن يشرحوه تانى بس الافضل انك تروحى تشوفى الدنيا ماشية ازاى عشان الحكاية متتصعبش عليكى بعد كدة |
اصلها كانت شهادة معادلة وله نتيجتها ظاهرة
واعتقد عندها ظروف تجبرها ع عدم التواجد فى الفترة الجاية دى |
لا مش عارف والله بس احنا كان معانا واحدة من السعودية جت بعد الدراسة بشهر مش عارف بقى زيها ولا ايه
|
طيب بما انك اكبر مننا
ايه رايك فى قسم الفيزياء الحيوية؟ |
بصى قسم فيزيا حيوية جميل جدا وبيدخلوه قليل فالفرضة انك تبقى معيدة حلوة بس مشكلته انه شغله قليل شوية ومحدد بس بالنسبة للقسممن رايى انه جميل
بس احلى حاجة فى الاقسام التانية لوقلنا كيميا مثلا ان الشغل فيه كتير ومطلوب اوى مفيش مصنع مثلا مبيبقاش عايز كيميائى وحتى لو مشتغلش ممكن يشتغل مدرس لحد ما يشتغل فى الحاجة اللى هو عايزها بس برده فى الاخرلازم الواحد يخش الحاجة اللى بيحبها |
ماشي اشكرك
عموما بشكل عام مش بحب الفيزيا بس داخلاها عناد وهتفوق فيها ان شاء الله |
نصيحة منى بلاش تدخلى حاجة مش بتحبيها
|
ما انا مش قدامى كده غير الجيولوجيا
|
ليه ؟ انتى قدامك رياضة وحاسب وكيميا وفيزيا وحاسب واقسام كتير اوى بس اللى احنا بنتكلم فيه ده لسة قدام فى تانية ان شاء الله
|
اها فهمت
عموما الله المستعان واللى فيه الخير يقدموا ربنا .. |
اقتباس:
عموما اللينك بيبوظ علطول مش عارف ليه بس هو كان فاتح معايا لما حطيت الرد و اه ينفع تحولى عادى جداااااا و بالنسبه للمواعيد زى ما كيتا قال اول محاضره 8.30 و هنروح 2.30 ده فرضا لو خدنا كل المحاضرات و كل سنه و انتى طيبه |
اهلا بيونا وكندي معانا
وانشاء الله يا ريت نتقابل كلنا في الكلية يوم الاحد وايه اخبار المدينة الجامعية معاكي يا رحمة |
النتيجة لسه اول يوم يا وسام :(
|
سلااااااااااام ياجماعه انا..... اترميت....قصدي دخلت علوم حلوان معاكو :rolleyes:لو سمحتو بس عايزه اعرف اسهل طريق ليها من مدينة نصر غير المترو لاني بكرهو جدااااااا.... وعايزه كمان حد قسم كيميا يقولي اعمل ايه فيها لاني ان شاء الله ناويه عليها ...بس يكون شاطر...ز^_^ |
احنا لسة كلنا سنة اولي يا رانا
رحمة انا عايزة ايميلك دلوقتي عالياهوه عشان اتفق معاكي علي بكرة انشاء الله |
علي فكرة احنا هنروح في رمضان الساعة 2.30 ظهرا ربنا معانا بقي في الحر ده
|
يعنى هنروح الساعه 2.30
و لا هنبدا و لا ايه |
وسام ابعتيلى اميلك انتى
لانك مش مفعلة خاصية الرسائل الخاصة عندك اساسا |
لا احنا هنبدأ 8 ونص وهنخلص 2 ونص
باذن الله |
على فكرة متعملوش حسابكووو انكم تاخدووو حاجة اول يوم هتفضلو قاعدين قدام المدرج ولو نفس الجدول هيبقى اول حاجة معمل ومفيش معمل اول اسبوع وتانى حاجة فيزيا والدكتور بتاعها مجاش اول اسبوع وتالت حاجة حقوق انسان وددى مادة محدش بيحضر محاضرتها اصلا ورابع حاجة انجلش وقليليلن اوى اللى بيحضروها لان ماد الانجلش اسهل من انجلش الثانوية العامة بكتيييييييييييييير وربنا معاكو ان شاء الله
|
بمناسبة الانجلش
لاحظت حاجات غريبة اوى فى النتايج واحد جايب ف 6 مواد امتياز مثلا و فى الانجلش مقبول و واحد جايب جيد وطالع بالانجلش وواحد ضعيف فى كله و مادة مثلا جيد وفى الانجلش جيد جدا :d المادة دى غريبة اوى |
هو انا اساسا مش تبع حلوان
بس معلش يعنى عموما هو الانجلش اللى هناخده دا عباره عن ايه ؟؟ مصطلحات ولا ايه |
بطلى تقولى كلمة انا مش حلوان دى
انا احتمال اجى اخدك من ايدكـ لجامعتنا السنة الجاية باذن الله يونا يا بنتى انتى بقيتى واحدة من العيلة :d |
هى مادة سهلة جدا على فكرة ويا هناك يا سعدك لو انت بتحب الانجلش اصلا بس هى تتذاكر فى الاخر وامتحانها سهل جدا
|
هو بيتكلم عن المواضيع العلمية زى الدم والحاجات دى واهم حاجة انك تقرى المواضيع وتحفظى الكلمات الجديدة والجرامر هايف جداااااااااا بس طبعا مش زى الكيميا والحاجات دى والمادة من 50 بس
|
اقتباس:
بس بردو لما تزهقو منى قولولى .. عشان مش هستنى لحد مااطرد ;) |
اقتباس:
اقتباس:
شكر ع التوضيح .. جزاكى الله خيرا :) |
ربنا يستر بكرة
|
ان شاء الله ربنا سهلها علينا جميعا
و معلش انا عايز اسال سوال المعمل ده المفروض هنبقى ناخد فيه ايه يعنى |
بص يا سيدى انت عندك معملين معمل فيزيا ومعمل كميا و فى الترم الاول معمل الكيميا لذيذ جدا بتاخد فيه حاجة اسمها الكشف عن الملح انت عندك الملح بيتكون من شق حامضى وشق قاعدى لان حمض + قاعدة = ملح ومياه فاحنا خدنا الملح ده وكشفنا عن الشقوق اللى فيه بطرق سهلة جدا وعلى فكرة امتحان عملى الكيميا اوبن بوك يعنى مفيش مشاكل خالص بس اهم حاجة تاخدو بالكو من حمض الكبريتيك المركز اللى هو h2so4 ومعمل الفيزيا سهل برضه بتقعد تعمل تجارب كدة بس بتشتغل بايدك بقى والله احلى حاجة فى الكلية المعامل معلش انى طولت ب انا بحب المعامل اوى :d:d:d |
| جميع الأوقات بتوقيت GMT +2. الساعة الآن 06:52 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.