|
والله تجنن يا فامباير انا فعلا عملت كدا السنة اللى فاتت لما كنت ف اولى
وتهت على ما وصلت مدرج (ج،د) وخسيت من كتر الزحمة اللى بتحصل وانا خارجه م المدرج واموت واعرف العيال بيسألوا الدكتور على ايه بعد ما خلص هو انت مجموعه ايه وعملت ايه السنة اللى فاتت |
..................................
|
مجموعة (ز) .. اللي هيا (و) سابقا ..
وماتسأليش عملت ايه السنة اللي فاتت عشان مش ناقصة نكد !! نكمل بقي القصة .. انتي بعد مامر اليوم الاول والتاني على خير والحمدلله هاييبقي عندك غالبا اجازة .. وبعد كدا اليوم التالت يطل بشمسه المشرقه على قبة الجامعة عشان تنور مدرج العيوطي البهيج !! وتدق ساعة الجامعة الساعة الثامنه صباحاً .. معلنة بداية يوم دراسي جديد حافل بالنشاط والحيوية .. ههههه قال يعني !! هاتنزلي من بيتك معززة مكرمة . هاتحاولي تتزوقي عشان تبقي زي زميلاتك الحسناوات اللي في المدرج ! ومعاكي شنطتك وفيها قلمك وكشكولك والكام كتاب لزوم الدح بتاع اول السنة .. قال يعني انتي مهمته اوي .. تركبي المترو وهوب تقومي نازلة محطة جامعة القاهرة اللي غالبا بتبقي مكتظة بالطلبة اللي جايين من شتى انحاء القاهرة المهم هاتيجي تخشي من البوابة وانتي فرحانه انك عديتي من غير كارنيه .. هاتخشي المدرج بتاع العيوطي .. وانتي في دماغك 3000 حاجة .. اولهم امتي ياربي هاييجي الدكتور ونخلص ؟! هاتقعدي تلفي حواليكي وتبصي للناس والبشر وبتتأملي في جمال المدرج من جوا .. وعماله برده تسألي الدكتور ماجاش ليه ؟! والمهم بعد عشر دقايق من التفكير تفاجأي بان شوية شباب كدا طلعوا على المدرج ويقعدوا يقروا في قران دول ياستي بتوع الاخوان المسلمين .. ماعلينا سيبك منهم المهم شوية وهاتتلاقي الدكتور داخل.. هاتحاولي تتأهبي للموقف وتطلعي الكشكول والكتاب والقلم والمسطرة !! نوبروبليم .. شئ عادي .. بعد كدا مش هاتستعملي دا كله نهائي .. هاتكتبي المحاضرة والمره دي هاتبدأي تفهمي عشان هاتكوني ربطتي كلام المحاضرة اللي فاتت معا المحاضرة الحالية وساعتها هايبان الدكتور دا شرحه كويس ولا وحش .. اثناء المحاضرة يبقي حظك وحش لو ربنا رزقك باتنين رغايين وراكي مش هاتعرفي تسمعي منهم حاجة نصيحة .. حذريهم في الاول.. عندوا .. قومي بكل جرأة وقولي للدكتور .. ولا يهمك ! في البريك هاتبدأيي تتصاحبي على بنت .. والبنت هاتكون متصاحبة على بنت تانية .. وتبدائي تعملي لنفسك جروب وتمر الايام والمحاضرات .. لغاااااااااااية مايجي ميعاد اخر محاضرة في الترم .. ودا بيبقي موال تاني اقدر اقولك كفاية .. ويتبع >>> |
ما تقولى وخلاص ما انا دفعتك عايزة اعرف بس النتيجه عاملة ايه ف بقيه المدرجات
|
صراحة انا اول مرة اعرف حكاية ان المجموعة بقت اسمها مدرج !!
بشوف ناس كتيرة بتقول كدا .. بس عادي نوبروبليم لا ياستي .. جيبت جيد .. وعادي يعني .. دي مش ثانوية عامة عشان تعرفي النتيجة يعني ! بس اني واي .. انا ناوي السنة دي بعون الله اشد بقي جامد .. وبعون الله جيد جدا يعني جيد جدا ولا سبيل الى جيد جدا الا الدح .. الدح هوا السبيل الوحيد الاوحد الى النجاح ومن ثم التفوق .. دحوا تصحوا !! |
اوك يا فامبير بس انا لو زعقت فى حد وعاند بقوم اضرب
نو بروبلم همسك نفسى واقوم واقول للدكتور طيب انا مثلا مثلا يعنى لو عايزة اجيب تقدير اول سنه علشان اول انتظام لازم ادح من اول السنه ولا افهم بس اللى عليا والملغى ايه واشد اخر شهرين ؟؟؟!! متقوليش زى الثانويه العامة من اول السنه مش عايزة اسمع كده وشكراا على الافادة |
لا طبعا .. انا قولتلك النظام العام قبل كدا
انتي بتمشي عادي جدا طول السنة .. بس فيه بالنسبة للترم الاول .. فيه 3 مواد ذاكريهم اول بأول من اول السنة عشان ماتضيعيش في الاخر المحاسبة المالية .. والرياضة البحتة .. والسلوك الانساني وركزي شوية على السلوك الانساني عشان هى مادة طويلة شوية .. وبتوصل لييجي 18 شابتر طبعا مش معقول انتي في اسبوعين هاتخلصي 18 شابتر بحالهم !! اما المحاسبة المالية .. فاتفهميها يعني تفهيمها .. ولو مافهمتيهاش مش هاتفهمي اي محاسبة تانية وعشان تبقي عارفه المحاسبة المالية دي انا اكتشفت انها هايفة .. وتعتبر الف باء محاسبة وفي جامعات تانية بيسموها princeples of accounting .. واعملي حسابك انك هاتاخديها في الترم التاني بس بالانجليش .. اما الرياضة البحتة .. فهى كلها حل مسائل .. شدي في المسائل وحلي كتير وركزي على التطبيقات اللي الدكتور هايقول عليها .. وربنا يبقي كرمك لو دكتور مصطفى الفقي هوا اللي ادالك مصطفي الفقي دا هوا يعتبر وكيل مركز البحوث التجارية .. اللي هوا في ضهر مدرج العيوطي دا اما باقي المواد .. ادارة ، موارد اقتصادية .. فدي بالبلدي كدا انجز في الوينجز ! وبرده يبقي ربنا كرمك لو دكتور عادل زايد هوا اللي اداكي الادارة دي .. تقريبا ممكن يلغي نص الكتاب !! بس .. في اخر الترم .. واظبي شوية على الحضور .. واعرفي ايه اللي ليكي واللي عليكي شوفي الملغي ايه بالظبط .. وركزي في الاسئلة اللي الدكاترة بيقولوا عليها في الاخر ونصيحة .. اذا مثلا .. مثلا يعني .. الدكتور جيه اتنرفز عليكوا في مرة وقالكوا باقي المحاضرة مشروحة احتمال 80 % ان اللي ماشرحوش دا ييجي في الامتحان .. وهوا كل الامتحان اساسا من 20 من 10 لـ 12 مقبول .. من 13 لـ 15 جيد .. من 16 لـ 17 جيد جدا .. من 18 لـ 20 امتياز .. ربنا يوعدنا ويوعدك بيه قادر يا كريم ! من الاخر بقي .. فيه نصيحة كدا كان اخويا قالهالي قبل ماخش الجامعة وماعرفتش انها صح الا بعد مالسنة خلصت .. لو ذاكرت عشان تنجح .. هاتسقط .. ولو ذاكرت عشان تجيب تقدير .. ربنا هايكرمك وتجيبه .. النظرية دي مستخدمة في كليتين .. اداب وتجارة |
شكرا يافامبير على الكلام الكبير دة بس انا محروج من نفسى اول يوم فى الجامعه مش عارف هبقى عامل ازاى وخايف اوووى من اليوم دة
|
عادي والله .. زيك زي غيرك ..
كله بيبقي داخل مش عارف اي حاجة في اي حاجة بس بيبدأ ياخد على الوضع واحده واحده .. |
شكلى كده والله اعلم مش هروح الجامعه
اصلى مش بحب اكون تايهه وده اللى هيحصل بس شكراا على المعلومات بس ليا سؤال الواحد لما يذاكر من كتاب الدكتور ولا من الملخصات والملازم بتاعت المكتبات اللى برررة ؟؟!!! |
من كله ..
الكتاب هوا المرجع الاساسي في بعض المواد زي الادارة والرياضة البحتة اما فيه مواد بيبقي الملازم سند ليها بس عشان تبقي عارفه المكتبات اللي بره نصابين .. وحرامية انتي اعملي حركة حلوة وظريفة اوي .. شوفي اي حد من صحابك لو جاب الملزمة الفلانية شوفيها قبل ماتجيبيها .. عجبتك ؟ وشوفتي انك هاتستفيدي منها .. روحي اشتريها مالقتيش حد من صحابك جابها .. روحي المكتبة .. اقفي عادي وبصنعة لطافة كدا قوليله هوا الملزمة بتاعة كذا نزلت ؟ طب بليز ممكن اشوفها .. وشوفيها عجبتك هاتيها ماعجبتكيش.. اعملي نفسك مزنوقة في الفلوس ونفضي وغالبا .. في المحاسبة .. ركزي على ورق الدرس والكتاب والمحاضرة باعتبارها اهم مادة يعني في الرياضة .. هاتي برده ورق الدرس في باقي المواد .. هاتتلاقيهم بينزلوا حاجة اسمها س و ج .. ابقي هاتيها حلوة برده وعموما انتي في مجموعة (ز) .. احتمال كبير تبقي المكتبة اللي هاتنزلكوا المحاضرات هيا مكتبة بينجو ودي مشهورة انها اكبر مكتبة حرامية بتبيع ملازم .. بس هاتعملي ايه قدرك ونصيبك بقي !! |
ربنا يستر بقى شكرا يا فامبير
|
العفو .. بس ماتنسيش الوردة الخضرا بقي !!
|
ال ورده خضرا ال اجيبها منين ديه
اعملها بالفوتو شوب :P |
الودا فامبير دا الى يشوفه يقول بقاله عشر سنين فى الجامعه
عارف حاجات كتير عنها يلا ربنا يسهل ونقابلك فى الجامعه يا برو |
من كتر حبه فى الجامعه عارف عنها حاجات
كتير ولا ايه هو انت فى تجارة القاهرة معانا ياMCoMMaNdo |
باركولي ياجماعه خلاص انا الحمد لله حولت تجاره القاهره بقيت معاكم
|
من كتر حبي ؟!!
ههههههههههههههههههههه وربنا ضحكتوني احلي نكتة سمعتها ان احب كليتي دي !! قصدك من كتر ماطلع عيني فيها .. ولفيت وشوفت وعرفت .. اكتسبت خبرة بس مش خبرة اوي يعني .. على الاقل عرفت ازاي الواحد يتعامل معاها \وانتا صحيح يا MCoMMaNdo معا ان اسم معقد .. بس ماعلينا !! .. انتا في تجارة القاهرة ولا ايه لو كدا هاتتلاقيني ناططلك اينما كنت .. قولي بس وانا اجيلك .. اما بالنسبالك يا نور .. فتعملي بقي الوردة بالفوتوشوب ولا ستوديو ماكس ولا ان شا الله حتى بمايا المهم تبقي خضرا وبس !! .. ايوا نحن نختلف عن الاخرون .. ومبروك يا rinad وصراحة انا شوفت اسمك كتير في جرس الفسحة .. بس مش فاكر بقي كان ولد ولا بنت لو ولد او بنت .. ابقي قولي اسمك .. وات ايفر كنت ايه يعني .. عشان ابقي اقولك على مجموعتك لو ماكنتش عارفها يعني ومرحبا بيكم يا جماعة في شلة عفاريت تجارة !! |
انا معاكو فى جامعة القاهره بس مش تجارة
انا فى كلية الحقوق بس كل يوم هاجيلكم ارخم عليكو عشان اخويا هناك رابعه تجارة |
ااااااااه .. افتكرتك ..
ايوا ايوا .. انتا عامل موضوع في حقوق .. ومافيش حد معبركوا هناك !! هههههههههههههه .. ماعلينا يعني خانقينا في الجامعة .. وجايين في المنتدي كمان تزنقوا علينا ! حرام عليكوا يا بتوع حقوق .. اهدوا بقي شوية .. مش كدا يعني بس عشانك تنور يا مان .. في الجامعة وفي المنتدي كمان ورخم براحتك ولا يهمك .. |
محدش معبرنا ايه يا جدع خمسه حقوق ردوا معانا :D ولسه البقيه بلاش حقد بس ههههههههههه تجارة ايه يبنى دى:D هتعملوا بيها ايه :P:D نصيحه حول حقوق:D هههههههههه بهزر يا برو واتشرفت بمعرفتك |
راندا قوليلى يا بنتى اسمك ويا ريت تكونى
فى مجموعتى يا رب القى بنت معايا بصى على العموم اما(ز) علشان حرف النون لو انتى م لحد ى ممكن تكونى معايا قولى يا رب ولو مش معايا بردك نكون اصحاب واكى ولا ايه ومبرروك انضمامك لينا يا قمر هتنورينا |
اه طبعا خلاص احنا بقينا اصحاب ياواندا
بس اسمي ريناد مش راندا وانا بنت والله العظيم مش ولد طيب حرف (ض) يبقي مجموعه كام مستنيه ردكم ومعلش اتاخرت عليكم في الرد عشان لسه فاتحه |
ويارب اكون في مجموعتك ياواندا
|
واله انا لغاية دلوقتي مش عارف انتي انتظام ولا انتساب
عموما لو انتي انتظام .. هاتبقي مجموعة (ب) .. ولو انتساب هاتبقي مجموعة (هـ) اما حرف الضاد .. دا برده على حسب وا انتظام ولا انتساب .. انتظام هايبقي مجموعة .. (ب) .. انتساب هايبقي مجموعة (و) بس برده بيتهيألي على حسب الاسم .. عشان بتفرق في الحرف اللي بعد (ض) دا يستحسن تقولي الاسم كامل وخلاص واهلا بيكي معانا في كلية تجارة الهوائية !! |
يا ريت تكونى معايا يا ريت ولو مش معايا نو بروبلم اهوه نبقى
فى مركب واحدة تايهين هههههههههههه هو انتى انتظام ولا انتساب ؟؟ |
هههههههههه
ده اسم جديد ولا ايه عموما انا انتساب لاني محوله والاسم اللي انا عاوزاه (ضحي) ده اسم صاحبتي وهي برضك انتساب ومشكور علي الاهتمام يافامبير |
تايهين ههههههههه ليه بس كده عموما انا انتساب هو انتي انتساب ولا انتظام
|
انا برضك انتساب ضحى مجموعه (و)
ولو انتى اسمك الحقيقى ريناد يبقى مجموعه (هـ) |
طيب انا اسمي الحقيقي ريناد بس سمعت اني مجموعه (د) عشان مجموعه (د) بتاخد من (ا) لحد (ر)
صح ولا انا غلطانه |
طب ابقى ابعتيلى ميلك علشان نعرف هنشوف بعض ازاى فى الجامعه :d
|
خلاص اوك هابعاتهولك علي الخاص اوك
|
لا مجموعة (د) بقت انتظام .. السنة اللي فاتت كانت اه انتساب .. لكن السنه دي بقت انتظام
اسم ضحى دا هايبقي في مجموعة (ب) لو انتظام .. ومجموعة (و) لو انتساب That's all focus ... |
لا غلط انتى ريناد
بصى مينفعش علشان انتى ر وبعدين يــ يبقى فى بدايه الهـ انا اسمى الحقيقى اوله منــ وفى بدايه المجموعه (ز) |
اوك هسجلك دلوقتى اوك
|
اووووووووووه ياسلام خلاص انتم ادري وصلتك الرساله
|
اوك ياواندا
وشكرا ليك يافامبير علي اهتمامك بس اصل انا مش عندي خبره في الحاجات ديه انتوا اللي ادري وميرسي ليك تاني |
لاعفو ..
بس خدي الكلام مني وسيبك من اي حد تاني .. اي حد تاني هايقعد يألف ويقولك مجموعة كذا ومجموعة كذا .. لكن هوا زي ماقولتلك كدا وخلاص |
خليكى تكونى عارفه قبل ماتدخلى علشان متهويش كده هتتخدلى على طول على المجموعه
بتاعتك علشان الكارينه بردك وكده اسهل |
يلهوى على الحظ كل يوم يجيلكم واحد جديد :P
اومال عندنا فى الحقوق محدش ناوى يجى ولا ايه يبختك يا فايبر انت وواندا D:D :P |
ياعم يابختي ايه بس ..
سيبك سيبك .. كلها مشاريع فاشلة !! انا اساسا اتخنقت من ام الكلية دي وربنا .. عايز اولع فيها .. |
تولع ليه يافامبير في الكليه بس عارف لو ولعت في الكليه دي بالذات تبقي ولعت في الشعب المصري كله فكر قبل متولع
وبعدين مين هايديني نصائح وبعدين يا مكوماندا متقرش علينا |
والله العظيم مش مصدقاني ؟!
كلية تخنق وربنا .. ليكي انك تتخيلي ان تجارة كلها .. حوالي 7 مجموعات .. 4 انتظام و 3 انتساب كل مجموعة من دول .. فيها لن يقل عن 2500 واحد .. يعني 2500 × 7 .. بـ 17500 بني ادم 17500 بني ادم في الفرقة الواحده .. اضربيهم في اربعة .. يعني تجارة كلللللللها .. حوالي 70.000 راس !! والنبي مش حرام ..ولا مش حرام ؟!! دا غير انك بتشوفي مشاهد في المدرجات تخلي الكلب يسيب عضمته !! اطلعي على ممر العيوطي ولا روحى دقه ولا Love Street زي مابيقولوا عليه واتفرجي على اللي بيحصل هناك .. ومش عايزاني اولع فيها .. يمكن عشان انتي لسه مادخلتيهاش فاماتعرفيش مسيرك هاتعرفي وتلفي وتشوفي .. وساعاتها هاتحكمي عليها انها تولع زيها زي مجلس الشورى كدا ! |
يااااااااااه طيب انا كمان هاجيب جردلين جاز واولع معاك
ده انا اتخنقت منها قبل ما ادخلها وربنا يستر علينا |
هههههههههههههههههه
مسيرك هاتتخنقي منها زي ما اللي قبلك اتخنق منها !! انا مش بكرهك فيها والله .. بس احلى حاجة في الكلية دي عشان تعرفي تتعاملي وتجيبي تقدير خليكي في حالك .. وبس |
مهو انا ان شاء الله مش هصاحب حد خالص هابقي في حالي ومليش دعوه بغيري (الانانيه مبدا الانسان في الحياه )
وباذن الله هتسمع عني اخبار كويسه ومش بعيد الاولي علي الدفعه |
ههههههههههههههه
صعبة شويتين الحكاية دي !! ماوعدكيش .. الكلام بتاع الاول على الدفعة دا مش بيتعمد على مذاكرتك انتي بس لا بيعتمد كمان على الدكاترة اللي بيدوكي .. على حسب بقي كان دكتور كويس ولا وحش انتي ورزقك .. |
ياااااااااااااه ده انت محبط اوي بس ولايهمك مليش دعوه بغيري وبعدين مش تتريق عليه كده
بكره تشوف واسمعك اني باذن الله بقيت الاوله علي الدفعه ده مش غرور ده ثقه وقبل الثقه ايمان بالله سبحانه وتعالي |
ههههههههههههههههههه
اما نشوف ياستي .. املك في ربنا كبير انتي !! |
يا جماعه انا كمان حولت تجاره قاهره الحمد لله
مع ان الفرق كان كبير اوى بس الحمد لله على كل حاجه عايزين بقى نتعرف على ناس قبل ما ندخل وانا من امبابه |
| جميع الأوقات بتوقيت GMT +2. الساعة الآن 06:01 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.