يا رحمة انتى بتروحى مكتب التنسيق اللى فى محافظتك
يعن مثلا عندنا بتاع اسكندرية فى كلية الحقوق
و بتدفعى 100 جنيه
و بتاخدى معاكى وصل نور او مية
و بطاقة الترشيح و بيان درجاتك
و ممكن تاخدى معاكى شهادة الميلاد يمكن يحتاجوها
و الحكاية دى جديدة و فرصة اخير الزير نزلها و خليبالك هتنتهى بكرة
و انتيجة هتظهر على النت فى بعد 10 او 12 يوم
و لو عندك اى استفسار قولى و انشاء الله اجوبك

السماح لطلاب الكليات الجدد
بالتحويل من خلال الجامعات مقابل سداد‏100‏ جنيه
كتب - محمد حبيب‏
‏أعلن الدكتور هاني وزير التعليم العالي والدولة للبحث العلمي أن الطلاب المستجدين والمقبولين حديثا بالجامعات عن طريق مكتب التنسيق من الناجحين في الثانوية العامة والمرشحين من المرحلتين الأولي والثانية يمكنهم التقدم إلي مكاتب التحويلات المركزية بالجامعات مباشرة للتحويل إلي الكليات التي تقع في منطقتهم الجغرافية سواء المتخلفون عن التحويل من خلال التنسيق الالكتروني أو الذين لهم أعذار أو رغبات أخري مقابل سداد‏100‏ جنيه‏.‏

وأضاف الوزير ـ في تصريحات خاصة لمندوب الأهرام ـ أن الوزارة قررت ذلك لاتاحة الفرصة مرة أخري للطلاب الراغبين في التحويل بعيدا عن التنسيق الالكتروني‏,‏ وسوف تقوم الجامعات بدراسة هذه الحالات بالتعاون مع مكتب تنسيق القبول بالجامعات واتخاذ القرارات المناسبة وفقا للقواعد والشروط التي حددها المجلس الأعلي للجامعات واعلان النتائج قبل بدء الدراسة‏.‏

وأوضح الوزير أن التحويل للكليات غير المناظرة يسمح للطالب بالتقدم إلي الجامعات في منطقته الجغرافية بشرط الحصول علي الحد الأدني لمجموع الدرجات الذي قبلته الكلية المطلوب التحويل إليها واستيفاء القواعد الخاصة بالقبول مثل النجاح في اختبارات القدرات إن وجدت‏.‏

وقال أما بالنسبة للتحويلات إلي الكليات غير المناظرة وفقا للامكانيات الاستيعابية للكليات في حدود النسبة المحددة من المجلس الأعلي للجامعات والأولوية للحاصلين علي المجاميع الأعلي في الدرجات‏.‏

وأشار الوزير إلي أن مكتب التنسيق الالكتروني قد انتهي من اعلان نتائج التحويلات التي تم اجراؤها من خلاله وقبول‏36‏ ألفا و‏273‏ طلبا بالتحويل إلي كليات مناظرة أو غير مناظرة ودراسة كافة الحالات التي تقدمت بأعذار‏..‏ موضحا أن التنسيق أو الوزارة لا يتسلمون التماسات تقدم باليد جميعها يقدم إلي الجامعات‏.‏
جريدة الاهرام 30/8/2008

يا جماعة اى حد رايح المدينة الجامعية فى اسكندرية ياريت يقولى هنسافر امتى ان شاء الله؟؟؟؟؟؟؟؟

انتى عرفتى ازاى ان جالك سموحه مش الشاطبى انا لسه معرفتش انا جالى ايه

اصل انا فى فنون جميلة وبتوع فنون جميلة بيروحوا سموحة انتى كلية ايه وابقى اسألى وان شاء الله تعرفى

معرفتيش امتى معاد المدينة؟؟؟؟؟؟؟؟

انا كليه طب
بس انا لسه معرفتش ميعاد المدينه بس هما هناك قالولنا نسأل يوم 15-9

يا جماعة اللي في اسكندرية

المدينة الجامعية

بتاعت سموحة ودي للولاد جنب حديقة الحيوان

اما بتاعت البنات فدي اللي في الشاطبي

وده اللي انا اعرفه

اما كلية الفنون الجميلة فدي في جليم على الترام

السلام عليكم
ازيكوا جميعا
كل سنة وانتوا طيبين وكل رمضان واحنا اقرب لله واكثر طاعة
اسفة على التاخير
مكنتش موجودة

شكرا ليكوا كلكوا
وشكرا لمنى اللى نبهتنا للمصحف
وانا هجيب مصحف صغير علشان اعرفاحطه في الشنطة وقت السفر
وبكده استغل وقت السفر الطويل في حاجة مفيدة أقرأ او احفظ
وبالنسبة للصلاة
فاحنا كبار وهنتحاسب والفرض اللى بيروح مبيرجعش تانى
يعنى الصلاة على اوقاتها
وكمان النظافة ( النظافة من الايمان)

في حاجتين مهمين جدا جدا جدا
السرقة والغيبة
نحافظ على حاجتنا جدا ( حرص ولا تخونش)
فلوسك محدش يعرف طريقها
وانتى في الشارع وفي العربية وفي اى حتة
عينك تبقى في وسط راسك
وايدك على شنطتك
اما الغيبة
فمش معقولة نضيع نفسنا علشان كلام فارغ
( أيحب أحدكم أن يأكل لحم أخيه ميتا فكرهتموه)

بالنسبة للشاى والكلام ده يعنى
لو ممنوع نطنش وملناش دعوة
بس من غير فضايح مش عايزين مشاكل
اما بالنسبة للغسيل مش عارفة
بس شكلنا هنتبهدل

مدينة القاهرة
النتيجة يوم 15-9
والمدينة بعد العيد
هتقولولى هنبات فين؟؟؟
في دار المغتربات او دار الطلاب او بيت الشباب
كل مكان وليه اسم

المهم هنأجر فيه الفترة اللى مفيهاش مدينة

شكرا يا جميل وفعلا لازم نخلى بالنا من فلوسنا والموبيلات وكدا لاننا هنكون مع ناس منعرفهومش والمشاكل اللى بتحصل للواحدة وهى لوحدها وبعيد عن اهلها اكيد بتكون صعبة علشان كدا نتجنب اى مشاكل ان شاء الله

شكرا ليكي انت يا منى
المهم بالنسبة لموضوع الغسيل
احتمال يبقى في مكان في المدينة اسمه( وحدة غسل وكي)
بس طبعا هندفع تمن الغسيل
بس ممكن نشوف لو اي بنت معاها بلستكاية
ونستلفها منها ونغسل احنا هدومنا وناخد حبل ومشابك معانا
بس ده لما نتاكد اننا محتاجنهم
والاحسن طبعا اننا نرتب امورنا بحيث منحتجش نغسي هدومنل هناك
الا للضرورة

وعلى فكرة في بوتجاز
علشان تسخين الاكل وعمل الشاى
والكلام ده
والاودة بيبقى فيها سرير ومكتب ودولاب

لكل بنت متقلقوش اوى
وان شاء الله نلاقى صحبة جميلة
ويبقى الجو جميل

بجد لو فيه وحدة غسل وكى دى تبقا جامدة اوى لانى معرفش لما الهدوم تتكسر هعمل فيها ايه

بس قوليلى انتى بتجيبى المعلومات الحلوة دى منين؟

و الله كنت عايزة اقولكم كدة انا مستغربة :oازاى انتى يا منى فى سموحة؟:confused:

انا عرفة ان اللى فى سموحة ده للاولاد و البنات بيبقوا فى اللى فى الشاطبى جنب سان مارك

ربنا معاكم :)

بجد؟؟ يبقا انا اللى جابت ليا المعلومات جابتها غلط خلاص يا رب تكونى معايا بقا فى المدينة ونتقابل هناك ان شاء الله

بصى يا منى
انا رايى متخديش بكلام حد و اللا حتى بكلامى

اكيد هما ليهم تليفون
اتصلى و استفسرى بنفسك علشان تتأكدى و متنسيش تقوليلنا قالولك ايه

يكون ليا الشرف طبعا
بس انا اصلا من الكس و كليتى فى الكس فمش حدخل المدينة الجامعية
انا بس حبيت اقولك تتأكدى الأول بس اكيد طالما انتى حتكونى فى الكس يبقى لازم نتقابل و نتعرف على بعض ان شاء الله

طيب هي الاماكن دي بيكون فيها كام واحد في الاوضة ؟؟؟؟؟؟؟؟؟؟؟:rolleyes:
صح كمان ممكن حد يقولي هو كام واحد بيكونو في الاوضة بس في المدينة الجامعية لطلاب طب الي في القاهرة والمدينة الي كمان في اسكندرية؟؟؟؟؟؟؟؟؟؟
وشكرااااااااااااااااااااااااااااااااااااااااااااا

ف جامعتى بيكونوا 3
بس انا مش قاهرة ولا اسكندرية

بصوا يا جماعة التفاصيل اللى انتم عمالين تتكلموا فيها دى
سواء غسيل ولا مكوة ولا اكل ولا نوم ولا سراير ولا خدمات
دى بتختلف من سكن للاخر
اقصد يعنى من جامعة للجامعة
يعنىوانتم بتكلموا ان فيه كذا وكذا
توضحوا دا فى انهى جامعة وكدة :)

وبإذن الله كل حاجة تلاقوا ليها حل ان شاء الله
متخافوش اوى كدة
انتم هتتعلموا الاعتماد ع نفسكم صح :d
بس صدقونى لما هتشيلوا مسئولية نفسكم بجد
اعتقد دا تحفيز للمذاكرة احسن
لان مافيش وسائل الترفيه اللى فى البيت كمان

ربنا يوفقكم يا بناتيت :)

حد يرد علياااااااااااااااااااااااا
عيزة العدد في المدينة الجامعية طالبات
:mad::mad::mad::mad::mad:

ازيك اولا
ثانيا
بالنسبة لبيت الشباب معرفش العدد لكن حتى لو كانوا مليون هما كام يوم والسلام
لكن المدينة في القاهرة
اربعة على حد علمى
والسنين اللى بعد كده بالتقدير
يعنى مثلا لو جبت امتياز يبقى اتنين في الاوضة

شكرا ليك ولمرورك الجميل
وان شاء الله نوضح الجامعة بعد كده

اولا
الحمدلله:d:d
ثانيا
طيب متعرفيش كام وحدة في مدينة اسكندرية:rolleyes::rolleyes:
ثالثا
شكراااااااااا علي الاجابة^_^^_^^_^^_^

ازيك يا منى
يارب تكونى بخير
ان شاء الله تلاقى في مدينتك وحدة للغسل والكى
اما انا بجيب المعلومات من اختى
هي رايحة 3 صيدلة المنصورة
وعندهم في المدينة بوتجاز
بس وحدة الغسل والكى في مبنى تانى غير اللى هي ساكنة فيه
بس برده في مدينة المنصورة
وبما انكوا قلتوا ان الحال في المنصورة متدهور
يبقى هنلاقي ان شاء الله خدمات افضل في القاهرة والاسكندرية
وعلى العموم اختى مبسوطة في المدينة الحمد لله
عقبالنا كلنا

شكرا ليكي يا سكوربيون
انا اسفة معرفش العدد في الاسكندرية
بس بتهيقلي هيبقى زى القاهرة

يا بنات متنسوش تاخدوا ابرة وخيط
ان شاء الله منحتاجهمش بس للاحتياط

ولا يهمك ;););)
و شكرااااا ليك مرة تاني:):)
:):):):):):):):)

لا شكر على واجب
غير كده هو انا عملت ايه علشان استاهل شكر اصلا
ولو عايزة اي حاجة او عندك اى سؤال قوليه ولو حتى مش عارفة اجابته
هدور وهقولك او اي بنوتة هترد عليك
وانا ان شاء الله هسأل وهقولك بكرة

طبعا لازم اشكرك لانك رديتي عليا :d:d
طيب لو حد عارف هو المفروض الواحد يسافر قبل ولا بعد عيد
يعني الدراسة هتكون تستاهل الواحد يسافرلها في الوقت دة

والله ابن عمى 6 طب القاهرة
وقالي انى لازم اروح من اول يوم
والا هيفوتنى كتير

ايوة كدة ادعيلنا كمان
هي اختى نايمة دلوقتى
بكرة ان شاء الله اسالها وارد عليكى
صحيح
هو حضرتك أد ايه؟
يعنى لسه في الكلية ولا خلصتي ولا ايه النظام بالظبط

طيب متعرفيش جداول المحضرات لطب اسكندرية و للقصر العيني الفرقة الاولي
اه صح ......شكرااااا علي الاجابه

انا هجيب الجدول اول يوم ان شاء الله

توقعوا نسينا سجادة الصلاة

ف اسكندرية العدد كامل الحجز من شهر في الاماكن دى واحدة صحبتي سالت يبق لو الحكاية هطول هندور ع شقة ولو لحد بعد العيد وخلاص يبقى مش لازم نحضر اليومين دول
واحدة قليتلي ان العدد كتيييييييييييييير اوى السنة دى وممكن نروح سموحة عشان كده

المفروض نتصل بالمدينة الاول نشوف قبلنا ولا لا ونسأل بس لو مجموعك عالى احتمال تسكنى من اول الدراسة ولو مش عالى بتستنى لما يجو يسكنو المستجداتودا غالبا بيتأخر شوية وسمعت انه هيكون بعد العيد

هنحتاج ادوات الشعرشامبو و صابونة وفرشة اسنان (ويستحسن السواك) وفرشة الشعر
نسيتو لبس الخروج طبعا
المصحف وكتاب حصن المسلم
الملاية والبطانية ومخدة صغيورة واسدال الصلاة وسجادة الصلاة وشبشب
زى ما قالت مى الترنجات والبيجامات
توك الشعر وخلافه
ممكن ناخد النوت بوكس والبنس لان المكان هيبقى جديد ومش هتعرفي تجيبي منين لحد ما نعرف المكان

اول حاجه كل سنه وانتو كلكم طيبين
ورمضان كريم عليكم جميعا
انا جالى طب بيطرى اسماعليه
وقدمت ف المدينه بتاعت اسماعليه
وشكرا قوى ع التوضيح للحاجات اللى المفروض ناخدها لانى مكنتش عارفه هو ايه اللى مفروض ناخده معانا
انا مش عارفه اذا كانت المدينه هتبقى من اول يوم ولا لا
وكمان محتاره انا اول يوم هروح الساعه كام
شكرا ليكو وياريت لو ف حد رايح اسماعليه يقولى ع اللى يعرفه

والله ربنا يقويكوا على اللى انتوا فيه
احسن حاجة بالنسبة للى هيقضى ساعة ساعتين مواصلات او اكتر احسن من المدينة
كفاية هتروحى بيتك وقوضتك وتاكلى اكل معروف ومستريحة مش مشكلة تعب المواصلات
انا عن نفسى هقضيها موصلات مش هقعد فى مدينة
وربنا يقويكوا على الغسيل فى فكرة اشتركوا وهاتوا غسالة اتومتك وخلاص بلا وجع قلب

هما بيرضوا يدخلوا غسالة في المدينة الجامعية بتاعة القاهرة أو اسكندرية ؟؟؟؟؟؟:huh::huh:

صحيح اختك مقالتلكيش فيه هناك قاعة كمبيوتر ولا لاء؟[/quote]

في الجامعة عموما في قاعة كمبيوتر اسمها في المنصورة
نادى التكنولوجيا وهى اشبه بسيبر
لكن مهيش تبع المدينة

عندك حق نحن اللاحقون
واي سؤال احنا في الخدمة

فينك من زمان يا د نبض
عاملة ايه؟؟
جزاك الله خيرا على المشاركة الجميلة دى
لو افتكرت اى حاجة تانية تقوليلنا على طوا
وطبعا مننساش زيت الشعر