|
السلام عليكم ورحمة الله وبركاته :) ازيك يا رحمة؟ ان شاء الله بخير انتى والجميع موضوع جميل مافيش كلام نيجى بقى لموقف الفيلم اقتباس:
اضيفى لدا كمان ان فيه حاجة اسمها تعود من الصغر لو الطفل فهم من صغره ان دا عيب ودا حرام وعودتيه تدريجيا عليها من وهو صغير هيكبر هتبقى معاه وصعب يسيبها يعنى مش مجرد معرفة ان دا عيب ودا حرام لا كمان التعود لانه مع التعود هيخجل انه يخرج عن اللى اتعود عليه طبعا عارفة الافلام العربى بتاعت زمان كان لازم بيبقى فيها مشهد مخصوص "للراقصة" او مشاهد قُبلات عموما احنا الحمدلله الحمدلله انا واخويا عودونا فى البيت من واحنا اطفال صغيرين اوى من قبل اما اخويا يبدأ يتكلم حتى انه لما ييجى اى مشهد مش ظريف نقوم نقلب المحطة لحد اما المشهد دا يخلص والحمدلله العادة دى بقت معانا لحد دلوقت ------------- ننتقل لنقطة اخرى غض البصر هيمنع المعاكسات كمان وحكاية البنات اللى مش بتغض البصر عن الولاد دى كمان انتشرت اوى وبمنتهى البجاحة او حتى كفاية كلام البنات - شايفة الواد دا يجنن - ياسلام لو عريس زى دا - الواد دا ناقصه كذا وكذا ويبقى تماااام - الواد دا بيفكرنى بفلان - انا بموووووووت فى احمد عز تعليقات وكلام سخيف من بنات عقليتها اكثر سخافة بصراحة اما فى موضوع المعاكسات- معاكسة الشباب للبنات- اعتقد ان غض البصر دا اللى هينهيع فيه اللى يقولك اشمعنى انا اللى ابدأ ما تخلوا البنت تلبس محترم مع العلم يعنى ان دلوقتى الاية اتعكست وبقى بعض الشباب مبدأهم يخاف يعاكس الغير محترمة وميستعرش نفسه غير ع المحترمة طيب نيجى للفئة من الشباب اللى بتعاكس المتبرجة طب هل كل بنات البلد مسلمات عشان تفرض عليهم نفس الشىء؟؟ طب والمرأة الاجنبية ؟ مش دى اللى ربنا امرنا بعدم النظر ليها ؟ محتاجين نقرب من ربنا اكتر بس نفهم ديننا صح وننفذ مش مجرد كلام ولازم وجود القدوة مش معنى كدة ان اهاليهم بيعاكسوا مثلا او بيتسموا بالصفات دى !! بس ممكن يكون بيدعو لشىء وهو بيعمل عكسه زى اما يقول لك الكذب حرام وتلاقى الاب رد ع التليفون وقعد يمدح فى فلان ، ولما يقفل الخط يشتم فيه لمراته وكل دا قدام الابناء،، يشوفوا المبدأ ونقيضه دا مثال يعنى ======================= عموما مش هقدر اناقشك اكتر من كدة يارحمة وربنا يوفقك بإذنه تعالى بس حبيت اخر حاجة اشارك فيها هى موضوعك والسلام عليكم ورحمة الله وبركاته :) |
اقتباس:
بصي يا براءة :p انا كنت النهارده في الجامعه وقاعد مستني واحد صاحبي المهم كنت باصص قصادي لقيت بنات لبسهم مش حلو رحت لافف وشي لقيت بنتين جايين من الناحيه اللي بصيت فيها رحت لافف الناحية التانيه لقيت بنت بردو خارجه من مبني وسبحان الله كلهم نفس اللبس في الاخر رحت حاطط ايدي علي عيني بكلم صاحبي ( في تجاره انجلش ) بيقولي يا خبر ابيض يا عاااااااااااااااادل دا البنات في الكليه دي كتييييييييييير اوي وفضل يوصفلي فيهم يعني من الاخر بقت اكبر اهتمامات الولاد انهم يتكلموا مع البنات ولو مش هيتكلموا هيكتفوا بالبص يعني مثلا فيلم نمس بوند دا كنت انا وصاحبي رايحين سنما ومحتارين في الفيلم ولقينا فيلم نمس بوند والاقيلك الولد دا اتحول لطفل والنبي يا عادل ندخل الفيلم دا دي دوللي شاهين في الفيلم اقوله وانا ادفع فلوسي عشان اتفرج علي العبط دا وفضلنا في مفاوضات حوالي ربع ساعه وهو عمال بيحاول يقنعني وكلامه كله زي ما بيقال ( عذر اقبح من ذنب ) وفي الاخر الحمد لله مدخلناهوش والله انا عن نفسي فهمت معني ( افعل يا ابن ادم كما تشاء كما تدين تدان ) وانا عندي اخوات بنات عشان كدا الحمد لله بقدر الامكان بحاول اغض البصر ولو كل واحد فهم المعني دا وطبقه علي اي بنت عنده في العيله لو معندهوش اخوات بنات والله العظيم الشباب هيتغير جامد لان من الاسباب الجوهريه اللي جايبانا ورا موضوع البنات دا وربنا يستر علي البنات والشباب ويهدي الجميع وشكرا يا ( براءه :lol:) علي الموضوع:rolleyes: |
اقتباس:
اشكرك ع المرور :):) |
اقتباس:
وانا بحترم وجهة نظرك جدا واحلى حاجة انك بتدخلى كذا موضوع ع موضوعى وبتعرفى تربطيهم كلهم ببعض :) ردك فعلا ثري اشكرك جداااااااااااااااااااااااااااااااااااااااااااااااا ااااااا عليه :):) انا مش عارفه فيكى ايه يا هبة والله قلقانة عليكى :mellow: |
شكرا على الموضوع الجميل ده يا رحمه:) بجد الواحد بيتفلق لما يشوف المواقف دى كنت مره انا وصحابى عندى فى البيت بنتفرج على فليم عريس من جهه امنيه فجات حته مش حلوه خالص:mad: قومت طفيت التليفزيون جات واحده صحبتى قالتلى بت انتى اللى مش عاوز يتفرج يطلع بره وجات فتحه التليفزيون اعدنا نتخانق بهزار طبعا بالمخدات لما اتهدينا بس الحمد لله كان المنظر الوحش خلص:d مش عارفه ايه ده سبحان الله المفروض دول بنات يعنى يكون عندهم حياء ثم حياء ثم حياء على كده بقا منلومش الولاد |
اقتباس:
انا قلت محدش يعلق ع الفيلم لاننا كنا فى الغردقة وكانت كل الافلام ساعتها هباب اوى وانا اصلا دخلته لان اخواتى كانوا عاوزينه وانا اعتراضي لم يؤثر والله :( ومن فضلك يا عادل سيبك من اصحابك المعاتيه دول :mellow: هو انت ملكش اصحاب عدلين كده ابدا :d اما عن الاسبا الجوهرية اللى جايبانا لورا دى فكرتنى بقول الرسول عليه الصلاة والسلام http://www.taimiah.org/MEDIA/H2.GIF ما تركت بعدى فتنة اضر على الرجال من النساء http://www.taimiah.org/MEDIA/H1.GIF اللهم ارحمنا :) اشكركـ ع ردك يا عادل :) وبعدين مالها براءة بقي بتضحك عليها كده ليه :( |
اقتباس:
والله بجاحة .. عندك حق اذا كانت البنات كده ؤمال الاولاد يعملوا ايه :mellow: حاجة بجد تزعل اوى سبحان الله فعلا اذا لم تستح فاصنع ما شئت اشكرك ع المرور :):) |
والله يا رحمه الحكايه ما محتاجه كل الاحاديث دي وكل الكلام ده تعرفي ان الاحاديث دي والكلام ده مترسخ ترسخ لا مثيل له جوا نفوس الناس اللي بتعمل المواقف دي كل الحكايه عايزه شوية فكر واقعي واسأل نفسي سؤال واحد هو انا لما ابص علي واحد بيقبل واحده او افتح موقع جنسي او اعمل كل الحاجات دي هكسب اييييه بس انا عايز إفادة واحده والله وهعمل كدا كل يوم بالعكس أولا ناهيكي عن غضب الخالق فأنا بثير نفسي بشكل غير صحيح ثانيا لو انا في سن يؤهلني للزواج وظروف تؤهلني للزواج ممكن إثارتي وتركيزي علي نقاط معينه تعمي عيني عن جوانب معينه في الزواج ثالثا : لو انا في سن يؤهلني للزواج وظروف لا تؤهلني للزواج فأنا بخسر من كل الجوانب رابعا : العقل بيكون الصور الجنسيه في العقل وبيكون الاوضاع وبيكون كل الحاجات دي وده بيشغل مساحه تخزينيه من المخ لا تتخيليها وبيتحول المخ لمكتبه جنسيه والإنسان بيفقد جزء كبير من خلايا الذاكره خامسا : غالبا ً ما هتنتهي بكبيرة من الكبائر وبذلك يبقي انا بخسر دنيتي المتمثله في صحتي وآخرتي المتمثله في الذنوب والكبائر اللي بتتكون عليا لما اعمل فعل زي ده عرفتي بقي ان الحكايه مش محتاجه كل الكلام ده تعرفي ليه مش محتاجه ؟ اصل اللي بيعمل كدا عارف انه حرام بس المشكلة الأكبر مبنفكرش ربنا حرمها ليه او ايه الحكمه شكرا علي مواضيعك اللي بجد بجد بجد مثيره جدا وشرف لينا ان اللوجو يكون عليها يا رحمه جزاك ِ الله كل خير |
اقتباس:
والتأكد قبل كتابه الآيات القرآنيه يا أ/ ورك النمله :) ارجو تحرير الآيه |
اقتباس:
يابنتي والله شفت بعيني مش مرة واحدة بنت تبص ع بنت وبعدين لما تيجي تكلمي واحده منهم تقولك ما هي بنت زي بس هي مش بتبص كدا كل واحد ونيته بقي وغير كدا فيه بنات تبعاكس اولاد مهزلة بجد انا ذات نفسي ببقي واقفه مكسوفة وكمان لما تشوفي رد الولد ذات نفسه لما يقولها رد مش تمام :(:(بصي هقولك ان كل الاهالي مشغولة وبيشتغلوا عشان يعمله لاولادهم كل حاجة لاني بيتعبوا برده يعني مش مفروض نلمهم ومع ذلك برده مش كل الاهالي بيسيبوا اولادهم لكن اهم حاجة ان الاهل يربي اولادهم ع الدين الصحيح عشان لو اتعرضوا لاي حاجة يقدروا يتصرفوا طبعا امهات المستقبل شكلنا احنا اللي هنبوزهم:p:p طبعا لما بنكتسب خيرات هنقدر نربي صح ونعلم صح كمان بجد موضوع هادف ومؤثر ومبروك البراءة قصدي الاسم:p شكرا ياقمر:d |
اقتباس:
ووالله المجموعة كلها ناس محترمة جدااااااا واسفه بجد كلامك معرفش اخد وادى فيه بصراحه فجعلتها كلها اقتباسات اشكرك احمد ع المرور الفعال :) |
اقتباس:
بس موضوع الاهل ده فيه كلام مينفعش يبقي الاهل مش فاضيين وده ملوش عذر :) اولادهم دول رسالتهم .. وبعدين هيكونوا مشغولين فى ايه ؟؟ اكيد كله علشان مصلحة اولادهم بردو ومفيش اى ترجيح ع الجانب التربوى لا تقوليلى ماديات ولا يحزنون .. فى ايه يا تسابيح :d انتوا ليه كلكوا بتضحكوا ع اسمى :(:( الله يبارك فيكى واشكرك ع مرورك الجميل :) |
والله فعلا الظاهرة دي منتشرة اوي
وبجد محتاجين نعيد النظر في تصرفاتنا لما نتعرض للمواقف دي شكرا على الموضوع |
اقتباس:
اشكرك ع المرور :) |
فعلا معدش في حياء
ربنا يهدى شكرا على طرحك للموضوع |
ااااااااامين
واشكرك ع المرور العطر ,, |
موضوعك شائك بس سلس وعذب
موضوع غض البصر موضوع صعب لانه من الممنوعات ولاكن يجب ان نعمل عقولنا بعض الشىء . ماذا ستجنى من وراء البحلقة ؟ اذكر لى عزيزى المبحلق فائدة واحدة عادت عليك ؟ اذكر لى اضرار البحلقة؟ اعتقد من غير ما نقدم اجابة الموضوع بين (فالحلال بين والحرام بين........) حياكم الله وجعلنى واياكم من اهل الفضل والفضيلة ومن يامرون بها ويعملون بها |
اقتباس:
امين امين والله حضرتك عندك حق فى كل كلمة بتقولها فعلا :) و هى للاسف بقت من الحاجات الكتير اللى بتندرج تحت مسمى |( عادى)| مع انها تعد ظاهرة سيئة جدا اشكرك فعلا .. ربي بجازيك خير :) http://cards.lovingyou.com/platinum/...ankyouh017.gif |
اقتباس:
اكيد بعد عن الدين مع شوية من التعود ربنا يهدينا ويهدى شباب المسلمين اللهم ااااااااااااااااااااامين |
بصى يا رحمة انا بشوف بنات فظيعة وكانت البنات دى اصلا كانت معايا فى الدروس القيها مصاحبة 10|20 ولد والنصيبة انها بتشوفنا ولا اكنها عارفانا وبتصرف بكل ثقة ربنا يهدى بقى
بالنسبة للافلام كلها بقت كدة زى ما بيقولوا هو دة اللى ماشى يالا ياعسل باااااااااى مش عاوزة اطول عليكى |
اقتباس:
شكرا ليك ع المرور :) |
اقتباس:
عاوزة اشوفك كتير بقي يا دفعتى ;) وفعلا الكلام اللى انتى بتقوليه ده بيحصل انا حاسة ان اللى فى ايدينا دلوقتى اننا ندعيلهم ربنا يهديهم ويثبتنا والله حسبنا ،، شكرا ليكى على الرد يا سكرة :) |
اولا انا عايزة اقولك ان البنات دلوقتى عايزين يتحطوا فى ميدان عام ويترجموا من اللى بيعملوه فى نفسهم والله ده انا اليومين اللى روحت فيهم الكلية شفت مناظر يقشعر منها البدن مش ممكن بجد اللى بيحصل ده والمصيبة الاكبر انك هاتتسالى عن كل واحدة بتتصرف غلط وانتى شفتيها يبقى كده انا مش هاحضر ولا محاضرة ولا هاعمل حاجة غير انى اكلم كل بنت تيجى بقى على الولاد تلاقيهم بيتكسفوا دلوقتى يبصوا مش البنات اللى ماشيين عشان يظبطوا كام واحد والولاد غلابة والله فى الزمن ده بس فيه ولاد برده عايزين الذبح ربنا يهدى الجميع |
أولا إحنا فى عصر انفتاح يعنى اللى عايز يعمل حاجه بيعملها و لو كان حتى حجم الرقابة .
بس الحمد لله أنا نشأت فى بيئة متدينة كل الجيران فى العشرة الأواخر تلاقيهم فى الجامع ناس كويسه و لاكن لما بخرج أنا و إصحابى أو لما بسافر أو أروح أصيف فى أ بلد كنت بشوف المشاهد المقززة دى , و مناظر الشباب اللى أساسا اللى هينفخ فيهم هيطيروا و مدلدل البنطلون و حالته بالبلاء و لا البنات اللى ماشية من جنب الواحد و ناقص تشغل ميكروفون بيقول بصوا عليا . ما علينا الحمد لله الواحد بيحافظ على نفسه. و على فكرة أنا عمرى ما دخلت سنيما. |
يا بنتى انتى بتكلمى مين كلامك دا مش هيغير حاجة للاسف من الواقع المؤلم دا تلاقى نفسك ماشية فى الشارع فى امان الله واحد يعكسك وانتى ماشية فى امان الله دلوقتى للاسف المحترمة هى ال بتتعاكس اكتر من الواحدة ال بتمشى مش محترمة نفسها ولو قولتيه انت ليه بتعمل كده ترضى لاختك حد يعملها كده هيقولك لا طيب ال مش ترضيه لاختك مش ترضيه لغيرك بس نقول ايه بقى ناس مسلمين اسماً بس |
اقتباس:
ازيك يا هبه انتي فينك يا بنتي رحتي فين انت يمدخلتيش من بعدها خالص يارب يكون السبب خير غير كده الموضوع جميل جدا وهادف وفعلا الطفل من وهو صغير لو قلتله الحاجه د يغلط خلاص هتثبت في دماغه انها غلط ولو الحاجه د يصح خلاص يعملها المفروض ان الاب والام في البيت ياخدوا بالهم من ولادهم يابني انت عامل ايه مثلا انت بتتصرف كده ليه ما الام شايفه ابنها حاطط جيل وعامل في نفسه بلاوي ومنزل البنطلون وفاتح زراير القميص يقولولك ايه خليه يعيش حياته المفروض ان الام اللي هي فعلا خايفه علي ابنها يابني انت بتعمل كده ليه ايه اللي انت هتستفيده يعني من اللي بتعمله وانتي يا بنتي اللي انتي بتعمليه دا المفروض لواحد بس موش تنزلي تفرجي عليكي الناس ولما تيجي تشتري الملابس موش تروح تشتري لها بلوزات متعتبرش بلوزه من الاصلوتلبس تحتها بدي كارينا اللي طلعولنا فيه دا الحمد له مبيدخلش عليا :d حاجه تخلي الواحد بجد وهو ماشي في الشارع عاوزه اروح اضرب البنت حته قلم ببقي متنرفذه والله فاولا المفروض الاهل ما يشجعوش البنت او الولد علي حاجه زي كده بالعكس دايما يخلوهم يتفرجوا عل يبرامج دينيه تثبت القيم الدينيه في قلوبهم يعرفوا انهم لو ماتوا وهما بالمنظر دا فلا نجاه من النار غير كده الواحده لو فكرت انا لو لبست كده قدام زوجي هتبقي افضل من اني البسها قدام الشباب كلهم يعني هتحس بطعم الحلال بمعني اصح هتحس كده بحاجه جميله قوي انها ما اغضبتش ربنا ان ربنا راضي عنها ويا سلام لو ربنا يبقي راضي عنك والله قبل ما اي واحده تعمل حاجه غلط تفكر هستفيد ايه من اللي هعمله لو مت وانا كده انا عارفه اني ممكن اكون خرجت بره الموضوع بس دي برضه كانت رسالتي في المدرسه بتاعتي بس خلاص الواحد دخل جامعه ومقولكمش علي المناظر انا ببقي ماشيه مكسوفه من البنات والله العظيم لأ بس شويه ملابس لابسينها تخلي الواحد داخل نار جهنم حدف ربنا يهدي البنات والاولاد |
بسم الله ماشاء الله
بجد حاجة تفرح وتشرح القلب اقتباس:
اقتباس:
اقتباس:
اقتباس:
اقتباس:
اقتباس:
اقتباس:
دى ردود مقتضبة للحالة العامة اللى فرضتها موضوعك يارحمة بجد حالة تشرح القلب انتى عارفه اننا عملين زى المطاط بقينا مرنين اوى يعنى فى مواضيع اللعب تلقينا بنلعب فى قسم الشعر تلقى كل واحد هايم على نفسه فى مواضيع الدين تلقى كل واحد يقول حسبى الله ونعمة الوكيل وفى مواضيع الخلاق تلقينا كلنا ملائكة :) بس هقولك حاجة اخيرة فاقد الشىء لا يعطيه وقد ضل من كانت العميان تهديه شكرا |
اقتباس:
ولا فى فى فرح هيصوت ؟ يااسلام انت خت كلامى اقتباس وحاسس اكدا انه مش عاجبك ولا ايه:d ما علينا |
لا طبعا مش تدخل مايتم وتزغرط
بس برضه مش تمشى مع الموجه زى ما توديك تروح خليك ثابت فى مكانك ولو هتتغير يبئا بجد مش تتغير جوه الموضوع بس وبعد ما تخرج خلاص انتها علاقتى بيه وباللى سمعته على فكرة انا مش اقصد حد بعينه والله بس انا بتكلم عن ظاهرة وشكل عام فى اغلب المواضيع مع احترامى لرأى الجميع بس انا قريت الردود حسيت فعلا انكم ملائكة او احنا مش شباب وعرفين بعض كويس وعارفين احنا على ايه وبلاش حد يقولى انا مش كده الكل كده ولاد وبنات كلمة حق مرة وحده |
والله محدش قال انه ملاك
كلنا بيعمل اخطاء وبنحاول نتجنبها ونصلحها وانا لما قلت فوق قولت فيه امل اننا نفوق مش تفوقوا |
وبعدين يا اسلام احنا بندعى اننا ينصلح حالنا
عايزنا نخش نقول ايه فى الموضوع دا اقترح علينا رد نقوله |
موضوعى فيه محاول بسيطة الى انى اغير
كون الناس تفاعلت معاه .. مش حاجة وحشة وبعدين غلطان وشاف نفسه مدان وقال فعلا احنا غلطانين ده فى حد ذاته شئ كويس جدا اقتباس:
اقتباس:
اقتباس:
اقتباس:
ودى من اقتباساتك يا اسلام ......... |
عادي يا اسلام باشا ياسيدي لو شخص بيعمل كدا مش مفروض يجاهر بذنبه لاء بيدعي بالهدايه وخلاص طيب انا عايز اسألك سؤال يا إسلام تفتكر ان الرد المناسب اللي يكون علي الموضوع ايه ؟ :) ردك ؟ |
اقتباس:
اها انتا قصدك من كان يومن بالله واليوم الاخر فليقل خير او ليصمت جايز برضه يا احمد بس لما تدخل موضوع 4 صفحات مش هعلق على ردود البنات بس ترصد حالة غريبة وتلقى فجأة الكل بئا ملائكة والكل خلاص ماشى مع الموجة الموضوع واعظ كلنا نبئا ملائكة والكل ينكر التهمة عن نفسه وادخل يقولك حاشة وكلا ربنا يهدى ربنا يستر علينا ربنا يبعد عنا فتن الدنيا مهو هنا الدعاء مش الهدف منه الدعاء ليا وليك بالهداية هنا الغالبية دخله تقول زى الشيخ اياه حاشة لله حاشة لله بيدعى وفى نفس الوقت بيبعد الشبهة عن نفسه وجهة نظر مش اكتر يا ابوحميد |
علي فكرة يا إسلام لو حسبت نسبه اللي بيعاكسوا وبيعملوا الكلام اللي ف الموضوع من النسبه اللي ردت هتلاقيها نسبه مناسبه ويُحتمل وجودها فعلا لان اظن المنتدي مش هيتلم عليه كل الصيع :d --- بالظبط كدا -- والله عندك حق وفاهمك يا باشا بس كنت عايز بس نوضح فكرتنا احنا الاتنين عشان محدش يزعل مننا وتم إغلاق الموضوع ف الكلام ده بقي ونرجع للموضوع الأساسي |
وهو موضوعى انا بقي الموضوع الوحيد اللى فى المنتدى اللى انت شايف الناس بتنافق فيه ولا ايه
ولا انت خلاص يا اسلام علمت ع مواضيعى لازم تنهيها بلمسة جميلة كده عموما كملوا كملوا انا بره الحوار ده |
اقتباس:
اسف يارحمة انى حاولت اتناقش فى نقطة معينة بس برضه حاجة اخيرة لغالبية اللى رده أتامرون الناس بالبر وتنسون انفسكم :) واسف مرة تانية على المقاطعة :) |
>>>>>>>>>>>>>>>>>>
|
طيب بما ان فيه اعتراض علي الرد ده فيرجي زي ما قولت قبل كدا التزام الأدب في الرد يعني نبعد عن قمر وسكر وتوتو وحبي والكلام ده واللي هيستخدمهم بعد كدا مش هحذره ده مش تهديد علي فكرة ده وعيد :d ومعلش يا رحمه ياريت نقفل النقاش ف الموضوع ده عشان موضوعك ميبوظش بالله عليكي ممكن ؟ :) |
حاضر يا احمد
|
مضوعك جميل جدا وبيطرح قضية مهمة بقت منتشرة جدا للاسف الشديد لكن انا ليه راي ان محدش ضربنا على ايدينا علشان نتفرج على الفيلم انت اكيد شوفتي الاعلان وعارفة ان الفيلم فيه مناظر مش كويسة ده بالنسبة للموقف الاول اما بالنسبة للموقف التاني انا رايي فعلا ان البنات هما اللي غلطانين لان همابيبقو لابسين لبس حتى البنات التانيين بيبقوا باصين عليهم فمتجيش وتلومي الولاد انا مبدافعش عنهم لان المفروض برضه يغضوابصرهم لكن البنات بيبقوا شكلهم فعلا مستفز اما بالنسبة للموقف التالت فالصراحة يعني انا مش فاهماه
وده رايي المتواضع وجزاكي الله خيرا وكل عام وانتم بخير |
عارفة انى غلطانة
لكن احيانا بتتحطى فى موقف مينفعش تتصرفى فيها صدقينى عموما اصلا غلط من الاول دخول السينما لو هنشوف الغلط والصح المهم غض البصر ده امفروض فى اى وقت ومع اختلاف الحالة والله سواء الى قدامى مؤدبين او لا يعنى البنات غلطانة مقلتش حاجة اقوم انا كمان اغلط واقول اصلهم غلطانين ؟؟ عذر اقبح من ذنب شكرا ليكى ع المرور :) |
اقتباس:
|
لالالالالالالالالالا
دى الخناقة هى اللى خلصت انتى منورانى طبعا :):) |
اقتباس:
ده نورك;) |
انا كنت بتكلم عن جزئية غض البصر بس
بس فيما عدا ذلك منكرش ان معظم البنات دلوقتى عاوزين الحرق :d |
عندك حق في كل كلمه فعلا بقت حاجه مستفزه
ربنا يهدينا ويهدي الجميع |
| جميع الأوقات بتوقيت GMT +2. الساعة الآن 10:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.