|
واي استفسار يا جماعة ان شاء الله انا او يوري نجاوب عليكم
|
طبعا انا اتاخرت كتير فى الرد
وده لأنى حبيت اشوف آراء الاعضاء اولا وطبعا معظم الردود ليك يورى انت ونيو مقنعه كتير بس برده مش اظن ان الحكايه سهله فبرده انت مش ممكن تحكم من ردود الاعضاء دلوقتى لأن الوقت ده وقت امتحانات وتلت اربع الاعضاء مش بيدخلوا فاقترح تاجيل الموضوع شويه اما بقى بالنسبه لرايى الخاص فانا عارفه ومتاكده انك بتحب الموقع ده وطبعا انا بتمنى ان يكون ليه مدير موجود دايما بانتظام وطبعا اختيار استاذ بورسعيدى موفق جدا فهو الاجدر اكيد ولكن طبعا اظن انه هيكون معانا كمدير للموقع يعنى المسؤول عنه بالاشتراك مع عبقرينو يعنى يكون معانا المدير الفعلى مش مستقل بالاداره لأن مش ينفع وده لأن الموقع ده لعبقرينومان ومستنيه باقى الردود واتمنى ان الكل يفكر فى مصلحة المنتدى مش فى مصلحته الشخصيه وشكرا يورى على اثاره الموضوع |
يا تويتي جيرل
اولا احب اشكرك علي ردك الرائع والحكاية بجد مؤجلة لبعد الامتحانات لحد ما كل العضاء يكونوا معانا في الاول وفي الخر معتقدش ان في حد هيعارض مصلحة المنتدي حتي عبقرينو معتقدش انه يعترض علي مصلحة الموقع اما حكاية مديرين دي انا مش مقتنع بيها لسبب انهم ممكن يتعارضوا مع بعض وانت قولتي ان بورسعيدي يكون مدير فعلي جنب عبقرينو ومينفعش عبقرينو يكون صورة طبعا يا تويتي جيرل ثم احنا مقلناش ان احنا هنعزل عبقرينو من مكانه كل اللي هنعمله انتخابات بين الا ُتنين عبقرينو وبورسعيدي ووممكن عبقرينو يكسب بس ساعته مش هيبقي عبقرينو القديم هيبقي عبقرينو جديد مختار من قبل الاعضاء والاعضاء ليهم حقوق عليه ولو طنشهم ممكن يحاولوا يخرجوه تاني في انتخابات وانا اتمني انك تكوني مقتنعه بالفكرة وتعلمي في الاول والاخر احنا مالناش اي مصلحة شخصية في الموضوع الموضوع كله من اجل المنتدي والاعضاء |
اولا انا متاكده انك ويورى عايزين مصلحة المنتدى
ودى خطوه صراحه جريئه اوى وانا مش قلت ان عبقرينو هيبقى صوره هو مش بيدخل لأنه مشغول فهيكون استاذ بورسعيدى باذن الله مكانه وده قصدى واحنا طبعا لحد دلوقتى بنتكلم من غير ما عرفنا راى استاذ بورسعيدى صراحة واعتقد انه عايز يشوف آخرنا |
استاذ بورسعيدي فعلا مش عايز يبقي المدير المطلق
بس ده مش بمزاجه لانه مطلب شعبي وهو الاحق من غير جدال وانا اعتقد ان رفضه كافي لتعيينه مدير للمنتدي لانه ليس طالبا لها ولكنه موكلا اليها وربنا اكيد هيعينه |
السلام عليكم
فعلا يا تويتى كما قال لك الاخ نيو اننى لم ارشح نفسى على الاطلاق والترشيح ده جاء بناء على رغبة الاعضاء وانا عن نفسى مش مستعد آخد مكان العبقرى ولكن اقترح ان يكون لى (بعض الصلاحيات) لانه بيحدث امور كثيرة فى المنتدى ولا نقدر نتحكم فيها وخصوصا فى المنتديات الذى لا يدخلها مشرفيها وتظل المشكلة قائمة لانه لا يوجد متابعة من مشرف القسم ولا من المدير فأنا ارجح رأى ان يكون لى او لغيرى بعض الصلاحيات مع العبقرى وليست إدارة مطلقة وطبعا مشاعركم النبيلة وترشيحكم لى انا عاجز جدا عن التعبير لكم تجاه هذا الموضوع |
يا بورسعيدي
بليز احنا مش عايزين نتكلم الي في تغيير جذري مش جزئي واننت بجد الانسب للمدير والانتخابات هتحدد |
بس انا ليا استفسار يجماعه
لو عبقرينو مشى مثلا مين اللى هيمسك ؟؟؟ هتقووم ميت خناقه عشان يمسكوا صح والا انا اساسا فاهم الموضوع غلط ؟ |
اقتباس:
انا عايز اوضحلك ان احنا مش هنشيل عبقرينو لان عبقرينو المدير كل الموضوع هيحصل انتخابات بينه وبين بورسعيدي والاحق والاجدر هو هيبقي مدير المنتدي ارجو انك تكون وصلتك الفكرة ولو مش فاهم قولي تاني اوضحلك |
لا الحمدلله وصلت
واعتقد ان استاذ بورسعيدى هيكسب مع احترامى لاستاذ عبقرينومان وده لان استاذ عبقرينو قليل اوى اما يخش انا مش هنكر انه مدير عظيم بس هو العيب فيه انه مايبدخلش كتييييير ..................... بس ياترى انتوا هتطلبوا الطلب ده من مين وياترى هيوافق ؟؟ ولا انتوا هتخشووووه هكر انا عن نفسى ماتمناش ده اتمنى الاقتراح الاول |
الموضع كله سلمي يا حسام بعد ما الاستفتاء ده هيخلص
ان شاء الله لو فضل طبعا الناس عايزين انتخابات هنعمل استفتاء تاني علي المدير بين الاتنين وانا اعتقد ان عبقرينو مش هيمانع حاجه في مصلحة المنتدي ومنافسة شريفة |
انا مضطر امشي دلوقتي وممكن معرفش ادخل بكرة كمان
ياريت يا يوري اي عضو عايز يستفسر عن حاجه تقوله وشكرااا لجميع الاعضاء |
شكرا نيو على التوضيح للاعضاء .
فعلا كل اللى قاله نيو صح .والموضوع مش بتاع عبقر. ونيو عنده امتحانات فى الكليه يوم السبت عشان كده هيغيب لبكره بس . وان شاء الله انا هكون موجود لاى سؤال وا استفسار تحياتى لكم جميعا . سلام . |
بس لاحظ يا يوري ان في 18 واحد بس صوتوا
واعتقد ان دة معنا ان في ناس كتير مش عايزة تخد قرار واعتقد ان الأستفتاء دة مش جرد موضوع نازل في المنتدي ونخد تصويت علية زي مثلا اهلاوي وزملكاوي الموضوع دة اكبر من كدة بكتير والمفروض يبقالة وضعه عن كدة شوية لانة يتعلق بمستقبل المنتدي ولا اية؟ |
اعتقد ان المنتدى دلوقت مش بيدخل كتير عشان الوقت وقت امتحانات
تحياتى. سلام . |
أحب عرفك يا أخ يورو أن أحنا عرفنا المنتدى عن طريق عبقرينو
مع أحترمنا الشديد للأستاذ بور سعيدي ولكن مش مهم مين المدير المهم يسود المنتدى المحبه والاحترام بين أعضاء المنتدى |
ان شاء الله هو ده اللي هيحصل يا حمادة
بعد ما يبقي المدير الجديد متواجد في المنتدي علي طول ونحن ما عندناش غير كل احترام للاستاذ اشرف (عبقرينو ) بس للاسف الحلو ما يكملش هو مش متواجد ومش مهتم بس هي دي الفكرة |
انا لم اعترض على الفكرة ولكن
اعترض على اسلوب العرض |
لا انا متهيئلى ان فكرة سرد الموضوع اوطرحه كانت جيدة واسلوبها حلو يا قمر
|
طارق انا اول مادخلت المنتدى وسجلت نفسى فى المنتدى
معرفش مدير غير عبقرينومان ولو ان عبقرينو مان مبيدخلش المنتدى كتير منقساش عليه الله اعلم بظروفة ولكن فكرتى اننا نعمل انتخابات لشخص ياخذ صلاحيات مدير الموقع وانا ارشح مع الاعضاء الاستاذ بور سعيدى وبالطريقة دى لم نهمل دور الاستاذ اشرف فى المنتدى لانه من موسسين المنتدى ولاا رايكوا ايه |
استاذى العزيز
انا اول ما اتولد والرئيس حسنى مبارك يعنى عشان كده انا اسكت واسيبه الرئيس حتى لو ميستحقش اى حاجه فى العالم المدير بتاعها بيتغير . ليه مدير المنتدى نفسه بيتاعنا ميتغيرش ؟ وعندى سؤال بسيط . ايه العيب فى عرض الموضوع انت قلت انك مش معترض على الفكره معترض على طريقه عرض الموضوع . ؟ تحياتى . |
انا عن نفسى عاجبنى الموضوع
ولو هارشح مع احترامى للأستاذ عبقرينو هارشح استاذ بور سعيدى |
ثانكس لؤلؤه على الصراحه دى .
منتظر ردك يا قمر. |
يورى انت ونيو انتم فى المنتدى متخفين ولا انا شارب حاجة ومش شايفكم ولا ايه
اقلكم اتحو الميل عشان عايزكم ضرورى |
انا ماشى دلوقت
طارق خد دورك فى الرد . تحياتى . سلام . |
انا ماشى دلوقت
طارق خد دورك فى الرد . تحياتى . سلام . |
انا جاهز لاى استفسار يا جماعه على اما يجى يورى او نيو
|
استاذ يورى حسنى مبارك مضفش حاجة لمصر تذكر عشان
كده من حقنا نغيره اما الاستاذ اشرف اللى اعرفه عنه انه من موسسين المنتدى اللى انت خايف عليه وبعد كل المجهود اللى عمله يبقى معملش حاجه احنا منعرفش ظروفه عشغان كده انا اقترحت ان نعمل انتخابات ياخذ فيها احد الاعضاء صلاحية مدير الموقع دون تغير الاستاذ اشرف اما عن اعتراضى عن طريقة الموضوع عرضة يعنى مينفعش ان تذكر اسم لكن ممكن تطلب تصويت على مدير الموقع فى الانتخابات القادمة ونفرض راينا انا لاحظت ان فى ردود بعض الاعضاء انهم اهملوا دور الاستاذ اشرف فى المنتدى ولا ايه رايك استاذ يورى |
لالا يا استاذ قمر احنا ما قلناش ان الاستا1ذ اشرف ما اضفش للمنتدى بس لما يضيف للمنتدى ويقف على حد معين من الاضافه لا يجى مكانه اللى ممكن يضيف اكتر ولو مشغول
يدى مكانه للى فاضى ولا ايه |
السلام عليكم
دي اول مشاركة لي معكم في ذلك الموضوع أولا اسلوب عرض الموضوع مرفوض يا يوري طريقة العرض خاطئة نحن هنا ونعلم ان الاستاذ اشرف هو مديرا للموقع وبالنسبة قلة دخوله الله أعلم بحاله فكل منا له ظروفه الخاصة ولكن أتفق معك فيما قدد اقترحته مسبقا بمشاكل وحلول واقتراحات وهو ان يكون لأي عدد يتطلبه الموقع من مديرين ولكن لا نتحامل على انسان الله أعلم بحاله وأنا أرشح الأستاذ بورسعيدي ليكون مديرا للموقع مع الأستاذ اشرف ولكن اعتقد أن ذلك الأسلوب والاستفتاء مجرح جدا جدا ولا اقبله وشكرا لطرحك الموضوع |
السلام عليكم
دي اول مشاركة لي معكم في ذلك الموضوع أولا اسلوب عرض الموضوع مرفوض يا يوري طريقة العرض خاطئة نحن هنا ونعلم ان الاستاذ اشرف هو مديرا للموقع وبالنسبة قلة دخوله الله أعلم بحاله فكل منا له ظروفه الخاصة ولكن أتفق معك فيما قدد اقترحته مسبقا بمشاكل وحلول واقتراحات وهو ان يكون لأي عدد يتطلبه الموقع من مديرين ولكن لا نتحامل على انسان الله أعلم بحاله وأنا أرشح الأستاذ بورسعيدي ليكون مديرا للموقع مع الأستاذ اشرف ولكن اعتقد أن ذلك الأسلوب والاستفتاء مجرح جدا جدا ولا اقبله وشكرا لطرحك الموضوع |
السلام عليكم
دي اول مشاركة لي معكم في ذلك الموضوع أولا اسلوب عرض الموضوع مرفوض يا يوري طريقة العرض خاطئة نحن هنا ونعلم ان الاستاذ اشرف هو مديرا للموقع وبالنسبة قلة دخوله الله أعلم بحاله فكل منا له ظروفه الخاصة ولكن أتفق معك فيما قدد اقترحته مسبقا بمشاكل وحلول واقتراحات وهو ان يكون لأي عدد يتطلبه الموقع من مديرين ولكن لا نتحامل على انسان الله أعلم بحاله وأنا أرشح الأستاذ بورسعيدي ليكون مديرا للموقع مع الأستاذ اشرف ولكن اعتقد أن ذلك الأسلوب والاستفتاء مجرح جدا جدا ولا اقبله وشكرا لطرحك الموضوع |
لا الاسلوب متهايئلى مش فيه غلط
دى وجهات نظر استاذ زيزو وانا قلت اننا لا بد ان نسلم الرايا لبعضنا فا الذى كان مشغول يعطى الرايه للذى ذهنه خالى للمنتدى والمركب اللى بريسن بتغرق ولا ايه يا استاذ زيزو |
مأنا لا أعرف ماذا تريدون بالضبط هلى تريدون أن تضعوا حدا للخلافات بالمنتدى
نعم معكم ولكن فليبدا كل منا بنفسه أولا ثم ننظر لمن هم غيرنا من السبب بتلك المشاكل أليس من أنفسنا ولا ننكر اهمال الإدارة و ولكن التمس لأخيك سبعين عذرا فغن لم تجد له فاعلم أن له عذر لا تعلمه انت انا لا أمانع ابدا أن يكون هناك أكثر من مدير بالموقع ولن يغرق أبدا بل كل منهم سيكون حريص على أن يهتم بالمنتدى واعتقد أن تلك ليست مشكلة بالمرة أوافق يوري في الإقتراح المقدم في شكاوي وحلول واقتراحات وانا او اي شخص يفكر قليلا لن يقبل ذلك الوضع أو الإستفتاء أوليس يوري هو من وضع الغستفتاء في قسم مشاكل وحلول واقتراحات نعم انه هو الذي وضعه فكيف يغير من حال الى حال أقواله أجبني انت يا طارق أو دع يوري هو الذي يجاوبني وهذا هو رابط الاستفتاء ضغط هنا وةالاستفتاء بذلكك المنطق يكون مقبول جدا وليس كما وضعتموه |
انا مش عارف ايه اللى خلى يورى يغير رايه كده بصراحه لازم هو اللى يجاوب ممكن معاه اسبابه ودوافعه
|
يا جماعة تعرفوا أنا اللي عاجبني في الموضوع ده حاجة واحدة
التجربة الديمقراطية يمكن الكلما اللي هأقولوه دلوقتي يعرفوه طلاب الجامعة أكتر شفتوا المحاكيات؟؟؟؟؟ محاكي مجلس الشعب / محاكي الأمم المتحدة و الحاجات ديه أوكي يبقى أنا عاجبني نظام المحاكي يبقى تعليقي مش هيكون غير على النظام الديمقراطي و مش هارد على ولا كلمة تانية أولاً لو استفتاء على شخص ذو شعبية كبيرة جداً أو شخصين فقط يبقى استفتاء مش انتخابات و ده مش جديد علينا يبقى مش هاخوض التجربة ديه من أساسه ثانياًُ إحنا في عصر السرعة يبقى مدة المدير 3 شهور كتير أوي و نشوف بعد كده التغييرات اللي حصلت ماشي؟ ثم معلش يا يوري ما ينفعشي أستاذ بورسعيدي بس في الانتخابات ده هايكون اكتساح عايزين ناس ليهم نفس الثقل تقريباً و ماحدش يخاف أو يضايق أو يحرج ديه ديمقراطية أنا برشح بعض المشرفين و برشح أستاذ زيزو - إبراهيم الفلسطيني - و مش فاكر مين دلوقتي غختاروا إنتوا بقى الأنسب للترشيح ده مجرد أمثلة معلش يا أستاذ بورسعيدي الحاجت ديه ما تزعلشي ولا إيه و مش لازم أقول أنا طبعاً هاختار أستاذ بورسعيدي أنا عاقل و العقل ده باستخدمه في القياس أحط كل العيوب و كل المميزات لكل المرشحين و أبدأ أقارن و أحدد و أختار مش نظام بالروح بالدم نفديك يا ريس لول يا ريت ما حدش يضايق من كلامي |
ويا ريت ما حدش يقول ما فيش بنفس الثقل
و هوه الأحسن و حاجات زي ديه من الممكن أن يكون أي شخص شخص فاضل لكنك مهما حييت لا تستطيع تحديد الأفضل إلا بالمعطيات التي أمامك |
اؤيد وجهة نظرك يا استاذ صلاح جداجداجدا وياريت فعلا يكون فين ناس مترشحين اصاد استاذ بورسعيدى وعبقرينومان
اشكرك على الاضافة |
يا ايها الفارس صلاح الدين كلامك منطقي جدا ولكن هل تقبل أن نجرح الأخرين
هل تقبل أن تقلل من شأن انسان أعتقد أن ذلك مرفوض انظر الى الإستفتاء الذي وضعه الأخ يوري في لرابط السابق بردي ستجد أنه استبيان منطقي ومعلوم وسيزيد من حيوية المنتدى وسينشطه أكثر لا ان يكون بتلك الصورة وأسألك يوري وأنتظر عودتك لقد وضعت الاستبيان ووافناك بالإجماع عليه ولم يعترض المدير الحالي عليه وأرجو أن نكتفي لحين دخول الاستاذ اشرف والرد في استبيان يوري بمشاكل وحلول واقتراحات لا أن يرد هنا |
العفو يا مان ده واجب
مش مستقبل المنتدى برضه |
ذكرت يا أستاذ زيزو إن المناقشات ديه مش بتخلص
فما حبتش أتدخل فيها حبيت بس أرد على وجهة النظر الديمقراطية و أمشي جامب الحيط لحسن أتلسع بالنار |
طبعا مصلحة المنتدى فوق كل شىء انا ماشى يا جماعه يا ريت تتركو استفسارتكم وانا او يورى او نيو نرد لما نرجع اوك
واحتمال ارد انا لوقعدت |
تمشى جنب الحيط وتتلسع بالنار ليه لو خايف مش تخش ولا تشارك سورى
|
قصدي مش بحب أزعل حد مني
بس الكل متفق إن الاختلاف في الرأي لا يفسد للود قضية عشان كده أنا متأكد إن ما حدش زعلان مني وإللي يزعل يقوللي و أنا أراضيه بس مش بحب المشاحانات الكلامية و البتاعية و الحاجات ديه سلام يا مان |
دى مش مشاحنات كل واحد فينا له حق الاعتراض وابداء الراى
للوصول بالمنتدى الى الطريق الصيح |
اولا المفروض نلتمس الاعذار لمديرنا ومشرفنا العام مهما حصل محدش عارف ممكن يكون حصل ايه ثانيا الانقلاب ده مالوش اى لازمة ممكن يكون فيه خلافات فى المنتدى بس ده طبيعى علشان احنا فى فترة امتحانات وطبيعى محدش كتير يدخل وكمان استاذ اشرف مشغول جدا جدا يعنى المفروض نعذره وندعيله ربنا يعينه وهو غاب عن المنتدى علشان عارف انه فى ايد امينة وعلشان عارف ان اخواته حيلتمسوله كل الاعذار مش حينقلبوا عليه وده طبعا مع احترامى الشديد جدا لاستاذ بورسعيدى بس المفروض حاجة زى دى تتأجل لحد ماعبقرينو يدخل ويشرحلنا ظروفه وساعتها نشوف وكمان اشرف بقاله سنين مشرف على المنتدى ولو كانت شركة هايل جروب شايفاه مش مناسب كانت شالته من زمان وهم اكييد بيتابعوا الموقع حتى لو الادمين مدخلش بصفة رسمية
الاستاذ اشرف ساعدنا كتير جدا واوقات الامتحانات كان بيعذرنا لاننا مبندخلش مش معقول علشان فترة غابها ننقلب عليه بالشكل ده حتى نبقى خاينين للعشرة انا اقتراحى هو تشكيل طاقم ادارة يساعد المشرف العام ولكن ليس الانقلاب عليه وتغييره انا ارفض ذلك بشده مش علشان انا مشرفة ولكن احنا هنا كلنا بنعتبره اخونا وحنلتمسله الاعذار مهما حصل وانا بقالى معاه سنة وشوفت فعلا انه جدير بقيادة المنتدى ومش علشان تغيب فترة مهما كانت الفترة تحصل ثورة عليه وننقلب ضده |
أحب أفكر الكل يا جماعة إنه ما يخدش الموضوع على محمل شخصي إطلاقاً
و إن الاختلاف في الرأي لا يفسد للود قضية و لولا اختلاف الأذواق لبارت السلع و أنا مش متضايق منه ومش متضايق من حد لكن حركة تطوير مش أكتر لول |
لو هتتاجل لحد ما عبقرينو يخش يبقى مش هتتعمل ولا هتتنفذ
|
تسلم ايدك بسبوسة
مستنينك يا استاذ اشرف |
اعتبروا نفسكم فى قضية النيابة قدمت الادلة ومن حق المتهم يدافع عن نفسه ماانا حاسة ان احنا فى محاكمة عسكرية
والمادة رقم ايه فى القانون بتاع ايه بتقول المتهم برئ حتى تثبت ادانته يعنى ماينفعش نقدم التهامات ونصدر الحكم قبل مانسمع الدفاع يبقى كده بنضربه فى ضهره وانا اطالب بتأجيل المحاكمة قصدى المناقشة للاجازة يكون كل الاعضاء موجودين |
| جميع الأوقات بتوقيت GMT +2. الساعة الآن 06:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.