|
اقتباس:
لازم الأب والأم يعرفوا نفسية ابنهم جداً ويتعاملوا معاه من خلال المعرفة دي .. ويراعوا الفروق الفردية والنفسية اللي بين الأبناء ونستنتج برضه حاجة مهمة جداً من كلام آية : (إن الله لا يضيع أجر من أحسن عملا) فالطالب طالما عمل اللي عليه لازم يحسن توكله على الله ويكون متيقن إن ربنا لا يضيع أجر المحسنين أبداً .. والسؤال الآن المهم لآية : آية .. بابا أو ماما حد فيهم قالك .. لازم تذاكري وتتفوقي ليه ؟ يعني ايه السبب عشان تاخدي الشهادة .. ؟ عاوز إجابة صريحة جداً |
اقتباس:
اولا بجد موضوع هايل :078111rg3: اما الاسئله السؤال اول : لا هو عادى بس عاميه ساعات بتبقى اسهل السؤال تانى : لمستقبل افضل :) السؤال التالت: ان احب اذاكر بمزاجى ومحدش يقولى ذاكر:mad: |
اقتباس:
ثانياً : بالنسبة لردودك على الأسئلة : خلاص هنمشيها عامية عشان تبقى أسهل على الكل لأننا عاوزين نحقق الفايدة بإذن الله تعالى.. بالنسبة بقى للإجابة التانية .. لمستقبل أفضل :: ايه رأيك لو كانت نيتك مثلاً من غير مثالية .. عشان اكون أديت فرض عليا في طلب العلم .. ايه رأيك في السبب دا للمذاكرة وبعدين بقى ييجي موضوع المستقبل واي سبب تاني .. الإجابة التالتة : صارح والديك برغبتك .. بلاش خجل .. بس استخدم أسلوب مقنع .. يعني اطلب منهم مثلاً انهم يسيبوك تعتمد على نفسك في موضوع المذاكرة وميفرضوش عليك المذاكرة قولهم والله أنا عارف انكم خايفين عليا بس أنا كبرت وعارف مصلحتي .. بس خد بالك انت هتتحمل مسئولية الكلام دا .. يعني أكيد لو قصرت هتيجي فوق دماغك ودماغهم هما كمان للأسف .. يعني يوم ما تطلب الطلب دا لازم تكون على قدر المسئولية |
اقتباس:
بجد موضوع اكتر من رائع انا ملحقتش اقرا غير اخر صفحة بس هحاول اكمل الباقي لاني بجد استفدت جزاك الله خيرا يااستاذ نجم وفعلا احنا من حسن حظنا ان حضرتك معانا في المنتدى |
اقتباس:
أنا أتفق معك أن لكل مرحلة عمرية السبب الخاص بها في المذاكرة ولكن هنا يتضح دور الوالدين في بث فرضية العلم لدى أبنائهما .. "طلب العلم فريضة" يجب أن نعلم أننا نؤدي فريضة ويجب أن نعلم لماذا فرض الله علينا هذه الفريضة .. أما بالنسبة لاهتمام اسرتك البالغ بيكي فهذا أمر طبيعي من أسرة محبة لابنتها .. وستعلمين أن هذا الأمر طبيعي عندما تصبيحن أماً بإذن الله تعالى ستشعرين أن أملك الوحيد في الحياة هم أبناؤك فلذات أكبادك التي تمشي أمامك على الأرض .. والسؤال الآن الذي يطرح نفسه للجميع ... بالفصحى .. ما نيتك وأنت تذاكر ؟ ما نيتك عند دخول الامتحان؟ هل أعلمتك الأسرة أن طلب العلم فريضة ؟ إن كانت الإجابة نعم .. فهل أنت مقتنع ؟ وإن كانت الإجابة لا .. هل تريد أن تقتنع ؟ هيا .. في انتظار الإجابات لتدخل الكنترول .. هيا .. |
اقتباس:
انا اصلا بابا و ماما مش بيقعدوا يقولو لي ذاكري لكن بيقولولي ان انا اللي لازم اكون عارفة مصلحة نفسي لان النجاح ده ليا انا و ماما دايما بتقولي ان البنت المسلمة لازم تبقى متفوقة و لازم تعمل شغلها بضمير و ان العلم ده فريضة و ان انا لازم اتفوق علشان اقدر اعمل حاجة للاسلام و لنفسي كمان |
اقتباس:
|
نصائح للوالدين (الأب والأم) أثناء فترة الامتحانات .. نصائح قابلة للمناقشة والتعديل..
|
يلا نكمل سوا.. بعد توقف الموضوع لمدة يومين بسبب النت .. ليا سؤال للجميع هنا .. ويخص الطلبة والطالبات بالذات .. هل استطاع منتدانا أن يجعلك تستغني عن الدورس الخصوصية .. ؟ بجد عاوزين نناقش الأمر دا ؟ عشان في غاية الأهمية..
|
اقتباس:
فعلا موضوع الدروس الخصوصية ده موضوع مهم انا اصلا مش كنت باخد دروس من قبل ما اعرف المنتدى و عمري ما اخدت لا دروس و لا مجموعات و ان شاء الله مش ناوية اخد بس بردو المنتدى حلو جدا و بيشجع اكتر على اني استمر في الفكرة دي كفاية المدرسين اللي فيه و حتى الجو فيه لما الواحد بيكون مخنوق و لا حاجة بيحس انه كانه قاعدة في بيته و في ناس حاسين بيه و كتير جدا بحس انه بيعطيني همة و نشاط علشان اكمل مذاكرة و بجد يعني الكلام ده من قلبي بجد مش مجاملة بجد شكرا لكل القائمين على المنتدى و شكرا لحضرتك على الموضوع الرائع |
اقتباس:
|
اقتباس:
|
معذرة اتأخرت عليكم .. يلا عاوزين نحسب حسبة كده سوا .. بس كل واحد يقول الحقيقة .. ولي الأمر والطالب كل واحد يقول الحقيقة كاملة .. بتصرفوا كام في الدروس الخصوصية بما يرضي الله .. اوعى تخبي متخافوش انا مش من الضرايب ..
|
أنا نفسييييييييييييي طويل
ما زلت مصراً على (نكش) الأعضاء .. وما زال الأمل معقوداً في قلبي أن يصبح هذا الموضوع ساحة وقفة مع النفس ، ساحة نقد ولو لمشكلة صغيرة تحدث داخل الأسرة .. قال لي أحد الأعضاء أنت تحجم المشاكل لأن مشاكل الأسرة قليلة ولذلك يجب أن يكون الموضوع عن قضايا المجتمع .. بصراحة (سخسخت من الضحك) لأن (أخينا) يعتقد أن هناك فرق بين مشاكل المجتمع ومشاكل الأسرة .. وطبعا ً الأسرة هي المجتمع الأول الذي يحتضن إما المصلحين وإما المفسدين فإن أصلحنا المجتمع الأصغر صلح المجتمع الأكبر ... مش كده ولا ايه؟ لماذا لا نعتبر هذا الموضوع (فضفضة) أو (عتاب) أو (مدح) ليس شرطاً أن نعرض فيه سلبيات الأسرة فقط يمكن أن نستعرض إيجابياتها .. فنصلح السلبيات بالإيجابيات (تبادل منفعة يعني) .. وهكذا يمكن أن تتولد أفكار جديدة من شأنها أن تصلح شيئاً أو تساعد في بقاء الشيء الصالح صالحاً .. أوجه الدعوة مرة أخرى لجميع الأعضاء .. أخي ... فضفض .. بلا خجل أو تردد فتلك ساحة للحوار الجاد. عاتب .. من تراه يستحق العتاب واللوم (متخافش سرك في بير) امدح .. من يستحق المدح .. (بين الايجابيات عشان نتعلم منها) ما زلت في الانتظار وكما قلت قبل ذلك .. (أنا نفسيييييييييي طويل) |
:(ابني دخل من يومين البيت يغني حاجة كده بيقولوا عليه أغنيه تقريباً كانت اسمها (كعبو كعبو) .. ودار بين وبين ابني الحوار التالي :
أنا: يوسف ايه اللي بتقوله دا؟ يوسف : كعبو كعبو أنا : سمعتها منين يا يوسف؟ يوسف : صاحبي في الحضانة كان بيغنيها والمس كانت بتصقفله وكلنا قعدنا نغني معاه يا بابا. أنا : بس يا يوسف الكلام دا عيب ميصحش نقوله عمرك سمعت في البيت هنا الكلام دا؟ يوسف : يا بابا مش انت قولتلي اسمع كلام المس ! وبعدين المس ماقلتش لصحبي ولا لينا إن الكلام دا عيب .. أنا : بس أنا بقولك معنتش تقول الكلام دا لأنه مش أي حاجة نسمعها نرددها يا يوسف .. لازم نعرف إذا كان الكلام دا صح ولا غلط يوسف : يعني أسمع كلام المس ولا ما أسمعش كلامها ..؟ أنا : :confused: وهنا توقفت عن الرد .. والآن ممكن حد منكم يضع نفسه مكاني ويرد على ابني .. يا ريت حد يرد لأني بجد محتاج أتعلم أرد على كلام يوسف ابني ازاي .. يلا أنا مستني.. |
اقتباس:
|
اقتباس:
طويب دلوقتى هو الموضوع ده المشكله فيه تعدت مشكله فرد ممكن نحلها فى ان حضرتك مثلا تكلم الميس او حاجه المشكله حاليا مشكله مجتمع اتعود على اسلوب الحياه و الكلام ده فحاليا الواحد بيعتمد على الوازع الذاتى فى التفريق يعنى الرسول صلى الله عليه وسلم قال لا تكونوا إمعة تقولون إن أحسن الناس أحسنا وإن ظلموا ظلمنا ولكن وطنوا أنفسكم إن أحسن الناس أن تحسنوا وإن أساءوا فلا تظلموا يعنى المفروض حضرتك تعرف يوسف ايه الصح و ايه الغلط و ليه كعبو كعبو دى تستحق :slap1qk6: بس انا لفت نظرى حاجه تانيه يعنى هما كانوا بيغنوا الاغنيه الجميله دى ممكن يكون عند ابن حضرتك حب للاغانى بس لما فكر فى كده مش لقى قدامه غير كعبو كعبو فبالتالى صعب ان حضرتك تخليه يسيب النوعيه دى بس لو ادتله حل تانى ممكن يبدع فيه بجد الانسان مش المفروض يعدى الحاجات اللى الاطفال بيتعلقوا بيها عشان غالبا بتكون نابعه من حب للحاجه بس بيعملوا اللى قدامهم غنى معاه جدو على اى حاجه تخلى عنده ذوق عالى او احسن اديله عصفوران عاشقان و هو حينسى كعبو كعبو دى خالص :romarioxp6: حتى لو كان فى حضانه يلا كفايه كده طولت فى رعايه الله |
اقتباس:
|
الأسرة ... وغزة
اختلفت ردود الأفعال المحلية والعربية والدولية لما يحدث في غزة .. واتفقت تلك الردود على أن ما يحدث جريمة في حق البشرية أجمع .. والسؤال الملح الذي يطرح نفسه الآن والذي أودت أن أسأل فيه في هذا الموضوع الذي كلما غبت عنه اشتقت إليه من جديد ..
كلنا يحيا داخل أسرة .. ولكل أسرة ما يميزها من المعتقدات والعادات والتقاليد .. ولكني أريد أن أسأل ... س: كيف استقبلت الأسرة نبأ ما يحدث في غزة ؟ س : ما موقف الأسرة من القضية الفلسطينية بشكل عام ؟ س : هل اقترحت الأسرة حلول لتلك المشكلة .. ما هي؟ س : هل حذرتك الأسرة من شيء ما ؟ هل نصحتك بشيء ما له علاقة بتلك القضية ؟ .. كل هذه الأسئلة وأكثر تطرح نفسها على الساحة الآن .. في موضوعنا البيوت أسرار .. أرجو الإجابة الموجزة وشكراً للجميع ... |
اقتباس:
في الأول احب اشكرك على موضوعك الراقي وبالنسبة للأسئلة 1- انا واحد من مؤيدي اللغة الفصحى جداً حتى إني كنت بلعب في لعبة "اونلاين" مع عرب من اي دولة كنت بتكلم عربية فصحى في كل مواضيعي ده مش عشان مش حيفهموا المصرية بالعكس دول بيتكلموا زيينا بيها عادي وانا كنت ناوي اعرض على المنتدى فكرة إنه كلنا نتكلم بالفصحى في الفترة بعد الامتحانات في الاجازة لأنه ده بيقوي اللغة عندنا خاصة إني بشوف اخطاء لغوية واملائية شائعة كتير عن البعض بس زي ما تقول بقت العامية هي الشائعة وزي ما بيتكلموا نتكلم 2- انا لحد اولى ثانوي كنت بذاكر عشان انجح وبلا مبالغة بس برده كان في روح التنافس بيني وبين اللى كانوا معايا حيث إنه من مدرستي كان في طلبة على مستوى المحافظة والجمهورية وانا كنت بالنسبالهم زي ما بيقولوا "افشل الشاطرين" لكن في ثانوية عامة كان هدفي حاجة واحدة وهي دخولي هندسة والحمد لله نجحت بعد كده بدأت أحس إنه هدفي خلص بس اهه حنحاول ندور على هدف تقديري عشان نذاكر بقى:049gc0: 3- انا الحمد لله البيت مكنش عملي ضغط ولا حاجة بس كانت المشكلة الوحيدة إني اكبر اخواتي ولازم اخواتي الصغيرين يلعبوا مش حينفع يستنوا شهر كامل امتحانات الثانوية لحد ما اخلص ويهيصوا براحتهم فطبعاً كانوا بيلعبوا صحيح كانوا بعيد عن اوضتي بس برده كان لازم اروح اغلس والعب منهم شوية:romarioxp6: غير كده الوضع عندي كان كويس |
اقتباس:
وحتى المنتدى _مع إني لم أجرب_ لن يكفي ويلزم الشخص بالمذاكرة انا مثلاً معرفش اذاكر إلا لو ورايا امتحان يعني مثلاً الفيزيا السنة اللى فاتت كانت 5 ايام ادام الامتحان اول يومين كلهم لعبت تالت يوم حاولت اذاكر حاجة بسيطة اخر يومين دعكت نفسي فيهم وطبعاً مخلصتش كله بذمة بس طبعاً في حاجات كانت اتحفظت من الدروس بره وده اللى ساعدني كتير في الامتحان حليت من الذاكرة الدروس بتحفظك المنهج (بعد ما تفهمه طبعا) ومعلش عايز اسأل الأخت اية عميش سؤال وليها حرية الاجابة هل حضرتك مكتفية بالمذاكرة في البيت وشافية كده مستواكي كويس وقادرة تواكبي اللى حواليكي اللى بياخدوا دروس؟ جبتي كام في سنة تانية ثانوي ؟(وسوري على الفضول) |
اقتباس:
عارف إني طولت عليك وجبتلك من القديم للجديد بس حبيت احط رأيي وافعل الموضوع شوية في الاول تعقيباً على موضوع كعبو كعبو والمس في حاجة مهمة بالنسبة للطفل لحد ما بيوصل حتى اعدادي حتى لو كان ابوك مدرس وشرحلك الحاجة صح ، حتقتنع برده بكلام مدرسك في المدرسة يعني اي حاجة بتتقال في المدرسة عموماً سواء من المس او المستر بتعلق في ذاكرة الشخص ولا تكون قابلة للتغيير إلا من نفس الشخص وكلام الوالدين لا يؤثر عليهما اطلاقاً بس اكيد في اساليب لاصلاح ذلك بطرق أخرى س: كيف استقبلت الأسرة نبأ ما يحدث في غزة ؟ طبعاً مفيش اسرة متأثرتش باللى حصل س : ما موقف الأسرة من القضية الفلسطينية بشكل عام ؟ يمكن انا مش ملاحظ الموضوع ده كتير عشان انا والدي مسافر واحنا مشغولين بالامتحانات فمكنش في وقت للتفكير واننا نحكي (عائلياً) بشأن الموضوع لكن اكيد بنحكي فيها مع الاصحاب بره وكده |
طبعاً شكراً أخي الكريم على هذا الاهتمام الغير متوقع بذلك الموضوع الذي كنت أضع عليه آمالاً عظيمة ولكن نظراً لظروف الامتحانات ولظروفنا التي لا تنقطع ولا تهدأ لم يكتب لهذا الموضوع ما كنت أتمناه ولذلك فإني أشكر الإشراف على إلغاء تثبيته لإعطاء الفرصة لموضوعات أخرى أكثر فعالية وجدوى .. شكراً جزيلاً لكل من شارك في الموضوع والموضوع ما زال قائماً يحتمل المزيد من النقاشات حول أحوالنا بيوتنا مشكلاتنا .. آهاتنا الأسرية التي نخجل عن التحدث فيها .. وبهذا لن تحل يوماً .................................................. .................................................. .................................................. ................................
|
| جميع الأوقات بتوقيت GMT +2. الساعة الآن 06:42 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.