المهم بقي دلوقتى التسويق خلاص امتحانا الاداره وخلصنا عقبال التسويق

ازيك ياشيماء
عملتى ايه النهارده فى الامتحان
الامتحان بتاعنا كان حلو و سهل
وانا امتحنت فى مدرج هـ

انا فى تانية تجارة انجلش وامتحنت يوم الاحد اللى فات

نقود وبنوك برضه
والامتحان كان يعنى الى حد ما كويس :(:(:(:(:confused::(:(:(:(

وربنا يوفقنا جميعا

اه .. مانا شوفتكوا قبل الامتحان ياعيني مزنوقين !!

مانا برده ليا واحد صاحبي في انجليش قالي انه الامتحان جيه كويس .. بس لا صعب ولا سهل

عامل زي بتاعنا برده .. لاهوا صعب ولا هوا سهل .. حاجة كدا تخليكي تطلعي من الامتحان تتشلي !

اني واي .. ربنا يوفقنا في التسويق دا ..

كل املي اني اعدي منه واخلص .. عشان بجد مادة رزلة

مالك بتقوليها وانتى زعلانه كده ليه

اصلى بصبر نفسى مش عايزة اقول انه كان وحش وربنا يستر بقى

:(

ربنا يسترها معانا بكره ان شاء الله

ازيك انت يا مصطفي الحمد لله ان امتحانك جه حلو انا كمان الحمد لله بس ربنا برضو يستر وانا كمان امتحنت في مدرج ه برضو

ها يابتوع سنة تانية .. عندنا بكرة تسوييييييييق .. وما ادراك ما التسويق !

عموماً بالنسبة لمجموعة (ز) عشان انا غالباً بحط احتمالات وبييجي منها

عن نفسي متوقع ان الدكتورة تجيب الاتى :

1- في حاجة من الفصل الاولاني اكيد اكيد اكيد جايه سواءا تعريف التسويق او خصائصه

2- استراتيجيات التعامل معا السوق المستهدف

3- استراتيجية كشط السوق والتمكن من المنتج

4- استراتيجية الجذب والدفع (استراتيجيات الترويج)

5- التوزيع الشامل والانتقائي والمحدود / التوزيع المباشر والغير مباشر (استراتيجيات التوزيع)

6- دورة حياة المنتج .. وممكن تقارن مابين دورة حياة المنتج والدورة التجارية (ودا يبقي سؤال غبي!)

7- استراتيجيات التسعير .. والتمييز برده ممكن ييجي عشان ماجاش قبل كدا

8- مصفوفة بوسطن .. ودي الدكتورة ممكن تعمل احلي شغل عليها .. بس عموما هيا سهلة مش صعبة

9- المنتجات الجديدة .. وخاصة مراحل تبني المنتج الجديد
(الإدراك ، الإهتمام ، التقييم ، التجربة ، التبني ، التأكد )

10- مراحل اتخاذ قرار الشراء للمستهلك النهائي
( الشعور بالحاجة ، تحديد البدائل ، تقييم البدائل ، اتخاذ قرار الشراء ، سلوك مابعد الشراء )

اعتقد ان على الاقل 5 اسئلة من دول جايين في امتحان تانية (ز)

وعموما بكرة ان شاء الله نبقي نشوف اللي جيه واللي ماجاش .. وربنا معانا جميعاً

لالالالا ايه الامتحان ده اقل ما يقال عنه انه امتحان تافه
ياه ده انا كنت مرعوب من الاقتصاد ده كل شويه كنت بقابل ناس اكبر و بيبقوا شايلين الاقتصاد و كنت بترعب اكتر من الامتحان و بالاخص انى كل ما اقول لحد اكبر منى ان اللى بيديلى المهيميلى يقول لى معاك ربنا
بامانه الامتحان اللى جه انهارده ده تاريخى ده يا جماعه يتحل فى نصف ساعه مستريح تخيلوا
السؤال الاول اختر من متعدد
السؤال الثانى وصل
السؤال الثالث اكمل
السؤال الرابع عباره عن مساله الف و باء
الف سكاله تافه و باء وترسم 3 رسمات اتفه من بعض
السؤال الخامس ترسم 3 رسمات اتفه من بعض و و اجابه سطر واحد
انتا بائن الله اقا حاجه هجبها جيد فى الاقتصاد ده
الحمد لله
و ببعت سلاماتى لفامبير و مصطفى و شيماء و نائل ولومه و نسمه و كل اللى شاركوا فى الموضوع و كل اللى بيشاركوا فى قسم تجاره

الحمد لله ان الامتحان جه سهل
هى الامتحانات السنادى حلوه
وانا امتحنت تسويق النهارده (سنه تانيه ز)
التسويق كنت خايف منه جدا جدا جدا :(
والحمد لله حليت كويس وان شاء الله هاجيب تقدير فيها

ماشاء الله ماشاء الله ...اختر؟!!!

وكمان وصل !!!!!

واكمل كمان
وكمان الرسومات سهله؟!!!!

انا مش عارف اقولك ايه!!!!!!!!!!!!!!!!

انت فى هنا
ياريت بس يحصل عندنا ربع اللى حصل عندك

اوعى تزعل من الكلام ده
اصل اللى يشوف الكلام ده تحس ان الدكاتره عندنا بينتقمو مننا
الله يسلمك

الحمد لله امتحان التسويق عدى على خير
نيجى للمحاسبة بقى
عارفين ان المحاسبة دى بتفكرنى بالـ بوع بوع بتاع الثانوية العامة (الفيزياء)
اهى المحاسبه تبقى الـ بوع بوع بتاعة كلية التجارة

التسويق النهارده مجموعه ب كان طوووويل شويه بس الحمد لله كان اللى حد ما يتحل وانتو عملتو ايه ياترى؟؟؟؟؟؟؟

الله يسلمك يا فرسان الجحيم كويس الامتحان التاريخى ده شفت بقي اللى تخاف منه ميجيش احسن منه وانت كمان يا مصطفي الحمد لله ع التسويق ونركز بقي في البوووع بوووع قصدى المحاااسبه وربنا يوفقكم جميعااا وعايزه اطمن على نسسسسسسسسسسسسسسسسسمه هى عملت ايه في التسويق

ازيك يا نسمه ياترى عملتى ايه ؟ وعقبال المحاسبه لما نسمع فيها اخبار تطمن

الواحد والله مش عارف هيلحق يخلص المحاسبه ان شاء الله ولا ايه لان المده 3 ايام بس

والله المحاسبه بتاعه سنه تانيه اسهل من محاسبه اولى
ربنا يسهل ونخلصها على خييير

ونسمه بقالها كتير اوى مش بترد علينا هى زعلت مننا ولا ايه؟؟
عايزين نطمن عليها

كمان تقدير ؟! .. يا سبحان الله

اللي يشوفك قبل الامتحان مايشوفكش وانتا دلوقتي ..

مش عارف ليه يا درش حاسس انك سهونة وهاتجيب تقدير جامد وهاتخلع وتحول وهانفضل احنا في انتساب !!

ياراجل حرام عليك .. دا منظر امتحان ؟! .. والله العظيم تلاته انا اول ماخدت الورقة قعدت اضحك

بالظبط عملت زي الست الكبيرة اللي كانت في فيلم اللمبي اما كان بيمتحن في محو الامية ..

طب السؤال الاولاني وكويس .. والسؤال التاني وكويس

معا اني عكيت في الجزئية التانية بتاعة العوامل الانتقائية الاولية .. لإني اصلا مش فاكرها

وبصيت عليها بعد الامتحان اتلاقيتها مزنوقة في حتة كورنر صغير جدااا في الملزمة بتاعة المراجعة !

والسؤال التالت دا لوغاريتمات .. مش فاهم فيه حاجة ..

بس الجزئية بتاعة الحصة السوقية جاوبت عليها نظري ورغيت فيها شوية

والسؤال الرابع بتاع العملي جاوبت عليه الحمدلله ..

بس اخر نقطتين برده رخمين شوية بالذات بتاعة المنظمة الشرائية دي

بس مجمل الامتحان الواحد يعدي منه ان شاء الله .. لكن اللي ربنا يستر فيه بقي المحاسبة

اللي هوا فعلا زي مادرش قال عليها بعبع ! .. بس انتاا عايز الصراحة والله مش صعبة خالص

انا السندات كنت متعقد منها ومخنوق وطالع روحي .. والحمدلله خلصتها اهو واتلاقيتها حلوة جدا

هيا بس عايزة دماغ مفتحة ورايقة ..

سيادتك انا شايل محاسبة من اولي .. يعين ماقداميش غير 3 ايام قبليها .. ونص يوم قبل محاسبة تانية !!

ربنا يستر

مصطفي ايه الاحراج ده لازم اقول اني دبلرت سنه اولي في ثلاث مواد اداره رياضه موارد3و6و2 بس والباقي تقدير وانا عن نفسي مبحبش الفشل والسقوط والسنه دي فرقت معايا جامد اصبحت اكره الجامعه مانزلش والترم التاني جيبت جيد جدا بس بعد ايه وامتحنت في السنه اللي فاتت 3 مواد فحاولت وهي دي حكايتي مع الزمان عرفت انا حولت ازاي:(

ربنا يخليكي يا شوشو وتنجحي والامتحانات تيجي سهله ليكي ولينا يارب ونطلع صافي ولو مش طمع نقول يارب نجيب تقدير هههههههههه:049gc0:هههههههه

كل ده من دعوه ومال لودعيت ليك تاني هيحصل ايه:confused:انا بقي يا نائل كل ماجيب موبايل يتسرق حسيت ان الحراميه علامه عليه اني بتسرق:(

ربنا يخليك يا مصطفي بس النت كان فاصل كنت عايزه اطمن عليكي انا الحمد الله حليت كويس بس كان طويل 2د هو انا قدر ازعل منكوا

قصدي عليكوا كلكم اللغه العربيه ضاعت معايا خالص

يارب يا شوشو اصل المحاسبه ليها رهبه ربنا يسترها وشكرا علي سؤالك انتي بقي اللي شكلك عسوله والله

سلامي الخاص لمصطفي وشيماء شكرا ليكوا جدا علي سؤالكوا ويارب تنجحوا يارب انا حليت كوبس بس الامتحان كان طويل بس حليت كل الاسئله اللي عرفته واللي معرفتوش عقبال ما المحاسبه تيجي سهله

وسلامي لفامبير ومحمود ونائل ويويه وفرسان الجحيم ودونه ولومه بالتوفيق يارب

يا جماعه كنت عايزه اعرف امتحانات التخلف لقربتي 4ز ضروري

امتحانات التخلف بنمتحنها غالبا في مدرجات هـ ، و .. بس تروح الشئون وتتاكد احسن

السلام عليكم ورحمة الله وبركاته

الحمد لله بالنسبة لمجموعة (ج)
التسويق عوض اللى الله يحرقها النقود
انا شوفت الامتحان اتخضيت 3ورقات بس الحمدلله كانوا كويسين:av4056bb7jp3:

ربنا يستر معانا فى المحاسبة الوقت قليل اوى:angry2:
والدكتورة شكلها هتجيب امتحان كدا يعنى

حمد الله على السلامه يانسمه

انا مش قصدى احرجك
انا كنت عايز اكسفك بس !!!!!
لا والله انا اتفاجئت بالرد دا
بس طريقه حلوه ومش حلوه فى نفس الوقت ليه تضيعى سنه من عمرك

انا برضه عرفت من واحد صحبى ان الامتحان كان طويل اوى
بس كان حلو الى حد ما

ازيكوا يا جماعة كلكوا
ربنا يوفقكوا جميعااا وخصوصا الناس اللى جه امتحانها سهل
بصراحة بحقد عليهم :angry2::mad::angry2:

عشان انا امتحانى كان طووووييييييييييييييييييييييييييييييييييييييييييييي يييييل :(:wacko:
وكان فيه حاجات معقدة وجالى شلل فى اللجنة :o
لدرجة والله انى خفت الورقة تخلص وملاقيش مكان اكمل الاجابة
بس الحمد لله كفت وسبت صفحة كمان :av4056bb7jp3:
وماسبتش غير سؤال واحد بس :av4056bb7jp3:يافرحتى

ادعولى والنبى :(
وربنا يستر بقى فى المحاسبة

هااا ايه الاخبار معاكم في المحااسبه

ان شاء الله امتحان المحاسبة هيبقى كويس
 

السلام عليكم

المحاسبة الحمد لله جميلة

خصوصا ان الدكتور على فهمى بشرنا

اده هو انت معانا فى المجموعه

بصراحه الدكتور على فهمى دكتور برنس
دكتور بمعنى الكلمه
وان شاء الله الامتحان هايكون حلو
.
.
.
.
يالومه كفايه حقد بقى
انتى اللى حظك وحش!!! امتحانك دايما بيبقى مش حلو

الف شكر ليك يا مصطفى و الله اول مره المهيلمى يعملها و يجيب امتحان تاريخى زى ده كان كل سنه كان بيجيب امتحانات الغاز و كان معظم الدفعه يشيلوا مادته انما السنه دى فى سكشن فى اول السنه جه معيد عندنا اسمه عبد السميع قالنا ان الدكتور مبسوط مننا علشان مبيعات الكتاب بتاعه عاليه و فعلا بعد كام اسبوع قالنا الدكتور فى المحاضره ان دفعتنا احسن دفعه من خمس سنين فتاكدت ان الدكتور ده من طبيعه الناس اللى يتقال عليهم الفلوس بتغير النفوس لكن برده كنت خايف الامتحان يجى سهل و لكن الحمد لله
الف شكر ليك على ردك و الحمد لله و عقبال ما تجيب امتياز و لا جيد جدا فى التسويق و ربنا يوفقك فى بقيت المواد

شكرا على ردك يا شيماء و الحمد لله ان امتحانكم بتاع التسويق جه كويس فعلا ده انا كنت مرعوب من الاقتصاد بالاخص انى مكنتش بذاكر من اول السنه و اول مره ذاكرت الاقتصاد مفهمتهاش و لكنى فى المره التانيه و الثالثه بقيت حفظها بمعنى الكلمه و لكن ربنا يستر عندى الماده الجايه يوم الاربعاء لغه و ما ادراك اللغه بتاعة تجاره المنصوره اللغه دى كانت اسهل ماده لغاية السنه اللى فاتت انا كنت روحت حصه كورس لغه كان فيه واحده عايده السنه بسبب 3 مواد اللغه و الاقتصاد و مدخل الحاسب و كانت بتقول ان الامتحان جه ضرب نار السنه اللى فاتت و كانت مره يحصل كده و لان نظام المناهج اتغير من السنه اللى فاتت و انا كل ما احفظ حاجه فى اللغه بنساها لغاية ما زهقت من مذكرات الشرح و هروح اجيب مذكرات المراجعه النمهائيه و اذاكرها و خلاص و ربنا يستر

الله يسلمك و حمد لله على السلامه

اه يا خوفي !!

ازيك يا نسمة ومصطفي وفامبير وفرسان الجحيم يا عم ابقي قولنا اسمك وشوشو والله وحشتوني

وبالنسبة لامتحان ادارة اولي ز اللي مردتش فيه يا بختهم ويا حظهم ز دة ان بموت في دكتور هشام البحيري كنت بحضر محاضرته واحد تحب تسمع كلامه وتتعلم منه ومن طريقة تفكيره

وبالنسبة لامتحان المحاسبة اهوا بكرة ربنا يستر لحسن انا مرعوبة من دلوقت وامتحان ز هيبقي نفس امتحاني ما هو يا بشادي:stickjo4: يا العطار.............:abdoog8:
وربنا يستر

انا النهارده كان عندى امتحان لغه اولى جامعه المنصورة وكان كويس بس الجزء بتاع المحاسبه لبخت فيه بجد كانت تعريفات رخمه بس الحمد لله الامتحان بشكل عام كويس الحمد لله ربنا يوفقنا فالباقى ويوفقكم انتم كمان بس انا كان عندى استفسار صغنون لو يويا تعرفنى ياريت تقولى لانى شاكه انى اعرفها لو هى متعرفنيش يبقى انا الى غلطت بس ياريت تردى عليا يايويا لغايه لما اكلم الى انا شاكه فيها اشوفك هى ولا لا

طلعت هى ياجماعه الحمد لله لو فاكرنى يافامبير هى دى الى كنت بدور عليها وكنت عاملالها موضوع وانت شلته فاكر ؟؟؟؟؟
المهم الحمد لله لقيتها دلوقتى

تسلمى يانسومه ولكى هذا التحزير

من نائل الشيخ الى نسمه بنت عبداللطيف ممنوع تمام الدعاء الينا يكفى ما حدث

او ادعيلى فى سرك انتى عارفه عيون الناس بقا

اه فاكر .. الحمدلله انك لاقيتيها .. بس انا مستغرب الموضوع دا ..

عموما نبقي نتكلم فيه في حتة تانية مش هنا

المهم ياجماعة .. عايز اقولكوا ان امتحان محاسبة اولي (ز) النهارده كان منيل بستين الف نيلة

وخايف اشيل المادة للمرة التانية على التوالي !!

يعني انا مش عارف ربنا رازقني السنة اللي فاتت بشوقي بشادي .. والسنة بتوأمه صبري العطار

والاتنين نفس الامتحان ونفس الغباوة .. مش عارف انا ايه الحظ الفقري دا !

الامتحان جاي قيود يومية منيلة .. جرد مستمر وصافي كمان !!

لا ولا التسويات بقي .. ياعيني على التسويات

قايمة الدخل تتعمل على 3 شهور .. والميزانية تتعمل على سنة كاملة

يعني التسويات هاتتعمل مرتين ..مرة عن 3 شهور ومرة تانية عن سنة !!

يعني انا نفسي اعرف الفزلكة والحوارات الفاشلة اللي الدكاترة بيعملوها مابتجيش الا فوق دماغي انا ليه ؟!

اشمعنه يعني مجموعة (و) اللي بيديهم البشبيشي .. جالهم حتة امتحان تافهة تفاااااااااهة !

والله العظيم اللي مايجيبش فيه امتياز يبقي راجل مش كويس !!

هاقول ايه .. هوا نصيبي كدا ..

منك لله يا عطار انتا وبشادي في يوم واحد

امتحان مجموعه ب هو كمان كان زفت
وكمان كان طويل
ده غير ان انا بكره المحاسبه
ويا رب بس ننجح فيها

انا في مجموعة واو الامتحان كان سهل في السؤال الاول
والسؤال الثاني التسويات فيه سهلة
بس الميزانية الجانبين مش متساويين مش عارف ليه!!!
الامتحان كان في لغز السؤال الثاني لان مفيش حد من صحابي طلع الجانيبن متساويين
انا شفت امتحان شوقي بشادي اول ما شفته اعدت اضحك صحابي اللي في مجموعة ه متضايقين مني بس اعمل ايه ما قدرتش امسك نفسي الامتحان رخم بجد وفيه نظري كمان
ربنا معاك يا فامبير ومع كل اللي في مجموعة ه و مجموعة ز

انا اسمى محمد
الحمد لله امتحان اللغه جه معقول و انا كنت هتجنن فى السؤال بتاع المحاسبه دى كنت حاسس انى مش فاكر اى حاجه عن جزء المحاسبهده انا مذاكره كذا مره و مفتكرتش منه حاجه فلبخت فيه المهم انى ضامن النجاح الحمد لله فى الماده دى
ربنا معاك يا رونالدينهو و بائذن الله ربنا هيستر معاك و مش هتشيل حاجه و الامتحانات الجايه هتبقى سهله بائذن الله
انت شكلك اتاذيت قوى يا نائل من الحسد اللى اخدته بسبب الدعوه دى ربنا يستر عليك
مش عارف ليه يا فامبير حاسس انك لقيم و شكلك بتحل ميه ميه و متبع نظريه دارى على شمعتك تقيد

هاى ياجماعه
اكيد الكل مبسوط من للغه انا الحمد لله حليت كله ماعدا المحاسبه مفتكرتش فيها الهوا
بس عموما كان امتحان لزيذ يارب الباقى كده والواحد يخلص سليم لاحسن لو وقعت فى ماده هتفضل جايبلى الضغط ومش بعيد اتشل
اااااااااااااااااااااااااااااااااااااااااااااااااا ااااااااااه من التصحيح الكوسه
بس يارب يكون اللى بيصححلى ابن حلال وامور وعارف ربنا
وانتوا كمان ياجماعه ادعولى او ادعوا عليا المهم تدعوا فى السنه اللى باينه من اولها دى
وياريت لو اى بنت ترد عليا لانى عاوزة اتعرف على بنوتات عسل من تجارة المنصورة انتظام؟؟
وباى باى بقى
مولى