المشاركة الأصلية كتبت بواسطة lolo cat (المشاركة 3604962)

يا جماعة كلكم بتقولو كده وانتم فى تالتة وكنتم واخدين الكيمياء فى تانية ومسكين العصاية من النص والله يا جماعة احمدوا ربنا وباذن الله المادة الادبية والمستوى يجواااااااااااااااا سهلييييييييييييييييييييييييييييييييين ويرفعوكم خالص والمصحح يطلع راجل محترم ويعدى ويارب انا وانتم كلكم نطلع فى ايد مصحح زى ده
اما انا بالنسبالى ضعتتتتتتتتتتتتتتتتتتتتتتتتتتتت انا فى تانية وواخدة احياء ولخبط الدنيا خالص لانى بنسى بسرعة رغم ان تقريبا كل اسئلة الامتحان عديت عليتا انا مش هجيب مجموع خالص وانا بالنسبالى لو امتحاناتنا كانت جت صعبة كنت هحل كويس خالص باذن الله بس علشان جت سهلة خلت عيال اقل منى بكتيييييير يجيبو احسن منى خالص وانا همووووووووووووووووووووووت بجد لانى مش هجيب مجموع والله انا لما حسبت الدرجات قعدت اعيط واقول ايه اللى دخلنى احياء ما كنت خدت كيمياء بس الحمد لله ومتجوش فى اخر يومين وتفقدوا الامل خلوا ثقتكم فى ربنا كتيييييييييييييير وانا قلت باذن الله هعوض فى تالتة رغم انى مش هذاكر اكتر ما انا ذاكرت السنة دى انا اسفة جدااااااااااااااااااا انى طولت بس حبيت اقولكم كملوا حلمكم وهيتحقق ....ان الله على كل شئ قدير.

المشاركة الأصلية كتبت بواسطة rove angel (المشاركة 3605012)

كلمة " لعله خير " فكرتني بقصة جميييييييييلة أووووووووي ياريت نقرأها سوا ..

القصة دي تقريبا من تراث الصين أو اليابان حاجة م اللي هناك دى ..

كان في حكيم ساكن في قرية فوق جبل مع ابنه عنده 18 سنة ..
وكان لا يملك سوى أرض بيزرعها وحصان .. في يوم من الأيام الراجل
صحى الصبح ما لقاش الحصان بتاعه عدا أيام ومرجعش .. فأهل القرية لما عرفوا راحوا يواسوه ويطيبوا خاطره ..
قالهم " لعله خير " .. والناس مستغربين ازاي خير دة انت ماتملكش
غيره .. هو برضه صمم علي رأيه " لعله خير " .. بعد كام يوم لقي
الحصان بتاعه راجع ومعاه قطيييييييييع من الأحصنه ..
الناس عرفوا راحوا يهنوه ويفرحوله .. قالهم ماتفرحوش أوي " لعله خير
أو لأ " ..
بعد كام يوم ابن الحكيم دة كان راكب حصان منهم وقع من فوق تل
ورجله انكسرت .. راح أهل القرية يواسوه .. قالهم " لعله خير "
يقولوله خير ازااااااااي دة انت ابنك الوحيد اتكسر ومش هتلاقي حد
يساعدك في المزرعة .. صمم علي رأيه " لعله خير "
يشاء ربنا بعدها بيومين تقوم حرب وياخدوا كل شباب القرية فوق
18 سنة للقتال وابنه مايروحش ولقدر ربنا نصف شباب القرية يموتوااا

سبحان الله محدش يعرف الخير فيييين ..
نعمل اللي علينا والباقي مش بتاعنا ولا في ايدينا الباقي بتاع ربنا من لا يغفل ولا ينام ..

المشاركة الأصلية كتبت بواسطة bent elhob (المشاركة 3605050)

الله اعلم فين الخير يااجماعه

بلاش التشاائم اللى كلكم عايشين فيه ده
ربنا ماابيضعشى مجهود حد
واعرف ان ربنا شاايل لك الافضل بااذن الله
امتحانات ايه اللى تخليكوا تفقدوا ثقتكم فى ربنا وفى نفسكم
انا السنه اللى فاتت جبت 91.4 اه زعلت وعيطت بس بعدها قلت الحمد لله
طب على الاقل سمعت تانيب من كل مدرس اتصل بيا وانى عمل تظلم وشماته ماابعدها شماته من زمايلى
مااكنتشى الحكايه دى سهله دى اصعب من المجموع
ووالله الوقتى بقول الحمد لله
قل لن يصيبنا الا مااكتب الله لنا
السنه اللى فاتت ناس كتير ظهرت على حقيقتها دى لوحدها بتخلينى لحد الوقتى احمد ربنا
وان كنت هنقص عن كده انا رااضيه
وان السنه دى نقصت كمان انا راضيه وحامده ربنا
كفاايه بقا حرام مااتكسروش طموحهم واحلامهم علشان شيطان يقول لكم ضيعتوا بقا خلاص مااعتشو تذااكروا
صدقونى الامتحانات مش نهايه الدنيا
الدنيا مش هتقف على الثانويه ولا على طب وصيدله وهندسه

كل واحد يااجماعه يحس انه ضااع يبص حولاه هيلاقى ان عنده نعم كتير اووى
مش هقول لكم على نعم
لا بصى حواليك هتلاقى كام واحد خايف ليشتال الماده


الحمـــــــــــــــــــــــد لله

المشاركة الأصلية كتبت بواسطة omar gamal dwidar (المشاركة 3604967)

فهل دا ذنبي اني استخدمت هبة ربنا ليا " عقلي " ، و لا لازم اكون قفل و اكتبها سبهللة ؟
يعني احنا اقفال