بوابة الثانوية العامة المصرية
صفحة 23 من 39 « First 132122 23 242533 Last »
عرض 50 مشاركات من هذا الموضوع لكل صفحة

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   وزارة مـــــ تــمــت ـــــا (https://www.thanwya.com/vb/showthread.php?t=81780)

أسيل رزق 18-02-2009 06:46 PM
وزارة مـــــ تــمــت ـــــا
 
إحم إحم

شكلى يا هتوقف يا هموت :(

سؤالى الأول هيكون كالآتى

من وجهة نظر معاليك

إيه هى إيجابيات و سلبيات المنتدى ؟؟

dr.zomba 18-02-2009 06:53 PM
اقتباس:
المشاركة الأصلية كتبت بواسطة اسيل رزق (المشاركة 1103363)
إحم إحم



شكلى يا هتوقف يا هموت :(

سؤالى الأول هيكون كالآتى

من وجهة نظر معاليك


إيه هى إيجابيات و سلبيات المنتدى ؟؟
ايجابيات المنتدي اعضاءه المحترمين وبعض المدرسين اللي بيعملوا فعلا لوجه الله

سلبياته في ادارته واللي فيها قله قليله جدا جدا يكاد يكانوا اتنين او تلاته بس هما اللي كويسين والباقي سلطه وبيموتوا في الكرسي وكانه حاجه واقعيه

ربنا يهدي

أسيل رزق 18-02-2009 07:01 PM
وزارة مـــــ تــمــت ـــــا
 
اقتباس:
المشاركة الأصلية كتبت بواسطة dr.zomba (المشاركة 1103374)
ايجابيات المنتدي اعضاءه المحترمين وبعض المدرسين اللي بيعملوا فعلا لوجه الله

سلبياته في ادارته واللي فيها قله قليله جدا جدا يكاد يكانوا اتنين او تلاته بس هما اللي كويسين والباقي سلطه وبيموتوا في الكرسي وكانه حاجه واقعيه

ربنا يهدي
ما دايم غير وجه الله

و ربنا يهدى الجميع يا فندم

ممكن حضرتك تقولنا على أول قرار هتتخذه بعد توليك منصب رئيس وزراء المنتدى؟؟

و أول وزارة هتبدأ معاليك بتغيرها و مين هيكون وزيرها ؟؟ و السبب إذا سمحت :078111rg3:

dr.zomba 19-02-2009 07:54 PM
اقتباس:
المشاركة الأصلية كتبت بواسطة اسيل رزق (المشاركة 1103389)
ما دايم غير وجه الله



و ربنا يهدى الجميع يا فندم

ممكن حضرتك تقولنا على أول قرار هتتخذه بعد توليك منصب رئيس وزراء المنتدى؟؟

هشيل كل الوزراء وهعمل انتخابات والاعضاء هما اللي يرشحوا


و أول وزارة هتبدأ معاليك بتغيرها و مين هيكون وزيرها ؟؟ و السبب إذا سمحت :078111rg3:
التربيه والتعليم

وهمسك الواد احمد رضا الوزارة عشان دماغه نضيفه وعنده افكار وبيحب الشعر

بس هخلي عليه رقابه طبعا عشان لو هو غلط يسكعوه كف عشان يعرف غلطه :d

أسيل رزق 19-02-2009 08:14 PM
وزارة مـــــ تــمــت ـــــا
 
اقتباس:
المشاركة الأصلية كتبت بواسطة dr.zomba (المشاركة 1105039)
التربيه والتعليم

وهمسك الواد احمد رضا الوزارة عشان دماغه نضيفه وعنده افكار وبيحب الشعر

بس هخلي عليه رقابه طبعا عشان لو هو غلط يسكعوه كف عشان يعرف غلطه :d
( فى رئيس وزرا يقول الكلام ده :blink:.. أنا اللى جبت دا كلو لنفسى:wacko: )

أكتر موضوع لحضرتك بتحبه وبتفتخر بإنك صاحب هذا الموضوع ؟؟

وصلنا سؤال لمعاليك بيسأل حضرتك عن رأيك فى القسم الجديد (براعم )؟؟

dr.zomba 19-02-2009 08:41 PM
اقتباس:
المشاركة الأصلية كتبت بواسطة اسيل رزق (المشاركة 1105081)
( فى رئيس وزرا يقول الكلام ده :blink:.. أنا اللى جبت دا كلو لنفسى:wacko: )

انا وزير شعبي يعني الشعب مني وانا من الشعب

ححححححححححححححححححح ( اصوات الجماهير ) :d


أكتر موضوع لحضرتك بتحبه وبتفتخر بإنك صاحب هذا الموضوع ؟؟
احنا اعداء للساميه ( تصدق )

"*الجزء الثاني : التملود والشخصية اليهوديه* "

وبصراحه انا كنت متوقع انه كان هيكون عليهم اقبال اكتر من كدا

بس دول انا بعتبرهم من وجهة نظري اكثر المواضيع اللي كتبها قيمة


وصلنا سؤال لمعاليك بيسأل حضرتك عن رأيك فى القسم الجديد (براعم )؟؟
والله هو انا لسه مدخلتوش ومعرفش عنه غير انه بيتكلم عن الاطفال وطريقة التعامل معهم

ودي فكره بصراحه حلوه وعجباني

أسيل رزق 19-02-2009 10:06 PM
وزارة مـــــ تــمــت ـــــا
 
يا ترى يا دكتور إيه الفرق بين (طالب تانية ثانوى) و (dr.zomba)؟؟

وفى سؤال من مواطن

دكتور زومبا ليه حاطط الصورة الرمزية دى

dr.zomba 20-02-2009 02:11 AM
اقتباس:
المشاركة الأصلية كتبت بواسطة اسيل رزق (المشاركة 1105370)
يا ترى يا دكتور إيه الفرق بين (طالب تانية ثانوى) و (dr.zomba)؟؟

طالب تانيه ثانوي دي سجلت بيها لاني مكنتش متوقع اني هكمل في المنتدي وكنت عايز اي اسم وخلاص وكنت ساعتها في تانيه ثانوي قولت خلاص يبقي طالب تانيه ثانوي
وبعد كدا دخلت علي تالته ثانوي قولت مش معقوله كل سنه هغير ولما ادخل الكلية ابقي طالب اولي كلية المنظر مش هيبقي لطيف رحت مغيره لدكتور زومبا
The End:D


وفى سؤال من مواطن


دكتور زومبا ليه حاطط الصورة الرمزية دى
والله دي صورة انا كنت مصورها وكنت قاعد مهيس شويه قولت اغير الصورة الرمزية وكسلت اغيرها تاني بعد كدا

حلوه؟:d

أسيل رزق 20-02-2009 12:30 PM
وزارة مـــــ تــمــت ـــــا
 
اقتباس:
طالب تانيه ثانوي دي سجلت بيها لاني مكنتش متوقع اني هكمل في المنتدي وكنت عايز اي اسم وخلاص وكنت ساعتها في تانيه ثانوي قولت خلاص يبقي طالب تانيه ثانوي
وبعد كدا دخلت علي تالته ثانوي قولت مش معقوله كل سنه هغير ولما ادخل الكلية ابقي طالب اولي كلية المنظر مش هيبقي لطيف رحت مغيره لدكتور زومبا
the end:d

طيب إيه الفرق بين عادل طالب تانية ثانوى ودكتور زومبا .. إيه اللى إتغير فى شخصه ولا دكتور عادل ماتغيرش ؟؟

اقتباس:
حلوه؟:d
تؤتؤ :p

::::::

لو مسموح لحضرتك إرسال 5 رسائل خاصة بس فى المنتدى .. هترسلهم لمين ؟؟ و هتكتب فيهم إيه ؟؟

إيه التغيرات اللى من وجهة نظر معاليك هتوجه بيها وزارة الشباب ؟؟ ومين تختاره يا فندم وزير ليها ؟؟

dr.zomba 20-02-2009 02:39 PM
اقتباس:
المشاركة الأصلية كتبت بواسطة اسيل رزق (المشاركة 1106407)
طيب إيه الفرق بين عادل طالب تانية ثانوى ودكتور زومبا .. إيه اللى إتغير فى شخصه ولا دكتور عادل ماتغيرش ؟؟

تغير مش كبير اوي بس للاحسن يعني نضجت عن الاول



تؤتؤ :p

::::::

لو مسموح لحضرتك إرسال 5 رسائل خاصة بس فى المنتدى .. هترسلهم لمين ؟؟ و هتكتب فيهم إيه ؟؟
مها صيدلانيه: ربنا يزيدك من فضله طول عمرك محترمه وكبيره في نظر كل الاعضاء ودلوقتي بقيتي اكبر واكبر
الاستاذ عصام: ياريت حضرتك متحطش نفسك في موقف حكم مره تانيه يا استاذ عصام عشان نفسك في الاول قبل ما يكون عشان حد تاني
اشرف : نظرتنا ليك متغيرتش يا اشرف احنا فاهمينك وعارفينك من زماااااان علي الاقل انا هتكلم عن نفسي بس هقول ايه ربنا يهدينا ويهديك
الاستاذ احمد نجم : اشرف مش بيبقي علي حد وقالها لاسلام في مره ( انت مش هتبقي اغلي من زيزو والاستاذ جمعه وعلا ) علي ما اتذكر يعني
والمنصب بتاع المنتدي منصب وهمي وياريته دايم
طاقم المدرسين : ربنا يوفقكوا وتفضلوا تعطوا زي ما انتوا لوجه الله
وربنا يهدي اللي المناصب بتغرهم


إيه التغيرات اللى من وجهة نظر معاليك هتوجه بيها وزارة الشباب ؟؟ ومين تختاره يا فندم وزير ليها ؟؟
اولا هتخل نظام تأهيل للشباب في المدارس ويبقي مقتبس من المنهج الاسلامي وبالاخص مرحلة الثانويه لانها بيكون فيها الخراب كله

ومش هتبقي مجرد حصه هخليها نص يوم وهيبقي من كل حاجه بقي تمرينات رياضيه ونفسيه وكل حاجه

وهعين محمود الاسطورة عشان اهلاوي وبرضو هخلي عليه رقابه عشان لو غلط يسكعوه كف يظبطوه

مع ان محمود صعب شويه يتضرب يعني هيضربوه مش هيتضرب :d

أسيل رزق 20-02-2009 06:06 PM
وزارة مـــــ تــمــت ـــــا
 
اقتباس:
المشاركة الأصلية كتبت بواسطة dr.zomba (المشاركة 1106564)
اولا هتخل نظام تأهيل للشباب في المدارس ويبقي مقتبس من المنهج الاسلامي وبالاخص مرحلة الثانويه لانها بيكون فيها الخراب كله

ومش هتبقي مجرد حصه هخليها نص يوم وهيبقي من كل حاجه بقي تمرينات رياضيه ونفسيه وكل حاجه

وهعين محمود الاسطورة عشان اهلاوي وبرضو هخلي عليه رقابه عشان لو غلط يسكعوه كف يظبطوه

مع ان محمود صعب شويه يتضرب يعني هيضربوه مش هيتضرب :d
ههههههههه

لا إله إلا الله

::::::::

عضو هتعينه فى وزارة ما وفى نفس اليوم هتشيله منها .. مين العضو ده و هتمسكه وزارة إيه ؟؟ وسبب إختيارك للشخص ده

أكبر مشكلة حصلت مع معاليك فى المنتدى كانت مع مين و سببها إيه ؟؟

أسئلة من الجمهور

تقصد إيه بتوقيعك ؟؟

نحب نشوف ارائك في الوزارات السابقه مع الترتيب ترتيبا تصاعديا من الاحسن للاوحش

رأي مفصل عن وزاره السادات كشخص وكوزير

مين من الاداره الحاليه ملوش لازمه او وجوده كارثه

dr.zomba 21-02-2009 03:53 PM
اقتباس:
المشاركة الأصلية كتبت بواسطة اسيل رزق (المشاركة 1107012)
ههههههههه


لا إله إلا الله

::::::::

عضو هتعينه فى وزارة ما وفى نفس اليوم هتشيله منها .. مين العضو ده و هتمسكه وزارة إيه ؟؟ وسبب إختيارك للشخص ده
لا مظنش ان هيكون في حد كدا

أكبر مشكلة حصلت مع معاليك فى المنتدى كانت مع مين و سببها إيه ؟؟
كانت مع السادات
سببها انه كان كاتب موضوع في كلام خارج
وفي بنات كتير بتقرأه
ومعجبوش اني بتنقضه وقال كلام ملوش لزمه
وانا مسكتش
بس الموضوع اخدله يومين وخلص

أسئلة من الجمهور

تقصد إيه بتوقيعك ؟؟
ايه اللي مش واضح فيه ؟

نحب نشوف ارائك في الوزارات السابقه مع الترتيب ترتيبا تصاعديا من الاحسن للاوحش
احمد رضا - بسام - بنوته اهلاويه - اسلام - وبيتهيالي ان نسمه وليدي النت زي بعض

رأي مفصل عن وزاره السادات كشخص وكوزير
اذا كان السادات نفسه مش بيفصل بين شخصه وبين كونه وزير في مشاكله وفي كل حاجه يبقي انا اللي هفصل
بس عموما هحاول
انا فيا عيوب وهو فيه عيوب لاننا بشر
هو طموح شويه علي حساب اي حد
رايي فيه كوزير هو عادي مش متميز ملوش علامه مميزه
وفاشل في انه يكسب الاعضاء اللي مختلف معاهم ويخليهم في صفه
ممكن نقول انه نموذج مصغر من اشرف


مين من الاداره الحاليه ملوش لازمه او وجوده كارثه
ملوش لزمه بحس احيانا انه مصطفي

وجوده كارثه مفيش غير اشرف

أسيل رزق 21-02-2009 04:48 PM
وزارة مـــــ تــمــت ـــــا
 
اقتباس:
ايه اللي مش واضح فيه ؟


ماتاخدش فى بالك يا فندم بيجروا مشاكل .. حبيت أقوله بس علشان ماحدش يقول مش بوصل كلام الجمهور:stickjo4:

مين تتمناه حضرتك يمسك منصب فى إدارة المنتدى وسبب إختيارك للشخص ده؟؟

فى وجهات نظر بتقول إن المنتدى بقى فيه جميع المراحل التعليمية و بيبى كلاس كمان فا ماينفعش يبقى اسم الموقع الثانوية العامة .. رأى حضرتك إيه ؟؟

أكتر 5 أعضاء حضرتك بتحب تقرأ مواضيعهم بإستمرار؟؟

ومين هيكون وزير التموين وكذلك وزير الشئون الإجتماعية حالياً ؟؟

dr.zomba 21-02-2009 07:59 PM
اقتباس:
المشاركة الأصلية كتبت بواسطة اسيل رزق (المشاركة 1108916)

ماتاخدش فى بالك يا فندم بيجروا مشاكل .. حبيت أقوله بس علشان ماحدش يقول مش بوصل كلام الجمهور:stickjo4:

مين تتمناه حضرتك يمسك منصب فى إدارة المنتدى وسبب إختيارك للشخص ده؟؟
مش عارف بصراحه لو هنتكلم في بتوع زمان يبقي الاستاذ جمعه او زيزو

فى وجهات نظر بتقول إن المنتدى بقى فيه جميع المراحل التعليمية و بيبى كلاس كمان فا ماينفعش يبقى اسم الموقع الثانوية العامة .. رأى حضرتك إيه ؟؟
وجهة نظر كويسه
بس انتي عارفه احنا اتعودنا علي بوابة الثانويه يعني هيبقي صعب لما يتغير كدا
بس فكرة حلوة

أكتر 5 أعضاء حضرتك بتحب تقرأ مواضيعهم بإستمرار؟؟
احمد رضا واسلام وصلاح بس زمان بقي وبسام بس مش كلها بصراحه
ومن البنات سارة (باجز باني) ورحمة (براءة)


ومين هيكون وزير التموين وكذلك وزير الشئون الإجتماعية حالياً ؟؟
التموين : ممكن اسلام

الشئون الاجتماعيه : جهاد الرهينه بيبقي عندها افكار حلوه

أسيل رزق 22-02-2009 11:52 AM
وزارة مـــــ تــمــت ـــــا
 
مطلوب من معالك تكتبلنا أسماء الوزراء اللى حضرتك إختارتهم جنب كل وزارة من دول

الدفاع

الصحة

البيئة

الإسكان والتعمير

الأوقاف

و رأى حضرتك فى الشخصيات دى

جنيرال

آيه من الله

دكتور سعيد

ترافيل

المجاهد فى سبيل الله

أسيل رزق

:::::

أسئلة الجمهور

ليه مطنش المنتدي كده ورجاء من الشعب ان يرجعلنا عادل بتاع زمان
مين من رأيه مستغل لسلطته و هو كرئيس وزرا اد الدنيا هيتصرف ازاي


جميع الأوقات بتوقيت GMT +2. الساعة الآن 03:51 PM.
صفحة 23 من 39 « First 132122 23 242533 Last »
عرض 50 مشاركات من هذا الموضوع لكل صفحة

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.