كيمياء ذاكرت الوحدة الاولى والاحياء اول درسين فى الباب الاول خدتهم بس لسه الدرس الاول هو ايلى ذاكرته لكن التانى مش اوى رخم اصلا :( والفيزياء بخدها مؤقتا خدت اول فصل واول درس من اول فصل
وانت ايه اخبار الاحياء والكييماء والبلاغة وصلت لفين والرياضة

ربنا يوفقك

انا فى الكيمياء الحمد لله خلصت اول باب وقربت اخلص الثانى
والاحياء خلصت الباب الاول كله بس الدرس الثانى بتاع ديدان البلهارسيا جميل جدا وسهل
والتاريخ خلصت اول 3 دروس من الباب الاول

وبالنسبة للبلاغة مذاكرتش فيها غير حاجات بسيطة
والرياضة احنا خلصنا اول باب فى حساب المثلثات وداخلين ع الباب الثانى

ربنا يوفقك يارب تقصد الباب التانى بتاع ايه بتاع الاحماض والحجات دى :) انا هبدأ الوحدة التانية ان شاء الله بكره :)

بقولك ايه رأيك نسأل كيمياء موافق ولا ايه ؟ انت معاك كتاب ايه ؟

ايه رايك لو نسال كيمياء

اوك موافقة بس من اول وحدة اول تلات دروس بس هم ايلى خدتهم ابدأ يلا :)

اوكيز

علل : الصيعة الجزيئية لغاز الميثان هى نقس صيغتة الاولية

الاء طيب انتى اخذتى قصة الانجليزى ولا لسه :giljotiiniug3:

لأن صيغته الجزيئية تمثل أبسط صورة تتواجد عليها العناصر فى جزىء المركب

أنا نخدتش حاجة اصلا غير اساسيات فى الجرامر :(

قصة اولى ثانوى جميلة جدا ولذيذة وقصيرة وهتعجبك جدا :)

اجابة صحيحة يا لولو :022yb4:

والاجابة الصح لانها تمثل ابسط نسبة بين عناصره

اسأل أنا ولا ايه :)
احسب الصيغة الجزيئية لمركب يحتوى على 29,1 % صوديوم ، 40,5 % كبريت ، 30,4 % أكسجين علما بأن المول منه يحتوى على 32 مول من ذرات الصوديوم
Na =23 ، O=16 ، S=32

اول حاجة

عدد مولات ذرات الصوديوم = 29.1 / 23 = 1.265 مول
عدد مولات ذرات الاكسجين= 30.4 \ 16 = 1.9 مول
عدد مولات ذرات الكبريت = 40.5 / 32 = 1.265 مول
نسبة عدد مولات الصوديوم = 1.265 على 1.265 تساوى 1
نسبة عدد مولات الكبريت تساوى 1
نسبة عدد مولات الاكسجين تساوى 1.9 على 1.265 تقريبا 2
الضيغة الاولية هتبقى Na2SO

هههههههههههه معلش هضطر اراجع الدرس كله من اولى تانى

طيب خلينا فى الاحياء احسن ههههههههههههه

عدد مولات الصوديوم هتبقى = 29,1 / 23 = 1,265مول تقريبا
عدد مولات الكبريت = 40,5 / 32 = 1,265 مول تقريبا
عدد مولات الاكسجين = 30,4 / 16 = 1,9 مول
يبقى نيبة عدد مولات الصوديوم = 1,265 / 1,265 = 1
نسبة عدد مولات الكبريت = 1,265 / 1,265 = 1
نسبة عدد مولات الاكسجين = 1,9 /1,265 = 1,5 تقريبا
بضرب الجميع فى 2 هيبقى نسبة عدد مولات الصوصديوم 2 ونسبة عدد مولات الاكسجين 2 ونسبة عدد مولات الكبريت 3
يبقى الصيغة الاولية Na2 S3o2 وبما أن المول يحتوى على 2 مول أكسجين اذن الصيغة الاولية تساوى الصيغة الجزيئية يبقى الصيغة الجزيئية Na2 S3 O2
:)

أحياء ايه حرام عليك لو أول درس ماشى لكن التانى لسه مذاكرتوش كله اوى :) وبالنسبة للمسألة احنا ضربنا فى 2 عشان فى الاكسجين طلع نسبة عدد المولات 1,5 تقريبا فعشان نخليها عدد صحيح ضربناكله فى اتنين :) فهمتنى :)

اااااااااااااه للاسف الخطوة الاخيرة مش فاهمها خالص اتمنى لو تشرحيها :)

ااااااااااااااه ما ده اللى وقفتنى للاسف قلت ازاى نضربها فى 1 ونص

شكرا ليكى وجزاك الهل خيرا :)

أنى خطوة بقى بتاعة الضرب فى 2 ولا الصيغة الجزيئية ؟

ايه ياجماعة احنا لسه بنقول ياهادى فى اول السنة لسه !!! هههههههههههههههه شغالين اسئلة كدا على طول!!!!!! :] :] :d

حضرتك معانا فى الجروب ولا لسه جديد :) لو لسه جديد عرفنا بنفسك الاسم السن والمحافظة ودرجة تاتلة اعدادى واكتر مادة بتحبها والهوايات ونفسك تدخل ايه استجواب يعنى :)

تمام ماشى انا اسمى اسلام عبدالظاهر سكر
السن 15 سنة وشوية شهور
المحافظة الشرقية
درجة 3 اعدادى 292.5
اكتر مادة بحبها العلوم بحبها اوى والرياضة بردو
ويعنى الهويات مش عارف :d :d
اما بالنسبة لدخول الكلية فانا لسه مقررتش نفسى فى ايه علشان لسه متعمقتش فى المواد بس انا نفسى ادخل مدينة زويل للعلوم والتكنولوجيا (جامعة زويل) باذن الله !!! وشكرا

اه صحيح انت ملحقتش المدرسة معلش ربنا يوفقك يارب انا كنت الحقها بس هى بنات وولاد ولا ولاد بس ؟

آسفة ع ايه؟؟؟ عادي يعني والله مفيش حاجة حصلت.. شكلي أنا اللي كان ردي جامد حبة انا اقصد يعني ان الاسم حلو بس هي جت كده معلش :)

أهلا أهلا .. انا قدمت ف مباااااارك

لا ده هيا اولاد بس وبتاخد من 98 % وباذن الله هيعملوا واحدة للبنات السنة الجاية بس للدفعة اللى جاية بقى بس ولله انا زعلت مووت علشان انا كنت جايب 97.5% ,كنت عايز اقدم ليها بس يلا الحمد لله :d

الحمد لله انشاء الله تعوض فى الثانوى:):)

:022yb4:اهلا بيك يا اسلام ويارب تكون سعيد معانا فى الجروب:022yb4:

الاسم / تسنيم
السن / 15 سنة
المحافظة / القاهرة
الهوايات / القراءة والرسم
انا اسفة يا جماعة جاءت متأخرة شوية على العموم ياريت تقبلونى صديقة لأعضاء الجروب

اهلا بيكى يا توتو
جبتى كاااام فى تالتة ونفسك تطلعى ايه؟
معلش عاوزة اريح الاء المرة دى ههههههه:d:d

هههههههه ومتنسيش برده باقى الاستجواب

واكثر حاجة بتحبيها ايه ؟ ونفسك تروحى كلية ايه :d

على فكرة يا جماعة انا اسفة جدا دة مش الاكونت بتاعى دة الاكونت بتاع مامتى معلش انا هقفل وهفتح الاكونت بتعاى جات غلطة انا اسفة جدا

اهلا يا تسيم اهلا بيكى فى الجروب

هاى انا جيت ومستعدة للاستجواب انا تسنيم انا اسفة جات غلطة عادى بقى

الف الف مبروك واتمنى انك تكون سعيدة معانا هنا وتقبلنى صديق جديد ليك :)
اه للاسف واانا جبت برده 97.8 % وزعلان جامد لانه راح منى بس يلا الحمد لله ع كل شى

اهلا بيكى يا تسنيم ومنورة معانا هنا فى الجروب واتمنى انك تفضى احلى الاوقات معانا وطبعا ده شى يشرفنى ويشرفنا كلنا :)

الف مبروك يا سمسة وعبقال الدكتوراة وباذن الله تعوضى فى الثانوى وتطلعى دكتورة قد الدنيا :)

ودى حاجة تشرفنى طبعا وشكرا على هذة المجاملة الرقيقة

شكرا جدا ويارب ابقى صديقة لذيذة وخفيفة عليكوا بس على فكرة انا بحب الهزار جدا فياريت تستحملونى

يلا ياجماعة الكل يجهز نفسه علشان الفطاااااااااار ( كل واحد يقول عمل ايه بسرعة :d :d :d ) وشكرا!!!!!!!!

وانا اولكم اانا مش عارف احنا عاملين ايه ولله تصدقوا :D :D

احنا عاملين فراخ ومكرونة هههههههههههه

تمام يامحمود بالهنا والشفا !!!!!

شكرررررررررا :)

السلام عليكم ورحمة الله وبركاتة يا أسماء
الاسم : مريم
المحافظة : حلوان
السن : 15 عام

اية رأيك في التغيير ده اوعي تكوني معرفتنيش[/QUOTE]



لا على فكرا يا مريم عرفتك والله من قبل ما اشوف اسمك حتى عرفتك م الصورة :d
وعلى فكرا الاسم دا حلو اوى :)

زيى والله عيطت ف الترم الاول لأنى كنت مظلومة اما الترم التانى اخدت حقى الحمد لله
يااااه سنة ستة ايه يا بنتى انا مش فاكرة المجموع ولا الدرجات اصلا بس فاكرة انى كنت طالعة الرابعة:d

انا كنت جايب فى ستة ابتدائى 347.5 وكنت طالع التانى على المدرسة انا كنت غلطان فى الترم الاول نص علوم وكنت جايب 174.5 والترم التانى غلط درجتين عربى واخدت كمبيوتر جايزة علشان طالع التانى والاولى عندنا واحدة بنت اعلى منى بنص درجة اخدت لاب توب ههههه !!!!

اهلا بيكي يا تسنيم انتي تنورينا