ياارب
انا قصدي علي النت

ايه مش جايلك نوم ولا ده وقت ريست :blush:

الخبر السيء: انك لاتزم تقرأها عشان القصة مش بتيجي غير بالقراية (النص الأصلي)
الخبر الجيد: أنك بمجرد قرايتك للقصة هتقفل سؤالها اخر السنة.

-الجدول سهل وبسيط
11 ساعة مذاكرة في اليوم بس عشان خاطرك 12 عشان انت عندك مشكلة في اللغات
3 عربي + 3 مادة علمية + 3 مادة علمية تانية (بالنسبالك رياضة) + 2 انجليزي + 1 فرنساوي
واليوم اللي بعده
3 عربي + 3 مادة علمية تالتة + 3 مادة علمية رابعة (بالنسبالك رياضة) + 2 انجليزي + 1 فرنساوي
-تفصيل ال3 ساعات قولتهولك قبل كدا
-تنام 7 او 6 ساعات بس
-قبل ماتنام تحدد ايه اللي هتذاكره بكرا بالظبط
-ماتروحش دروس

تمام شكرا يا دوك علي هذه النصائح

سؤال هو ازاي ميروحش دروس ؟؟؟؟ واحنا اصلا الدروس بتاخد كل وقتنا

معلش كلام حضرتك صعب تنفيذه اوي
برده الدروس بستفيد منها كتير في حاجات مش هعرف احصلها لوحدي
لو عندي سؤال او حاجة عايزة حد يشرحهالي غير الامتحانات و الحل وكدة :/

انا بقولكوا اللي كان بيحصل معايا بس مش لازم تمشوا ع الكلام اللي بقوله يعني كل واحد ادرى بمصلحته لو شايفة استفادتك في الدرس كملي في الدرس، انا كنت شايف اني لوحدي بنتج اكتر.
ممكن تكوني ماشية على نظام تاني غير بتاعي خالص، ويوصلك للهدف اللي حضرتك عايزاه بردو.

تمام ربنا يجازيك خير علي مساعدتنا و يوفقنا كلنا

السلام عليكم
دكتور محمد شايفاك ماشاء الله بتوزع نصايح فقلت استفيد من حضرتك

أولا أنا خلصت العربي بس الاستاذ مدناش القصه ومش هيديهالنا وانا معرفش حاجه فيها واخر مره قريتها كانت فى اجازة تانيه ثانوي وقريت الجزء الاول بس

الانجلش ماشيه فيه تمام الحمد للهوخلصتو واخدت حصه مراجعه وبحل فى كتاب اسمه my friend ده كتاب تحفه لوحد عنده حد يجبهوله يا ريت لان اسئلته لا هى صعبه اوى زى top student ولا سهله زى the best و surprise بس مازالت مشكله القصه قائمه لانى يكسل اذاكرها رغم انى والله بحب القرايه معرفش ليه مشكلتى مع القصص السنه دى

الكيمياء قعدلى الكهربيه واحنا مخلصين العضويه

الفيزياء بجد حساها مش هتخلص انا اخدت حصتين بس فى الحديثه

الفرنساوى هخلص الحصه اللي جايه
الرياضه هخلص الحصه اللي جايه برضه

بس كده انا ماشيه حلو بس حاله زهق رهيب وشعور ان انا عاوزه اخلص باى شكل ده مسيطر عليا
واسفه انى طولت عليك قلت استفيد من خبره حضرتك

ازيك يا بشمهندسة إسراء انتي كنتي فين ؟
ايه الغيبة الطويلة دي ؟

حضرتك عاملة هدف كبير انك تجيبي مجموع اخر السنة وخلاص، فممكن تعملي اهداف اصغر شوية، اسبوعية مثلا تقولي اخلث مراجعة كذا في الاسبوع دا، واصغر، يومية كل يوم قبل ماتنامي تكتبي ايه اللي هتذاكريه وتعمليه بكرا بالظبط، ولما تعمليه كافأي نفسك باللي تحبيه.
فممكن تركزي دلوقتي ع الاهداف القريبة دي طالما زهقانة جدا وعايزة تخلصي من الهدف البعيد.

غيري مكان المذاكرة انا لما كنت زهقان بدلت الاوضة مع اختي، ودا جاب نتيجة بردو.

خلي المذاكرة ممتعة، كأنها لعبة مثلا او تحدي، على سبيل المثال، انا كنت بقول لنفسي لو جاوبت ع السؤال دا او افتكرت الجزئية دي يبقى انا كدا جامد جدا وامدح في نفسي وكدا ولما اجاوب صح كذا مرة ورا بعض ادي نفسي باكو بسكوت عشان بحب البسكوت الصراحة وكنت بجيب علب بسكوت كتير أيام الثانوية عشان بطلع همي فيها، ولو مجاوبتش اشتم نفسي او ادي نفسي بالقلم على وشي، بس بهزار يعني ههه.

حبي المذاكرة، او ع الاقل حاولي تتظاهري انك بتذاكري عشان بتحبي المذاكرة، وعايزة تستفادي من المعلومات آللي في الكتب، والعلم نور بئا والشغل دا، نفعني جدا في سنة من السنين كنت حبيت فيها المذاكرة لدرجة آني لو برا البيت مثلا بكون نفسي أرجع بسرعة عشان اشتقت للكتب، معرفش الحكاية دي حصلتي ازاي بس سنة ما حصلتلي مانقصتش ولا درجة آخر السنة(100%)، فحاولي تلاقي أي سبب يجيبك في المذاكرة يعني.

حاجة غريبة كدا كنت بتخيلها دايما وأنا في ثانوية لما اكون زهقان من كتاب معين، كنت بتخيل أن انا في صحراء جرداء لا زرع بها ولا ماء، وأنا لوحدي كمان في الصحرا دي مش معايا أي حد ولا اي حاجة، غير الكتاب آللي قدامي، واشوف نفسي لو انا في الموقف دا هعمل ايه؟ اكيد مفيش حاجة اعملها غير آني اقرأ الكتاب دا ‘بتركيز واهتمام وكله، عشان الكتاب دا الحاجة الوحيدة اللي باقيالي مش معايا غيره، ومش شايف غيره.

وبردو نوعي في المواد، آنا كنت بذاكر 4 مواد في اليوم، وأيام حل الامتحانات بيكونوا أكتر كمان، فالبدايل كثير الحمد لله مش مادة ولا اتنين.

ثانيا حضرتك علمي رياضة يعني احسن حالا من علمي علوم في موضوع الزهق دا، عشان علمي علوم المواد كلها حفظ فدا ممكن شوية يخلي الواحد زهقان، ويجد رتابة واملالا (يبقى افتكري رتابة واملالا دي لما تذاكري القصة:p) اما أنتي علمي رياضة، يعني ممكن تخلي مادة حفظ وراها رياضة مادة تفكير، ومش هتزهقي ان شاء الله.

آنا كدا تقريبا قولت كل اللي انا فاكره من الحاجات اللي كنت بعملها عشان اخلص من الزهق، لو افتكرت حاجة تانية هبقى اكتبها.
...........
القصة سواء العربي او الانجلش ملهاش غير القراية، لازم تقرأوا النص الأصلي لازم تقرأوا النص الأصلي لازم تقرأوا النص الأصلي مرة واتنين وتلاتة لحد ماتتقنوا القصة، بردو تقمصوا شخصية واحد بيقرأ حاجة بيحبها، بالذات في القصة دي، بس فيه فرق بسيط عايز اوضحه:
-قصة العربي: كنت لما أقرأ ال س و ج بتاعتها، كنت لو عارف الإجابة ماشي بعديها آنا لو مش عارفها برجع للنص الأصلي مش بقرأ الجيم.
-قصة الانجلش:كنت لازم احفظلها س و ج ، مع قراية النص الأصلي ،كنت بترجمها (بالعامية) وأنا بقرأها، سواء كنت بقرأ النص الأصلي او س و ج، عشان الترجمة بالذات بالعامية (كأني بوصفها لنفسي) ساعدتني كتير آني أفتكر.

حاجة كدا بمناسبة قصة العربي، خاصة لو معاكوا كتاب الاضواء، هتلاقوه مقسم الفصل لكدا عنوان فرعي، انا لما أجي أراجع الفصل(قراية النص الأصلي بردو) ، أشوف العناوين دي واحاول افتكرها واشرحها قبل قرايتها، مثلا اقولكوا كنت براجع الفصل الأول ازاي عشان دا اللي فاكر منه شوية، العنوان الأول مش فاكر كان اسمه يوما لا يذكر اسمه باين، اقرأ العنوان وحاول استرجع الكلام اللي تحت ألعنوان بس بطريقتي مش لازم بالنص آللي موجود ، أقول آنه لايذكر لهذا اليوم أسما ولا يستطيع أن يضعه....، وانه تلقى نورا، وهواءا خفيفا، الكلام اللي انتوا عارفينه دا، وبعدين أقرأ النص وبعدين اروح العنوان الفرعي آللي بعده وهكذا، وبعد ما اخلص العناوين الفرعية كلها أرجع أقرأ الفصل كله مرة واحدة.

حاجة كمان كدا قبل ما اقفلكوا على موضوع القصة دا، حاولوا وانتوا بتقرأوها زي ما قولتلكوا، تستمتعوا بيها وبأحداثها، وتعيشوها وتتخيلوا المواقف اللي فيها، وكأنها بتتعرض قدامكوا على مسرح مثلا.
........
الكيميا الكهربية سهلة جدا، تجربة طلاء الابريق لازم تيجي آخر السنة :022yb4: ، امتحان الكيميا ميبقاش امتحان كيميا من غيرها.
.......
الحديثة احفظيها عادي بس ابدأي فيها من النهاردا عشان تخلصي منها، انا للأسف ضيعت وقت كبير السنة اللي فاتت في فهم دروس حديثة، وبعدين اكتشفت آني مش مطلوب مني غير آني أحفظها وخلاص زي ماهي، وانها مش للفهم.
......
باقي المواد تمام

:078111rg3:

موجوده والله بدخل ع البوابه من فتره للتانيه بس مش بشارك يعنى