|
يا ريت مادة العربى لانها محتاجة تركيز و بتجيبلى صداع
|
يا ريت الامتحانات تكون صعبة ع الاقل التنسيق هيرحمنا
|
يا رب الامتحانات تكون صعبة
ممكن حد يقولى كيف اذاكر الاحياء والفزياء بصراحة مدرس الفزياء ما حضرتش معاه اول حصة وحضرت التانية مفهمتش اى حاجة |
السلام عليكم ورحمة الله وبركاته
اولا بشكر صاحب الموضوع جدا جدا ثانيا معلشوا كنت عايزة اسالكوا شوية اسأله ويا رب ما ازعجكوا :blush: بصوا انا ازهر وداخلة 3 ثانوي باذن الله علمي فكنت عايزة اعرف الاول ازاي انظم وقتي ووقت المذاكرة طبعا احنا عندنا 17 ماده ( فيزياء _ رياضة ( الاستاتيكا _ التفاضل _ الجبر تقريبا نسيت والله ) _ كيمياء _ احياء_ e _ توحيد _ تفسير _ ميراث _ فقه _ بلاغة _ نحو _ نصوص _ قران ( المفروض المصحف كله هنمتحن فيه ) _ ادب _حديث _نحو _ صرف ) بالدروس طبعا بيتقسموا ل 7 دروس بس ( فيزياء _ كيمياء _ احياء _ رياضة _ شرعي _ عربي _انجليزي ) الفيزياء يوم السبت الساعة 9 الصبح وبقوم الساعة 7 علشان المكان بعيد ( يوم واحد في الاسبوع واحنا عندنا من اول التيار الكهربي مش من اول الكتاب ) الرياضة يوم الاحد والاربعاء من الساعة 10 صباحا لحد 11 ( التلات كتب علينا كاملين ) باقي المواد لسه ما اتحددت مواعيدها في جدول ممكن امشي عليه وكده يعني انظم وقتي ازاي علشان انا اصلا كنت بذاكر في السنين اللي فاتت ليله الامتحان وعمري ما اهتمت بالتفوق ممكن حد مثلي يدخل كلية ( طب ) ولا ده درب من المستحيل ؟؟؟ انا عمري ما جبت درجة نهائية في حياتي ابدا غير في اول ابتدائي ممكن اجبها تاني ولا ؟؟؟ وايه النصايح اللي تنصحوني بيها ربنا يكرمكوا بس يا ريت متنسوش اني مكنتش بفتح كتاب الا ايام الامتحانات ( يعني مش متعودة ) وحاجة اخيرة في الازهر عندنا المجموع بتاع الكلية في تالتة ثانوي بس مفيش في تانية مجموع وربنا يجزيكم كل خير يا رب ويحقق امانيكم ويا ريت متتاخروش عليا |
طيب انتى الفيزيا مثلا اخدتيها النهارده يبقا يا اما تذاكريها النهارده او بكره ده ع حسلب دماغك وبعدين يوم كمان ف نص السبوع وبعدين قبل الدرس كده يبقا تمااااااااام
|
اقتباس:
وبقيت المواد مفيش جدول معين لكله ؟؟ وشكرا للرد |
موضوع جامد بجد
|
اميرا انا عايزاكى تنتبهى معايا كويس
اولا : لازم تنظمى وقتك يعنى تحددى مواعيد الدروس وتحددى انتى بترجعى من الدروس امتى ثانيا : تحددى لنفسك عدد ساعات مذاكرة ثابت لانى اذكر ان الخامسة على الجمهورية فى سنه من السنين قالت انها كانت مثبتة 7 ساعات مذاكرة فى اليوم وده طول السنه ثالثا: خليكى زكية عن اصحابك ازاى ؟ تباى من دلوقتى ترسمى كل يوم رسمة من رسومات الاحياء وتحددى لنفسك مقدار معين من القران يوميا واعملى فى كل اسبوع يوم يكون يوم المراجعة رابعا: زاكرى المواد الشرعيه من كتاب المعهد لان الملخصات بتبقى مختصرة جدا والنموذج بتاع التصحيح بيكون بنص كتاب المعهد خامسا: الادب والنصوص حفظ والنحو حفظ وحل تمارين لان بيكون فيه اسئلة مخادعة الصرف بيكون ملغبط فى الاول لكن بعد ما بيخلص ويتراجع بيبقى سهل وبرده البلاغة سادسا:المواد الثقافية محتاجة مذاكرة اول باول واوعى تركنى مادة فيهم وبعد كده حلى تمارين بالنسبة للرياضة خدى بالك انك تذاكريها وتحلى وبعد ما تخلصيها حلى امتحانات الازهر والثانوية العامة لان المستشارين بيحطوا الامتحانات من الاثنين سابعا: اعرفى انك داخلة على الثانوية يعنى السنة اللى بتحدد مصيرك كله وكمان انتى عايزة طب يعنى لازم تخدى الموضوع جد واعرفى ان ربنا مش بيضيع تعب حد ابدا والى هاتتعبى فيه اعرفى ان ربنا هيوفقك فيه وانتى تقدرى تجيبى طب بشرط انك تلتزمى واوعى تسمحى لأى حد انه يقولك انك ما تقدريش انتى انسانه جواكى قدرات وده وقتها عشان تخرج وعايزة اقولك حاجة اخيرة عليكى بالصبر فى سبيل هدفك ( طب ) كل ما تحسى انك زهقانة او متضايقة ومخنوقة قولى لنفسك كله يهون عشان خاطر عيون طب وارجو من الله انى اكون افتدك |
السلام عليكم ورحمة الله وبركاتة
ياريت ياجماعة حد يساعدنى عايزة مدرس احياء كويس بجد اخدت مع مدرسة و خلت الاحياء بالنسبة لى كابوس ومش راضية ترسم اى رسمة وبتقولنا ارسموا فى البيت و والحصة الجاية هشوفها وعايزنا نحفظ الكلام بالنص بجد انا حاسة انى بضيع ونفسى فى مدرس احياء كويس يكون قريب من منطقة الزيتون و ارعف اوصلة لان المشكلة عندى كمان فى المكان انا مش بعرف اركب اى مواصلات غير المترو بس |
السلام عليكم والرحمه
انا في سنه تانيه علمي ومشكلتي اني مش عارفه انظم وقتي وحاسه اني ضعت شويه ف الكيمياء :(:( وعايزة الحق نفسي ممكن حد يقول ليا أعمل ايه؟؟ بعد اذنكم |
اقتباس:
وبالنسبة للكميا احنا لسه ف الاول يعنى لسه قدامك وقت ان شاء الله متكسليش بس وخلى بالك لحسن الوقت يسرقك اتمنالك التوفيق وان شاء الله تكونى احلى دكتورة |
بسم الله الرحمن الرحيم
السلام عليكم ورحمة الله وبركاته أولاً بشكر كل من ساهم في هذا الموضوع ولو بكلمة بسيطة جداً أنا عندي مشكلة وعايز أعرف أيه حلها بأسرع وقت ممكن بعد ازنكم أنا في ثانية ثانوي حصلتلي حادثة موتوسيكل وانا رايح الدرس مع صاحبي فرجلي اليسري اتقطمت وده عند اخر امتحان وهوه الكيمياء وفضلت نايم في السرير وما روحتش الامتحان وكمان في الدور الثاني روحت بس بالعافية لاني مكونتش بعرف اذاكر من الام وروحت الامتحان وانا مش مركز وشيلتها معايا في ثالثة المهم أنا لسه حالياً مكسور ومش روحت المدرسة لسه فأمي راحت تجيب ليا كتب المدرسة وتحولي أدبي فأنا كانت المواد بتاعتي في ثانية عربي وانجليزي ورياضة 1 وكيمياء وفرنساوي وفي ثالثة كانت موادي عربي وانجليزي وفيزياء ورياضة 2 وعلم نفس واجتماع المهم : أنا لما امي اجت تحولي لقيت الاستاذة عاطيه لامي كتاب التاريخ فأنا مش عارف هل أنا هاخد تاريخ ولا لاء لاني عاريز أعرف ولا الاستاذة مش عارفة فقالت اني هبدل ثلاث مواد وانا لسه مش عارف لاني ما روحتش المدرسة لكي أتأكد من المدير فعايز اعرف اذاكر تاريخ ولا لاء لاني لسه ما بدأتش مذاكرة لاني مش متأكد فأنا بعد أزنكم عايز اعرف بأسرع وقت ولكم جزيل الشكر وجزاكم الله خيراً |
اقتباس:
جزاكي الله خيرااااااا ع النصيحة وربنا يكرمك لانك رديتي عليا :blush::) |
اقتباس:
لماذا لم يرد حد عليا ولم يعبرني ولا احنا مش قد المقام يعني ياريت حد يرد عليا ويعرفني بعد ازنكم وجزاكم الله خيراً انا بقالي اسبوعين دلوقتي لسه محدش رد عليا :(( :(( |
عندي مشكله وارجو المساعده
السلام عليكم انا طالبه في 2ث ادبى عندي مشكله في المذاكره مش عارفه اعمل ايه حاسه ان المواد متكركبه عليا ومش لاقيه حل عاوزه اعمل جدول مذاكره ومش عارفه ازاى ومش عارفه اعمل ايه واجبات ودروس والحياه ياعنى مش عاوزه اقول.ولا عارفه اعمل الواجب ولا اذاكر ولا اعمل ايه ممكن حد يساعدنى ويعرفنى ازاى اعمل جدول مذاكره او حد ياخد مواعيدي ويعملى جدول مذاكره ...شكرا جدا ليكم |
| جميع الأوقات بتوقيت GMT +2. الساعة الآن 04:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.