انا عملتها nein وفعلا الخمسين السنادي اسهل بكتييييييييير انت قصدك انه سؤال النار في الالماني

انا مش عايزة اتوقع المجموع لان انا حاسة ان اكتر مادة هنقص فيها هى الانجليزى خاصة لو محسبوش سؤل الاسبيكر وانت يا توتا عملتى ايه فى التفاضل

انا حليتها بطريقة تانية خالص بس هى طلعت موجب بس والنموذج كاتب الجواب السالب مرفوض ومدى على الجملة العبيطة دى نصف بس انا حليتها بالاربع وقوانين انا كنت حافظاها فهى طلعت موجب بس

لا انا الحمد لله في التفاضل تمام بس محلتش اكيد السؤال الاخير وانا والله زيك مبدعه في الانجليزي وخايفه جدا من سؤال الاسبيكر

يا رب ربنا يطمنك وتكون موجب وسالب بس هى فى نموذج الاجابة موجب بس

دينا انا مش عرفه انت شفتي التعليقات اللي بعد النوذج ولا لا بس في مدرس قال ياجماعه هي سالب او موجب عشان هناخد الجذر على العموم كده في خلاف على السؤال ده بيننا نسيبها لمجموعنا بقى يحكم وربنا يستر على الجميع

لا كان الامتحان غريب ومش لامم المنهج وفى جمل عايزة واحد فاضى لانه اهمل مواضيع كتير مهمة وركز على حاجات نادر جدا بتيجى ولا انت رايك ايه

ايوة يا دينا فعلا هى فى نموذج الاجابة موجب بس وتوتا بتقول كدة عشان تطمنى

ربنا يسترها كان املى انى اقفل الرياضة

اصل انا ماخدتهاش با لجذر خالص خالص خالص دا المدرس كان محفظنا قوانين عجيبة نجيب بيها جا وجتا نصف الزاوية وانا حليتها فى الربع الاول والربع التانى طلعت موجب بس بعيدا عن الجذور

ماشي ماشي اعملوا عصابه عليه طب كلها سعات واجيلكوا وانا جايبه الخمسين باذن الله واقولكو اهي الموجب والسالب والله انتو صحاب جمال اوي انا فرحانه اوي اني بكلمكو والله نستوني قلق النتيجه

ياجماعه بقولكوا ايه هنتخانق على سالب ولا موجب طظ المدرس يتحول ويشوف كله صح باذن الله

ان شاء الله يا ندا تقفلى مواد تانية وامتحان الايطالى بتاعكم كان عامل ايه

الالماني يادينا فعلا كان في حجات بسيطه ومن اولى ثانوي بس انا شايفه انه بسيط يعني جي هديه للطالب الضعيف

يا رب يا توتا ان شاء الله هتجيبى الخمسين فى الرياضة