الاستاذ/سعيد حبيب كل معلم مصرى شريف يحب مهنته ويحب بلده لك منى كل تحية حب وتقدير . مبارك لك حب أكثر من مليون معلم حفظك الله من كل مكروه وبإذن الله ستعود الى مدرستك معززا مكرما طالما عملك لوجه الله . ومن يتقى الله يجعل له مخرجا

الكل فى انتظار الاستاذ سعيد بالموقع

الأخ اللى عنده وادى الزواحف السامة أحسن من بلده يبقى بيعمل مقارنة بين الفلوس من جهة والخير والحضارة والجمال والأصالة وأشياء كثيرة من جهة أخرى وللأسف رجحت عنده كفة الفلوس ضاربا عرض الحائط ببلده وأهله وناسه
وأقول له إذا كنت لاتحب مصر فإن الله ورسوله يحبونها فقد ذكرها الله في قرآنه بالخير و الأمن وأحبها نبيه وأوصى بأهلها خيرا - بناقص انت- إرجع إالى وادى الزواحف زاحفا من أجل الريالات ............. كفاية كدهhttp://img174.imageshack.us/img174/2217/14up2.gif

نتشرف بإنضمامك لمنتدانا الغالى كما نتشرف بإنتماءك لمهنتنا السامية
وان كان لى اقتراح ياريت مسيو وليد يوافقنى عليه وهو أن يكون اجتماع مع الأستاذ سعيد فى إحدى الغرف الصوتية إحتفاء من المنتدى به وتعبيرا عن وقوفنا بجانبه وبجانب حرية الرأى والتعبير وكرامة المعلم

اوافق ابله هدى
ياريت فى غرفة صوتية او البال توك او اى حاجة يقدر يتفاعل من خلالها مع الناس اكتر
واضح انه شخصية وطنية ومرموقة
كاى معلم من الشرفاء
ربنا يبارك فيه واهلا بيه ينور المنتدى
وعاوزين نشوف خبراته ان شاء الله

حاضر
سنبلغه وان شاء الله قريبا يتم الاجتماع

هكذا يكون المشرف الواعى المقدر للأمور
تحية خاصة جدا للأستاذ وليد المشرف النشيط المميز

انا ارى اننا خرجنا عن مناصرتنا للاستاذ/ سعيد مدنى ، وتضامنا معه ومع قضيته وقضيتنا الى قضايا اخرى لا تقل اهمية ؟
لذا
ارجو من كل الزملاء عدم الخروج عن الموضوع والهدف ،وسنفرد موضوعا مستقلا نتناول فيه هذا الامر الاخر الذى استجد.

أشكرك أستاذ جمال
وأتفق معك تماما فيما قلته
تقبل تحياتى

عفوا سيدتي الفاضله
وانا تحت امر اي زميل له اي اقتراح بناء ويفيد جموع المعلمين

معلمنا الفاضل
 

هكذا انت دائما تعلمنا كيف يجب ان يكون المعلم الحق
صاحب الرسالة

اهلا بك وسهلا استاذ سعيد المدنى

نورت المنتدى الموقر وازداد شرفا بتواجد معلم مغوار ومدافع عن كرامة المعلم مثل حضرتك

وثق ان زملائك فى الدفاع عن الحق هنا كثر وجميعنا متضامنين معك ونرفض نقلكم دون وجه حق

وبأذن الله منصور

السلام عليكم لو سمحت انا عاوزه اقول راي ويارب ميزعلش حد
انا مش موافقه استاذ سعيد مدني في اللي عمله ايوه انا متفرجتش علي الفيلم بس سمعت ان في لقطه كده هي اللي كانت مدايقه المدرسين
هل عشان اللقطه دي نعمل ثوره كده ونكتب لتلاميذ في مدرسه ابتدائي كلام كده او نعمل قطعه نحو كده يا تري غرضها ايه انا اسفه يا استاذ سعيد بس ده رايي ممكن بجد توضحلنا ليه حضرتك عملت كده في حين ان زمان كان في مسرحيه مدرسه المشاغبين وكانت فيها قله ادب برضه وشباب بايظ وكانوا بيهينوا فيه للمدرس
غير كده ده فيلم زيه زي جميع الافلام اللي بتتعرض تلاقي مره بيهزروا ويتكلموا علي الدكتور او علي المحامي او علي ........ حاجات كتيييييييير مهن كتيره بس ليه كنا نعمل كده

اتمني ان المشاركه متتحذفش ولا انا اتوقف عشان قلت راي بصراحه ومن حقي اني اعبر عن رايي واقول ايه غرض حضرتك من كده ؟؟؟؟؟؟؟؟؟

ياريت الاول قبل ما ارد علي كلامك اعرف انتي مدرسه ولا طالبه

كلنا بنحب مصر