حسبى الله ونعم الوكيل فى دى وازارة

انا مشرف نشاط بالغربية وصل الادارة اليوم بيقولو اية فاكس من الوزارة بيقولوا فيه حرمان مشرفي النشاط من الكادر واية يخصم كل قرش قبضة من الكادر مش حرام مش احنا زينا مي المدرس لاني انا مشرف نشاط ومعي جدول حاسب الي ومعي الكنترول ومعي الحكومة الالكترونية ومعي مناهل المعرفة يعني بشتغل اكتر من المدرس مش حرام لو فيه حد يفيدنا في الموضوع دة يقول لنا نعمل اية

والله من يوم ماقالو الكادر والا متحانات وهم فى كل يوم بقرار جديد المفروض مالهومش زنب حتى لو لم يستحقو يبقى مايعطوهم من الشهور الجديده مش باثر رجعى وطبعا اكيد قرار الاخذ سريع مش زى قرار الصرف الله يكون فى العون

كفاية على الإداريين مكافأة الامتحانات اللى خدوها بالأونطة و هى أساسا فى مقابل العمل فى امتحانات النقل و ليس النوم فى المكاتب فى المديريات و الإدارات
ليس للإداريين أى حق فى كادر المعلم أبو طباشيرة و لا لأى فئة بخلاف المعلم الذى يدرس داخل الفصل و طفحان الدم
و إن كان على غياب الطلبة فمهمة الإداريين هى اتخاذ الإجراءات القانونية ضد الطلبة الغائبين و حصرهم يوميا و بسبب تقصير الإداريين فى عملهم تخلو المدارس من الطلاب ؟؟
أما عن كون الإداريين بينهم شهادات عليا فالإدارى بالتعليم من حملة الشهادات العليا منتدب إما من المالية أو العدل و كلاهما حوافزه حدث و لا حرج فكفاية عليهم مرتباتهم و حوافزهم السوبر من جهاتهم الأصلية و عليها طبعا مكافأة الامتحانات التى لا يقومون بأى عمل فيها
و بالمناسبة أكثر من90 % من المدرسين غلابة جدا و لا يعطون دروس خصوصية و هؤلاء هم هدف الكادر الخاص
أما المدرسين حملة الدبلومات فعددهم ليس كبيرا و من المفروض حسب القانون ألا يحصلوا على الكادر الخاص إلا بعد الحصول على مؤهل عالى تربوى و كذلك يجب أن يحصل غير التربويين على مؤهل تربوى و هذا هو الخطأ الذى وقعت فيه وزارة التعليم عند تطبيق الكادر الخاص ....
يا اخي الفاضل بطل مغررة هو المدرس بيشتغل والمشرف والادارى ما بيشتغلش بلاش النفوس البطاله بدل ما تقول الله يعنهم يا اخي ربنا يحطك مكانهم وتشوف اللي بيشوفوه في زنقات الموظف البسيط اللي مرتبة النهاردة بعد عشر سنين خدمة بالحوافز 350 جنية فين الانصاف يا حاقد

أين الإخوة المشرفين ؟
 

والله العظيم حرام ماهو ده مش عدل يا إما كانوا من الأول قالوا ليهم مفيش أو مياخدوش منهم الحين شئ

حسبى الله ونعم الوكيل

الصراحة الواحد بيسمع حاجات غريبة جدا الايام دى وهذا الخبر من الغرائب

كان الله فى العون والله حاجة تقهر وظلم اجتماعى
يا ناس تمنوا الخير للجميع عشان ربنا يباركلكوا

الناس اللى بتعيب فى المشرفين والاداريين والكلام دا
هما الناس دى مش بشر زيكوا وناس فاتحة بيوت وعندها اولاد وربما تكون اولادها فى جامعات ومدارس ومحتاجين
ثم ان الكادر دا على بعضة كدا والله لا يساوى الا القليل فى مقابل طفح الدم اللى المدرسين والاداريين والمشرفين والعمال شايفينه
يا ناس تمنوا الخير للناس
تمنوا حياة كريمة لكل الناس
ياريت محدش يعمم ويقول الناس مش بتشتغل او ما تستاهلش
خدها من ناحية تانية - ناحية ان دول ناس زيك وناس عندها بيوت وولاد وناس المفروض تعيش فى حياة كريمة - كل الناس محتاجة تعيش فى حياة كريمة
اذا كنت تعرضت لموقف سلبى من ادارى او خلافه عادى الكلام دا ممكن يحصل فى اى مجال وكل مكان
لكن ابدا دا ليس مدعاة لصب جاما الحقد والغل والحسد على الغلبية والجميع بالتاكيد شرفاء ومجتهدون ومخلصون فى اعمالهم
تقبلوا تحياتى
وايضا احترامى للجميع

الفرق بين مشرف النشاط الاجتماعى والاخصائى الاجتماعى هو ان مشر ف النشاط حاصل على معهد سنتان بعد الثانويه والاخصائى مؤهل اربع سنوات ولكن الكل متخصص فى عمل التربيه الاجتماعيه والمشرف الاجتماعى يعمل بالمرحله الابتدائيه لوحده ولكن الاخصائى يعمل بالمرحلتين الاعداديه والثانويه مع عدد كبير من الاخصائيين ويقوموا بتوزيع العمل على بعض ومع ذلك فرقوا بيننا فى الكادر حيث تم استبعاد المشرف الاجتماعى فهل هذا عدل نتمنى ان جميع العامليين بالتعليم ان يصرفوا الكادر لان هذه التفرقه ظلم

الاخ الفاضل يقول ان لايوجد احد من المشرفين صرف فى اداره فاقوس انا اقول له اسال الاستاذ ماهر الدمرداش بالاداره ويوجد عنده نشره بتاريخ11/9/2007 وهى تفيد انهم يستحقوا الصرف وبناءا على النشره الوارده من الاداره المركزيه للشؤن القانو نيه وشئون العاملين وبنادا عليه تم الصرف لهم للمرحله الاولى وكذلك يوجد بعض الاسماء التى وردت من المديريه لمشرفى النشاط وقال الاستاذ ماهر طولما الاسم نزل لازم اصرف له ويوجد عدد كبير من زملائناتم فعلا الصرف لهم ونعرفهم بالاسم ولكن حفاظا على زملائنا حتى لايقطعوا عنهم لم اذكر اسمائهم ولامدارسهم ونرجو من المسئولين مساواتنا بهم منعا للظلم وشكرا