|
اقتباس:
أنا مع حضرتك في الحتة دي طب يبقي الحل إيه؟؟؟؟ الناس اللي مش ملايكه دول مش بيبصوا للحرام عشان هو حرام بس الناس التانية اللي مش ملايكه بردو لو ملقوش الحرام مش هيبصوا عليه ولا إيه ؟؟؟ :d:d:d |
اقتباس:
يا جدعان ده اللي أنا عايز أوصله ياريت تفهموني: أنا بقول لو مافيش بنات لابسه لبس محتشم(مش من وجهة نظرها هي ) من وجهة نظر الإسلام الشباب هيعاكسوا ميييييين!!!!! هي دي النقطة المهمة علي أيام الرسول لما فرض الحجاب كان في ناس بتتعاكس؟؟؟ ماأعتقدش كان في زنا أه بس مش عيني عينك ما اللي بيعاكس ده بيزني بعينه وبيزني بالكلام يارب تكون وصلت و بعدين ده رأي الدكتور حتاتة هو شايف كده ماحدش يقدر يعرضه عشان ده رأيه بس إحنا دلوقتي بنتكلم عن الصح مش أكتر سلام بقي ورايا سكشن رسم :d |
اقتباس:
بالتوفيق ان شاء الله ده اولا ثانيا اه دكتور هشام حر في رايه ثالثا بقي وده الاهم انا بشوف بعنيا شباب واقفة او ماشية ولو عدت قدامهم واحدة لازم يتكلموا ووالله اي واحدة طب ايه رايك اني مرة شوفت واحد بيعاكس بنت وكانت لابسه الزي الاسلامي ونقاب وملحفة مش نقاب اليومين دول واخينا اتكرم بلسانه قالها ايه تخيل قالها انا شفتك افتكرت السنة السودة وكان في واحد ظريف جنبه رد قاله لا ديه قصيرة يا بني كفاية عليها الليلة السودة بس انت هتأفور ده بقي يرضي مين اهيه لابسه زي اسلامي وبتتعاكس |
اقتباس:
والله أنا مش عايز أجادل ولا حاجة بس الموقف اللي حضرتك حكتيه دي مش معاكسة ده إسمه سخرية يعني بيألسوا علي النقاب مش أكتر و بعدين يا ددعان هو هيلاقي إيه يعاكسوا!!!!!!! معلش زي ماهما بيقولوا خيمة متحركة يبقي هو اللي عبيط مش دي حالة عامة بس بردو إنتوا ليكم وجهة والله مش قادر أفهمهاأصلي للأسف فهمي علي أدي :romarioxp6::romarioxp6::romarioxp6::romarioxp6: |
اقتباس:
كويس انك اعترفت بنفسك :p:p:p هههههههههه شوف يا سيدى كل الموضوع يتلخص فى انك شايف ان العيب على البنات و لبسها و احنا مقتنعين بالجانب ده بس نضيف ليه ان الولد بردوا ربنا مش حيحاسبنا جماعه لاء كل واحد لوحده فهو مش حيقول لاء اصلها كانت بتعمل و تشوى بردو عليه ذنب و هى عليها ذنب مشتركين فنقول لو هى مش عملت و لو هو مش عمل و بجد اللى عايز يبص بيبص مهما كانت الواحده عامله طيب بجد انا قولت بعد العبايه خلاص مفيش حد حيعاكس و اهى زى ما هى و لا اى حاجه و الله الواحد ما بقى عارف يعمل ايه :angry::angry::angry: يلا فى رعايه الله |
بعدنا عن دينا فا حصل فينا كدة
البت بتغلط وهى الى بتخلى الشاب يقول كدة والشباب بقوا بيتنافسوا على اكتر ولد يعاكس بنات وفى بنات هى الى بتعاكس الشباب يعنى بجد ربنا يرحمنا من الزمن دة |
كلنا اختلفنا الغلط من البنات من ااشباب ولا من البنات مش مهم الغلط من مين وياما في معاكسات كتيييييييييير ولوكلحد قعد يحكي علي مواقفه يبقي عايزين 100 صفحة المهم ان في الاخر كل اللي يقرأ الموضوع يحاول يستفيد منه البنات تلتزم بالزي الشرعي والشباب يحاولو يبطلو معاكسة والاتنين يفتكرو ربنا ويراعوه في تصرفاتهم
|
اقتباس:
علي فكرة هو ده مجمل الكلام يعني فعلا العيب من الإتنين و كل واحد يحاول علي قد ما يقدر وربنا يهدينا جميعا اقتباس:
"كل نفس بما كسبت رهينة" و ربنا يهدي شباب المسلمين في الأيام اللي ما يعلم بيها إلا ربنا فعلا الفتنة زادت و والله ثم والله لو أهم واحدة إتغلبنا عليها كله بعدها هيهون "ماتركت في أمة فتنة أشد علي الرجال من النساء" و يلا سلللللام :006et4::006et4::006et4::006et4::006et4: |
هو انا شايفة فعلا ان العيب من الولد والبنت بس البنت اكتر يعنى مثلا اما واحد يشوف واحدة من اولها لاخرها متغطية استحالة انه هيبصلها وهيبص لايه فعلا:o:o انا بتكلم عن تجربتى على الاقل يعنى لحد وانا كنت بلبس بلوزات وجيبات او فساتين وعبايات وطرح كبيرة كان برده بقع فى المشكلة دى انما الحمد لله من ساعة ما لبست النقاب خلاص كل ده انتهى خااااااالص الحمد لله بس مش عارفة والله هى فعلا دى مقاييس يعنى انا هحيلكم على موقف حصل معايا الصيف اللى فات ده علطول كنت ماشية عالبحر بس من على الشاطىء نفسه عالناحية التانية بعد مانعدى السكة( طبعا لو مشيت عالشاطىء نفسه مناظر لاتوصف) وكنا بالليل يومها بعد المغرب كده كنت ماشية انا وجارتى هى فى جامعة وكان فيه شارع تقاطع الشارع الرئيسى فاحنا جايين نعدى لقينا عربية جاية فوقفنا لحد ماتعدى والله بالضبط كده اللى حصل:( العربية وقفت ادامنا وكان اللى بيسوقها شاب وجنبه واحد وورا قاعد واحد او اتنين وبيقولنا ايه تخيلوا،، اتفضلواااااااا انا لقيت جارتى شدتنى من ايدى ولفينا من ورا العربية وجرت بسرعة انا مكنتش فاهمة اصلا فهى شرحتلى بقى مش عارفة بجد يعنى للدرجة دى وصلت الامور لكده:o:o كنت لابسة جيبة وبلوزة وطرحة كبيرة مش عارفة طب هى المقاييس بتاعتهم ايه مش فاهمة انا والكلمة اللى كانت تتقالى علطول الساعة كام فى النظارة؟:angry2::angry2: يللا الحمد لله الذى هدانا لهذا وماكنا لنهتدى لولا ان هدانا الله |
| جميع الأوقات بتوقيت GMT +2. الساعة الآن 06:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.