ساعة ما بتردي يا مس

بحس ان انا اللي بتكلم
تصدقي اني كنت داخل أقول الكلمتين دول
ده نفس ردي ف الموضوعات اللي هيا بتكون فكرتها تقليص القسم
في موضوع واحد
بالرغم من ان الكويس في الفكرة دي انها بتفرض التزام ومتابعة اكتر من اننا ننزل مواضيع بصفة يومية
لكن بردو نفس الفكرة وهيا تقليص القسم في موضوع واحد
والفكرة بتاخد يادوبك تلت اربع خمس ايام بالكتير
باذن الله عنحاول كلنا اننا منموتش الموضوع وعنحاول اننا نطرح قضايا هامة
وبتموت
نرد بقي بالنسبة للإعلام
فأجمل ما فيه سياسية " لازم نطري ع الشعب "
يعني مثلا لو غلطوا في يوم من الأيام وجابوا فيلم ثوري مثلا
زي بريف هارت مثلا او الافلام اللي بتتكلم عن البحث عن مكان في العالم وعن قيمة في العالم ( طبعا أجنبية كل الروايات دي )
لازم يجبلك بعديها اي حاجة تفرفشك عشان تضيع ثورتك او غضبك
يعني مثلا يجبلك ساعه لقلبك
يجبلك واحد بيقول نكت ملهوش لزمه في الحياة
يجبلك شارلي شابلن اي حاجة المهم يطلعك من المود
عندك حق ده حتى فى ناصر 56 يجبلك بعديها المفتش كرومبو
حاجة تشل
-------------------------------------------------------------------------------------------------
كمان بالنسبة للبرامج السياسية ياسلاااااااااام ع الجراءة بتاعت النااااااااس ياسلام ع الناس الشجعان
والله ياجماعه 99.9 % تواطئ مع الأمن غرضهم انهم يفرغوا طاقتكم ويقولوا اللي الشعب عايز يقوله عشان لو الشعب قاله ممكن يحصل خساير لكن لو واحد طلع وقال الكلمتين اللي نفسنا نقولهم يااااه نقعد نصقف ونقول راجل والله وخلصت الحدوته وننام مبسوطين ومنشكحين جداً
عندك حق بس اهوه احسن مايسكتو خالص
-------------------------------------------------------------------------------------------------
بالنسبة للبرامج الحوارية ياااه لذيذ عبقري البرامج الحوارية مفيد فوزي اللي أصلا معوق في الكلام وطريقته ولا تشد ولا أي زفت استغفر الله الواحد والله بياخد ذنوب لما بيتفرج ع الشخصيات الزبالة دي مش فاهم انا واخد مساحة علي ايه ولا أدب ولا دين ولا أخلاق ربنا يرحمنا ولا بيفيد المجتمع بأي حاجة .. قال حديد السفينه قال " حديث المدينة "
لا بس برنامج حديث المدينة كان فى وقت زمان احسن برنامج فى القنوات الارضية
-------------------------------------------------------------------------------------------------
ياسلام ع الإعلام الديني .. منهم اللي بيتكلم في نطاق ندخل برجلنا اليمين ولا رجلنا الشمال .. ونطاق تاني غرضه سبوبه وبس وعمال علي بطال يتكلم في أييييييييييييييي حاجة غير النظام الحاكم .. والجبة الباقيين بيعمل كل حاجة ف الدين او تلت ارباع اللي ف الدين إلا انك ساعة ما تقوله الجهاد في سبيل الله ( داخلي وخارجي ) تلاقيه بيقولك انت كافر واطيعوا الله واطيعوا الرسول وأولي الأمر منكم
:d
هههههههههههههه ياسبوبجيه يا ولاد الإيه والمصيبه انهم واخدين قطاع كبير من الناس اصحاب القلوب النضيفه والله لان الدين أسهل طريقة ممكن الإنسان يوصل بيها لقلوب الناس ( طريقة نابليون )
اه طريقة نابليون لما قال انا بحترم الدين الاسلامى
بس ياحمد برضه فيه دعاة كويسين
وعلى راسهم
عمرو خالد
ومحمود المصرى
-------------------------------------------------------------------------------------------------
الإعلام الرياضي
ههههههههههههه والله ما يستحق اني اتكلم عليه عالم هايفه والله عمالين نتكلم في ازمة ماليه واستراتيجيات تفكير وقوانين دولية وحقوق إنسان وهما لسه بيقولوا يااااه الجون ده حلو وفيه فكرة وعمالين يحاربوا ويشتموا في بعض علي أساس ان الكورة هيا اللي هتصلح البلد وهتقيم نهضه حضارية رائعة لا حول ولا قوة إلا بالله ربنا ينتقم من كل هايف والله عشان ضغطي بيعلي كل ما اشوف شحط كبير كدا بيتكلم في حاجات ولا بتفيد ولا اي زفت وواخدله ساعتين تلاته علي الشاشه يتكلم في اللي ملهوش لزمه ف الحياة
بس الرياضة هى اللى بتفرج هم الناس
وعلى سبيل المثال انزل النهاردة باليل عند الاستاد عتلاقى الناس بتولع فى بعض:049gc0:
وتعصب لذيذ
وشتيمة جميلة:(
-------------------------------------------------------------------------------------------------
بالنسبة للأفلام ياسلاااااااام كل الأفلام بتصب في مصب واحد وهوا ان الريس ده جميل والحكومة دي زفت وبتوع مجلس الشعب بس هما اللي وحشين وشياطين الله في الأرض وقال الريس ده ياعيني قاعد يفكر ويخطط طول النهار والليل ازاي يخلي الشعب مبسوط يجبله بلالين ولا يصرف مورجيحه لكل مواطن مع التموين والحكومة الكافرة الداعرة المارقة المفندشه المعلونه في الأرض وفي السماء هيا اللي بتعمل كل الكلام الوحش ده من ورا الريس والريس ياعيني عايش في بنجلاديش ميعرفش حاجة والمصب التاني اننا نضحك وبس ومنستفدش اي حاجة ف الحياة ويحطلك كلمة واحدة - والمشكلة انها تبقي هايفه -بس تلاقي الممثل لزق وشه في الكاميرا الأماميه وبقي مالي القدر ولسانه وسنانه لازقين في العدسه وعمال يقول الجملة بالبطئ " الحب لا يُكيل بلقلقاس " أن أن تاااااخ وبكدا تبقي حكمة الفيلم أما المصب التالت يقولك انا بنقل الواقع .. تنقل واقع ايه ياغشاش بص في واقعك قال يعني انت اللي قاعد تتعبد في المساجد وانت سيدنا يوسف يعني .. سواء كان خالد يوسف ( مع ان الراجل مشكور كان متوسطلي في حكاية كدا والله ) :d او كان يوسف شاهين الله يجازيه
ردك ده رد حلو جدا
بس انا عفجر قضية تانية
هل يكون احمد رضا بطل فيلم خالد يوسف القادم؟؟؟؟:slap1qk6:
-------------------------------------------------------------------------------------------------
بالنسبة للمسلسلات اجمل حاجة انهم عمالين يضيعوا في عمر الناس وخلاص والناس تقعد تتفرج ع المسلسل ومشدودة ولا كأن واحد بيقول ياجماعة دي رسالة إلهيه باعتهالكم ربنا من خلال المسلسل .. لاء ويخلي الناس تعيط وهوا قاعد يشرب ويسكر ويفرفش والناس قاعدة ياعيني تعيط وتقول ياحول الله ده ماما نونا ماتت
ههههههههههههه
:d
-------------------------------------------------------------------------------------------------
بالنسبة للأغاني يااه عبقرية فعلا أي عيل ماشي في الشارع ومثلا صوّت ولا هرش في ودنه او اتخبط وقال آي بمياصه شوية يبقي فنان خلاص .. والله العظيم ببقي عايز - اسف في التعبير - أقلع الجزمة واضرب التلفزيون من المناظر المقرفة اللي بشوفها
-------------------------------------------------------------------------------------------------
م الآخر الأعلام هو الاحتلال بتاع البلد ويوم ما هنتخلص من الإعلام البلد دي هتتقدم لان الإعلام اقوي من التعليم واقوي من كمل شئ في البلد الإعلام هو وسيلة التغيير .. وبالرغم من ان شغلي مفروض انه مرتبط ارتباط وثيق بالإعلام إلا اني دايما ببصله نظرة احتقار لكن هتعمل ايه هوا اللي شغال ف البلد
-------------------------------------------------------------------------------------------------
يلا عالبركة واسف لو طولت
والحمدلله اني مبطل اتفرج ع التلفزيون المصري
ومش بتفرج عليه غير بالصدفه
لما احب اضحك واسخر من حد افتح التلفزيون المصري
اتفرج علي أحلي عاهات وبعدين اقلب اشوفلي أي فيلم ثوري اي فيلم اجتماعي كدا
الواحد يفهمله كلمتين مش يقعد يتضحك عليه ويحس انه قاعد علي مصطبه بلدى
ربنا يشفيك يا دوكتور مصطفي محمود
آخر حاجة سمعتها وحسيت بالاحترام والعقل والفايدة فيها
كانت منه

ربنا يشفيه يارب ويبارك في صحته

ههههههههههه

رغم بردو اعتراضى على فكره الموضوع نفسها
و انا فاكر ان اساسا من فتره كده اتعملت واحده زيها و حتى اتثبتت فتره بس الاقبال عليها قل و ده وضع طبيعى
و بردو عمو عصام عمل موضوع عن نفس الفكره
المهم بس انا خلانى ارد انى عايزه اعلق على الرد التحفه ده بتاع احمد رضا:d
المهم بس انا حعلق على شويه حاجات كده

:romarioxp6:

هي مبدئيا فكرة الموضوع حلوة

بس مش عايزين ندخل من اولها في نقاش من غيرهدف
و محمود طه كمان داخل شادد حيله في الموضوع :)

اولا حضرتك تقصد اي اعلام : العام و لا الخاص

السياسي و لا الديني و لا الفني ولا الغنائي و لا المسابقات .. كل ده اعلام

مفيش تعبير غير انه take-away بمعني اصح كلام فاضي
نصحي الصبح صباح الخير يا مصر.. البرنامج ساعتين منهم ساعة اغاني وطنية
و بعدين بيرنامج فني و بعدين مسلسل و بعدين نشرة الاخبار و يليها اعادة المسلسل و هكذا في دايرة مفرغة

اقل سوءاً شوية فيما عدا اعلام الفيديو كليب .. اجارك الله
بالنسبة للاعلامر السياسي فتقريبا مابنرساش علي بر قناة المنيرة - قصدي الجزيرة :d بتقول حاجة
و قناة العربية بتقول حاجة عكسهم
و قناة ماعرفش ايه مش في بالها و مقضياها اخبار رياضة !!

بالنسبة للاعلام الحواري
ممكن بنطلع منه بشوية حاجات نافعة
مثلا 90 دقيقة و العاشرة مساءا و غيرهم
و كمان القاهرة اليوم مع اني ما بحبش اسلوبه

و اعلامنا الرياضي
عظيمة يا مصر
دي الحاجة الوحيدة اللي بتجمعنا علي متش
او حتي علي تعليق.. و طبعا اعلام فوق العارضة بكام ياردة
يعني مالوش فيها خالص

المحصلة فوق الصفر بحاجة بسيطة :(
سلام

بالنسبة للأفلام ياسلاااااااام كل الأفلام بتصب في مصب واحد وهوا ان الريس ده جميل والحكومة دي زفت وبتوع مجلس الشعب بس هما اللي وحشين وشياطين الله في الأرض وقال الريس ده ياعيني قاعد يفكر ويخطط طول النهار والليل ازاي يخلي الشعب مبسوط يجبله بلالين ولا يصرف مورجيحه لكل مواطن مع التموين والحكومة الكافرة الداعرة المارقة المفندشه المعلونه في الأرض وفي السماء هيا اللي بتعمل كل الكلام الوحش ده من ورا الريس والريس ياعيني عايش في بنجلاديش ميعرفش حاجة