عندي سؤال تاني مع ان انتوا ما جاوبتوش اصلا علي السؤال الاولاني
فيه المسئله بتقول:
دورق سعته لتر ملىء بسائلين A,Bالكثافه النسبيه لهما معا 1.5 فاذا علمت ان الكثافه المطلقه للاول 1800Kg\m3والكثافه النسبيه للثاني 0.8فما هو حجم كل منهما علي حده
علما بان الخلط لم يحدث تغير في الحجم
طبعا المسئله سهله
بس لو كان الحجم بتاع الخليط اتغير كان حيبقي خطوات المسئله ازاي
ولو عندكم مسئله عليها حكون مشكور اوي لكم

يا جماعة أنا جايبة المسائل عشان اللي مش عارف يستفيد,لكن أنا عارفة الحل

أنا معاكم يا جماعه
بس انا دخولي ع النت بيكون قليل علشان معمول عليا حظر
بس كل ما أقدر هاحط أسئله أو أحل ان شاء الله
و يا رب ييجي بفايده

هو كعب بس ؟؟؟
ولا جاب الفرق ف الحجم ؟؟؟
يعني طرح مكعب أنصاف الأقطار و ضرب ف باي و 4/3 ؟؟؟
أصله لو كده يبقي جاب الحجم ف خطوه واحده بدل خطوتين
و لو ما عملش كده يبقي ياريت تكتبي اللي مكتوب بالظبط يمكن نفهم

أنا غالبا ً حليت مسأله زي دي
و هو بيدي نسبة الزياده أو الإنكماش ف الحجم ( و هي غالبا بتبقي إنكماش )

هو كعب نصف القطر الخارجي والداخلي كلا علي حده ثم طرحهم من بعض وبعد كده ضرب الناتج من الطرح في 4\3 باي
سؤالي هو ليه كعب الاثنين
يعني ليه ما طرحهمش من غير تكعيب والناتج كان كعبه ونضرب الناتج في 4\3 باي
هل فهمتني؟

اه يعني لما يتغير في الحجم بعد المزج يبقي فيه نسبه انكماش او زياده
فيه مسئله علي كده في كتاب الامتحان
بس المستر قالي انها كانت في المنهج القديم واتلغت
شكرا يا باشا

في مسائل تانيه عايزه استفسر فيها عن حاجات
في مسئله الازهر96:
اناء اسطواني مساحته2m2 صبفيه ماء الي ارتفاع 0.8m ثم اضيف اليه زيت حتي صار ارتفاع الزيت 2mمن قاعده الاناء.
احسب الضغط الناشىء عن السائلين المؤثر علي قاعده الاناء
لحد هنا جميل ومش حنحسب الضغط الجوي لانه عايز ضغط السائل
لكن الجزء التاني من المسئله اللي عايزه افهمه
وكذلك القوه المؤثره علي قاعده الاناء
علما بان الكثافه النسبيه للزيت 0.8 وكثافه الماء1000 كجم\ م3 وعجله الجاذبيه الارضيه9.8م\ث2
مش قانون القوهF=PAحيث ان pالضغط الكلي يعني المفروض نحسب معاها الضغط الجوي
انا الحل اللي عندي ضرب الضغط اللي جبناها في المطلوب الاول في المساحه القاعده
ياريت توضحولي الجزئيه ديه

المسئله التانيه:
ما الضغط الكلي وما فرق الضغط المطلوبين في خطوط الماء الرئيسيه
بحيث يرتفع الماء المنبعث من مضخه اطفاء حريق الي ارتفاع30م
علما بان عجله الجاذبيه10م\ث2 وكثافه الماء1000كجم\م3 والضغط الجوي 10أس 5 نيوتن لكل م2
الضعط الكلي ماش انا جبته
بس المطلوب الثاني مش عارفاه

هي هي
ما غيرش حاجه
حجم المعدن = الحجم الكلي - حجم التجويف
= 4/3 باي أر كلي تكعيب - 4/3 باي أر تجويف تكعيب
لو أخدتي 4/3 باي عامل مشترك من المعادله اللي فاتت
يبقي ( أر كلي تكعيب - أر تجويف تكعيب ) x باي أر
هو جاب المقدار اللي ف الأقواس الأول بعدين ضربها ف باي أر
بس
يا رب تكون وصلت

قصده القوه المؤثره علي القاع من السائلين

المسأله التانيه حد غيري يحلها لأني و الله مش مذاكر التاني أصلا ً دا من اللي أنا فاكره من آخر مره ذاكرت فيها التاني
أصل مراجعة المدرس بتاعي من ورا لقدام فإحنا لسه مخلصين الرابع

المسئله ديه بقه مش عارفاها خالص:
اذاكان الضغط الواقع علي صنبور مياه في الطابق التاني لمنزل مكون من 6 طوابق هو 2.5 ثقل كجم \سم2
وارتفاع الطابق الواحد 4م وارتفاع اي صنبور عن ارضيه الطابق الوجود به 1م احسب:
ارتفاع مستوي سطح الماء عن سطح الارض في خزان يغذي هذا المنزل بالمياه علما بان الخزان مغلق من اعلي
انا طلعت الاجابه بس مش متاكده 25 متر
الضغط الواقع علي صنبور موجود بالطابق السادس
طب هنا الضغط حنحسب معاه الضعط الجوي ولا لا
يا ريت اللي يحلها يكتب الشرح بتاع المسئله لاني مش فاهمه حاجه