|
معتقدش ان ف سنه ف اعدادى ف السويس
لان اعدادى اساسا وظيفتها انها بتشوف الطلبه المواد وتعدهم للقسم بتاعهم ان كان اتصالات .بترول ...الخ اما السويس فانتا داخل عارف انك بترول فأيه لزمته ؟! والله اعلم |
ممكن يا بشمهندسين الاول اعرفكم بنفسى انا رفعت هندسه شبرا جامعه بنا
وكنت عايز معلومات عن التحويل الى هندسه القاهره ايه الى المفروض يتم وهل ده احسن ولا ايه |
اولا اكيد جامعه القاهره احسن
هندسه القاهره واحده من احسن هندسيات مصر فأعتقد احسن لانى معرفش هندسه بنها ايه نظامها اما اجراءات التحويل مش هقدر افيدك وغالبا محدش هيقدر يفيدك الا لو كان محول لان الاجراءات بتختلف من كليه لكليه تانيه فاحسن حاجه زى ما قولت ل100 واحد قبلك رووح شئون الطلبه عندك واسأل وهوما هيظبطوك :d :d واى خدمه ف اى استغسار تانى |
انا هقولك يا بشمهندس
اولا انا معاك فى هندسة شبرا ... انتا لو عاوز تحول لازم اولا تكون جايب تقدير على الاقل جيد جدااا ...وبتشترى ملف تقريبا من جامعة القاهرة...وبتعمل طلب بس فى مشكلة او انهم بيفتحولك الاقسام بس اللى مش موجودة فى شبرا زى طبية وبترول اوطيران او ... يعنى لو عاوز تدخل مدنى او عمارة مثلا مش هينفع.... وبالتوفيق ان شاء الله... |
شكرا لزدك يا بشمهندس
بس اعتقد ده شبرا لهناك االاجزاءات مش ثابته ف كلها صح ؟ |
طب انا عندى سؤال بيطرح نفسه :d
انا حاسس ان عمارة هى اللى هقدر امشى فيها بس وعجبانى يعنى انما المشكلة كل الناااااااس بدون استثناء بتقولى مفيش شغل ليها وحتى لو فيه ممكن حد من مدنى ياخد كام كورس ويبقى زيك واحسن فمش عارف يعنى فعشان كده بدئت افكر فى كهربا وهى عجبانى ققسم المشكلة فى صعوبتها وانا عارف انى مش هقدر عليها لانى مش بحب المذاكرة من اساسه فانا دلوقتى قدامى اختيارين يأما كهربا يأما عمارة ...لان مدنى وميكا مش مستهوينى بصراحه فانتوا تعتقدوا المفروض اختار ايه وليه يعنى ؟ :s |
اقتباس:
|
المنتدى هيشلنى
من ساعه النتيجه وهوا بايظ ------------- عامه وهحاول اكون مختصر ------------- اول نصيحه بتتقالف حوار الاقسام ده خش اللى انتا بتحبه او اللى انتا حاسس انك تقدر تقدم فيه وبالنسبه لحوار الشغل فااااااااكس منه لان انتا ممكن دلوقتى فسم زى طبيه مش بيشتغل كمان 5 سنين لما تتخرج تلاقى شغل كتييير والعكس صحيح فموضوع الشغل مش مقياس خش اللى انتا حابه |
افهم من كلامكوا ان مالهاش شغل صح ؟ :d
عموما ربنا يوفقنى للى فيه الخير ليا |
بص
انت لو نصيبك مش حتشتغل لو دخلت اكتر قسم في شغل برده مش حتشتغل لأنه نسبة عدم الشغل في كل وظيفة واردة يبقى متدخلش قسم مش حابه وممكن تفشل وحتى لو لقيت شغل حتفشل فيه وتندم إنك مرحتش للقسم اللى انت هاويه وكان ممكن تنجح فيه وتتوظف وتبقى ناجح يعني باختصار خش القسم اللى بتحبه ده عندنا قالولنا مبيشتغلش غير عمارة ومدني والباقي في بحري اكتر ومع ذلك انا داخل كهربا برده وكل اللى قابلتهم بقولي كهربا ده كذا كذا وصعبة ودكاترتها اصعب و.... بس برده داخل لأنها الانسب لاهتماماتي وممكن في الآخر مشتغلش :d عادي يعني مبتتحسبش كده |
شكرا يا بنذر بجد
بس مين اللى قالك عمارة بتشتغل وكهربا مش بتشتغل؟؟ شاورلى عليه بس :d لا الحمد لله انا كده بدئت افكر فى عمارة بس المشكلة اللى جت فى بالى ان كده اما اجى اشتغل هلاقى فنون تطبيقية وجميلة وكل الحجات دى اكيد داخله معايا فى الشغل صح ولا لأ؟ مش عارف بس اكيد دول بياخدوا حاجة عمارة |
اقتباس:
اقتباس:
بص يا سيدي معروف إنه ترتيب الاقسام عندنا كهربا عمارة مدني السنادي متوقعين الترتيب يكون كده مدني عمارة كهربا لأنه الطلب على مدنيكبير جداً عمارة عندنا بتاخد 75 طالب تقريباً هو اساساً معظمهم بنات السنادي متقدم لعمارة تقريبا اكتر من 120 طالبة غير الطلاب الولاد يعني الاقبال عليها زاد اكيد مزدتش عشان كلهم هوايتهم الرسم :) وكهربا الاقبال عليها قل بالنسبة للسنين اللى فاتت ده حسب الآراء اللى جمعتها وشفتها بين اصحابي وبعض زمايلي بس يبقى ده بيؤيد كلامي ولا لأ :) |
اوكى هو فعلا الطلب على مدنى زاد
بس احنا عندنا اللى يخش مدنى دول بواقى الدفعة على فكرة :d بس فعلا الطلب عليها زاد وكهربا بيقل بس بتفضل هى التوب الكهربا طب ماشى بغض النظر احنا مش مشكلتنا انهى اكبر المشكلة انك اما بتيجى تشتغل زى ماقولتلك بيخش معاك بتوع فنون جميلة وتطبيقية و كمان قالولى ان بتوع مدنى دول لو اخدوا كام كورس يقدروا يعملوا شغل عمارة فهل ده فعلا ولا تهييس ؟:d انا بس حابب اسأل حد اكبر منى يعنى |
اقتباس:
اقتباس:
في مهندس عندنا اعرفه بتجيله الناس في مكتبه بتطلب منه تصميم ارض بيرسمهلهم الرسمة بالاوتوكاد ويديهالهم وبعد كده بيتفقلهم مع المقاول وبيروح بنفسه يشرف على الارض ويتأكد من تنفيذ التعليمات عليها صح يعني مهندس عمارة ومدني مع بعض وهو اصلا مهندس مدني ده مثال حي جايبهولك من الواقع مش حد قالي ولا حاجة حتى قبل ما اعرفه في ناس قالتلي ممكن بتاع مدني يشتغل عمارة وبتاع عمارة يشتغل مدني بس ممكن حتلقى اكتر بتوع مدني بيشتغلو عمارة عشان عمارة اسهل في التعلم بينما بتاع عمارة اصعبله مدني إنه يعرفها لكن الاتنين بيشتغلوا الاتنين يعني بياخدو الطريق كله من اول رسم عمارة ولحد شغل مدني فهو مش تهييس ولا حاجة ومنصحكش متدخلش حاجة مش هاويها انت ممكن تغير رأيك تروح مدني بس غير كده حتكون غيرت اهتماماتك خالص وصلي استخارة وحتوصل للى بتحبه ان شاء الله |
شكرا يا بنذر جدا
|
| جميع الأوقات بتوقيت GMT +2. الساعة الآن 12:04 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.