امممممممم

انا كنت قريت الموضوع ده فى زمن العصره
احم
القطعه يعنى :bosyht9:
و من سيعتها و انا عايزه ارد
طبعا انا معاكوا يا جماعه فى الكلام اللى قولتوه
بس المشكله ان انتوا مش قلتوا حل

انا شايفه ان السبب الاساسى فى كل ده هو اننا فعلا عايزين حد كل شويه يفكرنا
و بعد كده
عايزين المعلومه لما تييجى تبقى على طبق من الماس
حاجه كده مش نتعب فيها
عشان احنا بكل بساطه اتعودنا عن ان ثقافتنا الدينيه جايه من ناحيه سماعيه او مرئيه
نادر شويه حته المقرؤه دى
طاب ده ليه
عشان احنا ببساطه شعب لا يقرأ
شعب بيستسهل المعلومه المقاله كتير اوى
و بالتالى ده بينطبق بردو على المنتدى هنا
مش الكل بيحب يقرى و يركز

دى اول نقطه
اها بس احنا بنقرا ف العام وبنركز وبنتناقش
وبنرد اكتر من رد
والدليل ان الموضوع ده لما اتحط ف العام اترد عليه كتير
لو كنا حطناه ف الديني مكنش هيتشاف اصلا
تانى حاجه
اسلوب العرض نفسه زى ما قولت لهيوم
ان كل المواضيع كوبى باست
كلام الواحد كان عارفه قبل كده
المفروض يبقى فى تجديد فى العرض
اللى بيقولوا على الثوره اللى عملها عمرو خالد
ده بسبب اسلوب العرض فى المقام الاول عن اى حاجه تانيه
انه يقدر يجذب الناس بطريقته فى عرض معلومات احنا كنا عارفينها قبل كده
اها
طويب حطي مواضيع بطريقه عرض مختلفة وانا هردلك فيها :p
اخر نقطه عايزه اتكلم فيها
ياريت ياريت يبقى فى مواضيع نقاشي اكتر من كده فى الدينى
مش غلط اننا نتناقش فى الدين لو كل واحد بيجيب كلامه على اساس منطقى بحت و بحجه و برهان
مش كلام على عواهنه و خلاص
:bosyht9:

يلا فى رعايه الله

الموضوع دا جميل اوي

ولو ان عنوان الموضوع بييفكرني باغنيه بس ما علينا يعني
كانت دايما ماما تقولي الضحك الكتير بيعلم قسوه القلب
بس مكنتش انا بفهم يعني ايه الواحد يبقي قاسي
انا من وجهه نظري القسوه بتيجي من التعود يعني انتي لما بتشوفي شحات
في الشارع وعنيكي بتتعود علي منظره بعد كدا خلاص هتيجي مثلا بعد شهر كل يوم بتشوفيه
خلاص بئا المنظر بقي مالوف بالنسبالك
او مثلا لما تشوفي افلام رعب ودم في الاول بتخافي وتتقرفي من منظر الدم
لحد واحده زي حالاتي معدتش بيحوق فيها حاجه خالص:d
لدرجه اني ساعات اعد استني انه ييجي فيلم رعب بئا ادمان يعني
فبرضه تكرار الخطا بيخلي الواحد يتعود عليه
لحد ممعدتش يبقي فيه ضمير وكل خطا بيقلل نزعه الضمير عند الانسان
لحد ما يبقي خلالالاص انك تغلطي كانك عطشانه وراحه تشربي شيء عادي يعني
اها عندك حق
وفي بردو اسباب كتيرة
هتلاقيهم ف رد محمود طه
اما بالنسبه للقسم الديني بصراحه انا عمري فحياتي مادخلته ودا
مش عشان حاجه بس انا مش من النوع اللي بحب اخد معلوماتي الدينيه من منتديات
او من التليفزيون لا احب اقراء الكتب واعرف
انا مش شيخه ولا عندي معلومات كبيره بس انا احب لما اعوز اعرف حاجه ولا ادور علي حاجه ادور من كتاب
ودا مش تشكيك لاسمح الله فحاجه بس عارفه هي راحه نفسيه وجايز يكون فيه ناس كتير زيي
ومش معني ان الشخص اللي ميدخلش القسم الديني يبقي مش متدين
ممكن بردو
بس انا بتكلم ع الناس اللي مش بيدورو ع المعلومة الدينيه ف اي مكان
فبقول اقرب مكان القسم الديني
مش كتير زيك بيجيب كتاب لكل حاجة ف الدين ويقعد يقراه
اما بئا بالنسبه للمشاركات وعدد المشاهدات علي فكره الموضوع ميتقاسشي بكام واحد رد
لا بكام واحد استفاد مثلا ممكن موضوع تلاقي عليه 100 رد بس تلاقي معظم الردد شكرا تقبل مروري
والكلام اللي مش جايب همه دا لكن ممكن كفايه ان واحد بس رد دا كفايه علي الاقل انتي هتاخدي ثواب عليه


معلش طولت عليكي :)

موضوع جميل بجد يا ايمى

جه فى وقته
او بمعنى تانى انا شوفته فى وقته
كنت محتاجه الموضوع ده ياقمر:blush:

جزاك الله خيرا يامحمود على ردك مفيد بجد
واستفدت منه:)

هيام بجد والله كنت ناوية ادخل القسم الدينى
وبحاول بجد اغير حاجات كتير
دعواتك ياقمرى
وهدى اعصابك لسة محتاجينك يابت:d

ياسو قلبى
ايدك بتاكلك على الخناقات ليه

شعلة ياقلبى من يومك:p

محبتش ارغى فى الموضوع باسلوبى :d
فقولت اجيب المفيد
فمن أسباب قسوة القلب :

1- الدنيا والحرص عليها من أي وجه كان .

2- طول الأمل ونسيان بغتة الموت .
3- التعلق بغير الله تعالى .
4- ركوب بحر الأماني الكاذبة .

5- كثرة مخالطة الأنام في غير طاعة الله .

6- كثرة النوم .

7- التسويف

8- كثرة الطعام والشراب .

9- التكاسل عن الطاعات .

10- أكل الحرام من الأموال والأطعمة والأشربة وغيرها .

11- نسيان الذنب الماضي ووضع الذنب على الذنب .

12- الترف الزائد والغرور الكاذب .

13- الغيبة والنميمة واللعن والسب وجعل أعراض الناس مادة للفكاهة والتسلية .

14- الكذب والبهتان والافتراء .

15- السخرية والاستهزاء بالآخرين .

16- كثرة الضحك والمزاح واللهو واللعب .

17- الكبر والإعجاب بالنفس والزهو .

18- الحقد والحسد والبغضاء والتنافس في حياة الدنيا وحُطامها .

19- الغضب وسوء الظن بالآخرين وضيق الصدر بهم .

20- البخل والشح وقبض اليد عن الإنفاق في مجالات الخير.

21- الغفلة عن ذكر الله عز وجل وشكره والثناء عليه .

22- التهاون في أداء الصلاة وعدم احترام مواقيتها وأركانها ووجباتها وسننها .

23- ترك صلاة الجماعة مع عدم العذر .

24- عدم الخشوع في الصلاة .

25- عدم التورع في الشبهات .

26- الجزع والطيش والعجلة .

27- كثرة مجالسة الأغنياء من أهل الدنيا .

28- مجالسة أهل الأهواء والبدع .

29- سماع الغناء والموسيقى .

30- تضييع الأوقات في متابعة القنوات .

31- التساهل في الولاء والبراء .

32- تعمد ترك السنة والنوافل .

33- إخلاف الوعد وخيانة الوعد .

34- كثرة الكلام بغير ذكر الله .

35- طاعة الشيطان وأتباعه .

36- اتباع النفس الأمّارة بالسوء .

37- التشبه بأعداء الله الكافرين .

38- تشبه الرجال بالنساء والنساء بالرجال .

39- الظلم والتعدي على الآخرين والبغي عليهم بغير حق .

40- الجهل بأمور الدين والدنيا .

41- الجرأة على محارم الله عز وجل والتساهل في إتيان الذنوب مع الاعتماد على العفو والمغفرة وسعة الرحمة

42- اتباع الشهوات ومجانبة سبيل أهل العفاف .

43- الغلظة والفظاظة في التعامل مع الآخرين .

44- الغش والخداع للمسلمين وإفساد ذات بينهم .

45- قراءة الكتب والقصص والأشعار التي تدعو الإلحاد والكفر ، أو ممارسة الجنس والشذوذ دون قيد أو ضابط .

46- الاستهانة بالصغائر .

47- البعد عن القرآن قراءة وحفظاً وتدبراً وعملاً وتحكيماً .

48- البعد عما يوجب رقة القلب من ذكر الموت وزيارة القبور ، وتذكر البرزخ والحساب والجنة والنار وغير ذلك .

49-عقوق الوالدين وقطيعة الأرحام وإيذاء الجيران .

50- بغض أصحاب النبي صلى الله عليه وسلم .

51- ترك الأمر بالمعروف والنهي عن المنكر .



طب زى ماقولنا السبب اكيد فى حل لان لكل داء دواء