هو انتي امتحنتي نفس امتحانتنا
لو كان كده يبقى هتدخلي معانا في نفس التنسق على ما اعتقد
وبالتوفيق إن شاء الله:):):)

أنا زيك يا دكتوره رنا جايه من السعوديه وهقولك على اللي هيحصل في تنسقنا
أول حاجه أنتي أكيد أختبرتي القدرات اللي في السعوديه وده بيتاخد منه 30% ومن شهاده الثانويه 70% يعني حضرتك تحسبي نتيجتك وتشوفي جبتي كام وبعديها لازم يكون على شهادتك سنه 2 ثانوي رقم الإقامه الخاص بيكي مش بوالدك أو أي حد تاني وبعدين تدخلي على موقع الخارجيه
www.enjazit.com.sa/tsdeq/tsdeqapp.asp
وتاخدي رقم وبعد كده هتوثقي الشهاده من الملحقيه الثقافيه السعوديه بالقاهره عنوانها
4شارع هارون الدقي-الجيزه


هكملك في مشاركه تانيه ولو مش فاهمه حاجه قولي

احلي حاجه تتصلي بالرقم بتاع التنسيق
19468

بعد ما توثقي الشهاده من الملحقيه هتعتمدي الشهاده من الإداره التعليميه بالسعوديه وتصدقيها من القنصليه السعوديه بالقاهره في جاردن سيتي وترجعي تصدقيها من الخارجيه المصريه من فرع جامعه الدول العربيه أو أي فرع تاني
وبعد كل ده تقدمي جواز سفرك مع صوره للمطابقه في مكتب التنسيق في مصر ويعتمد رقم الإقامه الوارد في شهاده المدرسه وشهاده القدرات دون الحاجه إلى أختام المكتب الثقافي أو السفاره

تابعيني تحت

وطبعاً لما تقدمي ورقك في التنسيق هيدوكي رقم سري زي اللي بيستلموه هنا في مصر الطلاب وده هيكون عشان تدخلي بيه على الموقع وتنسيقنا هيبدأ من 10/ 8 إن شاء الله

أتمنى أكون أفدتك

ترافيل مرسي اوي

وعجبتني الخطوة الجريئة ربنا يهدي الجميع

محمد كوم أنا امتحنت في السعودية مش هنا ؟؟

همسة حائرة شكرا لمساعدتك أنا فعلا بدأت بالخطوات دي

وثقت الشهادات من هناك ومن هنا وخلصت

بس تقريبا مش من الدقي من مكتب تاني مش عارفة فينو

لو عايزه تعرفي الورق اللي يتقدم في مكتب التنسيق قوليلي بدل ما أكتبه على الفاضي

همسة في مشكلة شهادة تانية ثانوي مكتوب عليها رقم جوازي مش اقامتي عااادي؟؟

هيما وترافيل انا فعلا بحاول اتصل بالر قم بس للأسف تييييت تييييييت هههههههه

شكلهم مشغولين اوي