ياعم ارحمونا بقى الالمانى انت ياللى بتاخد فرنساوى لو شفته هو بالظبط الانجليزى و الانجليزى بقالنا 16 سنة بندرسه يبقى اكيد الالمانى اسهل وبعدين احنا مصريين و اعتقد ان العربى اسهل

جماعة كل الناس اللى اخدوا فرنساوي اللى انا اعرفهم من اقاربي ولا واحد فيهم قفل اللغة الفرنسية في تانية ثانوي

لما جربت لقيت ان الفرنساوى اسهل من الالمانى بكتير

الالمانى اسهل ..بس الفرنساوى اهم.

يا جماعه انا بردو محتاره اختار المانى ولا فرنساوى انا داخله ان شاء الله اولى ثانوى ومش عارفه اختار ايه وايه موضوع الاسبانى والايطالى هما ممكن يخيروك بينهم حد يجوبنى بسرعه

انا معرفش مين اسهل من التانى ويا رييت محدش يختار غير لما يكون درس المادتين مش ياخد فرنساوى بس ويقول انه احسن واسهل او اصعب من الالمانى لالالالالالالالالا كدة انتوا هتلغبطونا
بس بالنسبالى اصلا المحافظة بتاعتنا كلها مفيهاش لا المانى ولا ايطالى
يعنى المحافظة كلها بتاخد فرنساوى

الأمانية أفضل و أسهل
 

السلام عليكم ز ملائنا الأفاضل و أبنائنا الأعزاء
اسمحوا لي أن أرد بما أعلم
أولا أنا معلم أول للرياضيات بمدرسة ثانوية و ابنتي درست اللغة الألمانية و للأمانة أقول أن اللغة الألمانية أسهل بكثير من الفرنسية لأنها في الصف الأول الثانوي 7 دروس منهم 4 في التيرم الأول و 3 في التيرم الثاني .
و جميع الطلبة حصلوا على الدرجات النهائية في امتحانات الشهور و نصف العام و آخر العام بالرغم أن مدرس المدرسة غير المدرس الذي كان يعطيهم درس خارجي ...يعنى مافيش مجاملة
و للإجابة على من يقول ماذا نستفيد من الألمانية :
1- هناك العديد من الكليات تدرس اللغة الألمانية في الصف الأول كلغة ثانية مثل (سياحة و فنادق - علوم - آداب ببعض أقسامها - ألسن طبعا - ............... )
2- من يتخرج من كلية مثل كليات الطب و الهندسة و العلوم و الصيدلة أو أي كلية سوف يحتك بجهاز صناعة ألمانية و يحتاج بخبرته أن يتعامل معه و أعتقد لن يستطيع ذلك إلا إذا كان دارسا للألمانية .
3- للرد على أن الفرنساوى قريب من الانجليزيى ..... كل اللغات بها تشابه كلمات و حروف ... اللغة العربية و اللغة الدارجة العامية بين الناس حاليا نصها انجليزي متعرب بنقول : كمبيوتر - لاب توب - هارد - لمبة - موبايل .................. أليست كلها انجليزيى .. ؟ هذا مظهر ضعف للغة و ليس مصدر قوة لها ...
4- و كلام الصحف ان اللألماني صعب و تحدي للمدرسين .... هذا ليس صحيح و منذ متى كانت الصحف بتقول كلام يؤخذ في الاعتبار .... الشاهد الوحيد هو الطالب الدارس للمادة .
و الله المستعان

طبعا الالمانى اسهل من الفرنساوى بكتيييييييييييييييييييييييير

السلام عليكم

انا لسه هدخل اولى ثانوى ومحتارة افضل زى ما انا فرنساوى ولا احول المانى لان كتير اوى بيقولوا انى الالمانى اسهل وبيحصل درجات عن الفرنساوى وفيه ناس تانيه بتقول ان الفرنساوى هو اللغة التانيه وانى فيه بعض الكليات بتطلب اللغة التانية فرنساوى فياريت حد يفيدنى ويقولى ايه هى الكليات التى تشترط ان تكون اللغة التانيه فرنساوى وهل السن تشترط ان تكون اللغة التانية فرنساوى ارجو الرد

انا شايفة ان الالمانى اسهل