طبعا كل واحد فى علوم هيدخل يقول ده احسن عضو هنا بس اللى عنده ضمير هيقول ده اكتر عضو متحيز لكلية العلوم هنا
انا هقول على شوية نقط و اللى عادل يحكم
اولا لما واحد يقول
كلية العلوم كلية العباقرة و اتجرج منها احمد زويل و فاروق الباز و غيرهم ده يبقوا اكتر واحد مش لاقى ميزة فى كليته لدرجة ان هو بيقول انى ميزتها انى دول متخرجين منها
يعنى يا جماعة نفترض لما واحد قدرته العقلية متوسطة و يدخل علوم هيتخرج هيبقى غبقرى؟
اى واحد لما يتكلم غلى اي عالم يقول ده من بلدى مش ده نفس كليتى
ده مظبوط و مفهاش حاجه
ثانيا كل ما واحد يكتبلوا اختى او قريبى او واحد اعرفه اتخرج من علوم و مش لاقي شغل لحد دلوقتى يكتبلك اكتر رد يعصب و يقوله (ازاى ده ؟؟؟ وليه شغل لو عايز) بذمتكوا مش ده اكتر رد يبين ان هو متحيز لكلية العلوم لدرجة ان هو مش مصدق انى فى واحد من كلية علوم هيطلع مش هيلقى شغل وكمان تحس ان هو
رئيس القوى العاملة بيلقى شغل لاى واحد يعنى حل مشكلة البطالة فى مصر
ههههههههههههههههههههههههه
ثالثا ابتدينا فى النقط الكبيرة لما
يقارن بين كلية علوم و كلية صيدلة يحسسك انى صيدلة دي كلية فاشلة والناس اللى بيتخرجوا منها دول حمير لدرجة ان هو قال فى رد له في موضوع (صيدلة ولا علوم حملة الصيدلة ضد الكيميائيين) انى خريجيين علوم اكفأ من خريجين صيدلة في مجال الادوية
ده مايتقلش عليه غير متحيز لعلوم و طلبها و خريجيها لدرجة خلى خريج علوم اللي درس اربع سنين كل الكيمياء بيفهم في الادوية اكتر من اللى درس خمس سنين كلها عن الادوية
وده رابط الموضوع
http://www.thanwya.com/vb/showthread.php?t=141949
هو بيبالغ شويه بس كلامه مظبوط مع احترامي للصيادله
رابعا لاحظوا ان هو مش بس بيحاول يعلى من كلية علوم بطريقة غريبة لا ده بيحاول يقلل الكليات التانية فيقولك خريج طب وطب اسنان و صيدلة ما يتقلش عليهم لقب دكتور وفى موضوع تانى واحدة بتسال انهي احسن علوم ولا بيطرى دخل وقال علوم احسن ولحد كده كويس لا ده قال بيطرى مالوش مستقبل
وبيقول انوا خرىج قسم جيولوجيا يبقى مهندس بترول لو كان كده انا من رأيى يلغوا كلية هندسة بترول او يضموها لعلوم
اخيرا جروب الفيس بوك اسمه (الصيدلة ضد الدخلاء) ده جروب عاملوه صيدلى بيعترض فيه على كذا حاجة منها لما صيدلى يبيع التصريح لواحد ما يعرفش حاجة عن الادوية وكمان عن اللى بيشتغلوا مندوبين دعاية وهما خرجيين علوم و بيطرى و تجارة انجلش لكن زيزو 1900 كتب حملة الصيدلة ضد الكيميائيين بس علشان يبين اهمية علوم و مجبش سيرة عن الباقى وده بياكد ان هو متحيز
اللى عايز يسمع عن كلية علوم يسال العضو ***star*** لانه بيعرف يدى الكلية حقها من غير ما يقارنها بكليات تانية
