|
هو اية دا يا توتى
|
ياجماعه الموضوع سهل والله مفيش مشكله الـــنــاس الى عندها يــوم 29 يوم 29 امتحان كمبيوتر وهوا مش المقصود بيه انك هتمتحن فى الكمبيتور بس لا انتا هتقعد على الجهاز وليك 50 سؤال ال 50 سؤال عباره عن صح وغلط وختيارى يعنى مش هتتعب فى حاجه ده معلومات عامه كلها من اخترع مش عارف ايه مين رئيس بلد ايه محافظ القاهره اسمو ايه مين بطل مسلسل ايه الكلام ده بس كده وهتروح تانى يوم هتيجى فى نفس المعاد الى جيت فى يوم 29 هتبقه مقابله شخصيه ودى مش هقدر افدكم بيها غير بكره لان انا عندى المقابله الشخصيه دى بكره التوفيق للناس كلاها ************************************* ودى اسماء الوزارء الى عايز يحفظها اسماء الوزارء.. 1- وزير السياحــــــــــــة:زهير جرانة 2- وزير الصناعة والتجارة:رشيد احمد رشيد 3- وزير التربية والتعليم يسرى الجمل 4- وزير التعليم العالي: هانى هلال 5- وزير الصــــــــحـــــة:حاتم الجبلي 6- وزير الماليــــــــــــــة:يوسف بطرس غالى 7- وزير الزراعــــــــــــة:أمين أباظة 8-وزير الداخلية:حبيب العدلى 9- وزير الخارجيـــــــــة:احمد أبو الغيط 10- وزير الري:محمود أبو الزيد 11- وزير الأوقاف:محمود حمدي زقزوق 12- وزير النــــــــــــــــقل:محمد منصور 13- وزير الإعلام:انس الفقي 14- وزير الإسكان:محمد سليمان 15- وزير البيئـــــــــــــة:ماجد جورج 16- وزير الدفـــــــــــــاع:المشير حسين طنطاوى 17- وزير التضامن الاجتماعى:على مصلحى 18- وزير البتـــــــــــرول:سامح فهمي 19- وزير القوى العاملة:عائشة عبد الهادى 20-رئيس الــــــــوزراء:احمد نظيف 21-رئيس مجلس الشعب:احمد فتحى سرور 22-الأمين العام للحزب الوطني صفوت الشريف 23- وزير التنمية الإدارية: أحمد درويش 24- وزيرة التعاون الدولي: فايزة أبو النجا 25- وزير الطيران المدني : احمد شفيق 26ـوزير الثقافة : فاروق حسنى 27ـ وزير العدل : محمود أبو الليل راشد 28 ـ وزير الدولة لشئون مجلس الشعب : كمال الشاذلي 29 ـ وزير الدولة لشئون مجلس الشورى : مفيد شهاب 30ـ وزير الإنتاج الحربي : سيد مشعل 31 ـ وزيرة التأمينات والشئون الاجتماعية : أمينة الجندي 32 ـ وزير التنمية المحلية : عبد الرحيم هاشم شحاتة 33 ـ وزير الشباب : ممدوح البلتاجى34 ـ وزيرالتخطيط : عثمان محمد عثمان 35ـ وزير التموين والتجارة الداخلية : حسن خضر 36 ـ وزير الاتصالات وتكنولوجيا المعلومات :طارق محمد كامل محمود 37 ـ وزير الاستثمار: محمود محيي الدين 38 ـ وزير الكهرباء والطاقة : حسن يونس. |
اقتباس:
|
اقتباس:
|
اقتباس:
شكل المقابلة الشخصية لكلية الاعلام اختبار الكمبيوتر عبارة عن 50 سؤال فى المعلومات العامة. مثل رئيسة التلفزيون المصرى ومعلومات تاريخية عن محمد على او الملك فاروق والرياضة الاعبين المحترفين فى الخارج . والامتحان عبارة عن 30سؤال اختيار و 20 سؤال صح وخطأ الدرجة من 50 ومدة الامتحان ساعة. والنتيجة بعد مايخلص الامتحان واغلب الدرجات هناك فى العشرينات 24 او 27 والمقابلة الشخصية بتبقى بعد امتحان الكمبيوتر باسبوع وفى المقابلة بتسئلك مزيعة وصحفى عن اسمك ومجموعك وداخل اعلام لية ولو اختارت مجال فى الاعلام لازم تسئلك على امثلة فى المجاال دة |
يا جماعة كل اللى خايفين من المقابلة عايزة اقولهم ان المقابلة سهلة جدا جدا جدا اسهل من امتحان الكمبيوتر
انا خلصت المقابلة النهاردة وكانو بيسألونى اسئلة تافهة جدا جدا زى من وزير كذا ومين رئيس تحرير جريدة كذا وبتقرأ جريدة ايه وخلاص كلها ثلاث/ اربع اسئلة و خلاص بعدين انتم لو خايفين اول مهتروحو هناك القلق هيقل والتوتر هيقل كمان انت بتدخل مع اربع طلاب تانين معاك بعدين الضايعين كتير اوى هناك يعنى انت هتروح هتحس انك مثقف اكتر منهم والمهتمين بمظهرهم فاكرين انهم بياخدو بالمظهر هو طبعا المظهر مهم بس مش ده المبدء الاساسى عندهم والموضوع بسيط جدا |
اقتباس:
العدد اللى كان موجود يعتبر قليل بالنسبة لايام ماكنت انا بقدم وصح ان اغلب الناس اللى مقدمين دلوقتى ضايعين زى مابتقولى لان اغلبهم اللى كان عندهم دور تانى |
اقتباس:
دى كانت كلها اسئلة مباشرة وعن شخصيات واسئلة سهلة يعنى زى مقولت مين رئيس جريدة كذا فالاجابة بتبقى الاسم على طول والاسئلة كلها كانت بالطريقة دى مين هو كذا ؟؟؟؟الاجابة اسم الشخص على طول يمكن عشان اللى اختبارنى النهاردة كانو 2 ستات مبيحبوش يتعبو اعصابنا بس كانت اهم حاجة الثقة فى الرد والسرعة مش التردد والتفكير وكمان رغم ذلك فالبنات اللى كانو معايا فى المقابلة كانو بيجاوبو غلط يعنى بتسألها مين وزير الخارجية بتقولها احمد على الغيط جابت على دى منين مش عارفة و بتسأل بنت تانية بتقولها قوليلى 3 احزاب سياسية فى مصر البنت ردت الحزب الوطنى والحزب الديمقراطى قسمت الحزب الى حزبين بمزاجها هو الحزب الوطنى الديمقراطى ضياع اخر حاجة بس بالنسبة لموضوع الدور التانى بصراحة انا مش معاك فيها لان كان فيه بنات معاهم دور تانى بس عندهم ثقافة لا بأس بيها وكمان انا شفت بنت كان عندها دور تانى جيولوجيا وتاريخ اولا انا لما شفتها كنت بحسب انها جايبة مجموع كبير من طريقة كلامها ومعلوماتها ومكنتش مصدقة انها دور تانى وفى مادتين كمان |
اقتباس:
وبالنسبة لموضوع الدور التانى انا ماقصدش اقول حاجة عليهم انا بقول لية هما فتحوا التقديم مرة تانية وانتى كنتى مجموعة الساعة كام او كان رقمك كام |
انا كنت هناك فى المقابله انهرده وفعلا سهله جدا بس فعلا الاجابه مش بتعدى عليهم كده خاااااااالص
يعنى سئل بنت كانت معايا وسئلها ايه اكتر برنامج بتشوفى قلتلو العاشره مساءا سئلها وده بيجى اساعه كام سكتت شويه وبعدين قلتله 10 هوا عايز السرعه والحاجاد دى طبعا الحمد الله ربنا وفقنا ومنتظرين النتيجه |
اقتباس:
بالنسبة لنتيجة المقابلات الشخصية هى مابتجيش على اللينك اللى انت جايبة ياحمد لما تظهر النتيجة ان شاء الله هتلاقى فى مربع من مربعات الاخبار اللى على الصفحة الرئيسية على الموقع بتدوس علية وبتظهر فية صفحة زى اللى انت جبتها اما الرابط اللى انت جايبة دة بتاع حاجة تانية خالص |
اقتباس:
مش عارفة تقصد ايه بقسم الاذاعة ما علينا بس عموما هما كانو بيسألو فى كل حاجة وانا محددش انا عايزة ادخل قسم ايه بس عموما ان شاء الله صحافة وفيه سؤال مهم بالنسبة للى عندهم المقابلة بكرة بيسألو كتير اوى هيسألو فاروق حسنى اترشح لأيه مأخرا (مدير منظمة اليونسكو) نجح ولا لاء(طبعا لاء ) طيب تفتكر هو منجحش ليه(خلاص بقى مش هغششكم ده انا المفروض اعمل زى محمد هنيدى المهم قولو بقى زى مقريته فى الصحافة ولو عايزين تضيفو وجهة نظركم اوك) انا كنت مجموعة الساعة 9 ونص بس احنا دخلنا على الساعة عشرة كده |
ahmed obaid
=============== ايوة رغم ان الاسئلة سهلة بس هما اهم حاجة يشوفو الشخصية اللى قدمهم دى سريعة البديهة ولا لاء وواثقة من نفسها ولا لاء يعنى البنات اللى كانو معايا كانو منكمشين فى نفسهم اوى وبيفكرو كتير فى الاجابة مترددين فى اجابتهم وده مش مطلوب انا الحمد لله كانو يقولو السؤال ارمى الاجابة على طول من غير تفكير ربنا معانا بقى بس انا متفائلة |
ان شاء الله كلنا نبارك لبعض ونبقه زمايل كلنا فى الكليه
|
اقتباس:
ان شاء الله بس انت عملت ايه فى اختبار الكمبيوتر؟؟؟ |
| جميع الأوقات بتوقيت GMT +2. الساعة الآن 03:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.