بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   هدية من اخواتكن "رولا4"&"لن يسبقنى الى الله احد"&"إلا رسول الله". (https://www.thanwya.com/vb/showthread.php?t=186135)

"أم طلحة" 15-02-2010 01:55 PM

اقتباس:

المشاركة الأصلية كتبت بواسطة رولا4 (المشاركة 1979596)
معذره يا جماعه علي عدم مشاركات الاختين لن يسبقني الي الله احد والاخت الا رسول الله فكان من المفترض ان يشاركوني ولكنهم مشغولون نسألكم الدعاء لهم بالتوفيق وانتظرو مشاركتهم قريبا


جزاكى الله كل خير اختى رولا وان شاء هبدأ اتابع معاكم.

"أم طلحة" 15-02-2010 01:56 PM

اقتباس:

المشاركة الأصلية كتبت بواسطة alea2009 (المشاركة 1981139)
جزاكم الله خيرا على هذه القصة الرائعة

وجزاكم مثله اسعدنا مرورك العاطر ومستنين تعليقاتك على الحلقات.

"أم طلحة" 15-02-2010 01:59 PM

اقتباس:

المشاركة الأصلية كتبت بواسطة أحلام مفقودة (المشاركة 1981242)
ماشاء الله الحلقه جميله جدا
وتعليقي عليها
اول حاجه زي ماقولنا هيا كان ليها مبدا
وهيا خلاص اتنازلت واكلمت وكده
طبعا هيا لما رفعت الانسه وشها من الجوال وشافت الافندي
ضحكت
هيا اللي فتحت الطريق اهو
لو كانت ماضحكتش ولفت وشها مكانش هيحصل كده
يبقي من الاول مانبصش اصلا على حاجه ماتهمناش
تاني حاجه هوه جه وبدا يكلم معاها لو هيا مش عايزه ماتردش
او تقوله انا قولتلك مش عايزه اكلم مع حد
ثالث حاجه
يعني ايه ياخد الجوال من ايديها ويحط النمره ويتصل
مش عارفه تقوله لا
الصراحه انا مش عارفه اقول ايه في الحته دي
لان بجد فين شخصيتها ان هيا تسيبوه ياخد الجوال كده بالسهوله دي
دا كان تعليقي على الحلقه
يارب اكون ماطولتش عليكم
وربنا يرجع
لن يسبقني الي الله احد و الا رسول الله
بخير يارب ولعل المانع ان شاء الله خير
اسال الله ان يحفظكم من كل شر
وان يجعل الفردوس منزلكم

ماشاء الله لاقوة الا بالله جزاكم الله كل خير اختى على هذا التعليق

الاكثر من رائع اسعدنا مرورك جدا.

والحمد لله انا رجعت لموضوعنا تانى شكرا لسؤالك حبيبتى فى الله.

"أم طلحة" 15-02-2010 02:02 PM

اقتباس:

المشاركة الأصلية كتبت بواسطة أريــــ الجنة ــــد (المشاركة 1981304)
جزاكن الله خيراً

ولعل المانع خير ان سارة والا رسول الله مبيدخلوش جزاكم الله خيرا

وبارك الله فيكي يا رولا

بالنسبة للحلقة دي بقى ..

كان المفروض ان منى متفتحش معاه في الكلام أصلا

هي لو كانت صدته بأي كلمة كان قام مشي من بدري

أو كان ممكن تقوم من جنبيه خالص ..

كان ممكن تعمل أي حجة علشان تقوم من جنبه أو تقفل معاه في الكلام بمعنى أصح

متابعة معاكي يا حبيبتي

تسلمى يااختى على مشاركة

الطيب ومشكورة على سؤالك.ربنا يكرمك.

"أم طلحة" 15-02-2010 02:04 PM

جزاكم الله كل خير اخواتى على ردودكم الطيبة وتفاعلكم مع الموضوع

واشكر اختى رولا على مجهودها الطيب .

وانا دلوقتى ان شاء الله هنزلكم الحلقة الرابعة .

"أم طلحة" 15-02-2010 02:08 PM

الحلقه الرابعه.
 
كريم: مالك يا بني, سيب الموبايل مش هتتصل.
احمد: هي مين دي الي مش هتتصل.
كريم: ها هاي الي انت مستنيها.
احمد: انا مش مستني حد يتصل ,وبعدين مين قال انها مش هتتصل ؟
كريم : اهه يعني فيه حد هيتصل.
احمد: وانت مالك اصلا ياغلس .
*****************
منى :شيري ....شيري ..
شيرين: مينوووو .
اقبلت شيرين وقبلت منى على وجنتيها
شيرين: انتي فين يا كلبة.
منى:انتى عالطول كده الشتيمه فى بقك , و بعدين انتي الي مبتسأليش .
وبعد ان قاربتا على انهاء حديثهما قالت منى
منى: اه على فكرة , احمد امام عايزك ضروري .
شيرين: ودا عايز ايه دا كمان ضروري كده .
*****************
شيرين : انت ياواد انت.
احمد: بت يا شيرين , ازيك انتي فين؟
شيرين: كنت مسافرة , ايه اخبارك؟ عايزني في ايه؟
احمد : عايزك ايه؟
شيرين :انت مش قلت لمني تبلغني انك عايزني ضروري .
احمد: لا انا .......أهههه....لا ولا تحطي في دماغك.
شيرين: ايمو .... جري ايه , انت هتعط من ورايا؟
احمد : ههههه.. لا يا بنتي مفيش حاجة.
شيرين: احمد يا امام انا بتكلم بجد ابعد عن مني دي بنت ناس.
احمد: منى ايه وعيال ايه يا بنتي انتي , وبعدين ايه يعني بنت ناس هو انا الي كنت اعرفهم ولاد ايه.
شيرين: لا دي مؤدبة ومش حملك لو فيه حاجه في دماغك ياريت تطلعها لو سمحت.
احمد: يا بت بجد مفيش حاجة.
شيرين : اصل انا مش عرفاك , ايه مالك؟ ايه الي هيموتك عليها كده , انها مؤدبة , وحياة ابوك تخليهالي كده دي امانة.
احمد: يعني ما هو انا لو مستلمتهاش هيستلمها غيري , هي داخلة كلية شرعي؟؟.
شيرين: ايمو ... عشان متخسرنيش , شوفلك حدوتة تانية اليومين دول.
احمد: انا اقدرارفضلك طلب ياقمر.
******************
سارة : مين دا يا بنتي الي اداكي نمرته انتي بتهزري, دا واد تنك جدا وما افتكرش انه هيديكي رقمه.
منى: والله العظيم اخد موبايلي من ايدي كده بالظبط وكتب نمرته , اتصلك بيه يعني عشان تتأكدي.
سارة: اكيد عشان كان عايز شيرين في حاجة , وعشان كده بس عمل كده.
منى: يا بنتي كان باين اوي انها حجة, انا مش هبلة.
سارة : طب وانتي عملتي ايه بالنمرة؟
منى: مسحتها اول ما مشي .
سارة: يخرب عقلك انتي اتجننتي .
منى : يعني كنتي عايزاني اعمل ايه يعني؟
سارة : معرفش بس مكنتيش تعملي كده دى نمرة احمد امام يا بنتى .
سكتت مني قليلا ثم قالت
منى :و انا اعماله ايه يعنى , بس عموما انا حفظت النمرة قبل ما امسحها
*****************
*جبت جون ياواد يا ايمو

"أم طلحة" 15-02-2010 02:09 PM

تمت بحمد الله

فى انتظار ارائكم الرائعة.

استودعكم الله

السلام عليكم ورحمة الله وبركاته.

أريــــ الجنة ــــد 15-02-2010 03:48 PM

بوركتي يا حبيبتي "الا رسول الله "

انا اللي مضايقني .. انها بتدلع الولد أحمد بــ "إيمو" :d

المفروض ان ده دلع ايمان :d

لا بجد

حلقة مشوقة

ومتشوقة لأسمع الباقي ..

بس منى غلطانة انها تحفظ النمرة قبل ما تمسحها ..

طالما حفظتها يبقى ده بداية غير مبشرة بخير


جزاكن الله خيرا

متاااااااابعة ان شاء الله

أم عمار قائد الأحرار 15-02-2010 06:05 PM

اقتباس:

المشاركة الأصلية كتبت بواسطة "إلارسول الله" (المشاركة 1982613)
جزاكم الله كل خير اخواتى على ردودكم الطيبة وتفاعلكم مع الموضوع

واشكر اختى رولا على مجهودها الطيب .

وانا دلوقتى ان شاء الله هنزلكم الحلقة الرابعة .


نورتي حبيبتي الله يكرمك

أم عمار قائد الأحرار 15-02-2010 06:08 PM

اقتباس:

المشاركة الأصلية كتبت بواسطة أريــــ الجنة ــــد (المشاركة 1982963)
بوركتي يا حبيبتي "الا رسول الله "

انا اللي مضايقني .. انها بتدلع الولد أحمد بــ "إيمو" :d

المفروض ان ده دلع ايمان :d

لا بجد

حلقة مشوقة

ومتشوقة لأسمع الباقي ..

بس منى غلطانة انها تحفظ النمرة قبل ما تمسحها ..

طالما حفظتها يبقى ده بداية غير مبشرة بخير


جزاكن الله خيرا

متاااااااابعة ان شاء الله



بأذن الله تعجبك باقي الحلقات

اسعدنا مرورك

أم عمار قائد الأحرار 15-02-2010 06:12 PM

اقتباس:

المشاركة الأصلية كتبت بواسطة alea2009 (المشاركة 1981139)
جزاكم الله خيرا على هذه القصة الرائعة


وجزاكي مثله ان شاء الله

اسعدنا مرورك

أم عمار قائد الأحرار 15-02-2010 06:18 PM

انتظروناااااااااااااااااااااااا في الحلقه القادمه

alea2009 15-02-2010 07:42 PM

جزاكم الله خيرا ونورتى يا حبيبتى (الا رسول الله)
وتعليقى على الحلقة ان المفروض منى تمسح رقمه اساسا ومن الاول من غير ما تحفظه
ومنتظرين باقى الحلقات ان شاء الله

Rera 16-02-2010 03:06 AM

قصة تحفة اوى اوى اوى

جزاكم الله كل خير على الافادة الرهيبة دى
النصيحة بتوصلوها بطريقة جميلة

بالله عليكم متتاخروش علينا بالباقى
انا عايزة اعرف ايه اللى حصل بفارغ الصبر

أم عمار قائد الأحرار 16-02-2010 06:52 PM


الحلقه الخامسه



ما زادت تحذيرات شيرين احمد الا فضولا, ومازاده الفضول الا رغبة في التقرب من منى , ورغم وعده شيرين انه سيترك مني في حالها , الا انه قرر ان ينتقل بما بينهما الي قليل من الخصوصية , فقرر الاتصال بها.
*****************
تسمرت مني امام تليفونها والهاتف يرن ,لقد تعرفت على الرقم جيدا, فقد حفظته رغم انفها ,ماذا عساها تفعل؟؟, ترددت قليلا قبل ان تصمت صوت الهاتف لتتركه وتبتعد.
*****************
لم ترد , ماذا افعل ؟, لا لليأس سأتصل مرة أخري ,مالذي سأخسره ؟ , ليس هناك شيء غير عادي , اني اتصل بها لاسأل عليها لا غير .
*****************
لا ....غير معقول انه مصر, حسناً ...سأرد ,مالذي سأخسره؟ ,ليس هناك شيء غير عادي , سأرد لأعرف ماذا يريد.
*****************
مني بصوت مرتعش
منى: ....الو.
احمد: مني ؟
مني : ايوة مين معايا؟
*انا هعمل نفسي مش عارفة
احمد: انا احمد امام .
*ايه الكسوف دا ياريتني ما اتصلت
مني: اه ازيك ؟ اخبارك ايه؟
احمد: الحمد لله انتي ازيك؟
منى :تمام , ايه فيه حاجة؟
قال وقد بدا عليه شيء من نفاذ الصبر والغيظ الي شعر به
احمد: يعني هو فيه حد في الدنيا بيقول الو فيه حاجة؟
مني :ههههه لا والله عادي انا بس قلت فيه حاجة.
* خفي يا مينو شوية على الولد دا شكله ظريف و مفيهاش حاجه يعنى لو اتكلمتى بلطف شويه
احمد :لا يا ستي انا مش متصل عشان حاجة , انا متصل اسأل عليكي.
منى:...............
* اوباااا
*ايه يابو حميد متسكتش حور
احمد: مش انا النهاردة شفت ميرنا صاحبتك
منى: اه .... بجد؟
احمد: انتو هتطلعو الرحلة؟.
منى : رحلة ايه؟
احمد: العين السخنة , انتي مش طالعة , دي ميرنا قالتلي النهاردة انكو طالعين.
وطبعا كان هو الذي ارسل كريم ليقنع ميرنا واصحابها واستغل الامر
منى : مش عارفة ؟ هسأل ماما .
*متزنش خليها تيجي منها.
احمد: طب لوهتطلعي ابقي بلغيني عشان اظبتكو قبل العدد ما يبقي كومبليت .
منى: اوكاي.
احمد : ماشي يا موني , عايزة حاجة؟
* اههه احنا فينا من موني
منى : لا شكراً , سلام .
احمد: ايه دا انتي عايزة تقفلي كده ليه ؟
منى :...... مفيش , عادي.
احمد: هو كل حاجة عادي, ما علينا هبقي اكلمك تاني, باي باي.
واغلق السماعة وكلمة " هكلمك تانى " ترن في اذنها.


جميع الأوقات بتوقيت GMT +2. الساعة الآن 12:37 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.