شكرا مسيو إيهاب على مجهودك الكبير نا فعلا ً كتبت فاكسات وموقع عليها كل زمايلى في المعهد وكتبت فيها تظلم عن العجز في المرتبات ومحو الأميه وامتحانات الكادر وال icdl
ياريت نكون ايد واحدة ياجماعة انشاء الله هاكتب شكوة تانية وارفعها ع المنتدى علشان الكل لا زم يبعتها
مسيو حامد مدرس اللغة الفرنسية بمنطقة المنيا

ياريت تخلى الاستغاثة من غير توقيع حد ومن غير اسم أى معهد خليها باسمنا كلنا المتعاقدين
علشان نضمن كلنا ان اكبر عدد هيبعت من غير خوف ولا تردد
ثانيا لازم تذكر حديث رسول الله الذي رواه الامام أحمد (اللهم من رفق بأمتي فارفق به ومن شق على أمتي فشق عليه)

ربنا معاكوا يا رب واحنا معاكوا بردة :d

على فكره عندنا فى المنصوره بياخدوا الافاده معتمده من المركز +صوره من الاسكيل كارد

لحين صدور اصل الشهاده

نفس القصة فى اسوان الى ان قرروا استلام الأصل فقط

احنا فى الشرقية بيستلموا الأفادة فقط لحين صدور الشهادة ولسه برضوا بيستلموا الأفادة
بس أحب أقولك طالما قطاع المعاهد أبلغ بعض المناطق بعد استلام الأفادة فده بيعنى ان الدور جاء على منطقته وهيحصل ربكة لأن باختصار مفيش ثيادات إدارية فى الأزهر الأزهر قلعة العلم ومنارة اللتنوير ولكن للأسف غالبية الموظفين فى المناطق والقطاع يعانون من عدم الفهم والتعصب الأعمى لرأيهم دون قبول الرأى الأخر

انا كمان قدمت في شهر يناير الافادة وصورة من الاسكيل كارد في المنصورة

المنطقة أرسلت لمعهدنا من فترة تطلب :
4 صور لنتيجة كادر المعلم المسا
2 صورة شخصية
2 صورة من الإفادة وصورة الاسكيل كارد
كما أنهم الآن يطلبوا البيانات ليصبح الراتب ب الفيزا كارد
فكيف يرفضوها وهم من طلبها ؟؟؟؟؟؟؟؟

كن ايجابيا
 

رفعت لكم صورة من التظلم قم بطباعة وتوزيعها على زملائك وارسالها بالفاكس ليتوقفوا عن تلك الإجراءات حتى لا نفأجا يوم بهم يطلبون شهادة التويفل

دي تجربتي انهاردة في منطقة الشرقية الازهرية

قابلت الاستاذ ابراهيم الهابط في قسم الكادر وطلع راجل قمة في الاحترام والذوق
اخذ مني الورق كامل واصل شهادة الكلية واصل شهادة الميلاد بالاضافة لبيقية الاوراق المطلوبة وافادة icdl وقال القاهرة مانعة حكاية الافادات دي ورجعوها قبل كده بس احنا بنستلمها وبتمضي على اقرار انك تجيب الشهادة الاصل وقت وما تطلع (قلت في سري لما تطلع الشهادة يكون حلها مية حلال) رحت ماضي الاقرار ومسلم الورق وجيت
والحمدلله على كل حال

وعقبال باقي الاخوة المتعاقدين

اقرار أيه يا جماعة
ده حقنا اللهم بيعملوا معانا ده استعباط بجد
أنت أخدت الدورة وجبت أفادة أيه لازمة الأقرار
لو قرأت الاقرار هتعرف أنت مضيت على أيه
أنك مش هتصرف الكادر ولا هيتم الترخيص لك الا لما تحضر أصل الشهادة
أشمعنى التربية والتعليم محدش قال اقرار مش كفاية اننا بنسلمهم أصول الأوراق من غير اى ايصال فى حين أن التربية والتعليم استلموا أيصال لتسليم أصول الأوراق

سيبك أنت خليهم يعملوا فينا اللى هما عازينه أحنا اللى بنعمل كده فى نفسنا ولا عمرنا هنتثبت ولو بعد مليون سنة

على فكرة أنا أخدت الدورة وكنت رقمى رقم 9 يعنى أول الناس اللى سلمت وكنت أول واحد فى المنطقة يسلم الأفادة وممضتش على أى أقرار وكنت واخد معايه صورة من الكتاب الدورى وفيه أعضاء من المنتدى كانوا واقفين وانا بسلم الأوراق وشافوا أنا عملت أيه معاها كان رافض يستلم الأفادة

الاقرار مش مكتوب فيه كده
مكتوب انك لازم تسلم اصل الشهادة في حين صدورها

ربنا كريم يا أستاذ محمد
محدش تقريبا بعت الا ما رحم ربى عارف ليه لكن الكل متكل علينا
مش مشكلة خليها كده عايزين يرجعا الافادات ماشى مش عايزين يثبتونا ماشى عايز يقللوا المرتب ويخلوه 100 جنيه الحمد لله عايزين يفصلونا وكل شويه المدرسين يقلوا لك يا متعاقد ماشى الحمد لله