انا ضايع ف الأدب مش فاهم فيه حاجة , يا ريت لو تعرفى يا شيرين ملزمة ادب حلوة هنا هافهم منها لوحدى حطيها هنا معلش ؟

عمل أكثر من رائع
عمل منظم و هادف و مفيد
بارك الله فيك

http://www.thanwya.com/vb/showthread.php?t=161557

دى مذكرة ادب جميله للاستاذ شريف الشريف

وده لينك منهج العربى كله من قناة الرحمة

http://www.alrahma.tv/Pages/Liberary/ByCat2.aspx?Id=159&Par=0&Selected=false&formaktaba =0


وعموما الادب اصلا كله حفظ يعنى مش مهم تفهمه اوى حاول تحفظ بس

شرين انا عاوزه منك خدمه بجد انا محتاجه نظام الجدول ده كمان فى كل المواد
انا علمى ومحتاجه اوى انا بجد ماكنتش بذاكر خالص وابتديت اذاكر عربى لما حطيتى الجدول بجد انا بشكرك اوى وفكره
روعه جدا
بس ارجوكى ساعدينى واعملى ليا جدول مذاكره لجميع المواد مش العربى بس عشان بجد نفسى اذاكر بجد عشان خلاص الامتحانات على الابواب

ومحتاجه ملزمه المانى كويسه لو تعرفى تجبهالى هيا والكيمياء ملخص عشان انا ضايعه فى الالمانى

شكرا وجزالك الله كل خير

متخافيش ان شاء الله لسه فى وقت المهم الالتزام بس

وهنحل المشكلة دى واحدة واحدة

الاول مشكلة الكيميا

من الموقع ده هتنزلى حلقات الكيميا على المنهج كله ده صوت وصورة للاستاذ حسن زيدان
http://www.alrahma.tv/Pages/Programs...ls.aspx?ID=163


وكل يوم تشوفى شرح باب وتذاكريه هتبقى صعبة شوية بس انتى بتقولى ضايعه فى الكيميا

فلازم هتتعبى شوية

كل يوم باب شرح وانتى تذاكريه وتحفظيه وتحلى عليه كتاب المدرسة والدليل لو تقدرى

والباب التاسع ممكن تاخديه على 3 مرات

هيدروكربونات
كحولات وفينولات
استرات

يعنى على 3 ايام عشان الباب ده مهم جدا 40 فى الميه من الامتحان عليه

والعربى امشى على الجدول بتعنا

والرياضة لو انتى كويسة حلى امتحانات

لو مش كويسه

من هنا بردو تنزلى الحلقات

http://www.alrahma.tv/Pages/Liberary/ByCat2.aspx?PageIndex=2&Id=209&Par=0&Selected=fals e&formaktaba=0

لكن لو حد شرحمهلك قبل كده افضل تقرى الدرس وتحفظى القوانين و تحلى الكتاب المدرسى والدليل علطول

ويا ريت كل يوم درس رايضة تخلصيه عشان تحلى امتحانات

الالمانى

انا مش المانى انا فرنساوى بس هشفلك دلوقتى حاجات على الالمانى

الانجليزى بقى سهل

هما 18 يونيت ذاكرى كل يوم 3 ولما تخلصيهم ذاكرى كل يوم 2 فصل قصة

وان شاء الله نحل مشكلة الالمانى

ارجو انى اكون ساعدتك

ومتخافيش نقدر نوصل للى عاوزينه كله لسه فى وقت وفى فرصة:d

عربي مين يا عم اللي انت بتتكلم عليه دي مادة زبالة واللي احنا بنتعلمه ده مش عربي اقعد انا احفظ وادش ومش فاهم حاجة دي بلد زبالة واللي احنا بنتعلمه ده مش عربي انا اقعد احفظ في القصة كلها اللي بيتهيألي كده اكبر من من اي منهج تاني لوحده عشان في الاخر يجيبلي سؤال باربع فقرات يا عم عربي خليهولك يا عم ارحمونا بقى من المناهج والطريقة الزبالة بتاعتكو دي انتو يا مدرسين العربي مش فاهمين حاجة اصلا

انت رايح فين كده

اولا انا مش مدرسة ولا حاجه

انا فى 2 ثانوى زيك

وكلنا بنشتكى من العربى وانه فعلا مش عربى ده ماده حفظ صرف

بس انت لازم تعدى فيه وتخلصه

عاوز تغير يبقى تعمل اللى عليك وتحاول توصل لمكانه تخليك تقدر تغير اللى مش عاجبك

لكن هتقعد تشكى وخلاص

مش هتضر الا نفسك

مرسى اوى يا شرين بجد انا مش عارفه اقولك ايه
انا الحمد لله فى الرياضه كويس اوى وكمان فى الانجليزى
هوه بس الى فاضل الالمانى والكيمياء
اما العربى انا ماشيه على الجدول بتاعك والحمد لله قربت اخلص شويه
ربنا معانا يارب كلنا

فكرة روعة يا جماعة بس خسارة مش شوفت الموضوع من البداية بس ان شاء الله هضغط علي نفسي شوية واحصلكم في اللي فات مني جزاكم الله خيرا

ربنا يهديك فى مذاكرتك ويطهر لسانك

العربى من أعظم اللغات يكيفها شرفا انها لغة القرأن الذى نزل على رسول البشرية عليه الصلاة والسلام

أنا قولت أشارك بحاجة يارب تبقى مفيدة

جدول للمراجعة في كل المواد بجانب العربي ... بيعتمد في الأساس على جدول العربي اللي احنا ماشيين عليه بقيادة الفيلد مارشيل / شيرين ;) ( ياريت ما تزعليش :) )

وإن شاء الله هنمشي عليه زي جدول العربي .... ياريت بقى آرائكم

الجدول في المرفقات

الحمد لله تمام كده

يا رب