بوابة الثانوية العامة المصرية - مهزلة ... اليوم توقيع معاهدة لاقتسام مياه النيل بدون مصر والسودان

يا أستاذ عبدالله --- نقطه ومن أول السطر وكفانا ضياع فى الوقت وتعالى نتكلم بصراحه فى مشاكلنا الاولى لنا وبنا
قالوا فى ألأمثال يوضع سره فى أضعف خلقه
وحياتنا مرهونة بأضعف دولتين فى العالم اقتصاديا وسياسيا وعسكريا
ورغم كدا لم يهملوا من فكر عبدالناصر فساعدهم فى نيل الاستقلال وظلوا تحت المجهر فى كل تحركاتهم وخاصة على النيل
كم مرة حاولت اسرائيل التوغل بينهم ولكن المصريين كانوا يملاون الميدان الافريقى بل والفكر الافريقى
ولان وزير الزراعة كان فلاح ويعرف قيمة المياة --- ووزير الرى والتخطيط كذلك كانت الأنظار لاتهدأ عن المتابعة ومشاركة دول المنبع فى كل شىء كبر أوصغر---------- وكانت مصر بلد زراعيه أولا وتفتخر بذلك--
لكن الان لما تولى رجال الأعمال والصناع وزارة الزراعه والرى والتخطيط وغيرها وغيرها توجهت أنظارهم تجاه اللى مايتسموا فى أوربا وأمريكا وشلنا إيدينا تماما من إفريقيا وصار هناك فراغ - فنط القرد اللى كان مستنى الفرصة وملأ الفراغ بأحلام ومشروعات ستمولها الدول الصناعية التى فضلنا هم عن دول افريقيا الغلابة - ومن يتوهم أن السودان ستساندنا يبقى مع احترامى له فكره على قده لأن من معنا فقط شمال السودان - أما الجنوب والغرب فحدث ولاحرج من المؤا مرات ضد مصر وسيبك من الكلام الدوبلو ماسى اللى ودانا فى داهيه - وممكن تسأل أرض الوسط والجنوب السودانى مين كان بيزرعها ودلوقتى مين بيزرعها ولصالح مين
لما هددت اسرائيل بضرب السد العالى - جرينا وأمنا السد وحوالين السد وهى دى كانت السذاجه السياسية والنظر تحت الأقدام
وكانت المؤامرة شغاله فى شرق افريقيا واحنا رافعين حالة الاستعداد عند السد وكأن دى أخر حدود النهر--- ماهو الصانع لايهمه إلا كهرباء السد - لكن المياة مش محتاجنا هيشربوا وهياكلوا من مطاعم فرنسا والطيارات الخاصة زى الرز والأكل بييجى مولع -- أما أنا وأنت نشرب من البحر وربنا يتوالانا ---- لكن مايحزنى حقيقى عندما أجد مصرى ينعم بخير هذا البلد وتجده سعييييييييييييد عندما يتحدث عن هذا الموضوع بل ويطوعه لنشر فكره أو مساعدة مرشحه ولايهمه مقدار المصيبه اللى حلت بينا كلنا ----- والقادم أن أول أكذوبة هتصدر من اى مرشح للرئاسة هيكون ( سأحافظ لكم على مياه نهر النيل ) مش دى مصيبه -- النهر اللى بيجرى من ملايين السنين هيكون شعار لهدم نظام وإقامة نظام أخر -- ومن هنا أقول للأستاذ ابراهيم عيسى عيب عليك أن تهزأ منى(ليس بشخصى بل الملايين ) وأنا أبكى على ماسيحل بكل أهلى وناسى --( المصيبة إن كانت لاتبكيك فلاتستهزأ بمن تبكيه )وزى مابيقولوا الكبير كبير واللى معاه براشوت فى أى وقت يقدر يطير --- معاك براشوت يا أستاذ عبد الله ولا غلبان زينا -لكن المؤكد أن الأستاذ ابراهيم عيسى معاه بدل البراشوت خمسين وسلم لى على محاربة الفساد والمفسدين - وشكرا مع الاعتذار للإطاله