انا صح لسه هدخل تانية ثانوى السنة دى بس اقدم مستر للاحياء دخلنا واحنا بنكتب الاستمارة وقلنا محدش ياخد الاحياء كمستوى لانها صعبة خالص ومش هتستفيد منها ولو درجة فممكن حضرتك تاخد عربىة او انجليزى

انا داخل تالتة السنة دى ومستر الاحياء بتاع الدرس قال محدش ياخد احياء كمستوى رفيع وبرضةمستر الانجلش قال نفس الكلام على الانجلش علشان صعب اووووى مهما كان مستواك

اه محدش ياجد احياء مستوى رفيع . انا خدها ومخدش غير درجة علشان جبت فيها 6 من 10 . بس الحمد لله مجموعي كان كويس ودخلت طب شبين من غيروه . احسن حاجة الانجلش كل اللى خدوه جابو 10 و 9.5 و 9 . العربي ناس كانت جايبه 8 و 7 و 9 . فـأحسن حاجة الانجلش

بصوا يا جماعة أنا هقول لكم رأئي كل اللى بيقول لكم ماتخدوش مستوى رفيع بيكون لسببن 1- أنه مش بيعرف يشرحه لأن المنهج ده محتاج واحد يكون فاهمه كويس ويقدر بالتالى يوصله.
2- لأنه منهج متقدم ومحدش من مدرسين أيام زمان درسه لأنه يتبع المناهج الحديثه.
وبيكون المدرس خايف تروح لمدرس احياء تانى يشرحه لك فيعجبك شرحه فتسيب المدرس الأصلى وتروح لمدرس المستوى وعشان كده بيكرهك فى مستوى الأحياء .
فأقول وهذه شهادة منى ولا أبغى بها سوى توضيح الحقيقة ان المستوى الرفيع مفيد جدا للطلاب خاصة المتفوقين واللى بإذن الله مجموعهم يدخلهم طب او صيدلة أو عموما المجموعة الطبية كما انه مثل أى مادة يحتاج الى المذاكرة مع حفظ بعض الأشياء وللحقيقة درجته مضمونة عن أى فرع آخر من فروع المستوى الرفيع حيث أن أى طالب بذل مجهود فيه وذاكره بما يرضى الله لايقل عن 8 درجات وأنا أقول ذلك بناء على خبرة 13 سنه تدريس مستوى رفيع أحياء
ولذلك فى النهاية أقول المستوى الرفيع فى الأحياء هو أفضل مستوى لطلاب العلمى وخاصة المتفوقين والمجهود الذي ستبذله فيه سيكون مفيد لك فى الثانوية حيث ان درجته غالبا تكون هى التى توجهك إلى كليتك كما أنه مفيد لك فيما بعد فى الكلية وخاصة للمتفوقين الذين سيدخلون الكليات الطبية. أما إذا كان هناك من سيدرس مستوى رفيع ومجموعه قليل فكل فروع المستوى متماثلة بالنسبة له.

جزاك الله كل خير يا مستر

أنا طالبة علمي علوم ورايحة 3 وبإذن الله هاخد أحياء مستوي رفيع

وربنا معانا يااااااااارب وزي ماحضرتك قلت معظم المدرسين بيخوفوا منه لأنهم مش بيعرفوا يشرحوه

والطالب المتفوق فعلا هو اللي هيجيب فيه درجة وهيستفيد منه لأنه بيدرسه

كحاجة يستفيد منها بعد كدة مش كماده ترفع مجموعه

وكل شئ بقدر ربنا وربنا يوفق الجميع

نداء عاجل الى مدرسى الاحياء
 

لو سمحتم انا داخلة سنة تالتة و واخدة مستوى احياء
محدش واخدة و بيقولوا عليه صعب و طويل
مع العلم انى بحب الاحياء و ده غير ان فيه ناس كتيرة بتقول محدش بيجيب اكتر من 5 و ان الامتحان فى 2010 كان صعب
ارجو منكم الرد ضروروى

نصيحة
مستوي عربي احسن

رجاء من الدكتور سنايبر
 

شكرا جزيلا يا دكتور سنايبر انا مش خايفة بس مفيش حد واخد مستوى احياء غيرى فى بلدنا
و كنت قلقانة فى الاول بس كلام حضرتك اقنعنى و انا بحب الاحياء جدا بس ممكن اى حاجة مفهمهاش فى المستوى حضرتك تبقى تشرحها لى؟

ارجوووووووووو الرد

أنا واخد أحياء مستوى بس ناوي مخدش فيها درس
بس للأسف كل ما أدخل هنا أخاف من الأحياء
ماعدا حضرتك الوحيد اللى شجعني

اسف على التطويل أستاذ physiology
بس هو المستوى طويل جدا زي مابسمع في المذاكرة
أنا شفت المنهج بس مش عارف !!
وشكرا تاني على الاهتمام

أنا عن نفسي كنت احياء في تانية والحمد لله ربنا اكرمني بمجموع كبير وبصراحة انا شايفة اني ما اقدرش اخد مستوي احياء لاني كده وكأني واخده ثلاث مواد علمية وده هيكون صعب اوي خاصة اني سمعت ان في رسومات كتيرة جدا فيها وانا الرسومات كانت بتاخد معايا وقت كبير اوي وان شاء الله هاخد لغة عربية