|
اقتباس:
أنت نورت منتداك |
خلاص
نشتغل في الزبالة أكرم من التدريس
|
الاستاذ الفاضل هيثم عبد ربه اولا احب ان احييك على اسلوبك الرائع بخصوص رايك فهو له مني كل تقدير واحترام رغم اختلافي معه وسبب اختلافي مع مقالك هو توقيتة !!!!!!!! نعم توقيته لو كان هذا الرأي قيل قبل تصريح وكيل الوزارة ونشر الخبر على موقع الاكاديمية لكان الرأي مقبول او لوكنت اجلتة لبضعة اسابيع قليلة (نهاية الشهر القادم او بداية شهر سبتمبر ) لكان رأي في محلة اما الان ونحن نرى بارقة امل فللاسف التوقيت سئ وهذا رأيي الشخصي اما بخصوص الرخصة الدولية فهي كمثلها من القرارات العجيبة التي طبقت على المعلمين المساعدين حصريا مثل مهارات اللغة الانجليزية وعلى الرغم من اعترافي انه قرار غير مفهوم من الوزارة الزام المعلمين المساعدين الحصول علية لمنحة رخصة مزاولة المهنة الا انني ارى ان المساوة في الظلم عدل اذا كان القرار خاطئ ولكنة منشور من يناير 2009 بالكتاب الدوري رقم 1 الصادر عن الاكاديمية لهذا التاريخ وعلى الرغم من ان الرخصة الدولية هي شرط اساسي للتقدم للاكاديمية اي دخول الاختبار الا ان الوزير يسري الجمل استثني الدفعة الاولى من هذا الشرط اي ان الدفعات القادمة لن تدخل اختبار الكادر قبل الحصول على الرخصة ( icdl ) وبقرار الوزير استطاع اكثر من 40000 الحصول عليها بعد الاختبار فهل يستوي من اجتهد وانفق النقود مع من يتكاسل اما بخصوص الحالات الخاصة فعليها التقدم بشكوى للوزارة لاستثناءها من هذا الشرط في النهاية هذا رأيي لا اكثر !!! |
لا فض فوككككككككككككككككك
|
اخي لنا جميعا الله في وطن ضاعت فيها كرامت ابناءه بفعل ابناؤه
لنفكر مرة اخري في وقفة 25/ 7 /2010 أمام الوزارة إحتياطاً لنقول مازلنا واعيين ومتذكرين ونحن هنا |
صراحة اوقات كتير بحتار افرح ولااقلق وازعل بس وصلت لقرار اخرهم معايا اخر شهر رمضان وطبعا مفيش وقفة يوم 25 عشان الكلام المكتوب على موقع الاكاديمية واللى فيه بارقة امل ومينفعش نعمل حاجة استباقية ممكن توقف حالنا وبعد كدة كل حد فينا يبقى يقول ممكن نعمل ايه عالاقل الدراسة هتكون بدات وطبعا احنا اللى مشغلين المدارس يعنى الضربة هتكون فى مقتل اما بخصوص مرمطتهم فينا وامتحان الانجليزى والرخصة الدولية انا عن نفسى الحمد لله بموت فى الانجليزى وشاطرة جدا فيه مع انى مدرسة عربى ومتهيالى ان فيه ناس كتير جدا فينا مستواها التعليمى عالى جدا فيه اما الرخصة اهوه الواحد اخد شهادة خلته كمان يقدر يتعامل بمهارة مع الكمبيوتر ويضيف لنفسه ولمادته وتزود اسهمه لو عاوز يكمل ماستر او يسافر برة صحيح اتبهدلنا فى التقديم ومواعيد الامتحانات والمذاكرة بس تعالو نبص لها بشكل متفائل شوية ان الحاجات دى لمصلحتنا وان دى ادوات المعلم فى العصر الحديث وانك لو استغليت الحاجات دى بتضيف لنفسك ولتخصصك وانك مش اى معلم وان ممكن الحاجات دى تاثر فى صورة المعلم المهزوزة شوية فى مجتمعنا وحقيقى المفروض ميبقاش فيه مساواة بين اللى اشتغلو بجد وسافرو واتبهدلو وصرفو فلوس والناس المأنتخة اللى مش عايزة تعمل حاجة كل واحد يتحمل نتيجة كسله او تكبير دماغه واللى تعب يكافىء وطبعا اللى عنده ظروف قوية زى المرض ممكن يستثنى مفيش ادنى مشكلة وعموما اهو رمضان عالابواب وهنحيى لياليه بالذكر والدعاء ودعوة جماعية بظهر الغيب اننا نتثبت كلنااااااااااا وربنا يوفقنا على اخذ حقوقنا واننا بجد هندافع عنها
|
بجد مش عارف أقول ايه؟
بس مش حقول غير ( يـــــــــــــــــــــــــــــارب ) |
ان شاء الله ربنا حيوفقنا
وان شاء الله خير |
الفرصة الأخيرة
اعتقد أن هذه المرة هي الفرصة الأخيرة للوزارة المحترمة لتفي بوعدها . وبالتوفيق للجميع |
في البداية اوجة شكري الي كلالاعضاء الكرام واحب اقول ان لو لاقدر الله محصلش التثبيت كما تقول الحكومة يجب علينا كلنا نقوم بوقفة او اعتصام جماعي امام الوزارة ونحدد يوم للوقفة كما كانت محددة يوم 25/7
|
اقتباس:
|
بعيدا عن الموضوع
الاستاذ محمد عاشور ....والاستاذ محمد طعيمة /
ذكر كل من سيادتكما تعليقا على موضوعى المغلق ...رسالة الى اعضاء المنتدى ..ومن قبله موضوعى المحذوف ...معلم مساعد يناجى حبيبته .....ان المنتدى يكفل حرية الراى ..أين ذلك سيداى مع موضوع محذوف ثم طرحه الاخ محمد عاشور فى تعليقه ..مالجدوى اذن من حذفه ..ان كان موجودا على الموضوع ..هل الفكرة الايعلق عليه الاعضاء ...؟ارجو التوضيح ثم موضوع اخر مغلق لسبب غير مفهوم ثم ذكر احدكما انكم تتلقون الفاظا نابية وشتائم لاتليق ماعلاقتى انا بهذا ...انا اعلم حدودى جيدا ...كما ان عبارة حريتك تنتهى عندما تبدأحرية الاخرين ...عبارة لا محل لها من الاعراب لانى لم اتعد على حرية احد واخيرا متفق انا فى حذف الموضوعات التى تنطوى على الفاظا نابية او مسيئة فهذا ارفضه بل امقته ...ولا اجد فيما ارسله او اكتبه اى من ذلك فما حجة الحذف والغلق.......سيداى انتما باشرافكما على المنتدى كعساكر المرور تنظمون المسير حتى لايتخبط السائرون والراكبون فى بعضهم البعض لكن لايمكن ان تفرض كعسكرى مرور ان يكون لون السيارات التى فى الشارع جميعها بمبى والناس كلها تلبس وردى وهى ماشية ..المهم الالتزام بقواعد المرور ...ارفعوا ايديكم سادتى عن الافكار حتى لايتسلل الاعضاء واحدا تلو الاخر خارج المنتدى ضيقا من الوصاية على الافكار |
معلم مساعد يناجى حبيبته
ياحبيبتى ياملاكى ألف مرة قلتهالك ان احلامى معاكى حلم تايه ..حلم هالك .................... حلمنا الأول بمسكن بدده سعر الحديد أصل جايز "عز"ممكن قلبه جامد من حديد .................... واما كان الحلم شبكة الدهب اسعاره طارت قلت طيب تيجى شركة طب ابوكى فجأة ساكت ......................... طب حلمنا بالوظايف حتى ناكل بس عيش مصمص الباشا الشفايف ثم قال :منين مفيش ..................... طب حلمت انى اسافر يعنى اجيب لى كام ريال خد فلوسى ندل كافر من بتوع المولى قال ....................... طب حلمت انى اهاجر امشى واتسوح بعيد افتكرت البحر غادر وف بحورنا الموج شديد ..................... ياحبيبتى اعذرينى لسه باقى حلم طايش نفسى اصرخ وتسيبينى حتى احس بانى عايش ..................... قلم / هيثم عبدربه هذا هو موضوعى المحذوف من قبل الادارة بحجة انه موضوع لايعبر عن التفاؤل |
اقتباس:
الحرية الا تفرض فكرك على الناس انا عاوز اعرف القصيدة دى لية السبب ممكن اسالك اية الياس والاكتئاب دة كله لية |
اقتباس:
عين العقل ولا فض فوك!! |
| جميع الأوقات بتوقيت GMT +2. الساعة الآن 02:26 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.