|
جزاك الله كل خير
|
جزاكم الله كل خير اختى اسرعى شوية فى اكمال الحلقات للنهاية لو سمحتى
بارك الله فيكم |
ما شاء الله
والله العظيم الموضوع روعة جزاكم الله كل خير |
الحلقةالسادسة عشر
عبدالرحمن:انا نفسي يامحمد اقولك حاجه من اول مابدات احكيلك الحكاية محمد:خير عبدالرحمن:بصراحه يامحمد انت اللي دخلك طب ظلمك وظلم الناس اللي هتقع تحت ايدك ربنا يكون ف عونهم محمد:ليه كده بس ياعبده انا عملت ايه عبدالرحمن:كل ده وماعملتش امال لو عملت هتقول ايه اكتر من كده محمد:ايه ياعبده والله انا بحبك اوي ونفسي بجد نبقي اصحاب طول العمر وعايز اطلب منك طلب عبدالرحمن:طلب ايه محمد:مش هتضربني عبدالرحمن:اما اشوف قول بس .. يارب صبرني محمد:انا كنت عايز يعني اننا نبقي نسايب عبدالرحمن:نعم بتقول ايه............... نسايب يعني ايه محمد:هو انت عندك اخوات تانيه غير اسماء عبدالرحمن:اسماء ..........تعرف اني مش طايقكوا انتوا الاتنين بس بصراحه ان خايف علي البشريه من نسلكم ..........لا كفايه كده اوي سيبك من موضوع اسماء دلوقتي وبعدين هي البت هتعنس جنبك انت لسالك كتير اوي يابني ...........وبعدين يعني انت لما تشتغل هتاخد ايه يعني محمد:يعني إيه عبد الرحمن:يعني يابني اسكت وخليني اكمل حكايتي انت لسه في سنه اولي محمد:استني بس عبدالرحمن:اعقل يامحمد الله يهديك لما تكبر وتعقل نبقي نتكلم في الموضوع ده محمد:اعقل ليه هو انا مجنون عبدالرحمن:لا ابدا انا اللي مجنون اسمعني بئي محمد:كمل ياسيدي عبدالرحمن:انا لما روحت الجامع وكلمت الحاج حسين وقلتله انا مقدرش علي الطريق ده صدقني الحاج حسين:بص يابني ياحبيبي انا مش عايز اسمع منك كلمه مقدرش دي ابدا عايز اسمعها منك في حاله واحده بس عبدالرحمن:حالة ايه الحاج حسين:عايزك تقول مقدرش ......مقدرش يارب اعصيك ابدا مش هسمحلك تقولها الا في الحاله دي بس انا عايز يبقي شعار حياتك دايمابسم الله الرحمن الرحيم(إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ15)) ماشي ياعبدالرحمن انا عايزك تسمعني كويس فاكر الحرب اللي قولتلك عليها عبدالرحمن:ايوه فاكر الحاجحسين:الحرب دي بئي هتكون بينك وبين نفسك والشيطان والمعاصي والناس كمان كل دول مش هسيبوك في حالك بعد ماتتوب عبدالرحمن:حرب انا .......مق.. الحاج حسين:ماتقولش مقدرش........هتقدر ان شاءالله عبدالرحمن:طب واعمل ايه الحاج حسين:انت سبت المعاصي وبعدت عنها اه لكن المعاصي دي لسه في قلبك يعني مهمتنا دلوقتي قلبك ......قلبك ياعبدالرحمن الورم الخبيث ده في قلبك عبدالرحمن:انا عندي ورم خبيث امتي ده الحاج حسين:ايوه ورم المعاصي والذنوب اللي لو ماقضيتش عليها هي اللي هتقضي عليك وتموت قلبك وتموتك انت لما تدخل طب ان شاء الله هتعرف ان الورم الخبيث في اي مكان في الجسم الدكتور الشاطرلما ييجي يعالجه لازم يقطع الورم ويشيله تماما وكمان ياخد جزء سليم من جنب الورم ويقطعه عشان يقلل نسبه رجوع المرض مره تانيه انت لازم تعمل العمليه دي وحالا قلبك لازم ينضف عشان يصلح لحب الرحمن خليك معايا واحده واحده كده وماتملش ابدا.....ماشي هسألك شويه اسئله ورد عليا الحاج حسين:انا لو بعتك في مهمه مدتها ساعه واحده بس ومقابل المهمه دي هديك قدر كبير من المال ولو مانفذتش المهمه هحرمك من المال ده وهزعل منك هتعمل ايه في الساعه دي عبدالرحمن:اكيدطبعا هركز عشان ألحق اخلص اللي طلبته مني قبل ما الوقت يخلص الحاج حسين:طب في الساعه دي هتدي لسها ميعاد او هتتسلي بسماع اغنيه او فيلم اووو اي حاجه تشغلك عن المهمه عبدالرحمن:لا طبعا انا مقدرش علي زعلك والله الحاج حسين:طب كويس طب انت ترضي تقعد في بيت خراب عبدالرحمن:لا طبعا الحاج حسين:كويس اوي طب انت لو معاك اسفنجة مليانه ميه مش نضيفه هتعمل فيها ايه عبدالرحمن:هعصرها عشان تنزل اللي فيها وبعد كده اغسلها الحاجحسين:كويس اوي يابني سؤال كمان انت لو نويت تبني عماره وخلاص رميت الاساس وبدأت تبني فيها لو حد جه يهدها هتسيبه عبدالرحمن:لا طبعا بعد التعب ده كله اسيبه ازاي الحاج حسين :ماشي اتفقنا عبدالرحمن:اتفقنا علي ايه..... الحاج حسين:علي الكلام اللي قولتهولك عبدالرحمن:يعني ايه انا مش فاهم اي حاجه .. مهمة إيه دي .. وإيه دخل الاسفنجة والمية بالعمارة الحاج حسين:هفهمك يابني ركز انت بس معايا امشي معايا واحده واحده كده لحد الاخر عارفه المهمه اللي سالتك عليها دي ايه دي مهمتك في الدنيا عارف انت مهمتك في الدنيا انك تعبد ربنا وتجمع حسنات عشان تدخل بيها الجنه والساعه اللي قولتلك عليها دي عمرك بس للاسف انت مش عارف هو هيخلص امتي فاكر محمود الله يرحمه.... عارف انت لو مانفذتش المهمه .... مش هتتحرم من مال او جاه لااااااااا دانتا هتتحرم من الجنه...الجنه ياعبدالرحمن وعارف انا لو زعلت منك عادي انا لااساوي شئ في ملك الرحمن لكن لو ربنا غضب عليك بتفريطك في المهمه اللي خلقك عشانها هتعمل ايه هتعمل إيه وقتها يوم لا ينفع مال ولا بنون وعارف البيت الخراب اللي انت ماترضاش تقعد فيه ايه هو عبدالرحمن:ايه الحاجحسين: ده قلبك اللي خربته بالمعاصي وزي ماانت ماترضاش تقعد في بيت خراب ولله المثل الاعلي ربنا مايرضاش بقلبك ده ابدا يعني زي ماقولتلك مهمتنا قلبك عبدالرحمن:طب والاسفنجه دي ايه الحاج حسين:برده قلبك عبدالرحمن:برده قلبي ايه حكايته قلبي الحاج حسين:ايوه قلبك ده حكايه اسمع كده يقول الرسول الكريم صلي الله عليه وسلم (ألا إن في الجسد مضغة إذا صلحت صلح الجسد كله، وإذا فسدت فسد الجسد كله ألا وهي القلب) رواه[البخاري ومسلم) يعني لازم قلبك اللي يتصلح الاول لان صلاحه هيصلح باقي الجسد يعني قلبك ده عامل زي الامير وباقي الاعضاء والجوارح خدم عنده يعني قلبك ده هو اللي بيأمر وينهي عبدالرحمن:طب وانا هعصر قلبي زي الاسفنجه ازاي ده الحاجحسين:ايوه لازم قلبك يتعصر عشان ينزل كل المعاصي اللي فيه وينضف عشان يصلح لحب الرحمن عبدالرحمن:قلبي هيتعصر الحاج حسين:اه العصره دي بتدل اصلا علي حياة قلبك عبدالرحمن:يعني ايه اصلا قلبي يتعصر محمد:هههههههههههههه يعمل عصير قلب حلوه حلوه هههههههههههههههه ابئي اديني شويه عصير قلب واتوصي والله ياواد ياعبده دمك خفيف عصير قلوب قال عصير قال ممكن برده تضيف عليه حبه كلاوي يبئي كوكتيل ايه..ماقولكش عبدالرحمن:وعايز نبئي نسايب لا كفايه نبئي اصحاب كفايه اوي محمد:ليه كده بس دا انا بحبك هات حبه عصيربئي عبدالرحمن:عصير في عينك امشي من وشي والله ماانا مكملك انهارده باقي الحكاية محمد:استني بس عبدالرحمن:انا لو فضلت كمان شويه معاك هينقلوني المستشفي اوعي سيبني انا ماشي محمد:استني بس ياعم هديك حساب العصير استني بس صحيح امتي عملت العمليه اللي بتقول عليها ااااااااااه انت سافرت السعوديه عشان تعملها هناك يعني.... .ماترد عليه ياعبده مش هقاطعك تاني خلاص يتبع ان شاءالله |
اختي (محبة اللغة)
معلش مش بقدر انزل غير حلقة واحدة اصل مش بقدر ادخل واطول عشان ورايا امتحانات اليومين دول والكلام بياخد وقت شوية مني عشان بعيد كتابته وتنسيقه لأن الكلمات بتبقى شابكة ف بعض لما بحطه مرة واحدة ومتستعجليش هي كده كده الحلقات كتير ويارب يكون حد استفاد منها |
اقتباس:
شكرا اختى اروى على ردك وربنا يوفقك بجد ده احلى مسلسل مش عايزة اقول مسلسل لانه فعلا حقيقة وواقع قراته فى حياتى صدقينى كل كلمة وحرف ليها اثر كبير اوى بل ودموع احيانا ما علشى يا اروى بس على ما تقدر تنزلى يا ريت تنزلى وانا متابعه معاكى للاخر ان شاء الله بس انا كنت مستعجلة لانى كمان مشغولة انا بقيت بدخل دلوقتى القسم علشانك والله جزاكم الله خيرا واعانك على الخير ووفقك ان شاء الله |
الحلقة السابعة عشر عبدالرحمن: ازيك يامحمد ايه اخبارك محمد:والله بجد.......... بعد ما مشيت وسبتني امبارح لااااااااااااا ولك عين ترن عليه كل صلاه لا بجد كتر خيرك عبدالرحمن:ايه يامحمد ماانت اللي بتنرفزني بكلامك وعلي العموم ياسيدي حقك عليك خلاص بئي محمد:خلاص ياسيدي سماح المره دي........ ها هتكملي الحكايه امتي عبدالرحمن:بعد المحاضرات ........ماشي اتفقنا محمد:ماشي ياسيدي وبعد انتهاء المحاضرات عبدالرحمن:احنا وقفنا لحد فين امبارح محمد:مابلاش اقول احسن .........ماهو ده اللي زعلك عبدالرحمن:ااااااااااه لحد العصير محمد:ايوه..عصير القلب... كمل بئي عبدالرحمن:ماشي الحاج حسين:قلبك يابني لازم يتعصر انت صحيح سبت المعاصي وبعدت عنها بجسدك لكن المعاصي دي لسه ساكنه بقلبك يعني انت خلاص مش هتسمع اغاني ولا هتشوف افلام ولا هتتكلم مع سها وانا واثق من ده بس الحاجات دي لسه صوتها وصورتها في قلبك .. يعني الحجات اللي ف قلبك هي دايما اللي بتكون على بالك وعايشة جواك في احساسك ومش بتفارقك .. لأن قلبك خلاص شربها فهيكون صعب انك تتطلعها منه.. وكمان انت اتعودت عليها فهيكون صعب انك تسيب حاجة متعود عليها .. فلاااااااازم تدوس على نفسك جااامد عشان الحجات دي تبقى ولا حاجة بالنسبالك وتطلع من جواك نهائيا لازم يابني تقطع اي صلة بينك وبين الحجات دي العصرة اللي هتحصل في قلبك دي نتيجه لتوبتك فانت لما تتوب هتفقد حاجات كنت بتحبها ومعاصي اتعودت عليها قلبك بئي هيتعصر.. وهتحس بالعصرة دي انك سبت حجات كانت مش بتفارق قلبك .. فهتبقى تعبان شوية في البداية وهتحس ان قلبك بيتقطع ونفسك تعمل الحجات اللي بتحبها ومتعود عليها لكن انت بتمنع نفسك عنها بالعافية .. فهتكون في صراع وتعب شوية بس ده ف البداية بس نفسك وشيطانك هيقولولك واحناكان مالنا بس ماكنا كويسين مش كنت تتوب لما تعيش حياتك شويه وتتمتع بيها ......... وهيقولولك دايما انت ماتنفعش للطريق ده .. انت متقدرش ع الكلام ده وسوسه الشيطان دي يابني ليك هتدل علي حياة قلبك.... .قلبك فيه خير واالشيطان هيحاول ينزعه منك بس انت بئى مش هتديله فرصة وهترمي كل الوساوس دي وبرضه تستمر وتصبر على نفسك فاصبر علي العصرة دي شويه .. هتبقى متعبة بس اصبر وان شاء الله تنطلق بعدها والحرب اللي قلتلك عليها خلاص بدأت من اول انهارده عبدالرحمن:استني بس عليه انا مش مستوعب الحاج حسين:اصبر بس يابني وماتقولش صعب ومااقدرش شويه صبر بس انت لازم كمان تندم علي ذنوبك وتفريطك في حق الملك انت عارف انت هتتعرض لفتن بعد توبتك بس لازم تثبت يعني اهلك هيقولوا مالك يابني ماانت كنت كويس إيه اللي حصللك انت نفسيتك اتعقدت ليه انت هتبقى ارهابي ولا إيه طب وكمان الافلام والاغاني حرام كل حاجه عندك بقت حرام ووووووسها مش حرام عليك كده كسرت قلبها واصحاب زمان طبعا هيحاولوا يرجعوك لورا تاني هيقولوا فين ايامك كان مالك انت اتجننت في عقلك ولا ايه .. وكمان ممكن يتريقوا عليك ويشبعوك تريقة وكلام ..عشان كده حاول تبعد عنهم دلوقتي لحد ماتثبت والناس دول بئي موال تاني لانهم مش هيعجبهم اي حال ......دلوقتي هيقولوا خلاص الواد هيعملنا فيها شيخ وهيقولنا بئي حلال وحرام كل الحرب دي عشان تتميز عبداالرحمن:اتميز في ايه الحاج حسين:تتميز في توبتك توبتك دي كانت صادقه ولا اي كلام انا مش عايزك طبعا تبئي اي كلام انت هتتغربل عبدالرحمن:اتغربل وللااتميز الحاج حسين:الاتنين عبدالرحمن :يعني اعمل ايه الحاج حسين:بص يابني الحرب والفتن دي هي اللي هتميزك وتغربلك انت صادق وللا كذاب اسمع الايه دي بسم الله الرحمن الرحيم(الم (1)أَحَسِبَ النَّاسُ أَنْ يُتْرَكُوا أَنْ يَقُولُواآمَنَّا وَهُمْ لا يُفْتَنُونَ (2 وَلَقَدْ فَتَنَّا الَّذِينَ مِنْ قَبْلِهِم ْفَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ (3) فهمت الفتن دي ليه والحرب اللي هتقابلك دي ليه انا عايزك دايما تتدعي ربنا زي مالرسول عليه الصلاة والسلام بيدعي ربنا وتقول يامقلب القلوب ثبت قلبي علي دينك ) انت معايا ياعبدالرحمن عبدالرحمن:ايوه ايوه مع حضرتك بس انا هثبت ازاي علي الطريق ده وانا لسه مش عارف اي حاجه فيه خالص وكمان فيه عصره وحرب وفتن هقدر؟؟ الحاج حسين:ايوه هتقدر استعن بالله ولاتعجز الاول العمليه اللي كلمتك عليها لازم تتعمل الاول عبدالرحمن:عمليه ايه الحاج حسين :بيضرب علي قلبي بقبضه ايده هنا العمليه هنا الورم هنا لازم نستأصل المعاصي كلها لازم تتقطع وتتشال من قلبك مش هينفع تعيش والورم ده جواك لانه اكيد هياثرك علي باقي اعضاءك عبد الرحمن: طب اقطعها ازاي واشيلها ازاي الحاج حسين: بص يابني اول حاجة زي ما قولتلك اكبر حته ف الورم هي سها واحنا خلاص اتفقنا هتعمل ايه معاها وبعدين انا عايزك تمسح كل الافلام والاغاني وكل حاجة تبعدك عن ربنا من على الجهاز بتاعك تمسحها خالص ومتسيبش ولا حاجة منها نهائيا وكل المعاصي التانية اللي انت متعود عليها هتاخد قرار بانك تسيبها كلها عبدالرحمن:طب والجزء السليم ده ايه الحاج حسين:دي الحاجه اللي في حياتك اللي ممكن المعاصي توصلك من خلالها زي اصحاب السوء مثلا.. واهم حاجه طبعا انا خايف عليك منها...... هي سها قولي هو مين اقرب اصحابك ليك اللي ممكن سها توصلك من خلاله عبدالرحمن:محمد محمد:ايه ده هو هيعمل فيا ايه ........معلش يعني ده بيسأل عليا عبدالرحمن:هيقطعك وياريته قطعك للابدهههههه محمد:هيقطعني ليه انا عملت ايه حرام عليكوا عبدالرحمن: طبعا يامحمد انت اقرب اصحابي ليه وزيما انت قلتلي ان سها طول الاجازه كانت مزهقاك اسئله عليا فعشان كده كان لازم اقطع صلتي بيك انت كمان.. لان انت كنت الحبل اللي هيوصلني ليها ويوقعني تاني بعد ماوقفت علي رجلي كنتوا هتكعبلوني هههههه محمد:كعبله ايه احنا هنلعب عبدالرحمن:لا هنعمل العمليه الحاج حسين :خلاص هو محمد ده لازم تنساه دلوقتي لحدما تخرج من العنايه المركزه محمد:ايه ده انت دخلت المستشفي انت ليه ماتصلتش بيه عشان ازورك انا زعلان منك جدا انت غلطت في حقي كتير اوي قطعتني وكمان ماقولتليش علي ميعاد العمليه عشان حتي ازورك واعمل الواجب معاك عبدالرحمن:انت عملت الواجب وزياده محمد:طب وانت قعدت اد ايه في العنايه المركزه وعملت فيها ايه عبدالرحمن:هقولك بكره ان شاءالله يتبع ان شاءا لله |
كملي .. جميلة أوي .. جزاكي الله خيرا
|
الحلقةالثامنة عشر
عبدالرحمن:يامحمد ياحبيبي العناية المركزه دي كانت في المسجد مش في المستشفي محمد: المسجد طب وعملت ايه عبدالرحمن :هقولك الحاجحسين :انت يابني بعد ماهتعمل العمليه وقطعنا الورم من قلبك وقطعنا من حواليه جزء سليم لازم تدخل العنايه المركزه بعد العمليه ضروري احسن يحصل تدهور في حالتك عبدالرحمن :تدهور الحاج حسين :ايوه لازم تدخل العنايه المركزه ضروري عبدالرحمن :يعني اروح فين الحاج حسين :هتلزم المسجد وانا هتابع حالتك يوم بيوم لااااااااا ثانيه بثانيه عبدالرحمن: للدرجادي الحاج حسين :ايوه والله يابني بكره هتعرف ان امراض القلوب اشد واقوي بكتير من امراض الابدان ومحتاجة عناية اكتر لأنها مش بتشفى بسرعة عبدالرحمن :طب وهنعمل ايه في العنايه المركزه دي الحاج حسين :بص اولازي مانت عارف مريض العنايه المركزه ممنوع من الزيارات عبداالرحمن :ايوه الحاج حسين :الزيارات اللي انت ممنوع منها دي هي مخالطة اي حد هيرجعك لورا ولو ملي واحد اكيد طبعا انت ادري بيهم مني اتفقنا علي الشرط الاول واهم واحد ممنوع من الزياره هو محمد عبدالرحمن: اتفقنا محمد :محمد محمد هو انا عملت ايه بس عبدالرحمن: كفايه انك غلباوي اسمع بئى ومتقاطعنيش الحاج حسين :ثانيامش هينفع تاكل اي حاجه انت مريض لازم يكون لك اكل مخصص لحالتك المرضيه عشان تشفي باءذن الله عبداالرحمن :حتى الأكل .. يعني هاكل إيه الحاج حسين :علاجك في الفتره دي هيكون القراءن هو غذاء قلبك في الفتره دي لأن قلبك هو اللي مريض ولازم ينتظم على الدوا بتاعه وكمان على الأكل بتاعه عبدالرحمن :مش فاهم الحاج حسين :بص يابني انا عايزك تعيش قراءن........ يعني مش تسمع او تحفظ او تقرا وخلاص لاااااااااانا عايزك تعيش جوا الايات وتمررها علي قلبك عايزك تحس كل اللي بتقراه وتسمعه واللي بتحفظه صحيح بخصوص الحفظ احنا ميعادنا بكره ولا نسيت عبدالرحمن :لا طبعا فاكر وكمان هحفظ سورة ق انا حبيتها اوي الحاج حسين :تبارك الله....... ان شاء الله اسمعلك بكره عبدالرحمن :اتفقنا الحاج حسين :ماشي نكمل باقي العلاج ثالثا الادويه لازم تتاخد بانتظام وبمتابعه متكرره عشان مناعة القلب عبدالرحمن :ادويه !!!! وكمان هاخد أدوية .. أدوية إيه دي بئى الحاج حسين: أيوة يابني مش انا قولتلك إن قلبك لازم يشفى من الحجات اللي فيه لو عملت العملية وشلت الورم ومخدتش الأدوية دي حالتك هتتدهور تاني عبد الرحمن: طب والأدوية دي كتير يعني الحاجحسين :لا مشكتير واحده واحده......... انت هتاخد جرعه صغيره في الاول وبعد كده الجرعه هتزيدتدريجيا ان شاء الله الله أكبر الله أكبر الحاج حسين: طيب نكمل كلامنا بعد صلاة المغرب عبد الرحمن: ماشي وبعد الإنتهاء من الصلاة عبد الرحمن : مش هنكمل كلامنا أنا عايز أعرف الأدوية الحاج حسين :الادويه دي هتكون الذكر والصيام وقيام الليل عبدالرحمن :بس دي أدوية جامدة مش هقدر عليها وكتير الحاج حسين :لا مش كتير واحده واحده .. انت نسيت الكلام ولا ايه احنا قولنا الجرعة هتبقى صغيرة ف الأول وبعد كده هتزيد لما يكون قلبك خد ع الدوا عبدالرحمن :طب ايه فايده كل دوا من دول الحاج حسين: ياااااااااااااه فايده قول فوايد بص انا هقولك بعضها وانت ان شاء الله هتحس بباقي الفوايد لما تاخد الدوا عبدالرحمن :طيب ايه فايدة الذكر الحاج حسين : بص من فوايد الذكر أن الله عز وجل يباهي بالذاكرين ملائكته . أن الملائكة تستغفر للذاكر كما تستغفر للتائب . تخيل الملائكه تستغفر لك أن دور الجنة تبني بالذكر، فإذا أمسك الذاكر عن الذكر، أمسكت الملائكة عن البناء أن في القلب قسوة لا يذيبها إلا ذكر الله تعالى . أنه أيسرالعبادات، وهو من أجلها وأفضلها . متخيل ياعبدالرحمن كل ده من فوايد الذكر وطبعا هي كتير دورعلي الباقي لاني مش هلحق اقولهم دلوقتي عبد الرحمن :طب ايه فوايد الصيام انا هصوم كمان الحاج حسين :ده الصيام بئي ده مهم جدا لحالتك .... فقد ثبت عن النبي صلى الله عليه وآله وسلم أنه قال يا معشر الشباب من استطاع منكم الباءة فليتزوج ومن لم يستطع فعليه بالصوم فإنه له وجاء عبدالرحمن: يعني ايه الحاج حسين :يعني دلوقتي انت زي ماقولتلي انت مش هتقدر تتجوز سها دلوقتي صح ........وانت في الفتره دي لازم هتبعد عنها ولازم تتغلب علي كده بالصوم وبعدين الرسول صلي الله عليه وسلم كان بيصوم يوم الاثنين والخميس لان الاعمال ترفع الي الله في اليومين دول عشان كده الرسول صلي الله عليه وسلم كان بيصومهم لانه قال صلي الله عليه وسلم احب ان يعرض عملي واناصائم خلاص اتفقناهنثبت اثنين وخميس عبدالرحمن ربنا يسهل ان شاء الله ..وإيه كمان الحاج حسين :هي كده بس فوايد الصيام دا كمان الصايمين يوم القيامه بيدخلوا من باب الريان عبدالرحمن: خلاص ان شاء الله اصوم الاثنين والخميس وايه فوايد القيام انا كمان هقوم الليل!!! الحاج حسين: ان شاء الله ده قيام الليل ده علامه علي حبك لربنا اسمع كده قال تعالى: { تَتَجَافَى جُنُوبُهُمْ عَن ِالْمَضَاجِعِ}[السجدة:16].ربنا بيقصد بكده قيام الليل وقال تعالى: {أَمَّنْ هُوَ قَانِتٌ آنَاء اللَّيْلِ سَاجِداً وَقَائِماً يَحْذَرُ الْآخِرَةَ وَيَرْجُو رَحْمَةَ رَبِّهِ قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ إِنَّمَا يَتَذَكَّرُ أُوْلُوا الْأَلْبَابِ} [الزمر:9]. أي: هل يستوي من هذه صفته مع من نام ليله وضيّع نفسه، غير عالم بوعد ربه ولا بوعيده؟ ! ها ايه رايك وكمان حث النبي على قيام الليل ورغّب فيه، فقال عليه الصلاة والسلام: {عليكم بقيام الليل فإنه دأب الصالحين قبلكم، وقربة إلى الله تعالى، ومكفرة للسيئات، ومنهاة عن الإثم،ومطردة للداء عن الجسد } [رواه أحمد والترمذي وصححه الألباني ( طبعا من غير كلام خلاص هتقيم الليل من اول انهارده عبد الرحمن :طب لما اعمل كده ايه اللي هيحصل الحاج حسين : هتخرج من العنايه المركزه وانت نبضك حب الله ونفسك ذكر الله وقرة عينك القرب من الله وهيبقي عندك مناعة ايمانية عبدالرحمن :مناعه ايمانيه ايه دي!!! يتبع إن شاء الله |
شكرا يا اروى على تعبك فى الموضوع جدا بس بجد انا بعتذر لانى ما قدرتش اصبر والحمد لله قدرت احصل عليها واكملها بفضل الله
واتمنى فعلا اكون فى يوم من الايام زى عبد الرحمن طبعا مش هقول هى ايه النهاية دى بس ربنا ينعم علينا جميعا بحبه الحب الحقيقى وحلاوة الايمان يا رب جزاكى الله خيرا بكل حرف كتبتيه ولكى جزيل الشكر وجعله الله بميزان حساناتك واكملى لباقى الاعضاء حتى يعم النفع اصلح الله من حالنا وحال شباب وبنات المسلمين وهدانا الله واياكم للخير والرشاد |
اقتباس:
الحمد لله انك قرأتيها كلها ... يارب يارب ربنا يكرمك ويرضى عنك ويحبك ويجعلك ممن يحبهم ويرضى عنهم ويكرمنا جميعا وأسأل الله أن ينفع بها .. ويفتح بها القلوب ..آآمين يارب.. ويجازي اللي كتبتها خير الجزاء ويجعله في ميزان حسناتها ويصلح أحوال شباب وبنات أمة النبي محمد(صلى الله عليه وسلم) سعدت بك كثيرا ويارب تبقي زي عبد الرحمن ... اعملي اللي عمله وستجدين النهاية الجميلة والتغيير الحقيقي كما حدث مع عبد الرحمن |
الحلقة التاسعة عشر
محمد:ايه المناعة الايمانيه دي كمان عبدالرحمن:هقولك يامحمد الحاج حسين:بص يابني انت هتخرج من العنايه المركزه بمناعه ايمانيه والمناعة الايمانية دي هتستمر معاك طول العمر باءذن الله عبدالرحمن:ولزمتها ايه المناعه الايمانيه دي وهي ايه اصلا الحاج حسين:بص اي انسان ربنا خلقه عنده مناعه ضد الامراض المناعه دي عمله زي حرس الحدود تتعرف علي اي ميكروب دخل الجسم وتهاجمه ونتيجه الهجوم دي بتتوقف علي قوة المناعه والمرض والغلبه طبعا للاقوي فالقوي في الهجوم ده هو اللي بيكسب المعركه في الاخر تعرف سبحان الله كمان المناعه دي بتعمل اجسام مضاده ضد الميكروب ده وعند الاصابه بيه مره تانيه بيكون الجسم خلاص في اجسام مضاده للميكروب ده وبالتالي الجسم لايصاب بنفس الميكروب سبحان الخلاق والله تعرف يابني المناعه دي بتفكرني بكلام الرسول صلي الله عليه وسلم عن أبي هريرة رضي الله عنه قال: قال رسول الله صلى الله عليه وسلم: "لا يُلْدَغ المؤمن من جُحْرٍ واحدٍ مرتين" متفق عليه. عبدالرحمن:سبحان الله الحاج حسين:ان شاء الله لما تدخل طب هتعرف الكلام ده بالتفصيل وهتعرف عظمه الملك عبدالرحمن:طب دي المناعه الطبيعيه في جسم الانسان ايه المناعه الايمانيه بئي الحاج حسين:المناعه الايمانيه دي زي المناعه الطبيعيه في جسم الانسان بالظبط بس المناعه دي ان شاء الله هتتكون عندك بالطاعات زي مااتفقنا اللي هتعمله في العنايه المركزه عبدالرحمن:طب ولزمتها ايه الحاج حسين:لزمتها يابني انت ماتقدرش تعيش من غيرها اصلا عبدالرحمن:للدرجادي الحاج حسين:ايوه يابني انا مش قولتلك ان امراض القلوب اشد واصعب بكتير من امراض الابدان وممكن كمان تكون مريض بقلبك والمصيبه الكبيره انك تكون مش حاسس قلبك بيقولك ارحمني انا تعبان..... تعبت من حب المعاصي ومن الحب المحرم قلبك يصرخ جواك يقولك انا ماتخلقتش لكده وانت ولا انت هنا عبدالرحمن:هو قلبي اتخلق ليه الحاج حسين:عشان حب ربنا حب الملك الله عزوجل المناعه الايمانيه بئي دي مهمتها اكتشاف اي ميكروب معاصي والقضاء عليه في الحال وطبعا زي ماقولتلك ان هي بالظبط زي المناعه الطبيعيه في جسمك يعني الغلبه فيها للاقوي يعني اي ميكروب معصيه يدخلك وظيفة المناعه دي التعرف عليه والقضاء عليه في الحال لا وكمان لازم تعمل اجسام مضاده عشان ماتقعش في المعصيه دي مره تانيه لان انت تعبت اوي في القضاء عليها في المره الاولي عبدالرحمن:طب المناعه دي لو مقدرتش علي ميكروبات المعاصي ايه اللي يحصل الحاج حسين:ايه اللي يحصل......... زي مالمناعه الطبيعيه في جسمك بالظبط لو ماقدرتش تواجه الميكروب وتقضي عليه الميكروب ده ممكن يقضي علي العضو اللي هو موجوده فيه لا وكمان في بعض الميكروبات ربنا يعافينا بتتخفي وتوهم الجسم انها منه وتدمر جهاز المناعه بالكليه تخيل يعني جهاز المناعه اللي ربنا خلقه عشان يحمي الانسان الميكروبات دي تدمره قولي بئي ازاي الانسان يعيش ربنا يعافينا المناعة الايمانيه دي بئي اللي عندك لو ماتعرفتش علي الميكروب اول ما يدخل جسمك ممكن يدمر الجزء اللي اصابه الميكروب وبمرور الوقت هيقضي علي المناعه الايمانيه اللي تعبنا فيها عما اتبنت عشان كده انا مش هسمحلك ابداااااااااااااااااااااا انت ثمرة قلبي وعنيه مش هسمحلك تدمر المناعه دي عبدالرحمن:طب ...... الحاج حسين:بص انا هوضحلك بأمثله مثلا يعني انت لما تكون ملتزم بفضل الله في الصلاه ومحافظ عليها في اوقاتها لو اصابك ميكروب التهاون في الصلاه مش من اول يوم يعني هتترك الصلاه بالكليه يعني في بدايه الامر والمناعه الايمانيه طبعا نايمه في الوقت ده هتبدا تفرط في مواعيدها اه بتصلي بس مش في وقت الصلاه وبعد كده تترك النوافل وتبدا بالتفريط في بعض الفروض حتي ينتهي الامر بالتفريط في الصلاه بالكليه وفي الوقت ده تكون المناعه اصلا اضربت لكن لو المناعه تعرفت علي ميكرب التهاون في الصلاه في بدايه الامر مكانش حصل كل ده يعني المناعه الايمانيه دي لازم تكون صاحيه عندك طول الوقت فهمت قصدي ايه وده بينطبق علي كل المعاصي يعني برده اطلاق البصر انت في بدايه الامر مش حاسس اصلا ان عندك مشكله تبص هنا وتبص هناك في الشارع والتليفزيون والنت وغيره مش حاسس ان عينيك باظت اصلا لحد مالمناعه تدمر وتقع في حب محرم وغيره من المشاكل الكتير واحنا في غني عن كل المشاكل دي فالوقايه خير منالعلاج انا عايزك يابني تحفظ نفسك وتعتصم بالله دايما هو انت هتسافر امتي عبدالرحمن:ان شاء الله علي الاسبوع الجاي الحاج حسين:الله المستعان انت عارف انا نسيت اقولك ان سيدنا يوسف فضل انه يتسجن علي انه يعصي ربنا لا وكمان في السجن بئي داعيه الي الله تخيل السجن اللي هو مكان المجرمين سيدنا يوسف كان فيه داعيه الي الله انا عايزك بقي تقلده تكون عفيف عن المعاصي وتعتصم بالله عبدالرحمن:وادخل السجن .......سجن ايه الحاج حسين:مش سجن بالمعني المفهوم لكن انا عايزك تلزم الطاعه لان الطاعات دي هتكون دايما حاجز بينك وبين المعاصي وكل ماجدار الطاعه كان قوي المعاصي ماتقدرش تخترقه انا عايزك قبل ماتسافر السعوديه يبقي عندك مناعه قويه جدا وحواجر وجدر منيعه ضد المعاصي عشان ان شاء الله لماترجع من السفر هنبتدي بدايه تانيه عبدالرحمن:انا هقدر!!! الحاج حسين:بحول الله وقوته هتقدر ماتصتصعبش انت بس الامور ولماترجع من السفر لينا كلام تاني عبدالرحمن:كلام تاني!!!!! وبالفعل يسافر عبدالرحمن وهو علي وعده مع الحاج حسين انه خلاص مش هيكلم سها وكان في فتره وجوده هناك بالسعوديه كان علي اتصال دائم بالحاج حسين وفي كل اتصال يطمن الحاج حسين علي حاله عبدالرحمن الايمانيه وبعد رجوع عبدالرحمن من السفر اول واحد يروح يسلم عليه الحاج حسين ويلاقيه كالعاده في الجامع واول مالحاج حسين يشوف ابنه عبدالرحمن يقوم ياخده بالحضن ويقوله اهلا ابني الغالي الحاج حسين:وحشتني اوي يابني انا فرحان بيك اوي عبدالرحمن:والله وحضرتك كمان وحشتني وبعد مالحاج حسين يطمن علي عبدالرحمن وعبدالرحمن:يحكيله هو عمل ايه هناك عبدالرحمن:انا خلاص قررت اني مادخلش طب!! محمد:امال انت بتعمل ايه معايا دلوقتي اوعي تقول انك جاي تقضي معايا يومين وتسيبني بس انت بتحضر محاضرات وملتزم بالمواعيد وللا انت لسه مابداتش دراسه في كليتك وقولت تيجي تقعد معايا وتسمع حبه طب هههههههه انت فاضي يابني يتبع ان شاء الله |
الحلقة العشرون محمد:هو انت بجد في كلية ايه انت جاي تسمع الكلام اللي الحاج حسين كان بيقولك عليه!!! طب كنت قولي وماتتعبش نفسك وانا ياسيدي اسجلهالك واجيبهالك لحد البيت عبدالرحمن:علي فكره يامحمد انت غلبتني معاك هو انت ليه مش بتسمعني لحد الاخر ده برده عيب من عيوبك محمد:هو انت هتقعد تعد عيوبي وللا ايه عبدالرحمن:ايوه انت مش عايز تخطب اسماء ماانا لازم برده اعمل عليك حمي محمد:ايه ده انت وافقت ياعمي عبدالرحمن:هههههههه احنا مع بعض 6 سنين هقيمك فيهم وهنشوف اسمع بئي ومش كل حاجه تعلق عليها ارحمني شويه محمد:خلاص ياعمي كمل عبدالرحمن:ماشي ياسيدي انا اول ماقولت للحاج حسين انا قررت اني مادخلش طب....... لقيت وشه اتغير وكأنه اتصدم صدمه كبيره اوي الحاج حسين:انت بتقول ايه!!!! عبدالرحمن:انا مش عايز ادخل طب انا هدخل صيدله ان شاء الله الحاج حسين:بص يابني انت تروح دلوقتي تسلم علي اهلك وترتاح شويه ونتكلم بعدين عبدالرحمن:ليه كده........ الحاجحسين:اسمع بس يابني الكلام .........انا مستنيك ماتقلقش يلاانت بس عشان اهلك يطمنوا عليك انا لما روحت البيت اهلي اول ماشافوني حسوا اني اتغيرت وكلهم كانوا مستغربين وحاسين اني مش عبدالرحمن اللي كانوا يعرفوه قبل كده محمد:ليه يعني عبدالرحمن:اصلي اول مرة ادخل عليهم واقبل اديهم واقولوهم بجد وحشتوني كلكوا كلهم طبعا كانوا مستغربين هو حصله ايه خد ادويه بر والدين وحسن اخلاق هناك وللاايه محمد:هي الحاجات دي بتتاخد ازاي حقن وللا شراب وللااقراص ..........قولي جايز الدوا ده ينفع معايا عبدالرحمن:لايامحمد مش ادوية انا لما كنت في السعودية كنت بمرر القراءن اللي بسمعه واقراءه علي قلبي انا حسيت اني اول مره اسمع قراءن واحس قرءان محمد:يعني هودا الدوا عبدالرحمن:بص يامحمد ياحبيبي القراءن ياحبيبي ده كله شفاء وهدي بسم الله الرحمن الرحيم يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ (57)سورةيونس محمد:سبحان الله عبدالرحمن:انا في السعوديه حسيت اني كنت في غفله انا كنت فين من كل ده....... سبحان الملك انا كنت فين من القراءن .. أنا قلبي ده كان كله ظلاااااااااام ياااااااااااه يارب هو القرآن ده فيه نوووور كبير أوي كده وأنا مكنتش حااااسس بيه القرآن ده هو كلامك يا ملك يا عظيم .. هو القرآن ده مش كلام حد مش كلام بشر ..ده كلام إله الكون اللي خلقني .. اللي خلق كل حاجة حواليا .. وخلق السما والأرض ... ياااااه يارب قد إيه أنا كنت بعيد عنك وانت اللي ف كل لحظة بتديني عمر جديد وبتنعم عليا بالحياة وقد ايه يارب انت تريد الخير لعبادك وانا اللي كنت ببعد عن رحمتك دا انا مكنتش حاسس بنعمتك عليا يارب خلتني اسمع واشوف وغيري أعمى وخلتني بصحتي وغيري مليان بالامراض وكنت تقدر انك تعاقبني لأني ببعد عنك ومش بشكرك بالعكس انا كنت بعصيك وانت يارب مخدتش مني النعمة يااااه يارب انت خلتني أشوف النور ده وكنت تقدر انك تسيبني ف الضلمة جزاء ليا .. وكنت تقدر انك تبتليني بمصيبة عشان أفوق لكن انت رحيييييم أوي يارب .. خلتني أفتكرك من غير ما تحرمني من ولا نعمة. أنا كنت ميت وانت مسبتنيش يارب وأحييتني انا مش عارف اشكرك ازاي يارب حسيت اني كنت بعيد اوي حسيت ان ربنا رحيم وكريم اوي معايا والله يامحمد انا حسيت اني اول مره يكون عندي قلب انا مكنتش عايش عشان كده زي ماقولتلك انا بحس اوي بمعني الاية دي.......... انا قولتلك عليها قبل كده محمد:لا مش فاكربصراحه عبدالرحمن: بسم الله الرحمن الرحيم أَوَمَنْ كَان َمَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي النَّاسِ كَمَن ْمَثَلُهُ فِي الظُّلُمَاتِ لَيْسَ بِخَارِجٍ مِنْهَا كَذَلِكَ زُيِّنَ لِلْكَافِرِينَ مَا كَانُوا يَعْمَلُونَ (122)الأنعام محمد:اه افتكرتها عبدالرحمن:انابجد حاسس اني كنت ميت وربنا احياني........... سبحان من يحيي الموتي يعني انت يامحمد عمرك ماتعرف قيمه النور واهميته بجد الالما تتغير زي ماتكون كده قاعد في اوده ضلمه وقافل علي نفسك وتحس ان ده طبيعي .. وكل ما حد يقوللك انت غلط انت في الضلمة متحسش وتطنشه وكل الكون اصلا نور من حواليك بس انت اللي مش شايف لانك في ضلمه ولما ربنا ياءذن وتخرج للنور هتعرف اد ايه الضلمه اللي انت كنت عايش فيها دي كانت وحشه اوي وتعرف اهميه النور يعني ربنا ينورلك طريقك عشان تعرف تمشي سبحان الله انت تعرف تمشي في الضلمه محمد:لا طبعا ولو مشيت اكيد هقع عبدالرحمن:سبحان الله انا بئي كنت في ضلمه ووقعت كتير لحد ماربنا طلعني منها فلله الحمد والله يامحمد عمر مالضلمه تتساوي بالنور عمر ما الصح يستاوى بالغلط وعمر ما حب الدنيا الفانية الزائلة والشهوات الحقيرة يتساوى مع احساسك بآيات وكلام الملك العظيم الرحيم محمد:طب وانت ايه اللي خلاك تتغير مع اهلك مع اني اعرف ان كانت علاقتك بيهم مش مظبطه انا فاكر انك كنت قولتلي قبل كده انك حاسس انك يتيم... وسها محاولتش تتصل بيك تاني دي كانت مزقهاني في عيشتي وكانت هتتجنن عليك عشان عايزة تعرف مين اللي انت حبيتها غيرها.... قدرت تفلت من سها ازاي .. وقدرت تنساها إزاي يتبع ان شاء الله |
|
تحفة بجد تسلم ايدك انا استفدت منها اوى اوى جزاك الله خيرا
|
| جميع الأوقات بتوقيت GMT +2. الساعة الآن 11:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.