|
اقتباس:
بالنسبه لفكره حضرتك هى جميله جدا اما بالنسبه انى اطرح اسئله فدى صعبه شويه ومين قا ل ان حضرتك خارج الموضوع ان شاء الله حضرتك هتكونى من ضيوف الموضوع عاوزين ابداع فى الموضوع ده ان شاء الله |
الحمدلله على كل شئ الحمد لله على نعمة الاسلام وكفى بها نعمة..
|
بارك الله فيك ياشيماء ورزقك سعادة الدارين
فكرة رائعة |
ابنتى شيماء فين ضيف مساء أمس ومساء اليوم ؟؟؟ أدعو الله أن تكونى بخير أنتِ وكل أحبابك |
مساءكم سعيد اعزائي اعضاء بوابة الثانوية النهاردة يشرفني اني اكون ضيفة هذا المساء و هنتكلم في موضوع هام موضوع كلنا بنفكرفيه و بنحس بيه هنتكلم من القلب و طالما الكلام هيخرج من القلب يبقي اكيد هيكون كلام صادق النهاردة هنتكلم عن الامال و الاحلام كل واحد فينا عنده حلم نفسه يحققه حلم شاغل كل تفكيره في اللي بيقدر يحقق حلمه و في اللي ما بيقدرش علي تحقيقه و مع ذلك بيحلم و يحلم كل عضو يدخل يقولنا ايه حلمه و يا تري قدر يحقق حلمه و لا ................... |
السلام عليكم ورحمة الله وبركاته
أحييكِ أختنا الفاضلة على اختيارك لهذا الموضوع الرائع :078111rg3: على المستوى العام بحلم بيوم يتحد فيه المسلمون فى كل مكان فى العالم ويكونوا دولة إسلامية كبرى تعيد للمسلمين أمجادهم ويرى العالم كله عظمة الإسلام والمسلمين على المستوى الشخصى زماااااااااان يعنى من كام سنة :d كنت بحلم أكون مدرس زى إخواتى ( 4 مدرسين ) والحمد لله حققت حلمى من كام سنة كده :d وبعد كده كنت بحلم ببنت الحلال اللى هتشاركنى رحلة عمرى والحمد لله ربنا رزقنى بإنسانة فيها كل الصفات الطيبة وبدأنا مع بعض الحياة الحقيقية :slap1qk6: وبعد سنة العسل قصدى شهر العسل :d بقى حلمى ربنا يرزقنا بطفل يشاركنا رحلة العمر يعنى الواحد يغيَّر شويه :d والحمد لله ربنا رزقنا بروضه (أول طفل لينا ) نورت دنيتنا وبقت الجنة جنتين بعد شويه البنت عاوزه أخ علشان يلعب معاها ويسأل عليها لما يكبروا وفعلاً ربنا رزقنا بأحمد وبعده إسلام والحمد لله وبقه حلمى أشوفهم فى أحسن حال ويكبروا ويملوا البيت علينا عيال :039uw8: وتوته توته خلصت الحدوته حلوه ولا ملتوته :d |
اقتباس:
نورت الموضوع بجد يا مستر محسن شئ جميل ان الانسان يحلم و الاجمل انه يقدر يحقق حلمه و الحمد لله حضرتك حلمت باحلام جميلة و ممكنة و ربنا وفق حضرتك فيها و قدرت تحققها و اتجدد الحلم من تاني و الحلم الصغير بدأ يكبر و احلام حضرتك الصغيرة هي اولادك ربنا يخليهم لحضرتك و يبارك فيهم و ان شاء الله هتفرح بيهم و تشوفهم في اعلي المراكز و طبعا يا مستر ما ننشاس ان وراء كل رجل عظيم امرأة عظيمة خالص تحياتي لحضرتك و لمدام حضرتك كل سنة وانتم طيبين و بخير :):) شكرا لحضرتك يا مستر محسن علي مشاركتك الرائعة |
شكرا على هذا الموضوع بجد الموضوع جامد اوى , و كما تقولى ان هناك اناس استطاعوا ان يحققوا احلامهم و هناك ايضا من لم يمهلهم القدر و الحظ ان يحقق لهم يا يريدون ولكن كل شيء قدر و يجب ان نحمد الله سواء خير ام شر . و بعد هذة المقدمة الطويله , احب ان اقول ما احلم فى تحقيقة:
اولا: بحلم ان ابنى مستقبلى و شغلى و كاريرى و اثبت نفسى . ثانيا: بحلم ان اخواتى يكونوا فى احسن حال و سعادة و فرحة دائمة ( يا رب). ثالثا: بحلم ان اصدقائى المقربيين يكونوا ايضا فى سعادة و فرحة و يحققوا كل ما يتمنوه و يوفقهم فى حياتهم و ينجحوا فى شغلهم و دراستهم . رابعا و اخيرا : نفسى اثبت لكل من اهاننى انى احسن و انجح منهم و انى لست من يهان او يسخر منه او يهبط من قدراتة مهما كانت او من شخصيتى و نفسى ربنا يقدرنى و اثبت لهم انى قادرة على فعل اى شيئ هبطوا من مقدرتى على فعله بجد يا رب . بجد شكرا على الموضوع الاكثر من رائع ده و ادعيلى ربنا يستجيب دعائى و يحقق احلامى يا رب امين , بجد شكرا يا فاطمة اوى :):):078111rg3: |
اقتباس:
بجد نورتي الموضوع يا دعاء و انا سعيدة جدا بمشاركتك الجميلة دي و فعلا معاكي حق لازم الانسان يرضي بحاله و يحمد ربنا علي كل شي و اتمني بجد انك تقدري تحققي كل احلامك لانك فعلا انسانة طيبة و تستحقي كل خير كل سنة وانتي طيبة يا قمراية عيد سعيد :):) |
توبيك رائع وجميل جدا
وكل سنه وانتم طيبسن واسمحولى اشارك معاكم حديث النهارده هيبقى عن ايه؟ |
اقتباس:
السؤال رائع جداً ويستحق أكثر من مساء :039uw8: |
فكر جميل كعادتك
بارك الله فيكم |
جزيتى خيرا على قبول الدعوه وعلى فكرتك بجد رااااائعه دمتى متميزه وانا بعتذر على عدم الانتظام لانى النت كان فاصل عندى ودخولى هيبقى مش دايم الفتره الجايه ونتمنى للجميع التوفيق باذن الله |
ا
سمحولي اني اكون ضيفتكم انهارده انا هتكلم معاكم في موضوع وقضيه خطيرة ازاي نحارب ونقف ضد المواقع الاباحية التي تدعو للفساد والبعد كل البعد عن شريعتنا الاسلامية المواقع دي كترت والشباب المسلمين اللي بيدخلو المواقع دي بقت اكتر الحل ايه ياجماعة عايزين نتناقش في الموضوع ده افتكر اني لما جيت اوصل نت ماما عارضت بشده طبعا وليها حق من الكلام اللي بتسمعه عن كلمة نت وازاي كل شئ فيه مباح تعالوا نغير الصورة ونتناقش ونطلع با افكار نستفيد منها بمحاربة من يفسدون شباب الاسلام بهذه المواقع تعالو نتناقش ونغير الصورة وشكرا |
علي فكرة انا بحكم عملي كمدرسة لاحظت فعلا وجود انحراف اخلاقي علي بعض التلاميذ وكان دايما رد التلاميذ عند سؤالهم عرفت ده منين يقولوا من النت كارثة ياجماعة جيل ونشئ طالع وانحرف من صغره طبعا مش كله بس صدقوني نسبة مش بسيطة ابدا |
| جميع الأوقات بتوقيت GMT +2. الساعة الآن 06:20 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.