بوابة الثانوية العامة المصرية - خبر عاجل : بدء انسحاب المتظاهرين من ميدان التحرير استجابة لطلب القوات المسلحة

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

اقتباس:

المشاركة الأصلية كتبت بواسطة محمدي م (المشاركة 3070555)

ارجو ان ندعو جميعا لمصر هذا ليس وقت خلاف مانحن فيه يحزن عندما نقف جميعا امام بعض مؤيد ومعارض لسنا بصدد اشخاص الان ولكن وطن نخشي عليه جميعاواقسم انني لست تابع لاي احزاب ولا افهم في السياسة ولكن اعشق مصر ارجو ان نتكاتف ونصد اي نقاش يقوم بنشر فرقة في اي مكان وليكن حب مصر هدفك ولي كلمة انا سعيدة بهؤلاء الشباب ولكن عندما يتحول الي اهانة لمن شارك في حرب 73 فهذا يهين الجميع امام اسرائيل وهذا مايريدونه ان يكسروارمز وبيد وطنه لو تفهم مافي السطور لعلمت انه نفذ ماطلبتموه ولكن واضح انه يوجد من يستمر الخراب والدمار لاغراض شخصية ارجو من الله ان يحمي مصرنا الحبيبة ممن يتربصون بها ونكون نحن الذين قدمناها لهم

انا بايدك فى الراى وعلى فكره انا برضه مش تابعه لاى حزب
لكن بحب بلدى وبخاف عليها وبحترم الراجل اللى ساعد فى ان البلد دى رجعت للمصريين تانى ليه نهينه؟

يارب احمى مصر والمصريين من عدوان كل من اراد ان يعتدى عليها

اقتباس:

المشاركة الأصلية كتبت بواسطة تامر الفاضل (المشاركة 3062349)

خونة كل من يدعم نظام مبارك خونة خونة ومنافقين
رمضان عبد السلام منافق
مسيو عاطف منافق
خادم المسلمين منافق
كلكم منافقين فلتذهبوا إلى الجحيم كلكم

ربنا يسامحك
قال النبي صلي الله عليسه وسلم
من قال في مسلم ماليس فيه اسكنه الله ردغة الخبال حتي يخرج مما قال
وردغة الخبال هي صديد اهل النار

اقتباس:

اللهم يا مجيب الدعاء ومفرج الكرب والبلاء أحفظ مصرنا من كل سوء ، ونجها من هذا المصاب الجلل ، اللهم أنصر أهل مصر وثبت أقدامهم ، وقوهم على كل من يريد بهم سوء ، اللهم أنتقم ممن يريد لنا الضرر ، ونجنا من الكوارس بحق جاه المصطفى ، اللهم أحفظ مصر ودمر أعدائها ، اللهم أنصرنا لعبور هذا الموقف العصيب الذي تمر به مصرنا الحبيبة وأخرجنا منه بسلام وإنتصار يارب .. اللهم أستجب لنا كما وعدتنا أنك لا تخلف الميعاد .. آمين يارب العالمين

آمين يارب العالمين

بصراحه ان حاسس انى اشاهد مباراه بين فريقين
الفريق الاول:
الحزب الوطنى والاعلام المصرى المؤيد تماما للرئيس مبارك
والفريق التانى:
فريق الشباب المتظاهرين فى القاهره والمحافظات التانيه والذى يتكلم بلسان حاله القنوات الفضائيه زى الجزيره والحره والمستقله ولندن والحره وغيرهم
خطه الفريق الأول:
1- استخدام الاعلام فى اعطاء صوره عن المتظاهرين انهم اعداء الوطن وخونه وبينهم جماعات مندسه واسرائيلين وانهم مش عاوزين استقرار مصر وطبعا ده هيخلى الناس تكره المتظاهرين ولو ماتوا كلهم يبقى هم اللى يستاهلوا انهم بيعملوا الشغب ده
واعتقد ان التلفزيون المحلى فعلا نجح فى كده
2- قفل البنوك وتضييق الحياه على الناس لحد الناس ماتزهق من المتظاهرين وده اكيد هيحصل
3- المراهنه على عنصر الوقت هيسيبوهم فى الميدان لحد مايزهقوا ولن يستجيبوا لمطالبهم الاساسيه
4- تخويف الغرب من جماعه الاخوان المحظوره انها ممكن تمسك السلطه لو الرئيس ترك الحكم ولذلك كل السياسين الموالين للحكومه بيضغطوا على الحته دى ويقولوك ان الثوره دى بيحركها الاخوان اللى الاعلام مخوف كل الناس منهم تقوم الدول الاخرى تقف ضد مطالب المتظاهرين
4- عمل مظاهرات مضاده لمظاهرات الشباب
5- بث الاشاعات فى وسط المتظاهرين وعمل حرب نفسيه عليهم
6- بث الفرقه بين صفوف المعارضه والمعروف ان فرق تسد
7- نشر ناشطين على الانترنت يقنعون الشباب بتأييد مبارك واتهام المعارضين بالخيانه وذلك منتشر فى المنتديات حاليا
وانا اعتقد ان الحزب الوطنى خطته نجحت تماما
خطه الفريق التانى:
1- التجمهر باعداد كبيره فى الميادين العامه وده بيجذب انتباه العالم الغربى
2- استخدام القنوات الفضائيه العالميه فى توصيل مطالبهم للعالم
3- المصريين الموجودين فى الخارج ينظموا مسيرات فى جميع انحاء العالم تضامنا مع المتظاهرين المعارضين فى الداخل
((ده تحليلى للموقف ده واعتقد ان الفريق الاول هيكسب والنظام سيظل باقى ))

نحن نعيش فى حيرة ولكنى موافقك لان الفريق الاول لة خبرة فى الدهاء والمكر " ويمكرون ويمكر الله والله خير الماكرين" متى نشعر بان من جاء ليحكم مصر جاء لانة يريد الاصلاح لا السرقة واستعباد الناس. والله لو رأيتوا الناس يوم الانتخابات عفواَ يوم التزوير وسمعت ضابط الشرطة وهو يتحدث ويشخر ويشتم فى الناس البسطاء وخفرة وهذا فى القرى والريف المصرى لشعرت بتفاهتك ........ وانت واقف علميا احسن منة ومن الممكن انك كنت متفوق عنة فى الدراسة ولكنة دفع حتى يدخل الشرطة بدون عقل. عند ذلك تحس بفساد هذا النظام واربابة جميعاَ

اقتباس:

المشاركة الأصلية كتبت بواسطة تامر الفاضل (المشاركة 3062349)

خونة كل من يدعم نظام مبارك خونة خونة ومنافقين
رمضان عبد السلام منافق
مسيو عاطف منافق
خادم المسلمين منافق
كلكم منافقين فلتذهبوا إلى الجحيم كلكم

ان وصفك احد بنفس الوصف فستغضب
عامل الناس بما تحب ان يعاملوك
وربنا يهديك

اتقوا الله فى بلدنا مصر حرام اللى بيحصل ده