انا اشكر حضرتك جداً على هذا الموضوع ، وأحمد الله انه يوجد فى مصر اشخاص لديها مثل هذا الوعى والحرص على الوطن ، وأرجوك ان تحاول بكل ما تستطيع من جهد أن توعى وتنبه اكبر قدر من الناس بدون أن تمل أو تغضب من ردود أفعال بعض الناس الذين إن رأيتهم ستجدهم إما يرتدون مثل هذه الأساور ، أو تجد انه ليس لديهم الوعى الكافى لإدراك خطورة الأمر الذى تحاول تنبيههم له 0

ممكن تكون موضة

واضح ان الموضة واحدة فى لبس الحظاظات فى مصر وامريكا رغم ان المتحدث الرسمى مش شاب اوى يعنى ههههههه
على فكرة عايزة اقول حاجة بمناسبة صفحة كلنا خالد سعيد واضح ان الادمن اللى كان بيكتب عالصفحة والنت مقطوع ووائل محبوس من امن الدولة لانها كانت عايزة توصل بالظبط مين اللى وراه فطبيعى اول حاجة تفكر فيها الصفحة عشان لو فيه حد وراه يبقى اكيد بيتواصلو من خلال الصفحة رغم ان مشاهد اعتقال وائل كانت عاليوتيوب يعنى اصلا لو حد معاه يبقى عارف انه معتقل وعمره ماهيحاول يتصل بيه مش عارفة ليه بقيت حاسة ان الدنيا متلخبطة وفيها حاجات كتير مبهمة ومش واضحة مين بالظبط اللى صح فيها ومين اللى عميل
عموما ربنا يستر عالايام الجاية فى مصر شكلها هتبقى عصيبة جدا رغم التفاؤل ورغم المكتسبات اللى وصلنا لها بدم ورد الجناين وهما ومحدش غيرهم البطل الحقيقى

انا متفقة معاكى المرة دى فى حاجة واحدة رغم انى باحترم ارائك وانتى عارفه وهو الجزء الملون. بس بقا تقولى امن دولة دى مش معاكى فيها ... هما لو كان فى تفكير عالى اوووى كده اظن ان الامور مكنتش خرجت ووصلنا لحد دلوقتى كمان وقتها مكنش حد يعرف مين هو وائل ده يعنى مكنش بنفس الشهرة دلوقتى عشان يبقى هدف لحد انه يشوه صورته بالاضافة كمان ان اللى اعلن غيابه هى الشركة مش اهله ؟؟ واخوه بسؤاله قال اللى يعرف مكانه يبلغ الشركة كمان!!!!! اظن فى اسئلة كتيرة فى الموضوع

وانا كدة قلت ان امن الدولة ذكى يعنى او عرف ازاى يتعامل مع الموقف وصنع منه بطل رغم ان الابطال الحقيقيون ممكن يكونو مجهولين ومش من هواة الشهرة غير الشهداء يعنى اللى غدر بيهم او تصدو بشجاعة للامن او البلجية
ده مجرد تصور لان وائل فى الوقت ده كان محبوس فى امن الدولة يبقى كان هيتواصل ازاى عالفيس بوك

الى جارة الوادى ، هل تعتقدى أنه من الممكن التخطيط لهذا الأمر وتنفيذه بواسطة شخص واحد ، حتى يتوقف عند القبض عليه أو اعتقاله ، لقد تابعت موضوع موقع ( كلنا خالد سعيد ) أيام اعتقاله ، وكان الادمن يدعو المتظاهرين لمواصلة التظاهر ويشجعه عليه بقوة ، فهل يعقل أن تكون أمن الدولة وراء ذلك ، ارجو ان نحاول التفكير معاً وبتروى حتى نفهم ما يحدث لنا ، وحتى لا تقع مصر فى الفخ الذى يحاولون نصبه لنا ، ومع ذلك فأنا اشعر بالتفاؤل والثقة فى شعب مصر وفى وعيه وذكاؤه ، وإن كنت الوم عليهم هذه الأيام التظاهرات التى لها أهداف شخصية والتى لاتراعى ظروف مصر فى هذه الفترة الحرجة والتى تحاول الاستفادة بأقصى درجة من ضعف الدولة لتحقيق اكبر قدر من الاستفادة ، وأعتبر أن هذا نوع من الابتزاز غير المقبول 0

دائما النقطة دى اللى بتثار وقت الكلام فى الموضوع ده......... الثورة قامت بشرارة نشكرها سواء كانت داخلية او خارجية انما اللى فى المظاهرات كانوا اكيد كل مصرى مظلوم وكل واحد اتقهر واتاخد حقه وكل واحد كان نفسه يعبر عن رايه ولو اقولك تعبير واحد قاله على التليفزيون" اول مرة اقدر امشى بدقنى من غير ما اخاف "
والناس اللى ماتت كل ده اوقد الثورة اكتر بس برده محدش ينكر ان فى ناس كانت بتحاول تستغل الثورة وكمية الاجانب وكمية التفجيرات وكميو التصريحات الخارجية والوثائق اللى طلعت فى الوقت ده ..... كل ده مش رادع انما هو تنبيه لاهمية المحافظة على نقاء الثورة ومش لازم نتغاضى ابدا عن اهمية اننا نبقى حريصين ومنطمئنش اوووى لغاية الامور فعلا ما تستقر........ والاهم منده وده منمشيش فى التيار عشان هو ماشى فى الطريق ده لان ياما تيارات مشيت فى طرق وكان طريق غلط انما الواجب فعلا اننا نكون يقظين ومنسلمش نفسنا لاى حد مهما كانت الثقة لازم التروى احنا فى اهم فترة بتمر بيها مصر

يعنى بيهتم بالدكتور البرادعى
ربنا يستر

واحد شايف ان البرادعى مثله الاعلى ؟؟؟؟؟؟؟؟؟
بالله عليكم ازاى ده احنا مسلمين ازاى نثق فى واحد زى البرادعى ده هو اللى خرب بلاد المسلمين ودمر العراق