يتم تسلم الاوراق الخاصه بالتعيين بالمنطقة الازهريه دفعة 2006 واللى كانت نازله فى شهر 5 وتم تسلم العمل 1/9/2006

هوه فى تعيينات ولا ايه الحكايه بالظبط التربيه والتعليم استلموا جوبات التعيين واحنا ولا هنا مفيش اى جديد

الكلام الموجود فى المنطقه كالتالى
لسه مجالناش اى منشور باستلام اى اوراق ولكن احنا عارفين الدفع اللى ينطبق عاليها الشروط وهتتثبت انشاء الله وعارفين الورق اللى المفروض يتقدم فنستلم دفعه دفعه عشان نخف الضغط من عالينا وفى كشوفات سافرت مصر بأسماء المدريسين اللى ينطبق عاليهم الشروط من2005 الى 2007 وحتى الان تم الانتهاء من تسليم دفعة 2005 وفى 2006 كان فى مسابقتين دلوقتى حالا فى هذه الاثناء يتم تسليم اوراق الدفعه الاولى من2006 واللى كانت مسابقتها فى شهر 5 2006 واتسلمو الشغل فى 1/9 /2006 اماالدفعه التانيه من 2006 و2007 لسه مجاش دورهم فى التسليم وانا سلمتى ورقى كاملا الحمد لله

القرار اللى نزلو الوزير وانطبق على التربيه والتعليم واللى بيتسلمو التعيين دلوقتى ومنهم اغلبية اصحابى بما انى كنت اعمل فى التربيه والتعليم وسبتها عشان عيون الازهر هوا نفس القرار اللى بينطبق على الازهر وعلى نفس الدفع بس الازهر بطىء فى اتخاذ قراراته بس التعيين جاى انشاء الله وان تأخر قليلا انا متابع موقع الاكادميه يوميا لان بيعرض

اللى جالهم تعيين وانا اللى جايب النتيجه بتاعت التعيين لزملائى والله الموفق والمستعان وهنفضل نقول يارب

الف مبروك . بس مفيش اخبار عن العقود الموسميه 9 شهور انا اشتغلت 4 سنوات علوم ورياضه ابتدائي وانفصلت العام السابق ورجعت هذا العام في الحضانه ايه الاخبار مفيش حل اني اطلع ابتدائي رغم مطالب اولياء الامور والطلاب عشاني

المفروض اننا نستلم جواب التعيين مش عارفه هما متاخرين كدا ليه وفى كلام ان التعيين لسه بدرى كمان سنه

بالنسبه للعضو ساموراى بصراحه معنديش اخبار تفيدك لو وصلنى حاجه بخصوص الموضوع ده اكيد هبلغك بس انت ازهر ولا تربيه وتعليم؟؟؟؟؟

بالنسبه للعضوه امانى هانى اساسا المفروض النتيجة بتاعت التعيين تظهر الاول على موقع الاكاديمه على صفحة كل واحد الشخصيه بتاعت نتيجة الكادر يعنى ولسه مظهرش على الصفحه دى اى حاجه انا كل يوم ببص عاليها يمكن5 مرات يوميا لاجديد يذكر ولا قديم يعاد ويارب يوصل جواب التعيين انا قرفت من الحوارت دى 7 سنين مرمطه

دى الرساله اللى موجوده دلوقتى على موقع الاكاديميه صفحة كل واحد فينا
الأكاديمية تهنئكم باجتيازكم اختبارات الترخيص للمعلم المساعد كمرحلة مهمة من مراحل التعيين بوظيفة معلم بالكادر الخاص

ودى الرساله اللى ظهرت لزمايلنا فى التربيه والتعليم اللى جالهم التعيين قبل طبعا ميستلمو الجواب بكتيييييييير
تهنئكم وزارة التربية والتعليم بمناسبة صدور القرار الوزارى رقم 74 بتاريخ 28 -2-2011 والخاص بالتعيين على وظيفة معلم وما يعادلها حال إستيفاء جميع الشروط المقررة للتعيين

انا تربيه وتعليم وعايزه اي افاده توضحلي موقفي واعمل ايه .....

الى ساموراى الصفحه دى خاصه بمعلمى الازهر مش قادر افيدك والله انا اسف بس اسألى فى مديرية التربيه والتعليم اكيد هيفدوكى ربنا معاكى ويوفقك