|
انا امتحنت مدرس فصل ابتدائى ونجحت وخلصت كل حاجة وجاتنى رسالة التهنئة
وده كله وانا اصلا مدرس فرنساوى وتم انتدابى للثانوى من سنتين ومن شهر واحد (11/1/2011) نقلت للاعدادى نقل كامل بعد تغيير تخصصى ولما سالت هتعين فين كله بيقول ابتدائى مع ان ملفى دلوقتى فى الاعدادى فزورة دى مش كده |
أنا كلمت الموجة في التليفون وقالي لما يجي التعيين هفضل زي مانا على المرحلة بتاعتي فالفرق سوف يكون في المسمي فقط بدل معلم مساعد معلم ولكن توزيع المراحل من اختصاص الموجة العام بناءً على العجز والزيادة في المدارس
انا حبيت أطمنكم شوية وياريت اللى عنده أي أخبار لا بيخل علينا بها |
اقتباس:
معلوماتي ان المرحلة حتكون حسب الامتحان |
مش نفس المرتب
ولا الابتدائى اقل يعنى حد طااااااااااااااااااااااااااااااااااايل ان شالله اشتغل فى حضانه بس ناخد فلوس نقدر نفتح بيها بيت بدل مانقعد نشحت |
اقتباس:
كلام جميل جدا بس عايزين نطالب بتثبيت الموضوع نظرا لأهميتة وانا بكرر كلامي شوفي اية اللازم واحنا معاااااااااااااااااااااااااااااااااااااااااااااااا ااكم |
اقتباس:
ونحن نحاول إيجاد أي حل للخروج من هذه الأزمة وهي عدم العودة للابتدائي بعد التعيين |
اقتباس:
أستاذ العزيز المحترم المشكلة مش مشكلة فلوس المهم الراحة النفسية للعمل وأقسم بالله أيضًا إن المشكلة مش مشكلة ابتدائي لأن بعض الزملاء بيفهمنا غلط في موضوع الابتدائي مع الاحترام الكامل لكل من يعمل بهذه المرحلة المهمة ولكن المشكلة إننا مش قادرين نتجاوب مع مرحلة الابتدائي أنا لما كنت بشرح في الابتدائي الموجة كان دائمًا يكتب في تقارير المتابعة (أرجو من الأستاذ أحمد الشرح بطريقة تناسب مستوي التلاميذ العقلي والالتزام بالمنهج المدرسي) وده غلطتي لأن مستوي معرفتي أكبر من الابتدائي وده مش تكبر حاشا لله ولكن والله انا مش عارف أشرح في ابتدائي بحس إني متكتف وغصب عني بشرح معلومات إضافية فياريت يكون الجميع مدرك للمشكلة. (في إحدي الدول لما قبضوا على جاسسوا قالولوا إنت كانت مهمتك إيه فقالهم أن أضع الرجل الصح في المكان الخطأ) فأرجو ألا نقع في هذا الخطأ بأنفسنا فالمفروض إن كل واحد يشتغل بمؤهلة اللي تخصص فيه علشان يقدر يبدع كدة ولا لأ. أسف على الإطالة ولكن الموضوع في غاية الأهمية |
اقتباس:
وأنا بضم صوتي لصوت حضرتك في تثبيت هذا الموضوع لأهميته وإن شاء الله أي جديد أصل إليه سوف أكتبه هنا في الموضوع وأناشد جميع الزملاء من يتوصل إلى أي حل يكتهب في هذا الموضوع لكي نقتضي به لعل الله يزيح عنا هذه المشكلة التي قد تقف عائقًا أمام إبداعنا في العمل . |
اقتباس:
يوم الاحد الماضى تم عقد اجتماع مع مديرى الاكاديميات بالقاهرة وناقشوا مشكلة التخصصات النادرة فى المرحلة الابتدائية خاصة تخصص لغة فرنسية واتفقوا ان يقوم مدير كل اكاديمية بالاتصال بالمديرية وتعديل التخصص حسب المؤهل الدراسى . وأخص بالتهنئة اخى وحبيبى مسيو / عاطف. الرجاء من الجميع الذهاب للاكاديمية التابع لها لكى يخاطب المديرية لتعديل التخصص والنقل الى المرحلة التى تتناسب مع المؤهل فى ضوء العجز والزيادة وحتى لو مفيش عجز المهم تعدل المؤهل وبعدين هيظهر العجز . اوعى حد يسكت عن حقة . حرام عليكم كفاية كدة والله العظيم ظلم . انا رايح بكرة عشان انقل لتخصص لغة فرنسية لان انا انتداب من ابتدائى الى ثانوى . وسنوافيكم بالتفاصيل غدا ان شاء الله . اخوكم مسيو / مصطفى |
اقتباس:
ونرجو من المشرفين تثبيت الموضوع عشان نعرف آخر الأخبار في هذا الموضوع ومش شرط تثبيت موضوعي المهم تثبيت أي موضوع يخص التعيين على غير التخصص للمواصلة ومتابعة الجديد |
يا جماعة في أي حد عنده حاجة جديدة
أنا سمعت النهاردة إن التغيير يكون للتخصص فقط وليس المرحلة يعني لو انت مدرس فصل ومؤهلك لغة إنجليزية يحول التخصص إلى لغة إنجليزية ولكن تبقي المرحلة كما هي ابتدائي فياريت اللى عنده أي معلومة يضيفها عشان نعرف هنعمل إيه |
ياجماعة بفكر نبعت ايميلات للوزير ونشوف رد فعله ايه حتى لو يعدل المرحلة ونفضل في ابتدائي حتى ظهور عجز مثلما كان يحدث سابقا |
حل اخر
كلنا نرفع قضايا بمجرد استلام جواب التعيين لا لو استلمنا ومضى على الاستلام شهر حيضيع حقنا في المطالبة بالتعيين على المرحلة الاعدادية |
اقتباس:
وفي مدرس معين قالى كدة (لما تستلم جواب التعين ترفع قضية إعادة تنسيق بمؤهلك وهتكسبها) |
حل كويس برضة اول ما نستلم نرفع قضية لأن اللي بيحصل ده نتيجة الظلم والفساد في النظاااااااااااااااااااااااااااااام السابق
|
| جميع الأوقات بتوقيت GMT +2. الساعة الآن 11:43 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.