بوابة الثانوية العامة المصرية - مفاجأة متوقعة : وزيرنا طلع بمبة .... بمبة يا أفيونا

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

انا حاسس من الاول ان مفيش حد حا ينظر للمعلمين

لو نصف ساعة اضراب بس على مستوى الجمهورية ممكن يبقى لينا مكانة غير كده أشك

ما فيش فايدة احنا بناذن فى مالطة
ما فيش حاجة هتتغير
الوزير طلع مقلب
والمصيبة ان المدرسين طالبوا بيه
اشربوا
احنا واجب علينا اننا نضع رأسنا فى التراب ونسكت

يا جماعة لابد من وقفة جادة من أجل الحصول على حقوقنا

للاسف اى وزارة لما بيقولوا حنعمل اعتصام الكل بيتوقف عن العمل واحنا ما شاء الله اعدادنا مهولة ومش بنعرف نجتمع على رأى الناس اللى مضايقة من الاعتصام للمدرسين حضرتك لو بتاخد 350 فى الشهر وبتصرف على حد وبتقضى نصهم مواصلات لأن طبعا المدرسين الشباب هما اللى بيشيلوا شغل المناطق البعيدة اللى بيرفض المتثبتين انهم يروحوها كنتوا طالبتوا زينا لكن للاسف المضرور من مهنة التعليم هما شباب المدرسين اللى شايلين الشغل على كتافهم ومش عاجب الكل كمان و الناس اللى بتقول مش وقته اشمعنا وزير الصحة يطبق الحد الادنى للاجور 1200 ولا هو حلال ليهم وحرام لينا وغير كده مين اللى بيخلى الدكتور دكتور ولا حتى الوزير وزير لكن هو السكوت احنا بصراحة نستاهل اكتر من كده واغلبنا اتعود على المهانة والذل وانه يكون اقل من اى حد فى المجتمع . حسبنا الله ونعم الوكيل فى كل من يهدر كرامة وقيمة المعلم . يسقط الوزير وياريت نطالب بواحد خريج تربية ويكون اشتغل قبل كده فى التدريس عشان يحس بينا . لنا الله نحن معلمين مصر

يا جماعة احنا لسة مبدأناش العمل علشان نفهمه حكمتوا عليه بهذه السرعة ازاى .
والحل فاكسات ...اميلات ...قضايا ...اختيار مجموعة من العقلاء ومقابلة الوزبر .
وطبعا احنا كلنا عارفين ان مبارك سرق البلد وحول امواله للسعودية واقتصادنا الآن حالته صعبة بسبب سرقاته هو واولاده وافراد عصابته فكروا صح الوزير حيجيب منين دلوقت وفلوس البلد اتسرقت من اللى ربنا ينتقم منه
العيوب بتبان بعد التعامل معاه ...لسة بدرى اهدأوا .
البلد حالها واقف مش شطارة مننا كل يوم مظاهرات حتفقد قيمتها بهذه الطريقة الحل السلمى الهادىء أفضل

إيه رأيكم فى تجاهل الوزير لمطالب المعلمين المعينين بزيادة الرواتب ؟ وكذلك التركيز كل التركيز على أصحاب العقود ممن يريدون التثبيت ( وهذا حقهم طبعا ) ؟
ولكن أين نحن من هذا ؟ يكفينا حتى لو صرح الوزير أنه فى خطته زيادة الرواتب أو مكافأة الأمتحانات . لو هدأ المعلمين بنية الوزارة تحقيق المطالب المشروعة تدريجيا . إيه الحل مع كل هذا التجاهل؟ وللأسف أشعر بأن الوزير وغيره كثير لديه فكرة خاطئة أن كل المعلمين حيتان دروس خصوصية .
وهذا خطأ فكثير من المعلمين شرفاء ويؤدون واجبهم لوجه الله ، وحتى لو أعطوا الدروس لظروف المعيشة الخانقة فهذا لا يؤثر على عملهم داخل الفصل وعدالتهم مع كل الطلاب.