على فكرة انا مش فاهم ليه الكل بيقول انه لا استفادة من الملزمات بصيغة الـ pdf لأنك لو محتاج تطبعها هتنطبع عادى جدا وكمان لو عاوز تعدل براحتك جدا اكتب اللى موجود فيها بايدك فى ملف جديد وورد
انا نفسى بنزل ملزمات العلوم العربى من هنا واكتبها لطلبة اللغات باسلوبى وطريقتى
كمان الملف الـ pdf بيحفظ التنسيق كاملا ومش بيتغير من جهاز لأخر
انا نفسى بعمل الشيتات فى مدرسة اللغات اللى انا فيها وبحولها لـ pdf وبعدين اطبعها ولما برفعها على موقع المدرسة برده برفعها بنفس الصيغة

ثانيا انا متعاطف جدا مع الاستاذ هشام والاستاذ محمد لانى جربت الموضوع دا رغم انى لسه متخرج فى 2008 بس بعمل ملزمات احمد ربنا عليها وتعبت فيها بشكل كبير جدا اعتقد انه مش بالساهل هتخلى عن كل دا واسيب عملى حد ينسبه لنفسه وما فيش حد هيصدق انه انه الجديد فى المجال هيعمل شغل زى دا ودا اكيد شغل الاستاذ الكبير دا

وانا رأيت واحد واخد مذكرات الكيمياء اولى ثانوى للاستاذ محمد تقريبا ومغير الاسم والوان بعض السطور ونسبها لنفسها ودا كان زميل ليا فى الجامعة وكان بيفتخر بها ورفعها على منتدى تانى باسمه كمان

الموضوع اعتقد انه حرية شخصية ومن حق كل واحد تعب فى شغله انه يحافظ عليه

أساتذتى الأفاضل ..
ما أجمل أن نتواصل جميعا معا على الرغم من حاجز المسافات الكبيرة بين المحافظات ..لا أحد يدرى منا ما الظروف التى يمر بها الآخر ولا الأحداث التى يحياها ويعيشها ..
وكما قرأنا من كلمات أساتذتنا أنهم مروا بتجارب مريرة تدفعهم إلى الحفاظ على كرامتهم أمام تلاميذهم .. وأنا متأكد أن الأمر عندما يتعلق بالكرامة لن أحول ملف وورد إلى بى دى اف ولكننى سأتحول إلى مقاتل شرس دفاعاً عن كرامتى .. لأننا نعرف كيف يكون الإنسان بلا كرامة ..
لن أقول وجهة نظرى كاملة فى هذا الموضوع ولكن لى سؤال :
بم تصف الإنسان الذى يعمل طول النهار فى محل هو يملكه وفى آخر النهار يحمل الأموال إلى أول شخص قابله فى الطريق ثم انصرف إلى بيته فارغاً ؟

والله مفيش كلام تانى يقال بعد كلام الاستاذ مصطفى والاستاذ حمادة

ربنا يبارك فيكم جميعا

عد مالرد يكون أفضل فى مثل هذه المواضيع وارجومن الادارة اغلاق مثل هذة الواضيع أوحذفها حتى لاتسبب مشاكل بين الأخوة الأعضاء وكل عام وانتم بخير بحلول شهر رمضان المبارك