ابشروا هناك جديد
 

ابشروا هناك جديد اليوم ولاول مرة من ييجي من كام سنه كده الادارة عندنا علقت كشوف باسماء من امضي عليهم 3 سنين بالاجر وطبعا كالعادة فيها ناس مكملتش حتي 3 شهور وناس ما اشتغلتش اساسا قبل كده وده العادي يعني انما المصيبة اني بسأل مدير الادارة دول ايه بالظبط وايه موقفهم قالي مش عارف المديرية طلبتهم واحنا بعتناهم وعلقناهم علشان يعني الشفافية المتعودين عليها دايما اضافة الي انهم 3 سنين متواصل ونصهم دبلومات ومعاهد بعيدة كل البعد عن التعليم وده مخالف للقرار 75 طبعا اللي بيقول مؤهلات عليا المهم انه فيه جديد وبعدها هيعملوا كشوف 3 سنين بالاجر منفصلة يعني متفاوتين في التزامهم وبعدها يحيينا وييحييكم ربنا الاقل من 3 سنين ومووووووووت يا استاذ علي ما ييجي التعيين ودمتم وانا بسأله طيب ايه اللي هيحصل معاهم قالي ان مش عارف حاجة هيثبتوا ولا هيتعاقدوا معاهم زي ما تيجي تيجي .....

السلام عليكم
نشر فى صفحه ادارة قنا التعلميه على الفس بوك انه جارى عمل الامر التنفيذى
للمعلمين المساعدين الى ظهرت نتجتهم فى شهر 6وذلك لتعينهم و ذلك خلال ايام
والاسماء وصلت المحافظه
وان شاءالله خير

ما تقصدى استاذة حنين
يجماعه المديرية لم يوجد بها شىء الى الان بخصوص الناجحين 1/4
عايزة استفسر عن شىء اخر مرتب شهر خمسة لم نقبضة الى الان

انا فى مدرسة من مدارس قنا
والى الان لم نقبض على الرغم اننا قبضنا المكافأة من اكثر من 6 ايام
لما سئبنا المحررين فى المدرسة قالوا مفيش ميزانية لكم دلوقتى
هل الكل كده ولا معانا فقط
يجماعه المسألة مش مسألة فلوس المشكلة اننا مش فى الحسبان اصلا
الله المستعان

اكتب فى البحث فى القس بوك
ادارة قنا التعليمية
والاسماء فى المحافظه
وهى صفحه ينشر فيها نشرات واخبار الادارة
اما بالنسبه لمرتب شهر 5 احنا بنصرف المرتب كل شهر
ولا يوجد تاخير

شكرا وبارك الله فيك اختى

بارك الله فيكم جميعا

استاذة حنين انا فاهمه حضرتك ما تقصدى ولكن الكلام ده لا اصل له من الصحه
مفيش اى جديد خالص
تقبلى احترامى

لو فى حد من حضراتكم من ادارة قنا نفسها يجماعه سئلنا على مرتب شهر خمسه قالوا
مفيش دلوقتى لنقص الميزانية ونحن لا نصدق هذا الكلام اطلاقا
فهل هناك احد من ادارة قنا نفسها
لان سالت احد زملائى بمدارس اخرى وايضا لن يصرفوا

بالنسبة لمديرية قنا يا جماعة والله ما في حد يعرف حاجة ولا فيه اي تحرك من اي نوع الا عاملين زي واحد ماسك ورق كوتشينة وعمال يفنط فيهم والورق هو هو مش بيتغير ولا فيه جديد اكتر من واحد بيقولي في المديرية مفيش جديد حتي القرار 75 بيحاولوا يشوفوله صرفة علشان يشغلوه لصالحهم الكلام ده من واحد شغال في شئون العاملين بالمديرية ومصدر ثقة اكيدة انا مش بحطمكم انما هي دي حقيقة الملعوب اللي بيتعمل فينا من مديرية اهل الكهف ده حتي اهل الكهف صحيوا وفاقوا انما مديريتنا مازالت في نعاسها او موتها ايهم اصح واقرب وصف لهم

بيقولوا في كلام جديد لصفوت النحاس انه هيثبت المعلمين المتعاقدين والعاملين بالحصة على معلم مساعد ياريت لو حد سأل في المديريات الكلام ده في شريط الرسائل على التلفزيون وبيقولوا انه وصل المديريات ياريت حد يسأل