يا ريت محدش يحط اجابات لأنها بتوصل للطلاب عن طريق الموبيل
والمفروض اساتذتنا يمنعوا الغش مش يساعدوا عليه
انا طالب في ٣ ثانوي وبصراحة بحس بظلم لما بشوف غش كده لإنكم كده بتساوا الصايع طول السنة بالمجتهد

حرام عليكم الاجابات بتغشش الطلبة و مجهود الشاطر بيروح

والله الاجابات موجودة للى عايز ينجح بس واكيد احنا مش بنحطها للمتفوق لان المتفوق مش محتاج ربنا يكرمهم جميعا
ومين قال انها بتروح عن طريق الموبايل ؟؟؟؟؟؟؟؟؟

المفروض الموقع ده يتقفل وقت الامتحانات كلها حتى لا يضيع مجهود المتفوقين

موبايل اية في ثانوية عامة انت بتهذر
دة انا مدرس في مدرسة وكنت براقب علي اولي اعدادي وبنطلع اي موبايل قبل الامتحان !!
ومينفعش حد يلفت يمين ولا شمال اصلا

الله ينور عليك

لايوجد موبايل داخل اللجان

حتى لو للي عايز ينجح بس برده حرام عليك ودي نقطة مش محتاجة جدال
ثانيا تفسر بايه لهفة الناس على الإجابات وهما اولياء امور او طلاب في غير السنة دي هل هما من الاجابات هيعرفوا صعوبه ولا سهولة الامتحان؟
لا طبعا كل الفكرة انهم بيبعتوها للطلاب على الموبيل علشان يغشوا

كلامك ده كله انكم بتحاولوا تبرروا لنفسكم الغش وان محدش معاه موبيلات
والله العظيم الناس بتدخل بموبيلات وبتغش وانا طالب في ٣ ثانوي وشايف والمدرسين بيسكتوا علشان خايفين من التسيب الأمني
وربنا ينتقم من كل واحد غش ومن الي غششه والي ساعدهم والمراقب الي سكت

والله العظيم بنتى فى تانية ثانوى فى بورسعيد ومافيش أى غش نهائى لا فى لجنتها ولا فى المدرسة كلها ولا فى بورسعيد كلها بصفة عامة وهذا قسم أحاسب عليه أمام الله

صباح الخير وانا اختى فى تانيه ثانوى فى الاسماعليه ومعندناش اى غش خالص

مفيش موبايلات في اللجان يا جماعة وكل الموبايلات بتطلع قبل ما الأمتحان يبدأ أصلاً

الوثيقه عباره عن خطاب
والمواقف اعتذار للتأخير ...تسأل عن حال صحه صديق لك ....تسأل جار لك عن رأيه فى المباره...تعبر عن استيائك عن حاله الجو