شكرا على النصيحة وانا فعلا راح احول ادبى

بصى أنا رأيى إنك تحولى أدبى و إن شاء اللة تجيبى مجموع عالى فى ثالثة و و يبقى مجموع السنتين عالى و إن شاء اللة تخشى ألسن..

نصيحة منى ليكي خشى ادبى لان السنة الجاية بتاعكوا حيبقى الامتجانات نار و اللى جابوا مجاميع عالية بس هم اللى حيدخلوا هندسة

متحوليش ادبى
خليكى علمى رياضه وشدى فيها
ممكن تجيبى بتاع 89 او 90%
انا عارف ان المجموع مايدخلكيش كليه فى علمى
بس انتى تخشى خاصه احسن لو تقدرى
صدقينى ادبى مافيهاش حاجه عدله وهتندمى بعدين
ومواد زى الفلسفه وعلم النفس بيحطوا درجات وهما نايمين وانتى حظك
العلمى احسن بكتير
ماتغلطيش غلطتى
وحاولى تستشيرى ناس اكبر منك من قرايبك احسن

انتي لازم تحددي هدفك لانك الوحيد اللي عارفه قدراتك وعشان مش ترجعي تندمي..
ممكن تحولي ادبي زي ما كونتي عايزه من الاول

كملى رياضة2 وشدى حيلك وربنا يوفقك

لو عايزه فعلا حاجه ادبي يبقى حولي فورا من غير تفكير ..

لانك لو كملتي رياضه وحبيتي تدخلي كليه ادبي هتلاقي التنسيق عالي ليكي بتاع 3% او 4% عن اللي كان ادبي ..

فليه تحطي نفسك في المجازفه دي ؟؟

وربنا يكرمك يا رب وتدخلي اللي انتي عايزاه : )

حرام عليك يا راجل ازاى ادبى مفهاش كلية عدلة ؟؟!!

اومال سياسة واقتصاد والسن واعلام دوول ايه ؟؟؟؟؟؟

حولى ادبى احسن لك

شكــــــــــــــــــرا ليكم كلكم على اهتمامكوا :)

بعد ما شفت نتيجة تنسيق السنة دى و شفت الفرق الكبير جدا بين تنسيق الكليات الأدبية فى العلمى و الأدبى يبقى أدبى أحسنلى بكتيـــــر .. على الأقل أنا لو شديت حيلى أووووى فى 3 ممكن أجيب ألسن أو اعلام لو كانت بنفس تنسيق السنة دى

وزى ما قالت LoveBarcelona أنا فعلا عايزة كليات أدبية يبقى ليه أجازف و أدخل علمى رياضة و التنسيق فيها بيكون عالى أوى كده !! .. شــكرا ليكم بجد :)

يا جماعة انا اعتقد ان التنسيق السنة الجاية هيقل حتى و لو بنسبة بسيطة و لكن اللى غش السنادى و جاب مجموع و مذكرش هيعرف ان الله حق لان الفيزياء و الرياضة 2 و الاحياء السنة الجاية هيحتاجه واحد فاهم كويس و مش حافظ و خلاص و ربنا معانا ان شاء الله