ايه مفيش اي واحد من اللي كتبوا ردود وهاجموني عرف الفرق بين التوكل والتواكل

اي خودعه;)

طبعا بشكر حضرتك علي تواضعك وانك اتحتلي الفرصه اني اجاوب

بس معلش انا هجاوب علي قد فهمي

التواكل يا سيدي بالبلدي ييعني انك تبقي قاعد ملكش اي لزمه ومستني الي انت عايزه يجيلك وانت بتدفي

اما التوكل فهو انك تعمل وتتوكل علي الله في نتيجة عملك

بس كدا:D

يا جماعة .. احمد قصده اننا لازم ناخد بالاسباب .. لان ربنا جعل لكل شيئ سبب .. يعني احنا لما نعد ندعي على اسرائيل ومن يواليها ........... فجأة كده هنلاقي الارض انشقت وبلعتهم .. طبعا مش بعيد على ربنا بس ربنا قال ( ان تنصروا الله ينصركم ويثبت اقدامكم ) ولو غلطت في الاية حد يصلحها .. طبعا حال المسلمين دلوقتي هو السبب في وصولهم لكده .. والرسول قال في حديث ما معناه .. ( يوشك ان تتداعي عليكم الامم كما تتداعى الأكلة الي قصعتها .. قيل أمن قلة نحن يومئذ .. قال فيما معناه .. بل انكم يومئذ كثير ولكنكم غثاء كغثاء السيل ) .. فغثاء السيل ده لو فضل يدعي في نفس واحد من غير مايعمل حاجة .. يبقى بيضيع وقته .. وفيه قصة مش فاكرها اوي بس باختصار كان صحابي شاف ناس متواكلة .. ولما استنكر عليهم قالوله نحسن الظن بالله .. قالهم كذبتم لو احسنتم الظن لاحسنتم العمل .. واللي في ايدينا دلوقتي فعلا المقاطعة والمعونات بس دي مش بتوصل !!!!!!!!!!

بس .. ومش عايز حد يزعقلي :D

كويس انك عارف وبترد علي نفسك

زي ما احنا قاعدين مش بنعمل حاجه غير ندعي ومستنين الفرج وان صاعقه تنزل من السماء وتدمرهم

هوه ده اللي انته بتعمله

اخيرا حد فهمني

بس علي فكره احنا لو عندنا الفرصه في اي حاجه كنا عملنا بس احنا هنا متكتفين

يبقي نعمل اضعف الايمان وندعي علي الاقل

ولا ايه يا حج بلال

لا وانت الصادق يبقي انا كدا الي بدن في مالطا لاننا كلنا قولنالك لو عندك اختراع او ابتكار نقدر نعمله قوله ونبقي ساعتها احنا عيال لو كان في ايدينا نعمله ومعملناهوش

سلام عليكم
على فكرة كلامك خطير جدا
خطر جدا انك تخلط بين الدعاء والتواكل

انا فاهم كلامك كويس
وعارف انك عاوزنا نشتغل ونعمل عشان يبقى حتى فيه امارة ننصر بيها
لكن
على فكرة الدعاء ده اعظم سلاح عند المسلم
تفتكر ايه اللى بفرقك عن اليهودى او النصرانى
الدعاء.....((وقال ربكم ادعونى استجب لكم)
وهو مش اضعف الايمان زى ما احمد رضا بيقول
ده اقوى الايمان
ثم على فكرة عمر الدعاء اللى بتدعيه ما هيخسرك ....انت الكسبان دايما
الدعاء يا اما يستجاب...يا اما يرفع بيه بلاء جاى لك
يا اما يدخر لك فى الاخرة
ثم ان معظم حروب المسلمين..النصر كان بالدعاء مش بسلاح ولا حاجة (قصدى بكترة السلاح مش السلاح ذات نفسه امال هيحاربوا ازاى....يعنى)
تتخيل بعقلك ازاى 20 الف مسلم يهزموا 200000 نصرانى فى موقعة ملاذكرد بقيادة الب ارسلان(احفظها الموقعة دى حلوة والله)
والله ولا الهوا ..ولا تكتيك ولا مخ ولا اى حاجة..(مع انه مطلوب)

فمينفعش نبطل الدعاء حتى ولو كان ده مش قصدك من الكلام
لكن ظاهره بيقول كده
او الناس فهمته كده
يعنى الافضل لو انك اتكلمت عن التوكل والتواكل..(والاتنين عكس بعض علشان اللى بيسأل)
لكن انت المشكلة انك خلطت الامر بالدعاء وهو موضوع تانى
لكن ما علينا
وياريت اننا ندعى ان ربنا يستجيب دعوتنا المتواضعة وسط الركام من البلاوى اللى بنعمله
افتكر الكلام ده انتم حافظينه اكتر منى يعنى!
كل سنة وانتم طيبين

انته فاهم موضوع غلط

انا بقول في موضوع بلاش نتواكل وياريت تعملوا حاجه مفيده
بس المشكله انكم مش هتعرفوا تعملوا حاجه ولو وقفتم علي شعركم
لان الامر مش بأيدي وا بأيدك
المفروض المقاطعه الصح تكون من التجار مش منك انته
والامر في الاخر بيرجع للحكومه ومش عايز اكلم في السياسه

انا معاك في كل حاجه ماعدا نقطة ان المسلمين كسبوا بالدعاء بس

المسلمين راحوا حاربوا مش وقفوا وقعدوا يدعوا بس
عملوا حاجه توكلوا علي الله مش تواكلوا

انا مقصدش الدعاء في حد ذاته قال رسول الله صلي الله عليه و سلم

" من راى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان "

صدق رسول الله صلي الله عليه و سلم
متفق عليه

يبقي انا مش بتكلم عن الدعاء لوحده بصفه خاصه
انا بتكلم علي ان الدعاء يندرج تحت الخيارات من انك تروح تجاهد .. انك تقدر تطلع علي شاشه التلفزيون و تتكلم فبيبقي بقلبك و ده اضعف الإيمان

ده اللي كنت اقصده :D

اخي تكلم في السياسه لاتخف هههههههههههه

بص ياحبي
لما انا وانت نبطل نشتري منتج معين
ونخلي كام واحد كده يبطل يشتريه
اكيد التجار مش هتشتريه
والمصانع بتاعه هتفلس ومش هتملعه
ومفيش اي شئ بأيد الحكومه لان الحكومه مش بتضربنا علي ادينا وتخلينا نشتري
وانا موجود ومستعد لاي نقاش مع حضرتك

كويس انك فهمتني

قولي بس يا ابو حميد

وانا هنهيلك الموضوع ده و اديك المفيد

انت عايز ايه من اننا مندعيش ؟ جاوبني و هقولك ع المفيد