|
اغلب الناس حاسين كده
بس اللى ربنا كاتبه هو اللى هيكون وامسحى من موضوعك حتة انك هتبدأى دروس بكرة ليه؟؟؟؟؟:o لان فيه ناس ومن ضمنهم انا(اعوذ بالله من كلمة انا) بدأت دروس من 1/8:angry2::angry2: فامسيحها لانك هتتحسدى جامد ومش منى طبعا هههه انا هنق عليكى بس:d اللهم لا حسد..آآمين:blush: |
اقتباس:
|
اقتباس:
لا ثانيه واحده هو ممكن يكون اسمه احمد عادل يوسف عطا الله وانا هقعد ابحث لحد ما اعرف اراره |
غريب انكم جايبين مجاميع حلوة اوي كده و محبطين
انا جايب قريب منك 99.5% و حاسس ان المجموع ده اداني دفعة قوية جدا للسنة الجاية و بالذات مواد تالته بتفرق بين الطلبة عكس تانية طبعا الفيزياء غير الكيميا خالص و رياضة 2 غير 1 الدنيا مختلفة صلوا علي النبي و شجعوا نفسكم و خليكم متفائلين |
انا جايب فى تانية 96.8% ..
كنت علمى علوم بس حولت لعلمى رياضة ... وربنا يستر |
ده تشاااؤم و يأس مع شوية حزن و ضيق
تعرفي ان هي دي خلطة الفشل لكل مجتهد نصيب أنا جايبة 98,3% و نفسي أدخل طب بشري تفتكري أنا دلوقتي أعمل ايه! أكمّل و أذاكر الفيزيا و الأحياء و لا أروح أنتحر !! و لا استعوض ربنا في حلم الطفولة و أحوّل علمي رياضة أو أخدها من قاصرها و أحوّل أدبي أحسن؟! طب ليه ده كله!! .. ما أنا ممكن أذاكر و أتعب السنادي على قد ما أقدر و أكيد هاحصد ثمار تعبي في آخر السنة و ربنا مش هيضيّع مجهودي هدر يمكن تكون المجاميع فعلاً عالية السنادي لدرجة تخلي 98 بقت زي 80 بس هل ده معناه اني استسلم و أرضى بالأمر الواقع و ما اتعبش بقى نفسي في تالتة على اساس يعني ان الناس بيقولوا ان احنا كدة كدة سواء ذاكرنا و لا لأ هانتنفخ أنا عايزة اقوللك ان مفيش حد بيسلم من كلام الناس و الامتحانات لما بتيجي صعبة في ناس بردو بتقفّل فيها علشان تعبوا بجد و ذاكروا و في ناس مش بتعديها علشان مابذلوش جهد و رغم ان امتحانات تانية جات سهلة بردو في ناس جابت 80% و اقل كمان في النهاية احنا لازم نعمل اللي علينا .. نذاكر .. و نسيب الباقي على ربنا لأن مفيش حد يعرف هو هيكون ايه في المستقبل ولا يعرف هايجيب كام في الثانوية العامة ربنا يوفقك و يوفقنا كلنا :) |
ابنائي وبناتى انا فرأت كل الموضوع بتعليقاتكم الجميلة اللي بعضها جاد جدا وبعضها الاخر يتسم بروح فلسفية عالية لا تخلو من مرح لكن ارجو ان ننسى جميعا نسيانا تاما ما حققناه فى العام الماضى وتبدأ عاما جديدا بنفس الروح التى بدأنا بها عامنا الماضى والتركيز على أن الله لا يضيع أجر من أحسن عملا ذهن صافى خالى من كل ما يعيقه عن التركيز فيما يقرؤه واضعين أمامنا هدف سامى ان أيامكم القادمة لن تكون بنغس قتامة الايام السابقة فبلدكم مصر ردت اليكم بكل خيرها وسوف تستمتعون جميعا بثمارها بعد ان غلت ايدى الزبانية وكونوا على ثقة من أن مستقبلكم أحسن كثيرا مما مضى ارجوا الا اكون قد أطلت عليكم .
|
اقتباس:
|
مافيش داعي للتشاؤم وبلاش تفكروا في حاجة زي دلوقتي اعملوا اللي عليكوا وتوكلوا علي الله وهو قادر يكرم كل واحد فيكم
|
جزاكم الله كل خير كل اللى رد عليا احنا فعلا الواحد يحاول يشد حيلة ويعمل اللى علية وربنا مش هيصيع تعب حد واتعلمت منعملش حساب بعد كدة لكلام الناس انا بادعيلكم بالتوفيق ربنا يوفقنى ويوفقنا كلنا ويارب اسمع عنكم على طول كلام كويس
|
كتير زيك والله حاسس كده وانا بالذات حاسس انى تعبى ضاع وسط كل الناس اللى مش تعبت واعتمدت على الغش فى وسط الهيصة اللى كانت فى البلد طبعا ده بعيد عن الناس اللى جابت درجات كويسة من جهدها وتعبها طول السنة
انا جايب 99 بس لما سمعتها فرحت اوى اوى بس لما شوفت النتايج التانية حسيت انى تعبى راح خالص وان الكل اتساوى بيا زمان كان اللى يجيب 98 كان بيعتبروه الاول على الجمهورية دلوقتى حاسس ان الكل عايز يدخل طب مش هقولك غير طب عشان لقيت الناس اللى غشت دى وناس غيرها جابت مجموع اعلى من مستواها اه هى فعلا تعبت بس جابت مجموع مش متوقعاه حولت لعلمى علوم ( مع انها عمرها ما فكرت فى قسم علمى علوم انا حاسس البلد كلها حولت علمى علوم ) بس عشان تدخل كلية الجميع كلية الطب الكلية المعهودة لكل طلبة 2012 انا مجموعى جايبه اكتر من 2000 طالب بجد حاجة تخنق تحس بالمجموع ده ان الواحد هيدخل كلية تربية رياضية ........ دى عمرها ما حصلت ان اكتر من 10 يجيبوا 100 % فى المرحلة الاولى ليه يعنى ؟؟؟؟ يلا نصيب ...... بس اللى مصبرنى ان لكل مجتهد نصيب وكل واحد هياخد اللى ربنا كاتبه ليه اكيد ان شاء الله هتفرق فى تالته فى حكاية المجاميع بس مش بنسى ان الشخص اللى مذكرش وجاب مجموع عالى بالغش او هنقول بالحظ ده يديله دفعه قوية انه يجتهد فى تالته اما اللى جاب مجموع عالى بعد تعب كبير (صعب انى افكر فى الايام دى اللى كنت اذاكر فيها لانها كانت اصعب ايام )وفى الاخر يجيب مجموع ويحس انه ضاع وسط الزحمه ويبدأ يحبط وييأس بعد المشوار الكبير اللى قطعه انا بشبهها بالواحد اللى كان فى مزمار سباق وقطع نص الطريق وفيه ناس جات من نص الطريق بدأت معاه من النص وحصلته وهو تعب من المجهود اللى عمله والناس اللى معاه حصلوا ومشيوا قدامه وسبقوه لانهم مش تعبوا زيه يلا مش مهم كل واحد هياخد نصيبه وهياخد اللى ربنا مقدره ليه بس المهم ان احنا ناخد بالاسباب اللى ربنا خلق الدنيا بيها ..... مش تيأسى ان شاء الله ابدا وابعدى عن كل اصحابك اللى بيحبطوكى خالص او انهريهم ومش تسمعى ليهم ومعلش لازم تتعبى تانى عشان توصلى لهدفك واكيد ربنا عارفك وحاسس بيكى وحطى فى دماغك ان لكل واحد نصيبه يعنى انت لو مقدرلك ربنا كلية طب مش هتدخلى غيرها ابدا حتى لو جبتى 80 وحطى فى دماغك كمان ان محدش يعرف الظروف اللى جايه واخر نصيحة اقولهالك انك تقفلى الموضوع ده بجد او مش تطلعى عليه تانى عشان ممكن ناس كتير تدخل تعملك احباط وربنا يوفقنا ويوفقك يا رب يكرمنا ويكرمك ويوجهنا للى فيه الخير لدينا وبلدنا |
اقتباس:
|
اقتباس:
|
ايوة طبعا فاكراك هو حد ينسى الايام دى
اقتباس:
انا فرحت جدا لما انت قريت الموضوع بتاعى ورديت علية وفى نفس الوقت زعلت علشان انت بعد اما النتيجة طلعت ماقولتلناش انت عملت اية وياترى جبت كام فى الالمانى وانت علمى ولا ادبى ومجموعك كام انت شكلك نسيتنا خالص ياريت تبعت تطمنا وسلاااااااااااااااام |
اقتباس:
ما تقوليش كدا هو أنا أقدر أنساكوا أنا الحمد لله جبت 97.5 :( يالى بقا عاوزين نشتغل فى الأحياء وربنا يديم عليكى التفوق |
| جميع الأوقات بتوقيت GMT +2. الساعة الآن 08:01 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.